:- نسوي كُــل شي لـ مصلحتك لو نسيت !
- مانسيت شي بَــس بطلو التدخل حتى بــ تصرفاتي لا يجيكم يوم أعلمكم شلون تدخلون.
سكت مـا رد وصلني لـ البيت نزل قبل لا يدخل لـ فرعنا :- رايح أنَـه خوما محتاج شي؟!
- سلامتك
راح بدلت مكاني على مكان السايق مشيت لمن مـا وصلت البيت نزلت ...
دخلت للبيت صارت وَرده بــ وجهي :- مساء الخير
:- مساء النور
- شجابج هنا!
:- اجيت لــيش مايصير لو حرام؟
- لا بَــس تفاجئت چنتي قبل اسبوع هنا!
:- اي حبيت ازور اخواني واتطمن عليهم
- چا خوش يُبا
عفتها وصعدت لـ غرفتي راسي مصدع طلعت الحاسبه واشوف شصاير باوعت نفس السوالف والأخبار وماكو شي جديد بقيت كاعد وأحاول اوصل لـ موقع جَلال ..
انطرق الباب سديت الحاسبه دخلت وَرده بيدها صينية اكل خلته بــ الگاع وأشرتلي أجي ..
گمت غسلت ايديه وگعدت يمها بــ الگاع :- وين چنت؟
- بــ المركز
سكتت شويه وردت گالت :- لــيش تچذب مـا تدري أنَـه اعرف اذا تحچي صدك او تچذب ؟
رفعت راسي الها :- رحت أدورلها وَرده
:- شُجاع شگد راح نعيد؟تتوقع جَـلال يخليها طول هالمُده عايشه؟
- لــيش لا هــوَ يريد شي يلوي ذراعي بي وماكو غيرها يلوي ذراعي ويكسر ظهري.
سحبت نفس ساكته :- تطلع ويه عَـــواد ولُبَــيد ؟
- وين!
:- ؏ المهمه مالتكم يعني وين؟
- أكيد اطلع چا اعوفهم وحدهم!
:- دير بالك ؏ نفسك.
باوعت بيها مبتسم :- أنَـه شضل بيه حتى ادير بالي ؏ نفسي !
:- ضال بيك الشجاعه.
- هههه
:- لا تستهزء
- ماتعرفيني؟
:- ادري بَــس لاتستهزء بــ كلامي خاصه
- گومي لـ ولدج عندي شغل
:- عود أنزل جوه نتعلل شويه.
- صراحه ماليه خلك اتعللو وحدكم
:- شُجاااع
- خلاص وَرده عندي شغل يلا خويه ..
أنت تقرأ
غموض الشُجاع
Mystery / Thrillerكل شخص في هذا الكون يٌخبِئ شَخصيتَـهُ الضَعيفة ، المُتألِمة.! و يظهر شخصيتَـهُ القوية.! شًخصيتَـهُ التي تُرعب الآخرين .. طَبع الشيطان .. ليس قابل للإصلاح او المُساعده .. سَـ يُكمِل مَسيرتُهُ في الظلام لا يأمل في قدوم النور ! لقد أعتاد جسدُهُ و روح...
الغموض _1_
ابدأ من البداية
