انتقام الوحش

البارت السابع

متنسوش الفوت قبل م تبدا علشان متنساش بقا ها؟!؛🙃🙃

تاني يوم الصبح :-

في اوضة رجولية اوي في القصر باللون الابيض و الاسود و فيها بعض الالوان التانية تدخل سعاد لتيقظ الياس من النوم سعاد و هي بتفتح الستارة بتاعت الاوضة :-
سعاد : يلا يا الياس يلا يا حبيبي قوم علشان تفطر
الياس بنعاس : حاضر يا ماما قمت اهو (ملحوظة : و هو اصلا نومه خفيف بسبب طبيعة شغله لازم يبقا حاضر و جاهز في اي وقت)
و سابته و راحت لاوضة اياد اخوه :-
سعاد : يلا يا اياد قوم اياد اياد اياد ..اياااااد
اياد قام مفزوع : ايه في ايه مين مات
سعاد بضحك : اصحى يا اخويا مفيش حد مات البيت بيولع بس
اياد : يا ماما قلتلك مية مرة متصحنيش بالخضة دي
سعاد : طب يلا طيب علشان الفطار قرب يتشال
اياد بخضة : ايه ازاي طبعا مينفعش و دخل غسل وشه و نزل جري على تحت
سعاد دخلت ل فارس علشان تصحيه هو كمان :-
سعاد بحنية و هي بتقعد جمبه على السرير : فارس فارس حبيبي يلا اصحى
ملاك و هي معدية من قدام الاوضة شافت سعاد كدة وقفت على الباب و هي بتضحك و بتقول : ايه دة يا طنط دة كدة مش هيصحى خالص لو فضلتي تنادي عليه بالطريقة دي من هنا ل بكرة
سعاد و هي بتقف قدامها و بتقول بحنية ام : انت صحيتي امتى يا حبيبتي انا قلت مش لازم اصيكي و اسيبك تنامي براحتك و تستريحي و ابقي افطري في اي وقت
ملاك بحنية : متقلقيش عليا يا طنط دي مش حاجة جامدة يعني انا متعودة على كدة
سعاد : يلهوي متعودة يعني ايه متعودة على انك تتضربي بالرصاص كدة
ملاك بضحك : اه متعودة اصلها مش اول مرة
سعاد بضحك : طب يلا ياختي طالما متعودة لتضحك ملاك على سعاد و هي بتمشي من قدامها و هي عمالة تقول قال متعودة قال
لتذهب ملاك لتيقظ فارس و تصرخ : فاااااااررررس
لينهض فارس بتكاسل و يقول بنعاس : مش هتبطلي بقا حركات الاطفال دي
ملاك بصدمة و هي بتشاور على نفسها: انا حركاتي حركات اطفال
لينهض فارس من امامها و يقول بضحك و هو يجري : اه حركات اطفال
ملاك و هي بتجري وراه لحاد م مسكته و قعدته على الارض و فضلت تزغزغ فيه و تقول بضحك : بقا انا حركاتي اطفال
فارس بضحك : خلاص خلاص مش قادر
الياس و هو نازل علشان يفطر و لقاها بتضحك كدة ليقول هو كمان بضحك و استغراب في نفس الوقت: هي القيامة قامت ولا ايه معقول اسد بذات نفسه بيضحك
لتنهض ملاك و قد تحولت : ايه حرام اضحك يعني ولا ايه مش فاهمة و سابته في صدمته و نزلت
الياس بصدمة : هي عندها انفصام في الشخصية دي ولا ايه
فارس بضحك : لاء هي كدة ثم اكمل بغمزة هو الكينج وقع ولا ايه
لينظر اليه الياس بصدمة : انت عرفت اسمي منين
فارس : يعني انت كل اللي لفت نظرك في الجملة هو لقبك
ليجري وراه الياس و يجري فارس من قدامه على تحت و هما بيضحكوا
في غرفة الطعام على السفرة :-
سعاد : ايه دة في ايه
فارس لسة هيتكلم راح الياس حط ايده على بوقه و بيقول : مفيش حاجة يا ماما بنهزر بس و نزل على ودنه و همسله : اسكت و اعملك اللي انت عايزه
فارس بنفس الهمس : توديني دريم بارك
الياس : حاضر و هجبلك شوكولاتات كتير و كل الانواع اللي انت بتحبها
فارس : ديل
سعاد : طب يلا طيب بلاش الهمس دة و تعالوا كلوا
الياس و فارس : حاضر
صلاح على راس الترابيزة و سعاد و اياد كل واحد على جمب و ملاك جمب سعاد و الياس و قدامها و فارس جمب ملاك و سامر قدامه و هما بياكلوا :-
الياس : ملاك
ملاك بانتباه : همم
الياس : هو انت ازاي هتطلعي المهمة دي معانا
ملاك بعدم فهم : هو ايه اللي هطلعها ازاي
الياس : اقصد يعني انك واخدة رصاصة و كدة يعني
ملاك : لاء عادي متقلقش هو كلها بتاع اسبوع ولا اسبوعين بالكتير و هفك دراعي
الياس : طب و التدريبات
ملاك : متشغلش بالك اوي كدة انت....
صلاح بمقاطعة : ملاك معاها حق متشغلش بالك اوي كدة انت متعرفش هي مين ولا تقدر تعمل ايه
الياس بشك : بابا هو حضرتك تعرفها منين و مالك واثق فيها اوي كدة ليه
صلاح بضحك و هو يتذكر : اصلك مشوفتش جبروتها دي مبيهمهاش حاجة سواء متصابة او لاء
Flash back :-
ملاك و هي واقفة قدام شخص ضخم اوي و معاه مسدس و هي واقفة و مش معاها اي حاجة خالص :-
ملاك : مفيش مخرج مش قلتلك هجيبك يعني هجيبك
الشخص : مش هتعرفي انا معايا مسدس و انت واقفة بطولك
ملاك بضحك : انت بتتحداني يعني حلو و انا بقا بحب التحديات اوي و لسة هتقرب منه طخ رصاصة و ملاك تفادتها بنجاح و قدرت تقرب منه و رمت المسدس من ايده و بدا القتال بينهم لحاد م الشخص قدر يوصل للمسدس و اداها رصاصة في دراعها بس هي مهتمتش و فضلت تقاتل معاه لحاد م قدرت تاخد منه المسدس و ضربته رصاصة في رجله بعدين ضربته في مكان بايدها خلاه يفقد الوعي و جابت حبل و ربطته بيه و بعد م ربطته ادته بوكس علشان يفوق :-
ملاك بهدوء : قولي بقا يا حلو فين ماركوس
الشخص: معرفش
ملاك : بص انا خلقي ضيق اصلا ثم قالت بفحيح افعى : هتقولي هو فين ولا اخلص عليك و ادفنك مكانك و هعرف برضه اوصله بمعرفتي
الشخص بخوف : خلاص خلاص هقولك و الله هو في ***** و المقر بتاعه ***** و لما بيسهر بيسهر في نايت كلاب اسمه ***** و مشهور اوي في روسيا
ملاك بعد م خدت منه معلوماتها سابته و مشت
الشخص و هو بينده عليها : استني انا قلتلك اهو و الله كل اللي اعرفه فكيني بقا
ملاك بضحك : تصدق ضحكتني مش ال**** اللي يعمل كدة يلا قول الشهادة بقا و طخته بالمسدس كل دة حصل و هي متعرفش انه فيه حد شاف كل دة و مكانش غير اللواء صلاح المغربي بس هو مكنش شايف وشها لانها كانت لابسة كمامة و كاب و شعرها مغطي وشها
End Flash back
الياس و هو بينادي : باباااا
صلاح بخضة : في ايه
الياس : عمال انادي عليك من بدري و اكلمك و انت ولا هنا سرحت في ايه
صلاح : مفيش افتكرت بس موقف كدة
الياس : طب يلا كمل ايه اللي حصل خلاك تقول كدة
صلاح : لاء دة سر ثم وجه اليها كلامه فاكرة ماركوس في روسيا
ملاك بصدمة : انت عرفت منين المهمة دي كانت سرية و خطيرة اوي
صلاح : م انا كنت جزء من المهمة دي برضه و بشرف عليها و كنت هناك و سمعتك بالصدفة بقا يا مفترية تفقديه وعيه لحاد م تربطيه ايه يا بت الجبروت دة لاء و تصحيه ببوكس
اياد بفضول : هو ايه دة يا بابا ها؟!
صلاح : و الله اخوك لسة سائل قلتله سر
سعاد : خلاص يا جماعة ثم وجهت حديثها ل ملاك : الا صحيح يا ملاك هو باباكي و مامتك سمحولك انك تخشي شرطة كدة عادي
ملاك بحزن و قد لمعت اعينها و لكن حاولت ان تخفي حزنها و دموعها : لاء مكانوش موافقين بس انا عنيدة اوي و محدش بيعرف يغير رايي بسهولة او هو مبيتغيرش اصلا طالما قرار خدته
Flash back :-
ملاك و عيلتها و هي قاعدة على السفرة بياكلوا :-
ملاك بخوف من ردة فعل والديها : بابا ماما انا خدت قرار مهم اوي في حياتي
ولاء (مامت ملاك) : خير
ملاك : انا قررت هدخل ايه
هلال(اخو ملاك) باستهزاء : مالك يا ماما تلاقيها ناوية تخش زراعة قسم خراطيم
ملاك : بس يا رخم ملكش دعوة
عبدالله (ابو ملاك) : خلااص اسكتوا بقا شوية انتوا م بتصدقوا ثم وجه كلامه ل ملاك: ايه يا حبيبتي قولي
ملاك اخدت نفس عميق و قالت : انا قررت ادخل شرطة
العيلة كانت في بوقها اكل و كحت و شربوا مية كلهم في صوت واحد : بتقولي ايه
ولاء : اه و ماله احلمي براحتك يا حبيبتي
ملاك : ماما انا مش بهزر انا بتكلم جد م تقول حاجة يا بابا
عبدالله : انت متاكدة من قرارك دة يا ملاك
ولاء : نعاام هو انت لسة بتسال بتقولك هتدخل شرطة فاهم يعني ايه و بعدين اما انا اصلا مش بخليكي تنزلي لوحدك او تخرجي مع اصحابك كتير تقوليلي ادخل شرطة انت عايزة تشليني يا بت
ملاك بضحك : يا ماما يا حبيبتي انا مش فاهمة فين المشكلة و فيها ايه يعني لما ابقا ظابط و انت عارفة ان دة حلمي و كنت بكلمك زمان عليه
ولاء : اه م انا كنت باخدك على قد عقلك و اقولك طيب ماشي و خلاص انت بنت يا حبيبتي دة اخوكي الراجل و اللي اسمه راجل مطلبهاش
ملاك : يادي انا بنت دي على فكرة بقا البنت زيها زي الراجل بالظبط و ممكن كمان تعمل حاجات الراجل ميقدرش يعملها
هلال بضحك : منقدرش نغسل المواعين
ملاك باستهزاء : تعرف ترضع ياخويا ولا تعرف تولد
هلال بضحك : لاء في دي معاكي حق
ملاك بضحك : شوفت بقا و اسكت بقا مش موضوعنا ثم اكملت بجدية و بعدين انا مش فاهمة فين المشكلة برضه في اني بنت هو انا علشان بنت معرفش احقق حلمي لازم ابقا ولد يعني علشان اعمل اللي انا عايزاه
ولاء : ملاك انا قلت اللي عندي مفيش شرطة يعني مفيش شرطة
ملاك: م تقول حاجة يا عم الحاج
عبدالله: و الله طالما عايزة كدة انا معنديش مشكلة
ملاك و هي بتقوم و تبوس باباها من خده و تقول : الله عليك يا عبده ايوة كدة حبيبي و الله
عبدالله: عبده يا جزمة
ولاء بصريخ : انتوا عايزين تجننوني و بعدين ايه معندكش مشكلة دي يعني هتفرح مثلا لو دخلت علينا في مرة و هي واخدة طلقة ولا في كل مكان هتروحه افضل انا قاعدة في البيت كدة حاطة ايدي على قلبي
ملاك بضحك : طب امسكيه طيب بدل م يقع
ولاء : هو ايه دة
ملاك بضحك : قلبك و جريت على طول من قدامها
End Flash back
سعاد : طب مش كنت رنيتي عليهم برضه علشان تطمنيهم عليكي
ملاك بحزن ظهر على ملامحها : بابا و ماما توفوا من ٦ ٧ سنين كدة
سعاد باسف و حزن : انا اسفة يا حبيبتي مكنتش اقصد
ملاك بابتسامة باهتة و نظرة كسرة : لاء عادي ولا يهمك
كل دة و تحت انظار سامر و صلاح الحزينة عليها
سامر لسة هيتكلم علشان يغير الجو لقا فونه بيرن :-
سامر بشهقة : الحقي
ملاك بخضة : في ايه
سامر : دة اللواء
ملاك و قد اختنقت بالطعام : كح كح كح كح و شربت مية و هدت شوية
سامر : اقوله ايه خدي كلميه هو اكيد عايزك
ملاك : لاء دة انا لو كلمته هتشتم جامد ف بلاش بص انت ترد عليه و تقوله انها نايمة و اني عملت حادثة امبارح و استعطفه كدة
سامر حاضر
ملاك: و افتح الاسبيكر