Kasauti Rishton Ki

Thakur Mahal

Jab doctor ne Swikriti se puchha ki kya usse yaad hai ki vo abhi kāhā hai aur vo sab log kon hai to iss par Swikriti ne kāhā, "me bhi kal se vahi puchh rahi hu. Par merā itnā puchhnā hotā nahi hai ki ye sab log itnā sunte hi rone lagte hai." Ye sunn kar vāhā khade saare hi log ek dusre ko hairaani se dekhne lage aur aapas mein khusphus si hone lagi. Doctor ne Niyāmikā se kāhā, "aapse kuch akele mein baat karni hai." Ye bol vo Niyāmikā ke saath uth kar kamre se bāhar chale gaye. Unhone usse bataayā, "sar ki chot itni gehri hai ki, usse ab kuch bhi yaad nahi hai. Iske saath bohot hi sabra se peshaanā hogā. Ho saktā hai ki dheere dheere sab thik hone lage aur isse sab yaad aa jaaye. Ya phir, ye bhi ho saktā hai ki isse kabhi kuch bhi yaad naa aaye." Itnā sunn kar Niyāmikā ke aansu nikal aaye. Tab tak Raghvendra bhi vāhā aa gayā thā aur Niyāmikā ko sambhaalte hue doctor se baat karne lagā.

Swikriti ke paas uss vakt Madhu khadi thi. Swikriti ne usse puchha, "Ye sab kyā chal rāhā hai? Kya tum mujhe batā sakti ho ki mujhe yāhā par aaye kitne din ho chuke hai?" Madhu ye sunn kar hairaan ho gayi, lekin phir bhi usne bataayā, "aapkā naam Siddhidātri hai lekin aapko log pyaar se Siddhi hi bulaate hai kyuki jab aapke maa-baba ki hatyā (murder) hui thi, tab aap bohot chhoti thi. Aur meri Maa aapko lekar Niyāmikā jiji ke ghar jaa pahochi thi. Meri Maa bhi meri hi tarah aapke ghar ki naukrāni thi aur Niyāmikā jiji, aapki taaiji ki badi beti hai. Jab aap aur me chhote the, tabhi unki shaadi ho gayi thi. Niyāmikā jiji ki apni koi aulaad nahi thi. Jab meri Maa ki maut hui to Niyāmikā jiji aapko aur mujhe lekar yāhā apne sasuraal aa gai. Me to khair naukrāni..lekin aap to mujhe apni dost hi maanti thi. Aapko to vo apne bachcho ki tarah rakhti hai." Uski baaten sunkar Swikriti ne kāhā, "hamaari koi photos hongi kyā?" "Haa, hainā. Photos to itni saari hai ki aap dekh dekh kar thak jaao, lekin photo na Khatami hongi kabhi. Itne saare photo album hai hamaare paas." Aisā bolte hue Madhu ek photo album lekar aayi. Photo album dekh kar Swikriti kā sar chakraane lagā, kyuki album ki har ek photo mein khud Swikriti jaisi dikhne vaali ladki maujood thi. Phir Swikriti kaa dimaag chalne lagā aur dheere dheere usse saari baaten samajh aane lagi. 'Ek ladki hai jo hubahu mere jaisi hai vo kahi laapatā (missing) hai. Thik vaise hi jaise shaayad me mere sheher se laapatā hu. Aur ab ye log mujhe khoi hui Siddhi samajh kar uthā laaye hai. Hmm.' Ye sochte hue Swikriti ne khudse kāhā, "betā Swikriti, agar tune abhi apnā muh khola to bilkul chāchi ki tarah, ye log bhi tujhe laat maarke yāhā se bhagā denge. Ab bhalaai isi mein hai ki ab muh par taalā lagā aur ban jaa Swikriti se inn logo ki Siddhi. Ab jo bhagwan ne tujhe bhej kar yāhā jo kaahāni shuru ki hai, to dekh tu kitnā nibhā paati hai isse. Abse tu Swikriti nahi Siddhi ban kar hi yāhā rahegi." Swikriti ye sab soch hi rahi thi ki Madhu chillaane lagi. "Didi. O..didi...kyā huā aapko? Aapto vaapas se kho gayi kahin! Sab thik haina kyā huā?" Uski aavāz sunn Swikriti apni soch se bāhar aayi aur usse boli, "nahi. Mujhe kuch yaad nahi hai, ye sab to! Kyā tum mujhe ye sab yaad dilvaane madad karogi?" Iss par Madhu ne khush hote hie isse kāhā, "hā, kyu nahi! Boliye, kyā jaannā hai aapko?" Tab Swikriti ne usse puchha, "Ye jo Niyāmikā didi ke saath khade hai, ye kon hai?" Madhu ne usse bataayā, "are didi, ye to Raghvendra maalik hai; Niyāmikā jiji ke pati." Ye sunn Swikriti chauk gayi, "kyā? Pati?" Ye sunn Madhu boli, "Haa, aapko yaad nahi hogā lekin Raghvendra maalik bohot shaant aur achhe insaan hai. Log inhe devtā ki tarah poojte hai" idhar baaten chal hi rahi thi ki Niyāmikā aur Raghvendra room mein aa gaye aur bole, "saare naukar thik Das (10) minute mein hall mein ikatthe ho. Madhu jaao sabse keh do jaa kar." Niyāmikā ko Swikriti se saath kamre mein bithā kar Raghvendra bhi vāhā se chale gaye. Niyāmikā Swikriti se boli, "Siddhi, doctor sāhāb ne kāhā hai ki tum jaldi thik ho jaaogi. Tumhe abhi kuch yaad nahi hai kyuki tumhaare sar pe gehri chot ke kaaran shaayad tumhe sab yaad karne mein dikkat ho rahi ho lekin ye koi badi baat nahi hai. Tum...tum bilkul bhi chintā mat karo, hmm." Tabhi achaanak bolte bolte vo khaasne lagi. Siddhi yaaniki Swikriti jaldi se uth kar usne glass mein paani daalā aur Niyāmikā ko dete hue puchha, "aapko kyā hua hai? Kyā aapko bhukaar hai yaa sardi ke kaaran khaasi aa rahi hai? Kyuki maine dekhā kal bhi aapki tabyat kaafi kharaab thi." Niyāmikā ne usse dekhā aur gehri saans li aur phir uskā haath thaam kar usse boli, "Siddhi tumhe yaad nahi hai shaayad lekin me ab zyaadā din jeene vaali nahi hi. Tum to jaanti ho ki agar mera iss duniyā mein koi hai to vo sirf tum aur mere pati hai. Lekin betā, tera jaldi se thik honā bohot zaroori hai, varnā..." aur Niyāmikā bolte bolte chup ho gayi. Ye dekh Swikriti ne usse kahā, "varnā kyā didi? Aap chup kyu ho gayi?" Niyāmikā ne khud ko sambaal usse kahā, "varnā kyā, kuch nahi. Tum inn sab baaton mein abhi mat pado aur jab bhi achhā mehsoos karo to thodā kamre se nikal kar bāhar ghum lenā, mann achhā ho jaaegā" Swikriti ne apne mann mein sochā, 'kuch to baat hai jo chhipaayi jaa rahi hai. Aur Niyāmikā ne baat pųri karte karte pųri baat hi palat di. Jo bhi ho merā saahaarā filhal yahi hai. Betā Swikriti bāhar nikal kar saarā maamlā bhi to dekhnā hai, aakhir me phasi kis kue mein hu.'