گامت طلعت خلصت أكل نزلت الصينيه گاعدين كلهم بَــس لُبَيــد ماكو خليتها بــ المطبخ وطلعت للحديقه چان لُبَيــد هناك شافني صاحني :- تعال شُجاع شويه.
رحت يمه گعدت ؏ الكرسي گال :- باع عُــمر طلع صارله اسبوع ومنطي انذارات للكُل ، فريقه متكون مــن 15 واحد .
- زين نحــنَ مــن ضمن الفريق لو شني ؟
:- لا نحــنَ يجوز نروح ڪ مدنيين مايتطلب ندخل بينهم وإذا تطلب هذا الشي عادي.
- والله ياخويه أنَـه مـا اتحمل اذا أشوف واحد منهم أشگه ثنين .
:- لازم تتحمل وتصبر أي غلط مــن عدنا يروحنا ويروح الي ويانه
- هسه عُــمر عنده معلومات؟!
:- عُــمر مـا وحده أكو مــن وياه ولهذا يجوز يرفعونه لـ أمير بــ وقت قصير
- عُــمر ذكي صارله كم سنه ورتبته صارت عاليه مــن ذكائه أكيد راح يتوفق بــ هاي المُهمه.
:- مـا مُهم نترفع هاي المُهمه لازم تصير ونطلع منها ونطلع ويانه الأحداثيات وحملاتهم الي راح يسووها ، تفكيرهم ذكي بَــس راح يصير غباء بــ النهايه.
- لــيش!
:- الأُمراء الأذكياء بــ سوريا الموصل والأنبار بيهم بَــس الطايح حضهم ذوله الي دخلو وي الكبار ، تفكيرهم عبقري تدري لــيش!
- لــيش!
:- دخلو بــ البدايه كُلهم الروس الكبار وراها بــ فتره رجعو لـ سوريا بقو بَــس الزعاطيط
- القندرچيه قصدك!
:- بــ الضبط ألي غسلو عقله واخذو فـ الدخول بينهم صعب حتى لو زعاطيط لإن أكو الأكبر منهم جاي يدعمهم .
- افوتلهم بــ لمح البصر ، ماتدربت كُــل هاي السنين ؏ الخالي بلاش هسه اجه وقت إظهار الذكاء .
:- أن شاء الله باجر نطلع جهز نفسك
- جاهز بــ طرگ ملابسي وسلاحي وباكيت الجگاير .
ضحك گال :- والله بَــس لا عَـــواد يوكلنا خ**
- لا تخاف ذاك صح مطي بَــس يفهم الذكاء العنده خارق
:- صحيح بَــس تخيل بنص مُهمه ويگعد ينكت عليڪ يطلعك مــن دينك مصلخ
- الصمه بــ *** ويسكت لـ تخاف
ضحك اكثر كمنا ثنينا دخلنا كُــل واحد ؏ غرفته دخلت سبحت وصليت وگبل أنسدحت ؏ الفراش ...
لـ الصبح نَفس الكابوس ونفس الوقت استغفرت وگمت بدلت زي العسكري ونزلت صبحت عليهم وطلعت صعدت السياره نزل عَـــواد ركض :- اوگف اوگف.
أنت تقرأ
غموض الشُجاع
Mystery / Thrillerكل شخص في هذا الكون يٌخبِئ شَخصيتَـهُ الضَعيفة ، المُتألِمة.! و يظهر شخصيتَـهُ القوية.! شًخصيتَـهُ التي تُرعب الآخرين .. طَبع الشيطان .. ليس قابل للإصلاح او المُساعده .. سَـ يُكمِل مَسيرتُهُ في الظلام لا يأمل في قدوم النور ! لقد أعتاد جسدُهُ و روح...
الغموض _1_
ابدأ من البداية