When I am With Miss Clumsy (Season Two)✔

Action 163: Day One

"H-ha? Ha?"

Naglakad siya sa harap ko at ng makalayo ng isang hakbang tumigil siya saka ako nginitian. "Day One... Starts now."

"H-ha?"

Hindi na niya ako sinagot at nagdere-deretso siya sa labas ng kwarto ko. Napahawak ako sa dibdib dahil sa kaba na bigla kong naramdaman. Pagtalikod ko napayuko ako sa puting tela na iniwan niya sa side table.

'Oh nobita! Tutulungan na kitang bugbugin si Damulag at Soneyo!'

"Waaaahh! Yiiieeee! Whew! Whew! Kaya ko to! Kaya ko yon! Kaya mo yon, Earth! Wheeeew! Kinakabahan ako! Pero yiiieeee! Yeeesss!"

"EM? ANONG ginagawa niyo ni Earth?" Narinig kong nagtanong si Ate Sandra kay Pating na nasa gilid ko. Pareho kaming nakadapa sa sahig pero nakatukod ang dalawang kamay. Kamay na may puting tela, para hindi daw masyadong sasakit ang kamay namin.

Tinuturuan niya akong magpush-up pero ilang minuto na ang lumipas at napansin na kami ng lahat pero hindi ko parin magawang magpush-up. Ito ang nahirapan ako bukod doon sa ibang stretching na nauna na naming ginawa. Tamang exercise lang sabay kembot! Heheh! Ang saya-saya magexercise kaso nung nagpupush-up na pinagpawisan ako agad.

Pinagaya niya ako sa kanya ngayon. Tahimik siyang nagbibilang sa isip habang nakasteady kami. Nginitian ko si Ate Sandra kasi alam kong hindi siya masasagot ni Pating. "Tuturuan niya rin po ako ng ginagawa nila Lolo Le?"

"Hah!?"

Sakto sa pagsigaw ni ate Sandra ang pagputok ng baril sa malapit. "Hehehe! H-hindi pa naman po yung fire range chuchu basta walang baril heheh!" Paliwanag ko. Kasi sila Lolo Le tinuturuan sila Jai na gumamit ng baril doon sa malawak na lupa sa tapat ng gate. Malalayo naman ang mga kapitbahay saka may harang sila doon. Saka narinig ko rin si Tito Frieg ang kumuha ng lesensiya raw nilang lahat. Sana ako rin sinama. Chour!

"A-ah okay. A-akala ko lang kung anong ginaga--."

"Mama!" Sumigaw si Sandwich habang lumalapit sa amin. Nginitian ko siya agad. Nangangalay na ako pero bawal gumalaw. Gusto ko ring kawayan siya. Kaso matutumba ako kapg isang kamay.

"Hi, Sandwich!"

"Ya Ating tulog?"

"Ahhahahahah! Hindi nagbibilang yan."

Hindi ako pinansin ni Sandwich at biglang nilapitan si Pating. "Woy! Baby baka madaganan ka nila!" Sinaway siya ni Ate Sandra pero nakakapit na siya kay Pating.

Napadilat si Pating ng tumatawa si Sandwich na sumampa sa likod niya. "Ya Ating kabayo ko! Yaaah!"

"Hahahahah!"

"Baby!"

"What the hell..." Napatingin agad si Pating kay Ate Sandra. Kukunin na sana ni Ate Sandra si Sandwich pero biglang yumakap sa leeg ni Pating si Sandwich. Nagpagewang-gewang si Sandwich!

"SANDWICH!"

"BABY! Jusko po!" Pareho kaming nataranta ng salo ni Ate Sandra kay Sandwich. Pero mabilis na bumaliktad si Pating at sinalo si Sandwich. Nakahiga na si Pating habang nakahiga si Sandwich sa ibabaw niya. "Anak naman..."

Nakaupo na ako sa gilid nila ni Pating habang nakatayo si Ate Sandra sa kabilang gilid. Hindi kami pinansin ni Sandwich at tumatawa pa niyang tinusok ang pisnge ni Pating. "Supelman! Hahah! Iligtas Ya Ating! Wooo!" Pinaglaruan pa ni Sandwich ang buong gwapong mukha ni Pating.

Pareho kaming natawa ni Ate Sandra. Hindi na kasi maipinta ang mukha ni Pating habang nanginginig na hawak ang beywang ni Sandwich. Kulang na lang sumigaw siya ng 'Tulonggg!'