غموض الشُجاع

الغموض_4_

:- ترة انتِ اصغر وهيج متحمله وقويه

رديت مقاطع كلامهم :- القوة مو تكون الا انسان چبير ، القوة عند كل الناس واكو املهم بربهم قوي وواثقين راح ينطيهم بعد ما اخذ منهم .

:- شكد حلو كلامكم

ابتسمو ثنينهم بــ نص دموعهم ونَبعه تمددت بحضن البنيه الثانيه ومخليه طرف الغترة ؏ خشمها ومغمضه عفتهم ورديت اباوع لـ طريقي ومحتار بــ ذني خايف يجيسهم شي وما أگدر أوصل الأمانه لأهلها ... شويه ووصلنا گلت واباوعلهن :- يلا يبنيات وصلنه انزلن

نزلنا چان الفرع سنطه مابي صوت نفس واكو كهرباء فتحت باب البيت ألي گالي علي النَهشل دخلنه بي جان مدري شلونه مهجور النباتات ؏ الحايط متسلقه و ميبسه دخلنا لجوه شغلت الأضويه گلت الهن :- غرف جوه اي وحده تريدون أنَـه ابقه بــ الصاله.

دخلو البنات لـ غرفه وأنَـه طلعت قفلت الأبواب گلت الهن :- شويه وأجي مـا أطول.

هزو راسهم طلعت بسرعه ؏ النَهشل وصلت أله گاعد ويباوع بــ الگاع گلت :- نَهشل

:- أريد هذا الي أسمه أبو عزرائيل مــن تحت الأرض .

- موجود بــ سوق السبايا وعنده بيت بــ منطقة الـ***

رفع راسه يباوعلي قلص عيونه وگال :- شغلك بــ المضبوط أريد أسحلو

- نَهشل هذا خطير خايف توگع بيها أنــتَ

دار ظهره عليه گال :- " الذيب مـا يوگع بــ مَصيدة الراعي "

ربتت ؏ كتفه وگلت :- أنَـه وياك گولي شنو المطلوب وأسويلك أياه

التفت باوعلي شغل جگاره سحب نَفس منها ونفخه گال :- باجر ناخذه مــن جُحره.

- تدلل عبرلي الوقت والمكان ألي تريده بي وأنَـه أسحل هذا العار أبن العار

ابتسمت تك خد :- اني أخذو مو أنــتَ ، عوفها عليه ، أنــتَ الي عليك تجهزلي أدوات شغلاتنا مال قبل

ضحكت ؏ كلامه گلت :- تدلل يابه چنك ؏ أدوات قبل أجيبلك أياهن مــن جوه الگاع

:- ماتقصر وهسه أرجع واني قريب هنا إذا أحتاجيت شي .

- ماشي أودعناكم

گلتها وطلعت أفكر بــ كلامه صدك هذاك العار ينراد واحد يأدبه ويعلمه شلون يغتصب ويسوي هيج بــ المراهقين طلعت صاحني :- تعال يول أخذ هذا الأكل وياك هسه أكيد جوعانين