نبض الحياة ❤️(صغيرتي الفاتنةج2):::بقلم:::ولاء علي

❤️16

■حسن بابتسامة وهو ينظر لحياة :
أخيرا البحث هيشوف النور يا حياتي.
   
■حياة بسعاده غامره لأنها ستستطيع مساعدة الكثيرون بفضل بحثها بعد توفيق الله تعالى.. فدعت الله أن يوفقها وتقدر على إنقاذ حياة غيرها .. فغمغمت برقه وعيون
وهاجه من فرط سعادتها وابتسامة
لم تغب عن وجهها الجميل جعلت ذلك المتيم يبتسم تلقائيًا :
الحمد لله يأبو علي أخيرًا ... اونكل مصطفى
إتكلم مع دكتور مازن إمبارح .. وحضرته ما اعترضتش يشوف البحث ويقرر يوافق
إني أشتغل عليه عملي في المستشفى الخاص بحضرته أو لا..
فنظرت لمازن المبتسم..
بجد حضرتك يا دكتور متعرفشي قد أيه
أنا سعيدة والأمل إتجدد في قلبي إن
هقدر أساعد كل موجوع... جزاك الله خير.
   

■يا الله على تلك الرقيقة الجميلة.. فالحديث
مع تلك الفاتنة ممتع بشكل غير طبيعي..
فيكفي أن يستمع المرء لنبرة صوتها الرقيقة المميزة تلك لآخر عمره... يا الله ساعدني..
فحاول التحكم في مشاعره تلك..
فغمغم باستفزاز وتحدي لها :
مبدأيا أنا لسه ما وافقتش يا دكتورة.. ووارد
جدا إن البحث ما يكونش ينفع يتنفذ
بشكل عملي... وبصراحه أنا برجح كدا..
لأن إلا عرفته من مصطفى بيه إن كل
الدكاترة  إلا عرضتي عليهم بحثك رفضوه لأنه مستحيل يطبق بشكل عملي ..
فنظرا لملامح وجهها فوجده مبتسم بـ
إشراق   كما هو..

   
■ فغمغمت حياة بهدوء:
كل حاجة في الكون بدأت بكلمه مستحيل..
نيوتن لما أكتشف الجاذبية.. أكيد لقى صعوبات كتيرة في وقتها عشان يخرجلنا في النهايه قانون الجاذبيه المتعارف علي.. لو كنا عايشين  قبل  إختراع التكنولوجيا أو أي وسيلة للترفية..
وجيت وقولتلك.. إننا نقدر نشوف أشخاص في مكان بعيد عننا كتير من خلال صندوق كده
معروف بـ اسم التليفزيون.. مستحيل ممكن تصدق... أو ممكن أتواصل مع
شخص في بلد تانيه من خلال سماعه وسلك
إسمه تليفون أطور وبقي حديده قد كف الإيد
نأخده معانا في كل مكان .. كنا هنقول دا الجنان بعينه .. في قاموسي ماعنديش مستحيل يا دكتور..
أنا حياتي ووجودي عبارة عن كلمه مستحيل
وأديني واقفه قدامك... يوم ما تولدت كل
الدكاترة أجزمت إني مستحيل أعيش وعيشت
الحمد لله.. لا مستحيل مع موجود رب رحيم..
ربنا بيقولنا إننا لازم نسعى عشان سبحانه
وتعالى يوفقنا ويحقق مطلبنا...
وأكيد طبعًا طالما سعيك لشئ هيفيد غيرك يبقى أكيد هتلاقي المستحيل إتحقق لحقيقة
بفضل رحمه وكرم ربنا علينا.... أنا واثقه
يا دكتور مازن إن هيجي اليوم إني أقدر أحقق النجاح وأساعد غيري.. لأن نيتي يعلمها الله عزوجل.. أنا سعي مش عشان شهرة أو
إني ألاقي إلا بيصقفلي.. أنا عايزة في اليوم
إلا أقدر أنقذ فيه قلب انسان ربنا لسه كاتبله
عمر إنه يعيش.. وأسمع دعوه أم ليا وأشوف فرحتها...
دي لوحدها تكفيني وتفرحني لآخر عمري... شعاري... لا حياة مع وجود اليأس.. فلو تواجد اليأس في القلب لم يعد هناك حياة...