"ညီလေး....."
"ဗျာ..."
ဝင်းကအသံသေးလေးဖြင့်ဆက်ပြောသည်။
"မင်း....လူတစ်ယောက်ကိုချစ်ဖူးလား....
အကိုပြောတာက ပေါ့ပေါ့တန်တန်မဟုတ်ပဲ...နှစ်တွေအကြာကြီး လိုက်ခဲ့ရပြီး တွေ့လိုက်တိုင်းမှာ ရင်တွေခုန်ပြီးစကားတွေမှားရလောက်တဲ့အထိ ချစ်ဖူးလား..."ဝင်း ရဲ့အတည်ပေါက်ဆန်တဲ့ မေးခွန်းဟာ ဘုတ် ကိုပါ ရပ်တန့်သွားစေသလိုပင်။ ဝင်း မသိတဲ့ ဘုတ်ရဲ့ အာရုံတွေထဲမှာလည်း လူတစ်ယောက်က ထင်ထင်ရှားရှားပေါ်လာနေသည်ပင်။ သူသည်လည်းယခုကြုံနေရသည်မဟုတ်ပေလား။
ဘုတ် မျက်လွှာလေးအနည်းငယ်လှုပ်ခတ်သွားပြီး ဝမ်းနည်းမှုကိုပြေလျော့လိုက်ကာ
"ဘာလို့မေးတာလဲ ပီ...
ပီ တစ်ယောက်ယောက်ကိုချစ်နေလို့လား...""ချစ်ရုံတင်မဟုတ်ဘူး...အရူးအမူးကို ရူးသွပ်သွားတာ..."
ဝင်းကစကားပြောရင်း သက်ပြင်းကိုချလိုက်သည်။ ထို့နောက် ဝိတ်တာတစ်ယောက်က သူ့ရဲ့ခွက်ထဲ ဘီယာအပြည့်ပြန်ထည့်ပေးသွားသည်။
"သူပြောသမျှကို ပီ အရမ်းခံစားရတယ်။ ပျော်စရာပဲဖြစ်ဖြစ်၊ဝမ်းနည်းစရာပဲဖြစ်ဖြစ် ပြီးတော့ သူနဲ့ရှိနေရင် အချိန်တွေတကယ်ရပ်ပစ်ချင်တယ်။ အချိန်တွေမရပ်နိုင်ရင်တောင် စက္ကန့်လက်တံနှစ်ချက်ကြားမှာ အကြာကြီးရှိနေချင်တယ်"
ဝင်း ရဲ့ကဗျာဆန်တဲ့စာသားတွေဟာ ဘုတ်ကိုပြုံးစေပြီး အကြိမ်ပေါင်းများစွာ အတွေးတွေဝင်စေတယ်။
"ခံစားဖူးလား အဲ့လို"
ရှေ့တည့်တည့်ကိုကြည့်ပြီးဆွေးနေရင်းမှ ဘုတ် ဘက် လှည့်ပြီးမေးလာတာမို့ ဘုတ်လည်း ပျော်စရာအတွေးတစ်ခုထဲဝေ့နေသလိုပြုံးကာ ခေါင်းငြိမ့်လိုက်သည်။ သို့သော် ထိုအတွေးသည် ပြန်မရနိုင်တော့သည့် အခိုက်အတန့် မှန်းသူသိတာမို့ ထိုအပြုံးဟာ ဝင်း ကိုပြုံးစေနိုင်စွမ်းမရှိပါ။
"ပီ ကဘယ်သူ့ကိုအဲ့လောက်ထိချစ်နေတာလဲ"
"မင်းအကိုကို"
"ဟင်..... ကျွန်တော့်အကို?....ပီဘိုက်လား"
ဘုတ်က တအံ့တဩကြီးမေးလာတာမို့ ဝင်း လည်း တံတွေးမြိုချပြီး မေးဆတ်ပြလိုက်သည်။သူ့ရဲ့ခပ်သွက်သွက်စကားက ဘုတ် လိုက်မှီအောင် အံ့ဩလွန်းနေသည်ထင်ပါရဲ့။
![](https://img.wattpad.com/cover/316777444-288-k154801.jpg)
VOUS LISEZ
I'm Fell (U+Z)
Roman d'amourခြေချော်သွားလို့ဆိုပြီး ပြန်ထလို့မရတဲ့လောက က အချစ်နယ်ပယ်ပဲ။ တစ်ခါချော်လဲရင် ခဏခဏ ချော်လဲရတော့မယ်။ ဒူးသာခိုင်ခိုင်ထား Metawin Side couple - ForceBook ေျခေခ်ာ္သြားလို႔ဆိုၿပီး ျပန္ထလို႔မရတဲ့ေလာက က အခ်စ္နယ္ပယ္ပဲ။ တစ္ခါေခ်ာ္လဲရင္ ခဏခဏ ေခ်ာ္လဲရေတာ့မယ္။...