عزيز: مشاري وينك
مشاري: طالع من عند الاهل ليه؟
عزيز: انا بالشرقيه تقدر تجيني الحين؟
مشاري: بالشرقيهه؟؟؟ كيف رضى الوالد؟؟
عزيز: تعال يامشاري
مشاري: وينك انت جايك
قال له عزيز ووصف المكان وكلها نص ساعه ومشاري
عنده
انصدم باللي صار كيف كذا توه قبل يومين كان عندهم
وابو عزيز يسلم عليه ويوصيه على نفسه لأن الاجازه جت وبينزل لأهله
وقف مع عزيز وماتركه لحظه ووين مايروح كان معاه
هو فاهم عزيز وحاس بوضعه وخصوص بين عمامه
وبعد ٣ ايام كانت جدا ثقيله عدت أيام العزاء وصار
وقت رجوعهم
عزيز: ياجد وش له تروحون هناك خلكم بمكانكم
الجد: تعقب مانيب مخليكم
عزيز: والله ياجد تعب عليك والوضع انت عارفه البنت بغيبوبه
الجد: منت قادر تغير قراري انا قلت بروح يعني بروح
عزيز: اذا انا بجلس تروح انت ليه؟
الجد: انت عندك حاجات بتخلصها هنا وانا بروح ماني مخليكم لحظه
تعب عزيز فيه وسلم عليه وتركهم وراح بعد ماكلم امه
مشاري: بنوقف عند هالمطعم ناكل جوعان
عزيز: براحتك
كان مشاري يحاول قد مايقدر يحسن من مزاج عزيز
ويحاول يطلعه من الكآبه اللي عايشها
بتولوز.. وبالفندق تحديدا وصل ابو سعود واهله
وكانو عند ام غرام جالسين والبنات معهم وابو سعود وسعود كانو عند الرجال
شهد: يمه متى بنروح لها
ام سعود: كلمني سعود قبل شوي وقال بياخذ خالتك ام غرام وبنروح معها
جت ربا وجلست جنب شهد: شخبارك شهد؟
شهد: تمام وانتي
ربا: انا تمام التمام ، تعالي اجلسي معنا غيري جوك
شهد: بنروح لغرام ان شاء الله وقت ثاني
ربا: تكفين يمدي تاخذيني معاكم؟
شهد بضحكه: تم تعالي
ربا بصوت عالي: اخوكم ماعنده ماعند جدتي خلوه يوديكم بعد ماتصحى طيب انا بروح مع شهد
نطت رزان: خير يابقره وش يوديك معهم مغسول وجهك بمرق؟
ربا: ايه مغسول بمرق مو شغلك
ريهام: اهجدي تبغين ابوي واخواني يذبحونك
عند الرجال...
وقف سعود من عند العيال وقال لهم : يالله استأذن باخذ الاهل وبنروح لها
ماجد: بدري ياخي ابوك رايح رايح خله ياخذهم وانت اجلس
سعود: لابروح معهم انا بعد بتطمن عليها
دحوم: بحفظ الله
وطلع من عندهم وركب السياره وقال لشهد يجون مع ابوه هو بيروح يخلص له شغله
وبأقصى سرعه راح للمستشفى ووصل وسأل عن غرفتها
ودخل لها شافها ورجف قلبه بلهفه مشى لها بخطوات سريعه
وسحب الكرسي وجلس قدامها مسك يدها وضمها بين يدينه وحس وش كثثثر كانت بارده ناظر بوجهها بشوق
اههه غرامي جعله فيني ولا فيك شتقت لك ياروح سعود
تكفين لاتطولين الغيبات ماني قادر ابي اشوف عيونك
واشوف وجهك اللي البسمه م تفارقه
انا حولك ياقلب سعود ونبضه مابخليك ثانيه بعد يدينه عن يدينها وهو يستغفر مايصير بس مايقدر والله مشتاق لها وخايف عليها مايقدر يتحكم بنفسه قدامها
وشلون بيتحكم وهي ماخذه باله وفكره وقلبه معاها
دخل خالد وانصدم بشوفة هالشخص قدامه
خالد بنبره عاليه: خخخير يالاخو!!!
سعود وقف وناظر له بأستغراب: خير ومن تكون
خالد مشى بخطوات سريعه وبعده من عندها ووقف قدامها وهو يعدل الشرشف عليها
: من سمح لك تدخل هنا
سعود بنرفزه: انت اللي وش جايبك هنا الدنيا فوضى هنااا؟؟؟
خالد تقدم له: اطلع دامني باقي اتكلم معك
سعود قرب له اكثر: وش بتسوي يعني؟؟
قطع عليهم دخول ام غرام واختها وشهد
شهد: سعود
ناظر لهم خالد بأستغراب
ام غرام: يمه خالد هذا سعود ولد خالة غرام
خالد: المعذره ي عمه بس الدنيا ماهي سايبه حتى لو ولد خالها وش مدخله هنا لوحده عندها
سعود: شدخلك انت ادخل ماادخل بكيفي ذا اللي ناقص
خالد: امسك لسانك البنت وراها اخ وعمام وعيال عم مابيسمحون وبيكسرون ظهر للي مثلك ان تكررت
سعود بضحكه: انت بتكسر الظهر؟ اشك بذا الشيء وتخسي انت ووجهك مهوب انت اللي بتعلمني اكرر او لا
ومثل ماهي بنت عمك هي بنت خالتي وبعدين انت اللي وش جايبك لها واخوها مو هنا؟؟
ام غرام: ماهو وقتكم ي عيال البنت تعبانه وانا تعبانه فكوني من المشاكل واطلعو وانت ياخالد روح ماقصرت
خالد: مابروح بجلس معكم وارجعكم
ام غرام: سعود هنا وبيوصلنا
ناظره خالد بغيظ وطلع وتركهم وراه .....
يتبع
البارت الرابع عشر
शुरू से प्रारंभ करें:
