" بِسمِ الله ألرحمٰن ألرَحيم ''
#غموض_الشُجاع
بِــ قلم :- فطم الطائي.
ورداتي التصويت ☆ والتعليق بين الفقرات لتنسونه✔︎ + متابعه لـ حسابي الجميل ♡︎.
_________
•
وزنجر ڪُـل بَياض الــروح بَــس لـون الـوَجع يـبرج.
________
... صارت السياره بـينهَ وبينهم عيوني عليها وشفايفي ترجف أنتضر موت أخوي لو موت أصدقائي ؟ شسوي شبيدي أنَـه حتى اسوي بــ هاي اللحضه ...
غمضت وفتحت عيوني أرمش بــ ثگل :- ياربي أستُرنا ...
مشت ربع ساعه وماكو اي صوت بَــس طلقات والطياره فوكاتنه الدقيقه تمُر عبالك ساعه ...
شويه وصار أنفجار قوي أنهاريت مع الصوت مـا اعرف على شنو أنقهر على صاحبي وأخويه لو على العسكريين الي بالنقطه گدامنا ..صارو يهتفون ووياهم هذا الأمير بــ :- " تكبير ... الله أكبر "
الله يضربكم ، الله ياخذكم اباوعلهم متونسين ويضحكون غمضت عيوني بعد مـا أگدر أعين نفسي حسيت أيد سندتني فتحت عيوني عَـــواد حالته مـا أحسن مني هز راسه وأخذني وياه ...
گعدني على رصيف الشارع وطلع بطل مي قدملي اياه شربت شويه ورجعته گال :- قوي نفسك أن شاء الله ماكو شي وجِهاد مـا مــن المعقول يفجره بيهم.
- هما گالو اذا أنــتَ ماتفجره نحــنَ نفجره
:- ميخالف قوي روحك مــن أبويه گال تدخلون هيج مُهِمه لازم تتحملون كُــل شي يصير حتى واحد منكم يموت گدام عينكم لازم ماتكشفون وتكملون بــ المُهمه.
بلعت ريگ ساكت وراسي يوجعني ..
مَر ؏ الحادث هواي لا اكلي اكل ولا شربي حتى بــ نومي أفز كُــل دقيقه والخ ، بقيت هالفتره أصلي وأدعيله أو إذا أختم أهدي أله نفسيتي كلش تعبت حتى بــ شغلي ما هلگد أركز ...
بــ يوم طلعت مــن المحكمه ساعه ورجعت اباوع عَـــواد ماكو استغفرت وبقيت أدورله مـا چان موجود سألت علي :- ألي چان وياي ؏ الحِراسه وينه؟
ضحك وگال :- هههه أخذو طلع عميل سري
فتحت عيوني علي بلعت ريگ اكيد راح يذبحونه مُستحيل يعوفونه عايش ، سكتت بقيت شويه وطلعت ؏ بيت لُبَيــد وصلت اللهث دگيت الباب هجمته وأصيح يطلعلي .. فتحه صفن بيه أريد أنطق مـا أگدر گال :- شكو شصاير وينه صويحبك؟
- ءء أخـ اخذو خويه اخذو الحگ .
لُبَيــد :- ولك شجاي تحجي شنو اخذو تعال اگعد وفهمني..
أنت تقرأ
غموض الشُجاع
Mystery / Thrillerكل شخص في هذا الكون يٌخبِئ شَخصيتَـهُ الضَعيفة ، المُتألِمة.! و يظهر شخصيتَـهُ القوية.! شًخصيتَـهُ التي تُرعب الآخرين .. طَبع الشيطان .. ليس قابل للإصلاح او المُساعده .. سَـ يُكمِل مَسيرتُهُ في الظلام لا يأمل في قدوم النور ! لقد أعتاد جسدُهُ و روح...
