القروية الجميلة🕊️❤️

03

جاسم.........انا نروح ماني نخرج نشم هواء
فاطمة.........صاحا وليدي و ارجع تتعشى نضملك طيابها يعجبك
جاسم........صاي فهمنا ااا لحاجة هههههه
ناض جاسم و قبل لا يخرج رجع مولي للكوزينة باه يشرب دخل حمحم
جاسم......احمممممم
ياسمين........واشبيك نجيبلك الماء
جاسم.........مدابيك
ياسمين راحت رفدت كاس و صبت ليه الماء و عطاتو ليه
جاسم.........ميرسي
ياسمين.......بلا مزية
ورجعت دارت تطيب تكى جاسم على البوطاجي و قعد يخزر فيها ثواني عاود حط الكاس و راح حل الباب و خرج يدور شوي في القرية راح حدا واحد النهر و قعد لتم يتامل و يتفرج في الطبيعة
عند ياسمين
كملت الطياب و خلاتو فوق النار غسلت يديها و راحت قعدت مع فاطمة لقاتها تتفرج في مسلسل
ياسمين........واااش فطوم من وقتاش و نتي تفرجي المسلسلات
فاطمة.......الملل يخليك ديري كلش
ياسمين........تسما انا زايد ناقص ولا
فاطمة.........حاشا ابنتي عندك بزاف ما جيتينيش علابيها ولا يحكمني الملل وليت نتفرج
ياسمين.........خلاص ا لحبيبة نولي كل يوم  نجي نضرب طلة ليك و زيد راه معاك وليد وليدك نسيت واسمو
فاطمة.......جاسم
ياسمين........هيه داك هو رايح يونسك
فاطمة........اااه يابنتي كون جات الدنيا دنيا كون راه جابلي لي تونسني يتزوج  و يهنيني
ياسمين.......وعلاش مش حاب ولا
فاطمة.........يابنتي مش حاب يتزوج ناح فكرة زاوج من راسو راه 31 سنة
ياسمين.........خلوه يعني يجي اليوم لي يتزوج علاش ضغطو عليه يعني مام انا منيش حابة مزال يعني علاه ما تحبوش تفهمونا و تفهمو قراراتنا
فاطمة.........حباتينا نموتو و حنا ما شفناش ولادكم
ياسمين..........بعيد الشر عيك ماني مييييي ان شاء الله يولي يلقى  لي تناسبو و  بلاك يحبها عاد يتزوج
فاطمة.........في ميزك مكاش لي تناسبو كاينة و راهي  في راسي مي ياريت و يدي الكلمة مني و يسمعلي
ياسمين..........خليه هو لي تعجبو ماني مهم ماخبرتكش بالجديد
فاطمة...........واش هو
ياسمين........وليد هبلني هادي ثاني خطرة يجي يخطبني و انا نرفض ما حبش يفهم مانيش مرتاحتلو خلااااص
فاطمة........بووه على وليد كبر ولا حاب يخطب هو صراحة ما خصو والو مي احسن ترفضي حتى نلقى لبنتي عريس يوالمها
ياسميييين............و يكون شباب
فاطمة........مدام نتي شابة لازم واحد شباب ههههه
ياسميين........خليت القدرة فوق النار نروح نشوفها
راحت للكوزينة طفات عليها النار و رجعت للصالون تقصر مع فاطمة حتى صونا هاتف ياسمين
جميلة.....يالهاملة وين راكي رحتي تدي المحاجب سكنتي
ياسمين.......يما غير بلعقل على ودني
فاطمة..........هاتي نحكي معاها
فاطمة.........لباس جميلة
جميلة........اهلا خالتي فطوم لباس عليك طردي هاديك الهاملة راحت سكنت ابعتيها
فاطمة.........خخخ انا لي راني شادتها ابنتي قتلها تتعشى معانا و وليد ولدي عيسى راه هنا غير ليوم جاء يوصلها  يوصلها م تقلقيش عليها
جميلة..........ايا صاحا علاسلامتو غير في خاطرك ني خليتها
فاطمة.....تعيشي
و عطات تيليفون لياسمين
ياسمين.......هااااا ماما في ميزك لي يقعد مع فطوم يقدر يجي على خير
جميلة.........كوبي كوبي قبل لانخرجلك من التيليفون
كوبات تضحك
ياسمين.......والله غير قدرتيلها اا فطوم
فاطمة.......واش حسبتلك يحصراه
كملو قصرتهم حتى دخل عليهم جاسم
جاسم.....واش ااا لحاجة وقيلا الكرة الارضية قع جبدتوها
فاطمة........ياوليدي في ميزك لي يقعد مع ياسمين يقدر يقعد ساكت ههههههه
جاسم.....انا نطلع نصلي و نبدل
فاطمة........هيه و كي تجي ارواح تتعشى
طلع جاسم ضرب دوش و صلى و بدل
و هبط لقى الطابلة واجدة قعد خزر في ياسمين بنص  عين
ياسمين........واش
جاسم........ماكدة تي لي طيبتي كل هادا
ياسمين.........لا لا جنون
جاسم.......مايبانش عليك
فاطمة.......ياوليدي كل صبع بصنعة دوق دوق
داق جاسم الشخشوخة عجباتو
فاطمة.........واش رايك يا وليدي
جاسم........يعني عادية كيما موالف ندوقها
ياسمين تمتم بين سنانها.........تفوو متكبر
جاسم.........سمعينا
فاطمة.........ماتديش عليه مايحبش يستعرف
قعدو ياكلو حتى
ياسمين.........انا نروح ولا يما تخليني نبات في الشارع
فاطمة...........وليدي وصلها الظلمة عليها
جاسم.......جابلي ربي هادي الظلمة تخاف منها مش هي لي تخاف
ياسمين.......نروح وحدي اصلا ماتشقيش روحك
ناضت جات رايحة
جاسم.........هيا قدامي
خرجو بخطرة ياسمين قعدت تمشي و تخزر في الارض
جاسم........هيه تسما تسكني غير هنا
ياسمين....وييييي
جاسم.......مليح
قعدو يتمشاو  حتى وصلو
طبطبت لقات يماها تستناها شافتو
جميلة.........ربي يعيشك وليدي
جاسم.......بلا مزية
مشا جاسم جميلة غلقت الباب
جميلة........خير يا لالة تبانلي عجبك الحال
ياسمين.......واش هههههه وين راه بابا
جميلة.......راح للخدمة
ياسمين........راح بكري
جميلة........اممممممم طيري غسلي الماعين راهم يستناوك بعدا
ياسمين.......صاحا ماماتي
جميلة........طيري طيري احسن لك
.
.
.
.
يتبع................