أبتعد عني أنا لا أحبك | Libya|2022"

النهــاية/غير متوقعة💜💙❤️!

#لايـك قبل لا تقرررري ♥️
الحلقة طويلة و#النهاية طوويلة مش معروف حزن فرح أنتم أقرو
خدت مني وقت الكتيبة ممكن 3 ساعات ...!!!!
تفاعلو متكسروش بخاطري وصووتو❤️.
✨#قراءة_ممتعة✨
روووواااياات هدوووووووووش📚✒️
____________________
.
.
.
.

مودة: مش مصدقة طالعة من السجن وتشبح في الحراس يشوفولها!! ومادراو اي تصرف عادي ... ! جدا ً...
روان: تبتسم ...لين وصلو الباب الرئيسي وفتحولها الحراس السجن ...وطلعت بسلام ...وكانت في سيارة سودة كبيرة مضملة في تركينة....مدرسة ع جنب ...
خشت روان تعرف تسوق وجت مودة جنبها!!
مودة: قاعدة خايفة ومش عارفة وين ماشية المهم توكلت ع ربي ...
_____________
في المستشفى عند فاطمة مرت بو نغم:-
الدكتور: مع الأسف المريضة ح تخضع لعملية تانية لأنه العمليتين مانجحو! ولو مانجحت هدي العملية الأخيرة ... تموت!! لذالك أحني مش مسؤليين درنا اللي علينا كله الدعاء لي ربي ولو ربي مقدر أنها تموت تموت ولو مقدر تكون حية ان شاء الله ح تكون وتنجح العملية!
سالم: ساكت بكل برود ... ومايقدرش ينطق كلمة من صدمته ...
سالم: وقف وقعد يمسح في دمعته وهوا يدعي لي ربي انه تكون مرته حية صح مافي حاجة مادارتها بس ربي عالم انها طيبة نييتها غير بنتها الحق
سالم: خدا اتصل بي بنته مودة!
سالم: رد عليه شرطي...
الشرطي: رقم المتصل له في صاحبه في السجن !
سالم: نعم!!! شنو؟ كيف وين ؟
الشرطي: اسم السجن والمنطقة***
سالم: تمام ووقف ووهوا متعصب .. وزادلته بنته !! في نص الليل مش عارف وينها وتطلع في السجن؟ لسبب غير معروف!!!
______________
روووووااايااات هدووووش🔥
روووواااياات هدووووووش🔥
_______________
مودة: ماشين وهيا كل مرة تشوف الساعة ف السيارة ...الساعة كانت 3:16 م ... في الليل ....
مودة: تشوف في الروشن ... ..ماشين في طريق مافيها حد!! طريق طوويلة مفيش أشجار ...جهة كلها ترااب ...ومكان محدد للبني ...مفيش اي شجرة ولا حوش...!
مودة؛! وين ماشين؟ سألت وندمت ليش سألت!!
روان: بدون ماتشبحلها وهيا ماشية بسرعة فائقة!!
روان: لجنازتك!!
مودة: أنخلعت من الرد؟ كيف
روان: تضحك وشبحتلها لهدرجة تخافي؟ من كلمة!! نبصر كنت!!
مودة: بدا قلبها يدق وأبتسمت لها عشان تمشي الوضع!!
________________
روووووااايااات هدوووووش 🔥
روووواااياات هدووووش🔥
_______________
سالم: وصل السجن! ونزل لي مكتب ... المدير ...مكنش في حد طبعا غير الحراس .. والمدير الصبح يجي دوامه من 8 الصبح لين12 الليل ...
سالم يسأل في الحارس
سالم: نبي نشوف بنتي قالولي قاعدة في السجن ونبي نعرف السبب،!
الحارس: في داخل المدير المسؤول على الملفات ... الأشخاص المسجونه خليه يعطيك ملف بنتك وتعرف تهمة على شنو!
سالم: تمام وخش داخل للغرفة
وصل لي المدير المسؤول البديل ...
المدير: تفضل؟ اي شي
سالم: والله نبي نعرف في بنتي قاعدة في السجن
المدير: زيارات حاليا مسكرة ؟
سالم: لا تصلت بي بنتي ورقم رد عليا انها في السجن!! نبي نعرف علااش وشن المصيبة ولا الشي اللي خلاها تخش السجن!
المدير: شن أسمها بنتك؟
سالم: مودة!
المدير: اها شوي هي يوقف يشوف الدولاب يفتش في كم ملف ... على أسم ملفها
المدير: مودة سالم****"**
سالم: اي اني بوها
المدير: تفضل الملف فيه سبب دخولها لسجن!
سالم: ياخد الملف ويقلب الصفحة...
الأسم نفسه بعد ماتأكد انه بنته كان مش مستوعب!! انه توصل لها الدرجة ... تخش السجن!!
سالم: وهوا مصدوم بعد ... ! بعد ماقرا علاش خشت السجن
" تهمة أختطاف فتاة .. بريئة وتسببت في حريق كبير عمداً... "
بعض المعلومات غير مكتملة وغير معروفة"
___
سالم: ؟ مستحيل؟ كيف مودة توصل لها الدرجة ؟ انها تسبب في حريق ؟ وكيف ؟ وتسبب في أختطاف لالا هدا مستحيل نصدقه!!
سالم: تذكر الحركة .اللي دارتها وهروبها كل يوم من الحوش!! ونها تمشي وترجع في الليل!! ديما مش طبيعية !!
المدير: كملت؟
سالم: به تمام وعطاه الملف ؟ عادي نشوفها؟
المدير: مع الأسف حاليا ممنوع الزيارات في يوم محدد في الأسبوع تقدر تسجل أسمك توا وتجي فيه؟
سالم: لا نبي نكلمها ضروروي !!!
المدير: تقدر تجيب محامي لي بنتك ع قضية التهمة !!! ويتأكدو
سالم: تمام اي امتى نقدر نجي
المدير: معناته تعال غدوة ! طبعا بعد تاخد أذن من المدير العام!
سالم: تمام وطلع من السجن وهوا يفكر في حال بنته مودة!! ... ويفكر كيف ادير هكي مخطط غدوة يجيب محامي ... ويحققو من الأقوال يقدر ممكن يطلع بنته بريئة!!
_________________
فاتت ساعة ودارت الساعة4:00 ص
مودة: خايفة وتشوف لي الطريق اللي عمره ماشافاته ...
روان: فاتت للفة ع جنب كانت في عمارة ...تحتها محلات منهم مطعم الشارع ...ومحل ملابس كانت القهوة مفتوحة ... الوحيدة اللي في المكان مفتوحة!!! وفي زوز شباب قدامها مولعين موسيقى ويشو في شاورما ولحم... قدامها ... ومحل الملابس مسكر والعمارة مضلمة!!
مودة: شافت المحل مفتوح أطمنت شوية علقل في حاجة في محل في المكان هدا !! في عمارة ممكن فيها ناس شوية قاطع تفكيرها روان وهيا واقفة قدام العمارة هدي نفسها !!
روان: نزلت من السيارة وجت تفتح الباب لي مودة!
مودة: فتحتلها روان الباب وهي مستغربة!!!
مودة: نزلت هدا المكان صار
روان: امم ايه مزال ماتعرفيه مش اي شي تشوفه عيونك معناته هوا الواقع ! وضحكت تبعيني !
مودة: مشت وراها!!
روان: جت جيهة العمارة قالت أسم واحد من الشباب
مودة: مخلوعة وخايفة هادوم وين تعرفهم؛!
روان: كلماته قتله حاجة في ودنه ومودة تشوف وتشبح فيهم بس ماتعرف شن قالو!
الشاب: مد يده وعطاها مفتاح !
روان: تمام امشي ف شغلك وبتسمت لي مودة شوي تاني نوصلو المهمة!
مودة: مستغربة وساكتة وتبي تشوف شن العمارة هدي وشن بدير فيها!!
روان: خدت المفتاح اللي عطاهولها الشاب هدا فتحت بيه الباب ...
روان: خشي
قالتها لي مودة عشان تخش وتسكر الباب !
مودة: في نفس الوقت خايفة!!
خشت ..
روان: خشت وخشت معاها مودة وسكرت الباب من قدام وسكراته بالمفتاح!
مودة: خايفة !! قالت في روحها علاش سكرت الباب هدا سببلها الخوف!! وشك !
______________
مودة: تبي تشوف .. في دروج ركبوهم ...
روان: راكبة الدروج وخلفها مودة!
مودة: يدق قلبهاا وخايفة مع كل درجة تمشيها!
راكبين الدروج لين وصلو لي زوز بيبان ودروج مزال في ...
روان: وقفت ..
مودة: وقفت معاها وين ماشين أحني؟
روان: أصبري توا تعرفي ؟ خيرك مستعجلة!
مودة: سكتت
روان: طقت الباب .. الشقة
فتحت بنت ... لابسة قصير ومدايرة روج أحمر مشفشفة شعرها ... ! تتمايل
مودة: مستغربة من منضر البنت هدي .. وقربت من الباب بتخش مع روان! سمعت صوت الديسكو والموسيقى داخل ...
روان: خيرك واقفة؟ خشي !
أسينا: من هدي ؟ ههه هدي بضاعة ! جت في وقتها
روان: تضحك ..وطق في يد أسينا*
مودة: قاعدة واقفة مش فاهمة شي !
روان: تحركي تعالي جاي؟ شن خايفة شن شكلنا مرعب! أسينا* تضحك !
روان: تعالي جاي أسينا أنتي تعرفي شن قانونه هني ...
مودة: بحتت في المكان ... كان في أضواء خافته تضوء وتنطفي وفي شوية كراسي عليهم عصاير ... وديسكو مولع في صوت اشخاص قاعدين داخل بس مافيش قدامها غير البنت هدي وروان!
أسينا: تعالي معاي وأبتسمت لي مودة
مودة: مشت مع أسينا ... مش عارفة وين بس ماشية !
أسينا: فاتت بين الممرات كانت عمارة كبيرة واسعة فيها كم غرفة وأثاث فاخر ... ! .
مودة؛ وهي تشوف للمكان وتفكر! هدي العمارة من قدامها تبان قديمة بس من داخلها !! روعة وشن جايبني هني عساس مهمة؟ ولا معاش عارفة ! شن بيديرو فياا او وين تمشي معااية ربك يستر !!! وهي خايفة ومش مطمنة نهائي!
أسينا: فتحت غرفة فيها زوز شباب ... مقعمزين في كراسي وطاولة فيها كم أدوات مكياج ومكينات لتجميل
أسينا: جبتلكم ضيفتنا الجديدة!
مودة: تشبح لي الشباب هني تأكدت انه يبو يديرو فيها حاجة مش كويسة !!! مودة بدا قلبها يرعش بسرعة وبدت تحرك في رجلها حركتها المعتاادة!!! وخايفة موووت!!! شن بيصير فياا وهيا تفكر في روحها شن ممكن يديرو فيها!!
أسينا: خيرك شاردة ليك سااعة وتضحك متستغربيش اولا هدا حسان وهدا حسام
مودة: تميل راسها وتفكر وني شن دخلني بس لسانها مايقدر ينطق شي!
مودة : امم وماقدرتش تكمل
أسينا: توا ح يمكيجوك ... يطلعوك برنسس ونتي تعالي ديري خدمتك حبيبتي
مودة: مستغربة وهيااا خلااص دقاات قلبها قريب يغمى عليها لين بدت تسكر في عيونها تحاول تنوض يكون هدا حلم!!!
مودة: تشبح لي نظرات الشباب اللي قدامها!! ولي واحد يغمزلها وتاني يمدلها ف بوسة!!
ووو مودة توترت وهيا واقفة وفي هدي الحالة طلعت عليها أسينا! وخلتها بروحها ...
حسام: شن تعالي نديرو خدمتنا راه احني نمكيجو بس هني ياريتنا نقدرو نديرو زي ماديرو ويضحكووو
مودة: مش فاهمة شي قاعدة مصدومة وماتقدرش أصلا تتحرك من مكانها ولا تقرب جيهتهم ...
حسان: خير امك انتي ؟
حسام: البنت مصدومة حاسها ويضحك يلا عادي هكي في البداية بس تعرفي تتعودي!
مودة: تشبحلهم وخايفة منهم وهي قاعدة متقدرش تتحرك
حسام: تعالي جاي ياحلوة خلي نكملو خدمتنا ...
مودة: شافت الباب مفتوح تلفت ... لقت رجليها قايمينها وتجري...وتعيط...
أسينا؟ صوت مني هدا
روان: هدا صوت ...نعرفه! ظبطتها هكي كنت متوقعة يعني خطتي نجحت! وضحكت
أسينا: كيف انتي ؟ شن تقولي
روان: جيبيها خليها تجيني وفوتي جو متاع البضاعة!
أسينا: كيف مش أتفقنا؟
روان: قتلك اني خطتي بروحها ديري زي ماقتلك ومالكش دخل فياا
أسينا: امم به وهي خايفة من روان!!!
أسينا: جت مودة تجري وتعطيط وحسام وحسان شادينها يحاولو يردوها للحجرة!
أسينا: خلاااص
حسام: شافولها هوا وحسان !!!
أسينا: تممام مالكمش علاقة السيدة روان قالت
الشباب: سمعو كلمة روان* مشو وحولو عليها
مودة: قاعدة تبكي ...
أسينا: تعالي جاي معاي
مودة: بعيااط هستيري منيشش جاية معااك
أسينا: قتلك تعالي ؟
مودة: حولو عليا خدعوتني روواان مش هكي أتفقنا نهائي !!!
أسينا: تعالي جاي روان تبيك
مودة: أدكرت روان ودكرت لقطة أسكين !!!
خايفة منها هلبة لهدا مشت مع أسينا*
أسينا: ماشية معاها ... لي روان وصلو
روان: أسينا
أسينا: نعم!
روان: امشي نبي نكلمها موضوع بيني وبينها بروحنا؟
أسينا: تمام نسكر الغرفة؟
روان: اي
مودة: عيونها حمر ورجليها مش قادرة توقف عليهم؛؛؛!!!
روان: لهدرجة خايفة؟
مودة: وهيا تشبح لي عيون روان اللي يخوفو واللي لما تشوفهم متقدرش تنطق كلمة !! بس بعد هدا كله قررت تشجع روحها داخلها وتتكلم غصبا عنها وعن خوفها!!
مودة؛ اولااا مش هكي أتفقنا وتانيا ليش كل مرة اتقوليلي لهدرجة خايفة انتي منو شن تبي فيا اوكي اني سمعت كلامك ودرتيني !!! في داهية !
روان: أسكتي كلامك هدا كله مايهمنيش واصلا مسمعتاش كنت نفكر في حاجة تانية! أسكتي خير مانردك لي أسينا والشباب والمكان اللي كنتي قبل شوية ح تمشيله ويضيع شرفك ومنها انتي اضيعي حياتك وكل شي حلو ح تخسريه!!! فلهذا تسكتي وتسمعي كلامي اولا هدي تجربتي ليك وقد خوفك !! وهل انتي مجربة اشي هدا قبل وهل انتي بنت شريفة هدا كله عرفته توا ..! من تجربتي ليك فهمتي؟
مودة : ساكته وفي داخلها هلبة أسئلة بلا أجوبة!! بس من خوفها من روان !!! ساكتة ومتبيش توصل روحها لداهية عشان كلمة بسيطة أطلعها من قلبها !! تعرف لو تكلمت مش ح تسكت!!
روان: ايوا يعني انتي سمعتيني كويس وعقلتي وتوا مش ح تناقشيني وح تسمعي كلمتي بلوحدة!!
مودة: هزت راسها بمعنى تمام اصلا ماعندها شن ادير قدام روان!!!
روان: اذن هدي المهمة الأولى اوكي! ومنها عرفت انك بنت شريفة ومتتحملش الوسخ!!
روان: شي اللي نبي نوصله انه انتي كيف قلبك قاسي وماوصلتيش لدرجة اللي اني وصلت فيها؟
مودة: كيف فهميني ؟ تكلمت بسيف!
روان: سرحت شوي تكلمت اني بنت يتيمة الأبوين ومن الميتم عشت ومن لما فتحت عيني لقيت روحي في الميتم لا عندي اب لا ام لا أهل حتى اهلي مش معروف !! ! كم مرة دورت عليهم بس مالقيتهم ولا اصلا ليهم أثر بنت انخلقت بروحها وعاشت مع روحها علمت روحها الأخلاق السيئة وعاشت مع ناس سييئن تعلمت الشر ...طلعت من الميتم من عمر 12 سنة عساس بنكون روحي ومستقبل لي روحي بس ....لا مكنش عندي شي ... دروت بين الشوارع ع حد يتبناني ولا حد يمشي معاي مالقيت حد مالقيت صاحبة خير ممكن تتعرف عليا ... بس قررت انه نعيش حياتي عادية ونتحمل ...اللي يصير فيا لو شر عادي .. في البداية أنحرفت لما أجرت حوش لي روحي وستقليت وقلت لصاحب الحوش خليني ندفعلك اخر اشهر قلت توا نخدم ونقدر ندفعله بس دورت خدمة كلهم يبو شهادات وشخص متعلم او واخد شهادة ..مالقيت غير شغل الخدامه نمشي نخدم مطبخ نروح بي كم فلوس يعشيني ويوكلني ... منه عايشة ومانقدر نخدم اكتر من هكي !! يجي اخر الشهر وماعندي كيف نقدر نعطي الأجار ومن يومها أستغلني صاحب الحوش 💔ياخد شرفي عشان نقعد في الحوش وعشان مايسلمني لي الشرطة! ومن يومها اني صغيرة ومراهقة منفهمش ... هلبة .. وجتني فكرة انه مدام صاحب الحوش دار هكي ومادفعتله معناته نقدر نستغل روحي في كم حاجة ..ومن يومها قعدت تجارة مدايرة في روحي 💔 وبدت رووان اجامدة اللي عيونها يخوفو اللي الكل يسمع كلامها اللي لما تشوفها تحساب قلبها حجر وأصم ومايحسش بدت تبكي قدام مودة ... بكل حرقة ودموعها ... ينزلو وهيا مع كل حرف تقوله مع كل كلمة تنطقها قلبها ينغزها ...💔 وهيا تبكي ومن البكاء بدا كلامها مشوش وفيه صوت بكاء بسيف تقدر تنطق كلمة ...
مودة: قاعدة تسمع ومش مصدقة لين شافت روان تبكي ودموعها ...ينزلو بكل حرقة وألم ... ووجهها أحمر ... وطريقة كلامها توجع وتأثرها بينها وبين نفسها خلى مودة تحس بيها ... 💔
روان: قربت من مودة مودة
روان: نبي حد يحضني نبي حضن يحسسني انه في حد كويس في حد مش مصلحة في عندي حد يهتم بيا زي امي مثلا؟ زي ابوايا؟ نبي نحس أحساس انه عندي حد حقيقي مش مشوه شخص عنده أخلاق كرهت الوهمين كرهت النفاق كرهت الشر 💔 كرهت الأعمال اللي اني ندير فيهم كرهت كل شي 💔
مودة: تحضن روان وبدت مودة حتى هيا متأثرة بي روان ودموعها ينزلو ... ومتأثرة هلبةة وفي كل كلمة تقول فيها مودة تحسها في قلبها...
مودة: بدت تبكي معاهاا
وروان قاعدة منهارا بكي وهيا تدكر ماضيها البشع اللي تمنت انه ماصارش
روان: تعرفي مودة؟ وهيا تبكي وتشبح لي وجه موددة اللي تبكي معاها
روان: متخيلتش يوم انه اني يوم نبكي بالعبرة ونحضن حد بحنيه !! تعرفي اني ماعمري حضنت شخص بحب !! تمنيت تكون ليا أخت ولا أب ولا أم تعرفي أنه العيلة أحلى شي في الحياة🖤
مودة: تبكي وتحضنها مودة تعاود في كلام روان في ودنهاا وفي أفكارها!! تعرفي أنه العيلة هي الحياة!💔
مودة: تنهار بكي لما تدكر شن دارت في بوها وشن دارت في عيلتها ... وتدكر شن دارت في نغم
مودة: تتكلم .." وقلبها بدا يأنب فيها لأول مرة في حياتها !💔
مودة: بدت وحضن في روان وتبكي
روان: شبحت مودة! وتوا أنتي أحكيلي قصتك ...
مودة: تشبح لي روان قصتي مزال فيها أمل انه نتغير
روان: صدقيني لو عيلتك حية مزال وتخاف عليك وبدت تبكي معناته انتي أحسن وحدة ورد بالك تفقديهم العائلة هي الشئ الوحيد في هذي الحياة هي اللي ترشدك واللي تكون معاك وهي الأساس ... 🖤
مودة: بدت تنزل دموعها مسحتهم
مودة: اي الحمد الله عيلتي حية بس فقدت ثقتهم كلهم وتوا بعد خشيت السجن اكيد بوي مستحيل يسامحني !
روان: أحكيلي مافيش حاجة ماتتسامح زي مافيش حد ربي مايغفرله 🖤
مودة: ايه صح كلامك
مودة: تحكيلها قصتها ...
روان تسمع فيها...
_________________________
مهما كان قلـب الشخـص مليان حقد ! ومليـان كره ممكن في أي لحظة ربـي يهـديه لأنه ربي يحبه "ويهدي من عباده من يشاء🖤
متفقديـش الأمـل في أي شـي أنتي تقدري تغيـري وأقعـك للأجـمل مهما كان... أنتـي تقدري تكوني الأفضل رغم انك كنتي أسوء شخص كان... بس تقدري لما تبي ،وترجعي لي ربي وتوبي ربي يتقبل توبتك بس تكوني صادقة وتوعدي ربي أنه مستحيل تعاودي الحاجة هدي وربي سبحانه وتعالى ح يهـديك لي طريقه 🖤 ولي طريق الخير لأنك أخترتيه 🖤
مهما شفتي بنت مش كويـسة او أدير علاقات او شفتيها طالعة بلبسة كذا او أي شي فيها مش كويس مش تقولي مش كويـسة لا هدي ممكن تكون أحسن منك يوم القيامة ممكن ربي يهديها تكون أحسن أنسانه في أي وقت 🖤
﴿ لا تيـٓأسُـو منٔ روحٓ الـّٓله﴾🍁
_____________________
فـات الوقـت ودارت السـاعة :_10:20 ص
.
.
نغم: ناضت من النوم!
نغم: تحاول تحول ميلود اللي كان حاضنها!
نغم: أبتسمت وخلاته وقعدت تتفرج على ملامح وجهه♥️
نغم: قعدت ساعة تايهة فيه ...
ميلود: فتح عيونه! ولقاها تشبح فيه ومركزة فيه
ميلود: شدها وقعمز معاها ظبطوها اللقطة!
نغم: شن ادير انت
ميلود: نشبح فيكي مكنتش راقد على فكرة وهوا يضحك ضحكته الحلوة!
نغم: امم عادي
ميلود: شبحتك شن كنتي اديري
نغم: شن درت يعني؟ كنت نبحت في راجلي
ميلود: مستغرب من دوة نغم اللي تغيرت؟
ميلود: نقولك
نغم: امم
ميلود: ارجعي ارقدي كملي نومك مزلتي راقدة بعد تنوضي كلميني بش نستوعب!
نغم: ضحكت عارفة انك مش مستعوب اني تغيرت هكي!!
ميلود: به كيف تجي هدي وهوا يشبح لي عيونها ومقعمزين كل واحد يبحت في التاني !!
نغم: تعرف اني قاومت عيونك الرصاصيات وجمالهم كم ليا؟
ميلود: يرمش ومش مصدق هدي نغم نفسها اللي تتكلم؟
نغم: تضحك وتحضنه بسرعة ... نغم بصوت عالي ومسموع نحبك ميلود معرفتش كيف مانقولها ...
ميلود: حاضنها وقاعد مش مستوعب ترا قوليها متبصريش
نغم: تشبحله ! منبصرش قتت نحبك مفروض ادير ردت فعل حلوة ! ونزلت شواربها بزعل!
ميلود: تي اني مش مصدق انا
نغم: غبي متعرفش اني توا بس حبيتك
ميلود: يضحك نعرف كنتي تحبيني من اول يوم شفتيني فيه
نغم: لا خطا نقولك اول مرة حبيتك!
ميلود: عاجبه الجوو اممم قولي وهوا يشوفلها وفي داخله فرحة ماتوصف !!
نغم: حبيتك من تصرفاتك ليا كنت في البداية مش مستوعبة انك راجلي وني مكنتش نحبك وغصبوني ليك ...فلهذا مكنتش مركزة فيك ... بس من تصرفاتك وهتمامك ...حبيتك الحق
ميلود: يشبحلها وهوا منعجب بالكلمات اللي تقول فيهم نغم لأنه اول مرة تعترف بهادي الطريقة الجريئة وقدام وجهه وتكون قدامه مش طفلة تكون قدامها وحدة عاقلة ♥️
ميلود: نحبك حتاا ناا مرتي نحبك منعرفش كيف كل مرة نقولها متحسيش بيها زي مانا حسيت بي كلمة نحبك منك !! بس عادي
نغم: تضحك خلينا نوقفو نشوفو الفطور ونشوفوهم اكيد يستنو فينا
ميلود: مبتسم أبتسامة عريضة وفي قلبه في دربوكة والعة ... 😂♥️
______________
سرو: اني ماما نرفع الفطور
ام سرو: هبلتي بنتي ؟
سرو: قتلك انا خيرك
ام سرو: خلي خوك يرفعه وين ماشية ثدام راجل ؟
سرو: ع فكرة هداك مش راجل هدا صاحب خوي
ام سرو: ع فكرة انتي عقلتي وعمرك توا 16 سنة
سرو: ع فكرة عمري 17 اكبر مش 16
ام سرو: مني عارفة هدا مثال بس طلعتي ياحنة اكبر ...
ام سرو: منكش طالعة من هني خلي خوك يجي يرفع الفطور شن ماشية تتفلحي ؟ وتوري في روحك معرفتكش اديري في الحركات هدووم!!
سرو: تقلب في عيونها امباهي معااش بنمشي ..
نغم: خشت المطبخ صباح الخير
ام سرو: اهلين درنا فطور كيف جهزته ... تعالي نفطرو في الصالة كنا نستنو فيك محبيتش نفيقك بكري هلبة اكيد توا ساعة 11
نغم: اي اني تعبانة ومرهقة مرقدتش هدا علاش ومفروض لاكن رغم هدا نوطيني خليتيني ندير اني لفطور علاش اتعبي في روحك
ام سرو: لالا ساعدتني سرو
نغم: شني سرو انتي متقريش
سرو: اها نقرا بس نمشي حصة وحدة بس
ام سرو: شن تخرطي يابنتي
سرو: اي اني ماه عندي امتحان نصفي في مادة الأحصاء هدا علاش نمشي بعد شوية مش هلبة ! مخاطريش نمشي توا خلي نكسد مع نغم قبل لا تمشي بعدين ندير عذر اني مريضة
نغم؛ تضحك عليك بنت ذكية ههههه
سرو: مالا كيف
ام سرو: شنو تضحكو وشن اتقولي ياسرو اني نسيت بكل ...انه عندك مدرسة اقلبي خليقتك وبري البسي .. جهزي خلي خوك يرفعك ..
سرو: منيش ماشية ياام تواا
ام سرو: قتلك بري لحقي
سرو: فكرت .. في حاجة ..تفكيرها لو مشيت توا يمشي معاي خوي ميلود ومعاه صاحيه زعما؟
سرو: تمام ياام وهي تبتسم خلي ناخد طاسة شاهي ونمشي ...
ام سرو: غريبة أقتنعتي !!
نغم: تضحك غريبة بنتك وضحك!
__________________
ميلود: اهلين يااصاحب
فهد: امم نضنا بكري خليتني نرقد شوية ساعتين تاني
ميلود: يضحك وساارح ... ومردش ع فهد
فهد: هييي ويدير يده يحرك فيها قدام ميلود عساس يسمعه
ميلود: شوي ساااكت شوي ركز في يد فهد
ميلود: خيرك ؟
فهد: انت اللي خيرك شااارد هلبة!!
ميلود: يضحك ! اها اي !
فهد: حاسك مش طبيعي
ميلود: ضروري مانحكيلك ونفضفضلك رغمنك صاحبي الجديد هههه
فهد: عادي اهو حتى ني قريب نشرحلك شن داخل كلاويا! ههه
ميلود: يحكيله ع موقف نغم وكيف تغيرت وعترفت بحبها بجد؛! مكانش متوقع نهائي!
....
..
فهد يضحك ويهدرزو
______________________
رووووايااات هدووووووش 🔥
رووواااايااات هدووووووش🔥
_________________________
سرو: جهزت ولبست دبش المدرسة وساوت روحها اليوم غير ولبس غير وطلعت وهيا منحمسة وحاطة خطة في راسها بديرها!!
سرو: جت برا طالعة لقت سيارة خوها مدرسة وجنبها سيارة فهد؛!
مشت جهة قمم السيارة وفشة وحدة منهم ... بحديدة رقيقة سخنتها ع نار !!! وااك ع دمااغ الللي يفكر ! ههه
سرو: وهيا تضحك .. وبعد ماكملت جت خاشة وطول للمربوعة
سرو: هياا نوض ولقت ميلود وفهد يفطرو
ميلود: شن تخرطي انتي خليني ناكل وشن تبي فيا
فهد: لاحظ انها لابسة وشاح ولبسة مدرسية
ميلود: وين لابسة دبش مدرسي جييتي بسرعة ولا من رفعك؟
سرو: لا مامشيتش اليوم عندي امتحان ضروري نمشي توا عاشن نوصل في الوقت ...!
ميلود: وني بنوصلك؟
سرو: ايوا خوي الحلو الغالي الجميل ... وهي تبتسم !
ميلود: خير عبرتي عن مشاعرك بطريقتك لخراا احسن من تجامليني عشان نرفعك ! هيا بري لسيارة توا جااي بلا درااما
سرو: تسلملي انا وهي تقلب في عيونها مشت لسيارة وهي تضحك تعرف الحركة اللي دارتها!!
_______________&
ميلود: طلع برا ... ومعاه فهد قال بيروح ماشي عنده خدمته
طلعو مع بعض ... عساس ميلود بيمشي مع أخته وفهد بيمشي في سيارته .. بيروح...
ميلود: ركب السيارة ومعاه ركبت سرو ...
وفهد: حتى هوا ركب سيارته بس مزال مامشى
ميلود: حرك السيارة عساس بتتحرك .. بس مبتش وحسه انه في قومة طايحة؟
فهد: يشوف ف السيارة! ويشوف في القومة كيف نازلة ينزل من سيارته!!
فهد: شوف القومة!!
ميلود: اي السيارة مبتش تتحرك
ميلود: نزل من السياارة عليك حصلة مالقتش وقت تنفشه فيه غير توا!
فهد: زعما نقدرو نلحقو نركبو وحدة عندي ...
سرو: تنزل من السيارة لالا مستحيل نستناكم خوي ميلود دورلنا تكسي وصلني فيها ورجع امتحااني بيفوت علياا ...ولبلة مستحيل تعااود قالت سرو كلامها بسرررعة!
فهد شبح لي ميلود!: اكيد مش ح تاخدو تاكسي؟ وني هني؟
ميلود: اي مالا هيا اركبي مع فهد خلي نوصلوك ونرجع ...
سرو: تمام التمام هدا اللي كنت نبيه وتضحك بينها وبين روحهاا!!
سرو: منعرفش ليش اندير هكي بس الحق عاجبني فهد ... وندير ف جوو وتوا نعرف طريقة نديرها يعشش عندنا ومعاش يمشي وهيا تفكر ركبت للخلف وميلود وفهد قدام ...
طول الطريق ماشين يهدرزو ميلود وفهد بس تلقيط كلاام ويسكتو وكانت سرو مركزة! في فهد من مراية السيارة وفهد مكانش مركز فيها بس بعد ماكل مرة تشوف لي للمرايا لي فهد! ركز فيها !! وبدا يشبحلها كل مرة وهيا عاجبها اجوو ومش مصدقة ... !! ههه مجنونه
حتى فهد عجبه الجوو وقعدو يتبادلو في نظراات لي نزلت سرو ... ورجع ميلود مع فهد .. للحوش..
______________
روووواااياات هدووووش 🔥
روووواااياات هدووووش🔥
________________
مودة: هدي هيا قصتي 💔
روان: انتي ندمانه توا ولالا
مودة: اي اكيد ندمت بس مكنتش ندمانه قبل توا حسيت بذنب حسيت بضميري يأنب فيا من كلامك ومن قصتك اللي عشتيها بدون أهلك تخيلت روحي مكانك ... في الحاضر علقل أنتي هدا ماضي ...تخايلي صار نفس ماقتي ..💔 وبدت تبكي به شن ندير نرجع عيلتي وثقتي فيهم ونحول التشتت الللي صارر !! ونرجع .. كأي عيلة عادية ونرجع معاهم زي قبل حتى اختي كنت معاملتها مش أختي مكنتش معتبرتها لا اخت لا صاحبة 💔 رغم انه كانت بنت على نياتها 💗... بنت ماعندها نفااق مش زيني أني اللي نزرعت مع امي اللي كانت تعبي فيا ... وبدا قلبي حجر لين معااش نحس ... نحس روحي مافيش حد يعتبرني انسانه مفيش حد ح يسامحني ...بوي مستحيل يرضى بيا نرجع للحوش تاني وكيدة يطلق أمي قاللها لو هربت مرة تانية اني مش مسؤول على العار اللي بديره بعدين اعرفي روحك طالق 💔 توا اكيده مطلقين وف النهاية بوي ح يحب نغم ... ويخليني اني كانت فيا غيرة غريبة ! وحقد مالاحظته ! اني تخايلي حاولت ناخد شرف اختي منها حقدي وصل لدرجة هدي وبدت تبكي مستحيل حد يسامحني اني متأكدة
روان: أسمعيني كويس ... 🖤 اني قررت أنه نتغير للأحسن ونغير روحي وندور بنت عايشة نفس قصتي نوعاً ما عشان نتغيرو مع بعض ونساعدو بعض ... عشان نكونو زوز خوات نلقى وحدة تساعدني وترشدني للخير ... لقيتك أنتي ف كوني ليا السند ونصحيني وني ح نكون ليكي السند وح ننصحك وح نكون أختك بس اوعديني أنك تكوني أهلي وامي اللي ماشفتها انك تحسسيني بالحياة انه تحسسيني انه ليا فايدة في عيشتي ...
مودة : تشبحلها وتبتسم وهيا تبكي وزوز يبتسمو ويبكو
روان: اولا انتي تقدري تغيري في روحك للأحسن 🖤 لما تمشي تاخدي السماح من نغم وترجعي مودة وحدة تانية تتغيري تسامحيها بس مش بكلمة أسف لا! بطريقة أسلوبك الجديدة وتعاملك الجديد الحلو ... 🖤 وتقدري تكسبي عيلتك من جديد لما توعديهم انك مش ح ديري شي غلط وقتها ح يوقفو معاك وقفت عيلة لي بنتهم ...وقتها ح يحبك ابوكي وح يحبك زي مايحب نغم ح تكوني انتي ونغم ثنائي رائع تعيشي الشي اللي أني نتمناه انه تكون ليا أخت ونعيشو مع بعض نتعاركو نضحكو ناكلو مع بعض نقوللها في فالطاتي وأحزاني ونحكيلها ونفضفضلها كل اللي في خاطري ونهدرزو لي بعض تونسني بجد اني الاي حاسة بشعور انه مايكون عندك أخت وقت الضيقة تجي جنبك تكون ليكي اختك 🖤 اللي جنبك طول الوقت تعرف احوالك وعادي تطلعي قدامها بأي شخصية 🖤؛صدقيني الأخت ماتتعوض ف أول شي ننصحك أنك تستعيدي أختك نغم وتحبيها نفس ماتحبي روحك ح تكون حياتك حلوة وترجعي ثقت أهلك وتكونو عيلة وحدة 🖤
مودة: صح كلامك اي صح وحضنة روان ماتوقعتك هكي تكوني أنسانه بليغة أنسانه حكيمة تنصح ونصيحتها حقيقية تخش القلب للقلب عالم ربي قداش ريحتيني ورتحت لك !
روان: أبتسمت حتى اني والله خلينا نطلعو من المكان هدا بهدوء بدون حس ولا نحسسو انه درنا شي !
مودة: أبتسمت ...وطلعو
__________________
فـي المسـتشفى عند فاطمة :-
بعد مادارت العملية :-
سالم: واقف ماشي ! ويبي يمشي من هانا للسجن عشان يشوف شن صار في بنته ...
جاته الدكتورة ومعاها الدكتور وجههم من غادي يبشر للخير ♥️
سالم: شن صاار !!
الدكتورة : الحمد الله والشكر الله نجحت العملية بقدرت رب العالمين !
سالم: أبتسمت وبين ضحكته ومن فرحته قال بصوت عالي الحمد الله لك يااارب الشكر والحمد الناس اللي حوليه يبتسموله الف سلامة للمريضة
سالم: به شن يصير توا في امل تعيش؟🖤
الدكتور: اي بأذن الله الخطر معاش في ... وتقدر تطلع من المستشفى بعد أسبوع !
سالم؛ الحمد الله انه حية ترزق الحمد الله نجحت العملية كان مافيش امل نهائي وكان متوقع انها تموت بس كان يدعي لي ربي بكل قلبه انه ماتموت وتخليه زي مرته الأولى !
________________
مودة " وروان في السيارة :-
مودة: كيف نقدرو نطلعو من السجن؟
روان: شي بسيط جداً...!
مودة: مش هروب !!
روان: لا حاجة كويسة العكس توا تعرفي !
مودة: تمام وأبتسمت ...
____________________
روووووااااياااات هدوووووش🔥
رووووواااايااات هدوووووش🔥
___________________
نغم: فطرت وكملت الفطور هدرزت شوي مع ام ميلود ورجعت للغرفة ...
ميلود: رجع بعد ماوصل اخته للمدرسة وخش ع امه سلم عليها مشى يشوف نغم
نغم: أبتسمت رجعت كنت نستنى فيك!
ميلود: جا خلفها حضنها شن تشوفي جمالك في المرايا نا نغاار حتى من المرايا تشوفك!
نغم: تشوفله من المرايا كانت تتفرج على روحها كيف خش عليها!
نغم: هلبة هكي تحبني معقولة!
ميلود: مش غير ناا نموت في شخصية اسمها نغم وبنتنا المستقبلية نسميها نغم ولو نلحق نسمي ولدنا نغم مدخلنيش !
نغم: تضحك جيت بنقولك مجنون بس ادكرت اني نبي نتغير للأحسن
ميلود: زي شنو؟
نغم: نبي نتخيل روحي انه انت راجل احلامي وني متزوجاتك!
ميلود: معناته تعرفي؟
نغم: اها!!
ميلود: نرجعو الماضي ونعيشو من اول لحظة من جديد
نغم: كيف شن تقول انت
ميلود: يضحك ... ساهلة انتي اليوم جهزي توا نرفعك للمزين والباقي عليا
نغم: شن تخرط انت انديرو عرس تاني ولا شنو
ميلود: حاجة زي هكي وغمزلها اني منسألش فيك ...يامرتي المراة ضروري تسمع كلام راجلها
نغم: هكي من بدايتها نسمع كلامك
ميلود: يضحك ههه هلبة
نغم: عادي نتحمل كل شي منك
ميلود: طلعتي رومانسية وني نحسابك جفاااف قت هدي مرتي ضروري نغير الماركة!
نغم: تضحكك شن تبي نسبك بلااهي
ميلود: يضحك أستغفر الله خليتك ديما تسبي فيا وتخليني مجنون بس عادي ... ههه
نغم : تضحك نقولهالك مالقيتش اي كلمة غيرها مجنوون
ميلود: نحبهااا منك وتوا نعلمها لي بنتنا
نغم: متنساااش انت مش راجلي مزال
ميلود: تبي نكون راجلك توا؟
نغم: حقيير وتضحك يلا دير اللي تقول عليه ..
ميلود: ايوا تمام أحجزي ف نت ع أي مكان لتجميل نرفعك اني تمام .. والباقي عليا
نغم: تبتسم فرحاانهة وفي داخلها علقل نحس روحي اني متزوحة زي أي بنت حلمها تلبس الأبيض وهيا فرحانه✨💗
_____________________
فات الوقـت مع العصـر:-
روان: قدام مركز الشرطة "
مودة: ان شاء الله خير...
روان: انتي بس ماتتوتريش وقولي زي مايقولك الشرطي
مودة: شن بيقولي
روان: توا تعرفي ... ونتي بس جاوبي الأجابة صح
مودة: يلا توكلنا ع ربي نزلت
خشو داخل المكان ..
روان: بتكلم المدير .. العام*
خشو داخل السلام عليكم
المدير: وعليكم السلام تفضلو؟ من انتم
روان: اني السيدة روان ***
المدير: فاتح عيونه بصدمة؟!! ونتي في السجن شن جابك هني؟
روان: شوي عليك خلي نفهمك قبل انتم اعطيتوني تعاهد ؟
المدير: اي ومابيتيش أطبقيه ولا اديري شروطه وخترتي الأعمال اللي اديري فيهم
روان: بس اني صح اكبر مجرمة .. وكم مرة خشيت السجن ودرت مشاكل بس اليوم جاية نعتذر منكم وندير التعاهد ومستعدة نحلف باليمين انه معاش بنرتكب اي جريمة ! نهائيا ومستعدة نقوللكم كل مراكز اللي يرتكزو فيهم المجرمين ومقراتهم المهم نطلع من السجن
المدير: مستغرب !! غريبة روان انتي ! نفسك ولا اني نتخيل؟
روان: اي اني نفسها قررت نغير ماضيَ للأحسن ونعيش حياتي من جديد وني ع عهد ... بذن الله
المدير: مش مصدق ممكن اكبر مجرمة بنات وتهرب في بناات وعندها عصابات تقول كلام زي هدا !!!
المدير: اني مانعرف شن نقولك واصلا قاعد مصدوم من كلامك واحترامك صح كلامك واقعي بس ماتوقعت يوم تدوي دوة هكي!
روان: أبتسمت وهيا تشوف لي مودة اللي بادلتها الأبتسامة
المدير: تقدري توا ؟ توقعي وتشهدي ؟ ع تعاهد ونفس الشروط لو خالفتيهم أعتبري روحك ميته!
روان: أي مستعدة وبقوة !
المدير: خلاص مالا حتى مانستنى غدوة ولا اي وقت خلينا نمشو .. للمدير الداخلي*
روان: شدت في يد مودة
مودة: فرحانه وفعلا توا صدقت انه روان ح تتخلى ع اعمال الشر اللي ادير فيهم ويطلعو من السجن بسلام🖤
____________________
طـالعة أمـيرة مكياجها الخيالي ✨ وقفطانها الحلو !! ... برنسسس
نغم وهيا تشوف لي روحها بعد مامكيجت لها المزينة .. مكياج خفيف وفنفس الوقت راقي ! 🖤 طالعة مش نفسها نغم كم ليها مامكيجت!! وطالعة ديما متشردة!! اليوم بشكل تاني ! تشبح لي روحها في المرايا وهي تبتسم ومش مصدقة انها لابـسة فيلو ! واليوم عرسها! .. تعاود نفس اللحظة اللي كانت فيها حزينة وتمنت تكون حلوة وكأنه الزمن يعيد مكانه ليغير الزمان اللأجمل🖤
___
المزينة؛ وهي تشوف لي نغم لابسة فيلو مش كبير هلبة بس منفوخ من لوطة ..ودايرة روج خفيف 💗 مفيش وصف يوصف جمالها الخيالي💖 ....
المزينة: مشاء الله تبارك الرحمان تهبلي جمالك خيالي والمكياج خلاك شخصية تانية!🖤
نغم: أبتسمت وتفكرت في ميلود لو شافها ! هيا معجبة بي روحها بروحها؟ بلكي شخص تاني وهس تضحك وتفكر شن يصير كانت السعادة مسيطرة على قلبها وكأنها عمرها ماعاشت السعادة ...ونست كل الأحزان ..كل تفكيرها في روحها وميلود اللي ح يكون ليها خصيصاً.. ✨💗
_____________
ميلود: قاعد في صالون حلاقة ومعاه فهد
فهد: لالا مفروض مكيجوك شوية ولا
صاحب الحلاق: صح اي خلي نديرولك شوية بودرة ع وجهك 😂
ميلود: لالا خلوني في حالي ووقف ووهوا يشوف لي روحه كيف شعره متساوي وكيف لابس بدلة العريس اول مرة يحس روحه عريس فعلا!🖤
فهد: تعرف لو بنت أني كنت تزوجتك! لاكن خسارة مجيتش بنت وفات عليا هدا الجمال!😂💗
ميلود: يضحك وغمازته وضحكته اللي تجنن مخلينه أمير .. ✨
ميلود: يوقف ويطلع هوا وفهد بعد كملو يبعت رسالة لي نغم 💗
" وأخـيرا نجي نرفـع أمـيرتي ونشوفـها .. ونديرو اللي نـبوه اني ونتـي راجل ومرته هههه 💖وأخيرا ياعنـيدتي تكونـي ليا ! وأخـيرا انك لياا نحبكك نحبكك ياحبيـبة المجنون اللي جننتيه بجـمالك 💗
_________________
نغم: تقرا في الرسـالة وتبتسم وهيا فرحانه وطايرة من الفرح
نغم: ماردت عليه ...! ههه وقالت تتصل بي بوها بلكي يجي ويشاركها فرحتها💗
نغم: ترن لي بوها
____________
في المـستشفى عند فاطمة:-
الدكتور: الحمد الله اليوم تحسنت ونشاء الله قعدو تلات أيام تطلع المستشفى !
سالم: الحمد الله لك يااارب🖤
سالم: يجيه أتصال يلقى بنته نغم يرد
سالم: اهلين حبيبتي
نغم: اهلين بوي كيف حالك وينك
سالم: مباش يخبرها انه فاطمة دارت كم عملية عشان يتعبها ولا يوترها ..
سالم: لا ماشي مع فاطمة للمستشفى نازلها ضغط .. بس
نغم: سلامتها بوي نبيك تجيني اليوم مدايرة حفلة
سالم: حفلة شنو؟
نغم: حفلة خاصة مفأجاة 💗 ولو عادي فاطمة معاك
سالم: اها توا نشوف ! وهوا يفكر كيف فاطمة مزال خروجها! بس مايبيش يوتر بنته🖤
___________________
فاتت ساعة في الوقت ...
وميلود وصل لي نغم طبعا أجرو صالة بسيطة صغيرة نوعا ما لأنه مجرد حفلة خاصة مش عرس بس عشان يحسو أنهم متزوحين بجد!💗
ميلود: وصلو ونزلت معاه نغم وهيا تشوف قدام الصالة بنابيل وأضواء والعاب نارية أجواء روووعة✨💗 والمكان تحفة في الجمال
نغم: وهيا فايته خشت الصالة عندها ممر طويل ... وفي كراسي مش هلبة هكي20 كرسي بس .. وشوية معازيم ... من أهل ميلود
وقالولهم هدي مجرد حفلة للعرسان💗 خاصة بالعيلة ومافيش حد يعرف المشاكل اللي صارو ولا شي...!
خشت نغم وقعمزت عادي ... وجنبها ميلود جايبين مصورة تصور فيهم صور ...
وأضواء يولعو ويطفو ..
ميلود: تكلم في ودن نغم يهمسلها وهوا يضحك
ميلود: توا موتيلك مفجأة ..!
نغم: زي شنو ؟
ميلود: مش ح تتوقعيها بس بسيطة!
نغم: نستنى
شويـ تاني ولعـت أغنـية
✨💗 أخــيراً قالها قال أحبك قالها😂💗
ميلود: تشبح لي نغم وهوا يضحك ونغم تشبحله
نغم: هدي المفجاة ولا
ميلود: اي تليق بيك هدي اصلا مفجاة ليا اني ههه
نغم: وقفت تسلم ع المعازيـم 💖
فاتت نص المعازيم وهيا تسلم عساس هدي حفلتها ... لين وصلت لي بنت غريبة أول مرة تشوفها!
نغم: اهلين من أنتي وسلمت عليها
البنت: اني نبيك ضروري لو ممكن نتكلم معاك لو مافي مانع
البنت: لابسة لبس محترم ولابسة وشاح لأنها مش من اهل العروس ولا تقربلهم! ومش مدايرة روج ولا مكياج ! العكس حلوة وعادية
نغم: مشو كرسي بعيد شوية ع المعازيم
نعم: اها قولي بسرعة شن تبي
البنت: انتي عندك اخت أسمها مودة ولا
نغم: ايوا وقلبت عيونها؟ وعلاش السيرة لخصي الموضوع
البنت: تكرهيها صح ومافي حاجة مادراتلك !
نغم: ايوا صح نكرهااا مووت سببتلي كم مشكلة واصلا حتى هيا تكرهني ومافي حاجة مادارتلي !
البنت: بس مع الأسف الشديد صح تكرهيها وكل شي ...بس البنت بكري كانت في العمليات ...ع قلبها السبب ضني صدمة ع حاجة وقالو الدكاترة دقايق وتموت وني أقرب صاحبة ليها ... نادتني رغم انه ممنوع الدخوول بس اخر كلمة قتهالي انه عندها اخت مافي حاجة مادارتلها وتكرها وتكرهو بعضكم .. قتلي نبيك توصليلي سماحي ليها قوليلها تسامحني من عند ربي عالم ربي اني متأسفة منها ونادمة هلبة ع كل شي درته .. ليها !
نغم: مصدوومة! وقريب تبكي نغم بنت حساسة ومتتحملش من بعد ماتت امها يموت شخص بعدها💔
نغم: لا مستحيل هدا امتى صاار وهل مااتت خلاص اني مسامحتها وشدت نغم عيونها بدون يدمعو صح مودة مافي حاجة مادرتلها بس عالم ربي انه ماتمنت تموت العكس تمنت انها تتغير للأحسن!
شوي في الدقيقة هدي اللي نغم متأثرة فيهاا ... جت بنت لابسة نقاب أسود وخشت ..وجت قعمزت جنبهم
نغم: من هدي البنت
روان: هدي حولي النقاب !
مودة: حولت النقاب وهيا تبكي ...وعيونها حمر
نغم: شافت لقت مودة اللي تبكي قدامها ومش ميتة
مودة: مسامحتيني ولا نمشي نقتل روحي
نغم: حضنت مودةة مسامحاتك لوجه الله
مودة: تبكي وتبتسم وهيا تحضن نغم
نغم: ليش كدبتي علياا انك متي وعلااش سامحتيني بعد كل البهدلة واللي درتيهولي كله!!
مودة : تبكي قصة طويلة أني أنبني ضميري وصاحبتي روان ساعدتني 🖤 كا أخت وهيا ماعندها عيلة تأثرت بيهاا وفعلا أتقنت أنه بدون الأخت وبدون عيلتك مش ح تعيشي 🖤 نغم: في قلبها فرحانه من قبل وزيادة فرحت لما سامحتها مودة ورجعت معاها قداش تمنت انه تكون ليها اخت ماتنافق فيها وتحبها كأي أخت💖
________________
خلينا نرجعو للأحداث بسرررعة:-
قبل دقايق ..
روان ومودة خططو خطة والخطة نفسها هدي اللي داروها لي نغم ع ساس مودة ماتت وعطتها وصية انها تسامح نغم وبطريقة هدي تشوف ردة فعل نغم لو حزينة ولا متعدلش ع مودةة عادي لو عدلت عليها وحزنت معناته ح تقبل أعتذارها وهكي صار🖤
________________
مودة وروان... مشو يساوو روحهم عشان يحضرو الحفلة ويعيشو مع نغم ويحسسوها أنه معاها حد💗
مودة وروان مشو المزين نفسه اللي مكيجت فيه نغم هدا مع الساعة8 المغرب قريب الليل ...
مودة وروان بعد مامكيجو ولبست كل وحدة قفطان وشبهو بعضهم ودارو نفس التسريحة ونفس المكياج طالعات يهبلو 💗 ومشو يفاجؤ نغم
__________
رووووواااياات هدووووش💖
روووووااااياات هدوووووش💖
_________
نغم: مقعمزة وتسلم على المعازيم وميلود قاعد عند أصحابه برا...
نغم: شافت زوز بنات من بعيد ماظبتهم لابسين نفس اللبس ...ومشابه لي القفطان اللي لابساته
نغم: أبتسمت لما قربو وعرفت انه هدي مودة وروان💗
نغم: سلمت عليهم ...تعرفي مودة ماتوقعت يوم نكونو مع بعض ولا نفرحو لي بعض💗
مودة: وني اللي كان مستحيل نشاركك حاجة حلوة دايرتيها ! هه
روان: عادي كل شي يتصلح في هدي الحياة في امل 💗
روان: خلينا نصورو صورة جماعية
مودة: حطت يدها ع كتف نغم من الجهة ع اليمين وروان ع يسار وصورو ...كم صورة وهما يديرو حركات وهكي والمعازيم يتفرجو عليهم جو خدمات وزعو كم حلويات وعصاير وهكي ...
💖 اجو يهبل
مودة: اوقفي نغم هدا مش عرس عشان تقعدي مقعمزة ومتحشمة خلينا نرقصو !
نغم: تضحك وقفت بعد ماغصبوها مودة وروان اللي جريأت ويرقصو في الساعة ع أغنية ديباسيتو😂💗
ونغم مشت في جرتهم والعينها رقص ...
كملو رقيص شوي تاني جا سالم بو نغم ومودة💗
سالم: جا سلم ع بنته مشاء الله شن طالعة اميرة شن الحفلات هدوم وجو هدا ...طبعا فضو المعازيم ..وماقعد حد هدا بعد وقت...
نغم: معاها مودة وروان
سالم: مودة؟
نغم: اي مودة جتني وعتذرت مني ع كل شي وقتلي تسامحها ع خاطري وطلعت من السجن
سالم: مش مصدق؟ من طلعها من السجن
جت روان تحكي لي سالم القصة من البداية قصتها ومع قصة مودة للي خلتهم ... يفكرو في حياة حلوة وسعيدة ويخلو الشر ... وكل حاجة مش حلوة في حياتهم 💗 وروان بعد حكت لي سالم ابو مودة قرر سالم يسامح مودة مدامه مودة سامحت نغم 💗 وقال سالم لي روان بعد عرف قصتها ونه ماعندها وين تقعد ... قاللها تعالي وسكني معانا ومع موودة اصلا نغم خلاص بتروح لي حوشها مع ميلود وتعيش حياتها علقل تكوني مع مودة وتكونو ديما مع بعض وتسندو بعض وتكونو زي الأخوات💗 وني اعتبريني زي بوك ...الللي تبيه ع عيني وراسي 💗
روان فرحت هلبة وحضنت مودة ونغم تلاتتهم من الفرحة روان مش مصدقة انه تعيش بين عيلة تتخيل روحها في عيلة وفي اب يكون سند ليها تتخيل روحها عندها اخت من الفرحة بدت تبكي بالعبرة وهما يحضنو فيها💗
سالم: فرح هلبا انه بنته عادتها وعداته انه معاش تغلط تاني ودير ديما الصح ومش ح تطلع من كلامه 💖
________________
النهاية✨
فات اليـوم هدا ... كان الكل فرحان 💖مفيش حد مضايق 💖 كانت قلوبهم عامرة بي المحبة والسماح 💗
" أعـرفو أنه البغض والنـفاق مدام في القـلب يقعد الحقد ...ينتج الكراهية لناس اللي حوليك ..وتكرهي أنتي بروحك حياتك تقعد تعيسة عكس لما تكوني أنـسانه بريئة وطيبة وحنونه وتقبلي التسامح👥🖤 *
الكـاتبة : هدووووووووووووش ✨