مشى عبد العزيز وفتح الباب اللي كان يندق بقوه وقال
: حشى حشى مو يدين ذي وصرخ طيب جاي
غلا انخرشت وعرفت انو عزيز اللي بيفتح الباب وبردت عظامها حتى فتح الباب وطارت داخله بدون ماتسلم وولاشيء
عزيز: الحمدلله والشكر بس لا اخت عاقله وولا صاحبه عاقله ومشى للمطبخ يعطيهم الدله وطلع
غلا ركضت بعد ماراح عزيز وضربت غرام اللي كانت شوي وتخلص السلطه اللي بيدينها
غرام: بسم الله الرحمن الرحيم الله لايوفقك من بنت حسبتك ابوي جاي معصب
غلا بعصبيه: لا والله لاطعتني بالشمس وذا وانا داقه عليك افتحي الباب
شهقت غرام وهي تضرب راسها بخفه: والله نسيت وبعدين لا تلوميني شوفي الخبصه اللي انا فيها
غلا نسيت عصبيتها وكل شيء اول ماشافت قدامها صينية الحلا والمعجنات اللي كانت غرام دايم تبدع فيها
وتربعت بالأرض وهي تاخذ الحلا بحضنها وتبي تاكل
صرخت فيها غرام: وقققققققفي لا تاكلين بقدمها كذا ماراح اقطعها
بس غلا اول ماشافت غرام تقول لها توقف اكلت قطعه بسرعه
قاطع عليهم أو نقول انقذ غلا من غرام ام عزيز دخلت وهي تاخذ الجاهز عشان تحطه بالسفره وألتهت غرام معاها وغلا قطعت الحلا وحطتها بصحونها ...
خلص الغداء وراحوا الضيوف وغلا معاهم
نادى ابو عزيز الكل يبيهم .....
ببيت ابو خالد ... سكرت رنا الباب وراحت عند رغد ومسحت دموع رغد
وقالت بلهجه كانت تغلبها الشده شوي: رغد!
وكررت مره مرتين ثلاث حتى انهد حيلها وصرخت بوجهها تبيها تقول لها شفيها تبي تتطمن
رغد: رحت فيها يا رنا رحت فيها ورجعت تغطي وجهها وتبكي
رنا هنا انقبض قلبها وبعدت يدين رغد عن وجهها وقالت بصوت خافت: رغغغغد اهههدي وكلميني شفيككك مو قادره افهم عليك نهائي
رغد: كنت احب واحد ويحبني ودايم نكلم بعض صار لنا ٣ سنين مع بعض يارنا وانا هذاك اليوم كنت بالمدرسه وقال لي انه بس بيشوفني شوي وانا مع السواق وانا كنت خايفه بس اقنعني وقلت بس نص ساعه ماراح اطول معاه ولا بنزل من السياره وطلعت فعلا من المدرسه ودقيت ع ابوي وقلت له بروح المول مع صحباتي باخذ اغراض التخرج ووافق ودقيت له ولقيته يقول انا السياره اللي قدامك خلي سواقك يلحقني عند كوفي مرا حلو بنشرب قهوه وبعطيك هديه مني بمناسبة اول لقاء وانا كنت مثل الهبله يارنا كنت مخدوعه بكلامه الحلو وهنا انهارت مره ثانيه ورجعت تبكي اقوى
ورنا كانت تموت بكل كلمه كانت رغد تقولها وخايفه من اللي بيجي
يتبع
