ဖန်ယုလန်က မိန်းမစိုးကို ပြန်မဖြေဘဲ ချဉ်းကပ်လာတဲ့လူကို ပြုံးပြလိုက်တယ်။ သူ့မျက်လုံးများက သွက်လက်တောက်ပနေသည်။ ဖန်ယုလန် နောက်က လိုက်လာတဲ့ ဖန်ယွီက တိတ်ဆိတ်စွာ ကျောခိုင်းပြီး သစ်ပင်နောက်မှာ ပုန်းနေခဲ့တယ်။
အဖြူရောင်ရှပ်အင်္ကျီဝတ်ထားသည့် ပိုင်ရီဟောက်ကချဉ်းကပ်လာခဲ့ပြီး သူ့နောက်တွင် လူပေါင်းများစွာ လိုက်ပါလာခဲ့သည်။ သို့သော် ထိုနေရာရှိလူအများသည် ဖျတ်ခနဲ လန့်သွားသည်။
သူတို့ပတ်ဝန်းကျင်မှာ လှပတဲ့ပန်းတွေ ပွင့်နေပေမယ့် သူ ချဉ်းကပ်လာတဲ့အခါ သူ့ပတ်ဝန်းကျင်က ရှုခင်းတွေတောင် မှုန်မှိုင်းနေသလို ခံစားလိုက်ရပြီး သူကတော့ တစ်ခုတည်းသော တောက်ပတဲ့ နေရာတစ်ခုလိုပင် ။ လှပသော လူငယ်လေးသည် ဖြည်းညှင်းစွာ ချဉ်းကပ်လာပြီး သူ၏ ကြည်လင်ပြတ်သားသော အသံသည် စမ်းချောင်းထဲတွင် စီးဆင်းနေသော ရေများကဲ့သို့ သာယာသည် ။
"မင်းသားရှောင်ကဒီမှာဆိုတော့ ကျုပ်ဘယ်လိုလုပ် မလာပဲနေနိုင်မှာလဲ !" ပိုင်ရီဟောက် က သပ်ရပ်စွာ ပြုံးလိုက်သည်။
"ဆရာပိုင် မလာနိုင်ဘူး!" ဖန်ယုလန်သည် မျက်ခုံးပင့်လိုက်သည်။ သူ့အပြုံးက ပိုလို့တောင် တောက်ပလာခဲ့တယ်။
"ကျုပ်မလာရင် ကျုပ်အေးအေးဆေးဆေး နေနိုင်မှာ မဟုတ်ဘူး။ မင်းသားရှောင်က တစ်ခြားကိစ္စတွေကို ဝင်စွက်ဖက်ဖို့ဆိုတာ ရှားပါးတယ်လေ "
ပိုင်ရီဟောက်က နှုတ်ခမ်းပါးပါးလေးဖြင့် အနည်းငယ်ပြုံးကာ တိုးတိုးလေးပြောသည် ။
"ဒါဟာ တကယ်ကို ကြုံရာကျပန်းကိစ္စ မဟုတ်ပါဘူး။ နောက်တစ်ခုက ကျုပ် သူမမိသားစုအရေးကို စိတ်ထဲမှာ စွဲနေတယ်။ တစ်စုံတစ်ယောက်ရဲ့ ပန်းကန်ထဲက တစ်ခုခုကို လက်လှမ်းမမှီသရွေ့တော့ အဆင်ပြေပါတယ် ၊ မင်းဘယ်လိုထင်လဲ ဆရာပိုင်"
ဖန်ယုလန်သည် ပိုင်ရီဟောက်ကို ပြုံးလိုက်ပြီး သူ့မျက်လုံးများ အနည်းငယ် မှိတ်သွားသည်။
"သူတစ်ပါးရဲ့ မိသားစုအရေးကို မစွက်ဖက်သင့်ဘူး။ ဒါပေမယ့် မိသားစုမဟုတ်သေးရင် ဒါက မိသားစုကိစ္စမဟုတ်ဘူး။ မင်းသားရှောင်"
ŞİMDİ OKUDUĞUN
စွဲမက်ဖွယ်ကောင်းသော မိန်းမပျိုလေးအဖြစ် ပြန်လည်မွေးဖွားခြင်း
Aksiyon( Unicode Ver) သူမသည် ယခင်ဘဝက ရုပ်ပျက်ဆင်းပျက်ဖြစ်ပြီး သူမ၏ မိခင်သည် မတရားသဖြင့်သေဆုံးသွားခဲ့သည် ။ အဆိပ်ဝိုင်တစ်ခွက်က သူမကိုသတ်ဖို့မလုံလောက်တော့ တောက်လောက်တဲ့ မီးထဲ ထိုးချသေဆုံးခဲ့ရသည် ။ သူမတွင် နောက်ဘဝတစ်ခုသာ ရရှိခဲ့လျှင် သူမသည် သူမ၏ သမိုင်းကိုပြေ...
44. နတ်ဆိုးဆန်ပြီး လတစ်စင်းကဲသို့ လှပသောအမျိုးသားနှစ်ဦး
En başından başla
