انتقام الوحش

البارت ال٢١

متنساش تصلي على النبي قبل م نبدأ البارت ☺️☺️💘💘

عند صقر :-

صقر و هو يدخل من باب المنزل : السلام عليكم
صفاء و هي جالسة امام التلفاز : و عليكم السلام ورحمه الله وبركاته يا حبيبي
صقر و هو يذهب اليها و يبوسها من راسها و ايدها و يجلس بجانبها : عاملة ايه صفصف
صفاء : الحمدلله يا حبيبي المهم انت عامل ايه
صقر بتنهيدة : تمام
صفاء باستغراب و قلق : مالك يا حبيبي فيك ايه
صقر : مفيش كل الحكاية بس اني هسافر فترة ممكن تطول شوية و مش عارف اسيبكم مع مين ولا هبقا متطمن عليكم ازاي و انا مش موجود
صفاء بابتسامة و طمأنينة و تربت على كتفه : يا حبيب قلبي متقلقش علينا احنا هنبقا كويسين هيحصلنا ايه بس يعني المهم انت بس تروح و ترجعلنا بالسلامة يا حبيبي و تخلي بالك على نفسك كويس
صقر و هو يمسك بيدها و يقبلها : ربنا يديمك لينا يا حبيبتي من غيرك البيت دة ملهوش معنى
قمر من خلفهم تقول بطريقة تمثيلية مضحكة : خيااانة مش قادرة اصدق مين صقر و صفاء و فين على كنبة بيتنا لاء لاء لاء لاء مش قادرة اصدق
صقر و هو ينهض و يشيل قمر زي الانانيب على ضهره : يا ام لسانين مش ناوية بقا تبطلي لماضة
قمر بضحك : لاء مش ناوية يا ابو الصقور
رعد بجدية مصطنعة : يابنتي احترمي اخوكي الكبير شوية
صقر : حبيبي اللي ليا ... شايفة اتعلمي بقا من اخوكي شوية انا اعرف انت طالعة كدة ل مين .... قولها يا حبيبي قولها و علمها تقولي ايه
رعد : طبعا يا حبيبي طبعا .... يا هبلة قوليلي ياد يا صقر
صقر بصدمة و هو بيبصله : ياد يا صقر و آل انا اللي عمالة اشكر فيك ... طب تعالى هنا بقا
و رعد طلع يجري و صقر وراه و كل دة و هو شايل قمر لحاد م قفش رعد و شاله هو كمان و وقعوا على السرير و صوت ضحكهم مالي البيت
صفاء في المطبخ واقفة تعمل الاكل و سامعة صوت ضحكهم و مبتسمة ابتسامة حزينة ف فتحت صورة والدتهم و تحدثت بحزن و دموعها بدأت بالهطول : شايفة فرحانين ازاي الحمدلله ربنا عوضني بيهم بس كانوا محتاجينك اوي جمبهم و انا كمان و الله كنت محتاجاكي جمبي اوي يا حبيبة قلبي الف رحمة و نور تنزل عليكي يا حبيبتي
انتبهت للطعام الذي طاب (استوى يعني يا جماعة) و مسحت دموعها جيدا و انتهت من تحضير الطعام في الاطباق و ذهبت للغرفة التي يجلس بها صقر و رعد و قمر ف كان صقر جالس على السرير ساند ضهره و كل من رعد و قمر يجلسون على ارجله يتكلمون و يضحكون
صفاء و هي واقفة عند الباب : الله الله بقا قاعدين هنا ترغوا و تضحكوا و سايبني واقفة احضر الاكل لوحدي يلا ياض انت منك ليها قوموا طلعوا الاكل حطوه على السفرة ... ف نهض كل من رعد و قمر
صقر بسخرية و شماتة و غرور مصطنع (عارفين انتوا لما الاخوات يشمتوا في بعض بيتكلموا ازاي صقر بقا كان بيتكلم كدة) : يلا عايز الاكل يتحط عدل على السفرة
صفاء و هي تمسك شبشبها : هتقوم معاهم بكرامتك ولا تقوم معاهم برضه بس من غير كرامتك
صقر بصدمة : ليه بس كدة يا صفصف دة انا حبيبك
صفاء : كلكوا حبايبي بس كلكم برضه هتقوموا
قمر و رعد بشماتة : احسن تستاهل علشان تعرف تتنك علينا تاني .... ذهب صقر و رعد و قمر الى المطبخ ليساعدوا والدتهم في حمل الاطباق و وضعها على السفرة و قاموا بتناول الطعام في جو أسري سعيد و دافئ ..... ف بالرغم من صغر العائلة الا انهم يجدوا بها الحب و الحنان و الاهتمام و كثير من الناس يفتقدون الى هذا الجو الاسري