روايه بنت الاكابر

(الحلقه التانيه )

ساره : مالك يابنتى خير فيه ايه ؟ باباك جراله حاجه ولا ايه
سلمى : الحقينى بقولك انا بنهار ههههههههههه
ساره : الله يخربيتك ياشيخه خضتينى .. فيه ايه يا نيله انتى ؟
سلمى : احمد مقدم على وظيفه ف الشغل عندى ف الشركه .. ومايعرفش انها شركتى
ساره : احمد مين ؟
سلمى : احمد الله يحرقك . حموو . انتى نسيتيه ؟
ساره : يانهار اسود ومنيل .. انتى بتتكلمى جد يابت انتى ولا بتلعبى بأعصابى ؟
سلمى : والله العظيم بجد ... انا من ساعه ما جالى الملف بتاعه وانا مش على بعضى
ساره : ههههههههههههههه طب بقولك ايه .. تعالى نتغدى بره ونتكلم ونشوف هنعمل ايه ..
سلمى : ياريت عشان صاحبتك جابت ورا ومش عارفه اتصرف
ساره : طيب يلا هستناك ف المطعم بتاعنا بعد نص ساعه .. انزلى دلوقتى
سلمى : يلا اوكى نازله
.................................
(ف المطعم )
ساره : اهلا اهلا يا نيله .. كركبتى بطنى الله يخربيت معرفتك هههههههههههه
سلمى : هههههههههههههه طب انا اعمل ايه طيب
ساره : عملك اسود ومنيل .. هو خلاص شغلتوه ولا لسا
سلمى : لسا المفروض انى هرد النهارده مين اللى هيشتغل
ساره : وطبعا هتختاريه هو صح ؟
سلمى : انتى عند حضرتك راي تانى ؟ بقولك انا مش مالكه اعصابى ياساره والله من ساعه ما شوفت صورته ... وحشنى ابن الجزمه اووى
ساره : هههههههههههههه انتوا بقالكو اد ايه ماشوفتوش بعض
سلمى : من حوالى 4 سنين اهو
ساره : طيب يا سلمى يا حبيبتى انتى وهو اساسا ماكنتوش قايلين لبعض انكوا بتحبوا بعض بدرجه تقول ان بينكو حاجه .. دا بالعكس مافيش مره شوفتكوا سوا الا وبتتخانقوا وبتضربوا بعض ههههههههههههههه
سلمى : ساره ! عمر ما حد فهم علاقتى مع احمد كانت ماشيه ازاى
احمد ده الشخص الوحيد اللى كان بيعاملنى بشخصيته هو
مش بيتجمل عشان انا بنت ناس عليوى بقا
والاقى الناس كلها بتودد ليا وبتعاملنى باسلوب كويس ..
بل بالعكس كتير من زمايلنا كانوا بيحاولوا يلفتوا نظرى وانا عمرى ما بصيت لحد منهم
على انه ينفع يكون حبيبى
مع ان منهم ناس غنيه جدا وممكن كانت اغنى منى كمان
الا احمد
احمد الوحيد اللى كان كل ما يشوفنى يزعقلى ويهزئنى
عارفه !
مره كنت خارجه معاه ومع مروه صاحبتنا وكنا بناكل سندويتشات
غصب عن عين اهلى طلعت الفلوس وحاسبت لينا كلنا
بهدلنى ومسح بكرامتى الارض
وقالى انتى فاكره انك هتشترينى بفلوسك ولا ايه فوقى يا ماما واصحى ؟
وفضل مايكلمنيش اسبوعين بحالهم
لغايه ما انا اللى سوقت عليه الجامعه كلها عشان يصالحنى
عمرك شوفتى كده ؟
كنت بحس انى بنت وانا معاه .. بحس ان حد بيعاملنى على انى سلمى مش على انى سلمى بنت الاكابر زميلتهم ف الجامعه
مشاعره كانت بجد
صعب انك تلاقى راجل بالمواصفات دى
ساره : ايوه يا سلمى يا حبيبتى بس انا خايفه عليك منه .
يا حبيبتى انتوا بجد كنتوا كل مره تشوفوا بعض تتخانقوا ..
اللى يشوفكوا مره سوا يقول الواد والبنت دول مابيطيقوش بعض .
وبعدين انا عمرى ما حسيت انه بيحبك .
دا مابيهموش حاجه وممكن يحرجك ولا يقولك كلمه وحشه قدام الموظفين هههههههههههههههههههه وخصوصا انك عامله اسم جوه الشركه وكل الموظفين بيترعبوا منك
سلمى : هههههههههههههههههههه بصراحه اه .
دا واد مجنون ابن مجانين وممكن يعمل فيا حاجه لو عرف ان انا صاحبه الشركه
وممكن لو انا وافقت على انه يشتغل وعرف بعدين ان انا صاحبه الشركه يسيبها ويمشى ..
اما بالنسبه لموضوع بيحبنى ولا لا ...
ف انا مراهنه رهان عمرى كله عليه وهثبتلك انه كان بيعشقنى وبيموت فيا زى منا بعشقه ويمكن اكتر .. بس كانت فلوس ابويا وكرامته دايما قصادنا ومش مخلياه عارف يكلمنى .. احمد كرامته فوق اى حاجه ياساره
ساره : طب الخطه كالاتى :
انتى طبعا هتقبليه ف الشركه ... صحيح هو مقدم على انهى قسم ؟
سلمى : حسابات هيكون ايه يعنى ؟
ساره : كويس محلوله ... واهو قسم الحسابات بعيد عن الاداره
سلمى : لا ناصحه يا روح مامتك ... ماهو اكيد هيعرف لما يقعد مع اى حد او يدردش مع اى حد ويعرف مين اصحاب الشركه
ساره : بقولك ايه . فيه بنات محاسبين معاكو ؟
سلمى : لا كلهم شباب
ساره : هههههههههههههههههههه اتطمنى احمد مش هيتكلم معاهم يدوب على قد الهزار والضحك جوه المكتب وبس . يعنى لا هيسال عن مين صاحب الشركه ولا اى حاجه م الحاجات دى .
سلمى : معاكى حق ههههههههههه سوسه انتى يابنت الجنيه ... هاتى بوسه يابت انتى
ساره : عدى الجمايل ها ... وبعدين انا عاوزاكى تشغلينى معاكو بقا عشان اشوفكوا سوا كده هههههههههههههه
سلمى : ما بلاااااااااااااااااااش مانتى كنتى معايا على فكره بتاخدى منه كل طريحه والتانيه .. انتى ناسيه عمل فيك ايه يوم امتحان المحاسبه ف سنه تالته ؟
ساره : انا غلطانه اللى نصحتك اصلا . امشى يابت ماتكلمنيش تانى
سلمى : هههههههههههههههههه هموووووووووووت كل ما افتكر ببقى هموت م الضحك
ساره : سلمى ! انا من زمان ماشوفتكيش بتضحكى كده ؟
سلمى : ولا انا ياساره .... مجرد سيرته بس ريحتنى ... والله العظيم احمد كان واحشنى جدا
ساره : ايه ده فيه ايه انتى هتعيطى ولا ايه ؟ بقا دا منظر نائب رئيس مجلس اداره شركه كبيره ف اسكندريه ومعروف اسمها ههههههههههههه اضحكى يابت مش هنقلبها دراما واجمدى كده ابو شكلك
سلمى : ماشى
ساره : ها هتشغلينى ولا لا ... اجى اتفرج عليكو بس ومش عاوزه راتب هههههههههه
سلمى : استأذنى خطيبك الاول هههههههههه
ساره : خطيب مين اتوكسي . انا هفركش طالما فيها احمد هههههههههه
سلمى : وحياه امك ؟
يمكن ربنا جمعنى بيه من تانى بالصدفه دى عشان ممكن يكون ربنا كاتبهولى يبقى نصى التانى اللى ياما حلمت بيه
ساره : ربنا يوفقك يا حبيبتى .... قومى يلا روحى شركتك وشوفى هتعملى ايه ؟
سلمى : اشطا يا مزه ... بايباى
.............................
(ف الشركه )
سلمى : الو ! ايوه يا مستر عماد ....تعالى من فضلك دقيقه
عماد : اوكى
.........................
عماد : ايوه يا استاذه سلمى
سلمى : ههههههههههههه بردو استاذه ؟ عمرى ما اكون استاذه على حضرتك
عماد : ههههههههههه بنت اصول طالعه لابوك
سلمى : انا وافقت على الاستاذ احمد هيشتغل معانا .. بس يا عمو عاوزه منك طلب
عماد : احكى يا سلمى عاوزه تقولى ايه بخصوص اللى اسمه احمد ده ؟
سلمى : احمد كان زميلى ف الجامعه ومايعرفش ان دى شركتى .. وانا عارفاه وعارفه ان لو عرف ان دى شركتى هيرفض ومش هيقبل
عماد : طب ليه المفروض انكوا كنتوا زمايل .. المفروض يفرح
سلمى : ههههههههههههههه مش كده والنبى ؟ بس هو دماغه غريبه شويه .. ف انا عاوزه من حضرتك انك تنبه على السكرتاريه او المحاسبين اللى معاه محدش يقوله ان الشركه دى مين رئيس مجلس ادارتها او مين النائب .. تمام ولا ايه ؟
عماد : خلاص تمام ... اعتبرى الموضوع خلصان
سلمى : تسلملى يارب ... اتفضل ده الملف بتاعه
عماد : اوكى .. عن اذنك
........................
عماد : الو ! منى ... كلمى الاستاذ احمد ... الملف هتلاقيه عندك وفيه رقم تليفونه ... وبلغيه ييجى بكره الساعه 8 يستلم وظيفته
منى : ( ف سرها ) ايوه بقي هههههههههههههههههههههه
عماد : الو ! انتى يابنتى سامعانى ولا ايه ؟
منى : ايوه حضرتك معلش
عماد : مين اللى بيضحك عندك ؟
منى : لا مافيش حاجه دا عميل ومشى خلاص
عماد : تمام .. كلميه دلوقتى ؟
منى : اوكى يا مستر
...........................
منى : الو ! ايوه يا لمض ازيك ؟
احمد : لمض مين ياللى تنشكى ف لسانك ... انتى مين يابت ؟
...........................
((يتبع ))
والى اللقاء ف الحلقه القادمه