انتقام الوحش

البارت العاشر

طبعا بعتذر جداااا عن التأخير بس و الله العظيم مكنتش عارفة انزل و كدة و اسفة جدا برضه لاني اتاخرت بس انا كتبت البارت دة لاني مش هعرف انزل ل فترة و دي بسبب الظروف اللي عندي و الله مش ب ايدي خالص بس هحاول لكن موعدكوش🙂🙂😂😂😂😂😚😚💜💜💜💜

مهم ✋🔥

بصوا يا جماعة انا عايزة اتكلم في كذا نقطة مهمة بجد :-

1- انا شايفة ان الرواية حلوة اوي و دة مش من كلامي ولا من عدد الفوت او التصويتات لاء انا كل شوية الحمدلله يجيلي اشعار ب ان حد اضاف الرواية ل قائمة القراءة بتاعته بس في نفس الوقت مش كانت بتعمل نجمة او تتابعني و دة شيء بصراحة مزعلني 😥😕💔

2- في ناس متابعاني يعني انا الحمدلله وصلت ل 15فولو ممكن فيه ناس تقول ايه الهبل دة هي فرحانة علشان 15فولو هقولكم اه و جدا كمان لاني لسة في البداية و دي اول رواية ليا و لسة بنزل فيها البارت العاشر يادوب ف دي حاجة جميلة جدا

3- البارت بيوصل لاكتر من 100واحد قراءة و مع ذلك مش بيكمل حتى ل 15 تصويت او فوت او النجمة و دي برضه بصراحة حاجة تضايق جدا و مش مشجعاني اني انزل بس فيه ناس فعلا بتعمل على كل بارت و بتكتب في الكومنتس كمان فبقول ان دول ملهمش ذنب ف بنزل علشانهم و الله و طبعا مش قصدي اساءة في حد و كلكم على راسي من فوق💜

4- و دي اهم حاجة بقا من اي حاجة تانية متنسوش الفوت 🙂😂😂✋ (عليكوا واحد😂😂✋)

و يلا اسيبكم بقا مع البارت 😚😚💘💗
    🌟🌟🌟🌟🌟🌟🌟🌟🌟🌟🌟🌟🌟
عند الفريق (الياس ادم عمر صقر ملاك جنة) :-

ادم : طب معلش بس لكن عايز اسال سؤال
الياس و هو بيجز على اسنانه : اسال بس لو طلع سؤال تافه ساعتها بس متلومش غير نفسك
ادم و هو بيبلع ريقه : لاء متقلقش ان شاء الله ميبقاش تافه ثم اكمل بجدية : لاء بس بجد هو احنا هنعمل ايه عقبال م ملاك تفك دراعها
الياس لسة هيرد ملاك اتدخلت و اتكلمت ببرود : اولا مش علشان سمحت ان حد يناديني ب ملاك يبقا خلاص كدة تنادوني بالاسم دة علطول اسمي أسد و مسمعش حد بيقولي ملاك دة تاتي ثانيا بقا انا اكيد مش هعيق تدريبات او خطط او اي حاجة دي مجرد رصاصة يعني في الدراع و خلاص مش قنبلة يعني و زي م قلت قبل كدة كذا مرة انا كلها اسبوع ولا اسبوعين بالكتير و هفك دراعي
عمر : بلاش عند و بعدين انت بتتكلمي على الرصاصة كانها مطوة ولا سكينة دي رصاصة انت مستوعبة
صقر : انا مع عمر ..متقول حاجة يا سامر
سامر : و الله انا لو عارف ان كلامي هيجيب نتيجة معاها انا مكنتش قصرت دة اولا ثانيا بقا اسد اللي في دماغها محدش بيقدر يغيره الا بمزاجها و بس و طالما قالت هتعمل حاجة يبقا هتعملها ف انا رأيي انكم توفروا كلام معاها
جنة بتدخل : على حسب م انا اعرف اسد من خلال السوشيال ميديا و كدة و كنت بتابعها من زمان ف كلام سامر كله صح بنسبة 100% و كدة بصراحة انا رأيي من رأي سامر
ملاك : الحمدلله معاكم اتنين اهو فاهمين كويس لو عايزين تسألوا عن حاجة بقا ابقا اسألوهم ..قالت الكلام دة و هي بتقوم تقف
ادم : ايه دة انت ماشية
ملاك : اه عايز اجبلك حاجة و انا جاية
ادم : لاء مش حكاية كدة بس كنت عايز اعرف بس انت هتروحي فين
ملاك : اولا مش بحب حد يسألني رايحة فين او بعمل ايه عايز مني حاجة او بينا ميعاد هنتفق و الدنيا تمام ثانيا بقا متتعبش نفسك بعد كدة و تستفسر لاني كدة كدة مش هرد اه و على فكرة الكلام دة مش ل ادم بس .. يلا باي
الياس : طب استني بس
ملاك بامتغاض : ايه تاني
الياس : متبقيش تنسي تجيبي لبس ليكي
ملاك باستغراب : ليه
الياس : علشان لما تباتي ثم اكمل بضحك و هو بيهمسلها : اصل اكيد مش هتفضلي كل يوم تلبسي من لبسي كدة اللي بتبقي عاملة فيه زي الشوال
ملاك و نجحت انها تخفي ضحكتها ببراعة و اتكلمت ببرود : و مين قالك اصلا اني هبات معاكم فارس بس هو اللي هيقعد معاكم و انا هخلص اللي هعمله و هاجي اسلم عليه و امشي على طول ... و سابتهم و مشيت من غير ولا كلمة زيادة و الكل بص ل سامر على اساس انه يعرف هي راحت فين :-
سامر بتوتر : احلفلكم ب ايه علشان تصدقوني اني معرفش هي رايحة فين اصلا ولا هتعمل ايه
جنة بغموض : انا اعرف اسد كويس اوي بس اللي اكتشفته ان مهما كان مين اللي قريب منها عمره م عرف هي بتفكر في ايه و خصوصا انا اول مرة اشوف اسد بيتعاون مع حد و الحوار دة وراه سر كبير اوي 
الكل انتبهلها :-
الياس بتوجس : قصدك ايه
جنة : قصدي اقول ان فيه سبب قوي جدا كمان يخلي ملاك توافق انها تتعاون مع حد
ادم بغضب : ايه تتعاون مع حد دي انت ناسية ان احنا فريق رباعي الانفجار يعني مش اي حد و خلاص
صقر مؤيد ل كلام ادم : صح ادم عنده حق و برضه مننساش انك العقرب قوتك برضه محدش يقدر يستهون بيها و كلنا عارفين مين العقرب
الياس بغموض : لاء انا فهمت قصدها ايه و بعد م فكرت في الحوار كدة شوية لقيت فعلا كلامها صح الحوار دة فيه حاجة غريبة
عمر : طب ايه هي الحاجة دي
الياس : م دة اللي احنا مش عارفينه و عايزين نعرف السبب
سامر : بصوا هقولكم على حاجة اسد مش سهل  و لو بنسبة 1% و لو انتوا وصلتوا ل حاجة اوعوا تفتكروا انها ذكاء منكم لاء بالعكس هي بتعرفكم الحاجات اللي عايزة تعرفهالكم و بس حتى المعلومات اللي على النت دي في منها معلومات غلط و تحليلكم دة صح بس انا مقدرش اقولكم السبب الحقيقي ثم اكمل بحزن : انا اكتر يعرف اسد كويس بس برضه معرفش بيفكر في ايه اما بقا بالنسبة ل ملاك ف الشخصية دي اختفت من زمان و محدش يعرف عنها حاجة
صقر : نعاام قصدك ايه
سامر : قصدي ان اللي قدامكم دي اسد اسد و بس اما بالنسبة ل ملاك ف هي ميتة من زمان اوي
الياس : يعني ايه ميتة م توضح كلامك
سامر بنفاذ صبر : بلاش غباء اللي قصدي اقوله ان ملاك بقت اسد من ساعة اللي حصلها و مبقتش ملاك اللي كنا نعرفها يعني لما تيجي تتعامل معاها تعامل معاها كانها الاسد مش ملاك فهمتوا حاجة
ادم بغباء : لاء
سامر بلامبالاة : احسن برضه و مش لازم تفهموا على العموم هتعرفوا كل حاجة في وقتها ...... و فجاة سمعوا صوت فون بيرن :-
جنة بعد م ردت على الفون : الو يا ماما ........ لاء يا حبيبتي اتعشيت مع اصحابي ............. على العموم متقلقيش انا خلاص خلصت شغل ............. اه و الله خلصت اهو و جاية ........ لاء و الاه مش هتاخر .......... اومال هاجي مع مين يعني يا ماما لما م اجيش لوحدي .......... حاضر يا ماما حاضر اللي انت عايزاه........... باي باي... و قفلت
ادم بمداعبة : مينفعش بقا على فكرة تكسري كلمة طنط يلا انا هروحك
جنة : لاء شكرا انا عارفة الطريق كويس
ادم بضحك : خلاص عرفهولي بقا انا كمان و بعدين انت بتقولي طنط كانت بتقولك تعالي علشان العشا صح
جنة : اه ليه
ادم : يعني لو كدة اكل معاهم و اهي تبقا عيش و ملح بينا
جنة بعفوية : يخربيت سنينك انت فيك حيل تاكل تاني ليه انت بتودي الاكل دة كله فين يا بابا
ادم بزعل طفولي : انت هتعدي عليا اللقمة اليتيمة اللي باكلها
جنة بصدمة : لقمة يتيمة يابني دة انت ناقص تاكلنا ..... كل دة طبعا و الفريق واقع من الضحك على ادم و طريقته و كلام جنة العفوي و التلقائي
ادم و هو بيشدها من ايدها : ليه شايفاني زومبي يلا بينا احنا بس علشان نلحق العشا ثم وجه كلامه للفريق : يلا هنطير احنا بقا يا شباب باي بااي
الياس بضحك : براحة و انت بتطير يا هدهد الجناين ....
سامر و هو بيبصلهم : طب ايه مش فاضل غيرنا نعمل ايه
صقر : انا بقول نروح احسن و ننام علشان احنا داخلين على ايام نهارها بمبي
سامر بضحك : ادعي بس ان اللواء ميختارش اسد هو القائد علشان ساعتها نهارنا هيجيب الوان قوس قزح كلها
الياس : طب يلا احنا يا شباب بقا نروح ولا هنقضي طول الليل نتكلم
صقر : لاء يلا ...... سامر و الياس سبقوا و صقر لسة هيروح وراهم شاف عمر لسة قاعد و مش عايز يقوم صقر قعد تاني معاه و قاله : ايه رايك تيجي تقعد معايا كام يوم كدة و تفكك من الولية الحيزبونة اللي في البيت دي
عمر بحزن لكن بيحاول يخفيه : لاء مينفعش
صقر : ليه بس مينفعش
عمر : علشان كدة هسيب حازم لوحده كتير و هي هتضمن اني مش هروح ف اخاف عليه لحسن تعمل فيه حاجة تاني و ترجع زي الاول و هو يعيني يرجع يتعقد تاني انا م صدقت انه بدا يتكلم كدة تاني
صقر : طب انا عندي فكرة م تجيبه يقعد معانا و اهو هيتسلى مع قمر و رعد
عمر : و الله و بذكاءك الخارق دة اقولها ايه
صقر بتفكير : اممممممممم لقيتها قولها مثلا هاخده و اسفره شوية او قولها الحقيقة انك هتيجي تقعد معايا شوية و هتيجيب زوما يلعب مع اخواتي و اكننا مثلا مسكنا فيكم و تقعدوا و اللي هيساعدنا كدة كمان انها بتخاف منك ف مش هتقدر تتكلم
عمر بتفكير : صح معاك حق فعلا
صقر بتكبر مصطنع : عيب عليك يابني انا دايما كلامي صح اصلا
الياس من وراهم : طب ايه اجبلكم اتنين لمون و شجرة
عمر : لاء يا ظريف احنا قايمين اهو .... و مشوا كلهم من المكان ملاك مشت اول واحدة لوحدها و بعد كدة جنة و ادم في عربية ادم و سامر و الياس في عربية الياس و في طريقهم للقصر و صقر و عمر في عربية صقر و في طريقهم ل بيت عمر يجيبوا حازم و بعد كدة هيطلعوا على بيت صقر زي م اتفقوا
      🙃🙃🙃🙃🙃🙃🙃🙃🙃🙃🙃🙃
عند ادم و جنة الصمت هو كان سيد المكان :-