القروية الجميلة🕊️❤️

02

وصل جاسم عند دار جدتو ساكنة في فيلا صغيرة و سط القرية طبطب حلت ليه الخدامة الباب
الخدامة..... اتفضل
دخل جاسم لقا جداتو قاعدة في صالة
جاسم....راني جيت يالحاجة
فاطمة.......وليدي العزيز
راحل ليها عنقتو و بدات تبوس فيه
فاطمة.....خمسة و خموس على وليدي و كي كبر
جاسم.......كيراكي يالعجوز
فاطمة......الحمد الله ونتا
جاسم.........الحمد الله
قعدو يقصرو حتى
فاطمة.........ياوليدي ماك ناوي تفرحنا و تتزوج
جاسم......ماني رجعنا لنفس  الموضوع لا لا مانيش حاب
فاطمة......ياوليدي يارك كبرت واش راك تستى من حقك تاسس عائلتك
جاسم........مش وقتو
فاطمة.........كون تخليني نخيرلك العروس نجيب ليك احلى وحدة
جاسم.......الحاجة كي نحب نتزوج اكيد نتي تخيري لي مي مانيش حاب
الخدامة.......الفطور جاهز
فاطمة.......هي وليدي علابالي توحشت ماكلة هنا و هادي من افضل لي يطيبو انا اك عارف الكبر مابقيتش قادرة مي ماننساش خير بنت جارتي توجور تطل عليا و تجيبلي الطياب مشاء الله عليها عسل و ماشي مخطوبة وو
جاسم.......نوضي تفطري نوضي علابالي كون هضرتي ما تكمليش
فاطمة.......مزية علابالك
في جهة اخرى
وهي ماشية لدارهم
ياسمين..........بففف حاسب روحو ياخي قع رانا بنادم ياخي متكبر اعععععععع مي شباب
نجلاء.........ااااااااا تهضري وحدك
ياسمين..........بسم الله خلعتيني يالكلبة منين خرجتي
نجلاء.........هبطت من السماء مي واش بيك منيرفيا كامل و قشك ماله موسخ ههههههههههه
ياسمين.......اسكتي اسكتي واحد حاسب روحو طرش عليا الماء و فوقها خصو غير يضربني حاسب روحو
نجلاء.........بلاك زوجك المستقبلي
ياسمين.......يلاطيف الله لا يلاقيني بيه خطرة تانية و اصلا يبان غير فايت كلاس وحطة باين مش من القرية مهم اخطينا  من سيرتو
نجلاء..........و قوليلي شباب
ياسمين..........لا اله الا الله اخطينييييي راني نخبر خطيبك
نجلاء......بففف واش عندي فيه اصلا بانتلي نحبس منو
ياسمين..........علاش يااك غير الخير
نجلاء.......مايحوصش عليا غير كون انا هضرت ولا سقسيت عليه هاملني بزاااااف
ياسمين........بلاك عندو ظروف
نجلاء.......خخخخ رئيس دولة هو واشمن ظروف حمبوك مهم راني رايحة اتهلاي
ياسمين..........باااااااي
كل واحد راح في طريق دخلت ياسمين ميتة بلعيا
جميلة.......واش بيهم قشك
ياسمين.........طرشوني بالماء الله لا تربحهم مهم يالميمة واش طيبتي للفطور خلي عليك ضرك انا نكمل
جميلة..........مدابيك راني مت بلعيا
ياسمين........معليش ماما خلي عليك و ضرك ندير لمحاجب لعشية نديهم لفطوم توحشتها عندي سمانة ماشفتهاش
جميلة.......معليتك و سلميلي عليها
كملت ياسمين الفطور و جداتو عيطت لبابها و يمامها و فطرو لمت الطابلة و غسلت الماعين بعدها راحت توضات و صلاة و تكسلت رقدت
ناضت لعشية دارت المحاجب عطات ليماها و باباها و راحت دارت واحدين غلفتهم لفطوم
راحت لبست روب سامبل و دارت فولار على راسها و خلات شعرها مطلوق مليسي واصل لضهرها بلونو النادر و لبست بليغتها  و خرجت رايحة لدار فطوم وصلت طبطبت حلت ليها الخدامة دخلت لقاتها قاعدة في صالون
ياسمين..........واش يالحاجة ما توحشتينيش
فاطمة.........بنتي الغالية ارواحي عندي  ارواحي
راحت حياة عنقتها وباستها من راسها
فاطمة........راني زعفانة منك سمانة كل ما جيتينيش
ياسمين.........شغل الدار واصل لحتى هنا و كنت مشغولة اكي عارفة مهم شوفي واش جبتلك المحاجب لي تحبيهم
فاطمة....ربي يخليك بنتي
ياسمين....ضرك نروح نحط ليك
شوي جا هابط جاسم لابس سرفيتمون شاف وحدة شعرها برتقالي مع جداتو شك بعدها 
ياسمين دورت وجها شافتو تصدمت و هو تاني
جاسم............ماتقوليليش تبعتيني حتى لهنا
ياسمين.........اا فطوم مكاش علابالي انك جيبي لاجئين هنا
جاسم..........سقمي هضرتك معلابالناش شكون الاجى انا ولا نتي
فاطمة.........ربي يهديكم منين تعرفو بعضاكم
ياسمين.........سيريو فطوم شكون هادا
جاسم........واش دخلك
فاطمة.............اسكتو شوي خلوني نهضر هادا وليد ولدي الوحيد جاسم و هادي ياسمين بنت جارتنا بنتي تاني الغالية
جاسم..........امممممممممممم بنتك
ياسمين........ بنتها واه مهم فطوم انا نروح و كولي لماحجب لا يبردو
فاطمة.......و الله ماتروحيهاش لحتى بلاصة تقعدي تتعشاي هنا
ياسمين.........بصح.....
فاطمة......ما بصح ما والو و ماماك ضرك انا نخبرها ما تخافيش
ياسمين..........اوك 
راحت للكوزينة وجدت دوك المحاجب و حطته على الطابلة
فاطمة.....كول ياوليدي كول يدها مشاء الله في الطياب
ياسمين...........ما تخافش مانيش دايرة ليك فيه السم
جاسم.........نتوقع منك كلش
هز وحدة جاسم و كلا منها عجباتو مي ماحبش يبين
ناضيت ياسمين
ياسمين........فطوم العشاء عليا انا ضرك نطيبو
فاطمة.......علاش ابنتي ماتعدبيش روحك الخدامة كاينة
ياسمين...........نورمال خلي عليا
راحت للكوزينة بدات تطيب في الشخشوخة
فاطمة.........واش رايك وليدي
جاسم....فاش المحاجب شابين يعني
فاطمة.......مانيش على المحاجب راني على ياسمين يعني مراة تع دار و زين الله يبارك اجمل وحدة هنا في القرية هادي و هي الشاطرة
جاسم.........هيه وين حابة توصلي اااا لحاجة
فاطمة........يعني واش رايك كون نخطبها ليك
جاسم.........منيش حاب قتلك
فاطمة........ياوليدي الف واحد يتمناها هي لي ترفضك مش نتا هههههههه يعني نفس الشئ مام هي رافضة فكرة الزواج الخطابة كل يوم عندها هادا جاي هادا رايح و هي ماهيش حابة
جاسم............وعلاش
فاطمة...........قاتلي حتى تلقى لي يناسبها يعني تكون تحبو و يحبها مش حابة تقليدي
جاسم.........ربي يجيب ليها  وليد حلال لي يحبها و تحبو
فاطمة.........ان شاء الله وليدي ان شاء الله

يتبع......................