القروية الجميلة🕊️❤️

06

حتى يلقاها طايحة في الارض
جاسم....ياسمين ياسمين
قعد يخبط على وجهها بشوية حتى فاقت
ياسمين.......اخخخخ راسي
جاسم.....قتلك ماكيش مليحة علاه ماتسمعيش الهضرة؟
عطاها يدو شدت فيه ميل ليها راسها على كتفو
جاسم ....بشويا عليك هيا نطلعك الفوق ترقدي
ياسمين ما جاوبتوش لأنو مش قادرة من كثر الوجع
قعد يمشي بيها بشوي و طلعها في الدروج و دخلها للغرفة اللي بجنب غرفتو فارغة حطها على السرير
جاسم.....كاش ما تحتاجي عيطيلي رح نكتب نيمرويا
هز تيليفونها و كتبو
جاسم....صوني برك نجيك
ياسمين هزت براسها و بعدها تكات و غمضت عينيها تحاول ترقد
عند جاسم
جامي خفت على بنادم كيما خفت على ياسمين اليوم ما علاباليش واش صرا لقيت روحي نهتم بيها بلا مانفيق مي جمالها وحدو يخليك تتيه فيها بلا ما تفيق😍 رحت دخلت ضربت دوش نطفي النار لي شاعلة فيا تكسلت على البونك و طفيت ضوء حتى نشوف ظل و بنادم واقف حدا الباب
ياسمين ....سمحلي ديرونجيتك في هاد الليل مي ماحبش يجيني رقاد و قعد نتوهم و بلاصة مش موالفتها ☹️💔
جاسم في قلبو.......هففففف هادي حابتني نغتاصبها استغفر الله
جاسم.....صاحا ترقدي حدايا ولا شاه😏
ياسمين.....استغفر الله ماقصدتش هكا
جاسم....املا واش
ياسمين.....اوووف ضوك نرجع للدار
جاسم ناض من بلاصتو.......هبلتي وقيلا اتحركي برك نقعرك
ناض جبدها و كسلها حداه
ياسمين......واش وشششش درت بعدني
جاسم ...... اششش ولا كلمة و راكي تغلي مزال
قعد حاط راسها فوق صدرو و هو معلابالو بالجاست لي دارو
ياسمين....اووف بعدني و كون تشوفنا ماني كيفاش
جاسم...ماتشديش فمك نتي ارقديي
ياسمين إستسلمت و رقدت و هي تشم في ريحتو في صباح ناضت ياسمين
ياسمين...اويلي واش درت 🥲
ناضت بلا مادير لحس خرجت من شمبرتو هلطت لتحت غسلت و خرجت لقات فاطمة مزال. ما ناضت شوي جا هابط جاسم و شعرو طايح على وجهو
جاسم....واش نوضك
ياسمين....حابة نروح للدار
جاسم....مزالك مريضة شوفي عينيك ولا راكي هاربة مني😏
ياسمين....احمد ربي مزال ماني ما ناضتش كون شافتنا تزوجنا ديراكت
جاسم بصوت خافت.....ماعنديش مشكل
ياسمين....قلت شي
جاسم......لالا خليني نوصلك
ياسمين....طريق نعرفها شكرا
جاسم.....قدامي مكلاه نعاود هضرتي
ياسمين.....اووووف
راحت خرجت و هو و راها و صلها للدار  لقات نجلاء حدا الدار
نجلاء و هي تخزر فيهم بإستغراب
نجلاء.....جيتك البارح مالقيتكش وين كنتي من البارح و انا مقلقة عليك
ياسمين جات تهضر قاطعها جاسم
جاسم....كانت مريضة شوي و انا جبتها عندها ماتقدرش تقعد وحدها
نجلاء.....كون عيطت ليا انا تهلا فيها بلا ما تشقيش روحك
جاسم.....علاش نعيط ليك منين نعرفك انا ايا  ياسمين على خير و تهلاي في روحك
راح جاسم و نجلاء قعدت تخزر في ياسمين بنص عين
ياسمين....واش بيك
نجلاء.....كاش ما بينكم لي يوصلك و يجي يديك في نصاص ليالي🙂
ياسمين.....واش رايح يكون بيناتنا مثلا اوووف ادخلي و خطيك من تخمام لعوج
نجلاء...... واشمن تخمام كي نتي شابة بقعع هاد الزين مستحيل ما يطيحش فيك بعد ما دوبتي كل ولاد القرية
ياسمين....أستغفر الله دخلي دخلي
نجلاء.....لالا انا نروح نوكل البقر و نقضي صوالح اتهلاي
وراحت
ياسمين.....هادي مالها زادا اوووف
عند جاسم بعد مارجع للدار
لقا فطوم ناضت
جاسم ....صباح الخير
فطوم....ثباح النور وين راهي ياسمين؟
جاسم......راحت غير ضوك وصلتها
فطوم....وعلاش تخليها تروح اوليدي مزالها مريضة
جاسم.....هي خشنت راسها و حبت تروح واش نديرلها
فطوم......صاحا فوت تاكل فوت مبعد نروح نطل عليها
عند ياسمين
دخلت للكوزينة حطت ليها الفطور و خرجت باش توكل الجاج
و في طريقها شافت اي ماكنش لازم تشوفو...........
.
.
.
.
.
.
.
يتبععع