Bring My Soul To The Universe

အပိုင်း(၁၈)

"Morning တီဂျိန်း"

"Morning ပေါက်စလေး"

မနက်ခင်းထမင်းစားပွဲတွင် လူစုံတက်စုံရှိနေသည်။
ဂျူဟျွန်းမျက်နှာချင်းဆိုင်တွင် ဆူးလ်ဂီထိုင်နေပြီး
ချယ်ယောင်းလေးကိုမနက်စာသေချာကျွေးနေသည်။ ဂျိန်းလည်း ဂျူဟျွန်းဘေးမှာ၀င်ထိုင်လိုက်ကာ
ယွန်းဟီလာချပေးသည့်ကာဖီတစ်ငုံသောက်လိုက်သည်။ဂျူဟျွန်းကတော့သတင်းစာကိုသာ စိတ်၀င်စားစွာဖတ်နေသည်။

"ဟယ် ! ! !"

ရုတ်တရက်ဂျိန်းရဲ့အာမေဍိတ်သံကြောင့် အားလုံးကဂျိန်းဆီအကြည့်ရောက်နေသည်။

"ဘာဖြစ်တာလဲ ရူဘီဂျိန်းရယ် အလန့်တကြား"

"ဒီမှာလေ"

ဂျူဟျွန်းလက်ထဲမှသတင်းစာ ပထမဆုံးစာမျက်နှာကို ဂျိန်းလက်ညှိုးထိုးပြတော့ ဂျူဟျွန်းကဘာမှမဖြစ်သလို။

"ဘာလို့ ဥက္ကဌယွန်းကအဖမ်းခံရတာလဲ"

"သိချင်ရင် သွားမေး"

ဒီဖြစ်ရပ်အရင်းအမြစ်ကို ဂျူဟျွန်းသိရဲ့သားနဲ့။
ဥက္ကဌယွန်းဆိုတာ ဂျူဟျွန်းရဲ့လုပ်ဖော်ကိုင်ဖက်တစ်ယောက်။ ဂျိန်းကလည်း ယူအက်စ်မှာရှိနေသည့်
ဂျူဟျွန်းရဲ့အလုပ်တချို့တစ်၀က်ကိုဦးစီးနေရသည်ဆိုသော်လည်း ကိုရီယားမှာရှိသည့်လုပ်ငန်းရှင်တချို့ကိုတော့သိသည်။
ဂျိန်းကြားသိရသလို ဥက္ကဌယွန်းနဲ့ဂျူဟျွန်းက တကယ်ပဲ ဆိုးလ်မှာဆောက်လုပ်မည့်ဟိုတယ်နေရာ၏မြေကိစ္စကြောင့် အချင်းပွားခဲ့ကြဝာာလား။
ဂျူဟျွန်းကတော့ စကားအများကြီးပြောနေမည်မဟုတ်တာကိုသိသည်။ သူ့စိတ်ရှိရာလုပ်ဖို့အတွက် ဥက္ကဌယွန်းကိုဖြုတ်ချလိုက်လေသလား။

"တော်တော်မိုက်တဲ့သူပဲ။ ဘယ်ဂျူဟျွန်းကိုမှ စိန်ခေါ်ရတယ်လို့။ အခုတော့ ထောင်ထဲမှာပဲလက်ကျန်ဘ၀ကိုဖြတ်သန်းတော့ပေါ့လေ။ ကိုယ့်ထိုက်နဲ့ကိုယ့်ကံပဲသနားမနေတော့ဘူး"

အစ်မဂျိန်းက ခပ်ဆဆရေရွတ်ရင်း မနက်စာကိုသာဆက်စားနေသည်။ အကြောင်းအရင်းကို ဆူးလ်ဂီမသိပေမဲ့လည်း ဂျူဟျွန်းကိုထိပါးလာသည့်လူတိုင်း ကောင်းသောဇာတ်သိမ်းမဟုတ်ပါ။