#أبتعد_عني_أنا_لا_أحبك #❤️12
.لايــك قبل لا تقـري 👇
.
قراءة ممـتعةة"🦋
.
.
ميلود: تعالي جاي جنبي
نغم: علاش
ميلود: نبي نحضنك
نغم: توسع ف عيونها؟ شنووو؟
ميلود: ولا يلزم نقعد اني ونجيك المريض!!
نغم: مجنوووون وتقلب في عيونها تمام خليك توا اني أنجيك ...
ميلود: أبتسم .. وبين غمازته ضحكته المستفزة
نغم: داخلها بدا يعجب فيها الجووو اللي يدير فيه ميلود هههه
نغم: جت جنبه هههه
ميلود: تعالي أقربي خيرك خايفة مني ويضحك
نغم: تقلب ف عيونها وجت حضناته
ميلود: قعد يضحك وحضنها وحاس روحه أنتصر
نغم: اوووه عليا روحها اول مرة نحضن راجل غير بوي...
نغم: سرحانه وقاعد ميلود حاضنها
ميلود: شكله عجبك الجوو يعلي ف صوته طول جيهة ودنها
نغم: نعم؟ حولت روحهاا من حضنه بس كان شادها بالقوة
نغم: حووول عليااا
ميلود: خيرنا مش كنا متفاهمين؟
نغم: أيديك أرخيهم ... خيرر
ميلود: مدرت شي أني ويضحك محاصرها متقدرش تفك روحها منه
نغم: أستسلمت...
ميلود: حسيتك راخية روحك هلبا ومستسلمة...
نغم: متردش
ميلود: يحول روحه يشوفها ..نغم ؟
وهكي يتقابلو وجوهم ... تجاه بعض ...
نغم: ساكته ومنزلة راسها تحاول ماتشبحله
ميلود: هااايم فيها وفي شكلهاا الطفولي شكلها تعبت وتحاول تفك روحها ويبتسم
ميلود: اهو ياطشة معاش شادك ... بس خلي عندك علم أنك مرتي الصغيرونه ... وبنتي اللي كيف جبتها ... وأمي تاني وأختي
نغم: خلااض وتموت ضحك ... شن بتعدلي سلاسلة عيلتكم كلها
ميلود: أنتي كل شي بختصار وهوا مركز على تفاصيل وجهها ...
نغم: باهي معاش تشبحلي نتوتر
ميلود: ايوواه علينااا تتوتري وعلاش
نغم: تشد فمها ياربي شن قلت أني
ميلود: مراقب تفاصيلها ويعرف شن تخرط وشن تقول العكس عاجبه الجو
ميلود: ركزي
نغم: لقت روحها مقعمزة جنب ميلود وموجها وجهها ليه !
نغم: حولت شن توجعت!
ميلود: لا العكس عادي ..خليك
نغم: لا هلبا نضغط عليك ... السرير مايسد
ميلود: لو تبي نطلعلك منه ونراقبك وتقعدي فيه بدالي عشان تتريحي
نغم: أبتسمت لااه مش لهدرجة ههه
ميلود: تعرفـي أني حبـيتك؟
نغم: تغيرت نظرتها ... ونزلت وجهها تحاول ماتشوفه... وتوسع فعيونها.. مؤثرات ههه
نغم: وشن أندير بي حبك ليا
ميلود: بجديـات نحبك
نغم: ملامحها تاني يتغيرو وميلود عاجباته وين يقوللها نحبك ... يشوف ردة فعلها
ميلود: يضحكككك ضحكته المستفزة
نغم: وعلااش تضحكك
ميلود: ع فكرة ضحكت رااه ضحكت
نغم: امم به
ميلود: امم هادي معادش تقوليها
نغم: نزلت شواربها وعلاش
ميلود: متااع الدلع وجوو البنات اللي منحبهمش
نغم: امم به معدش نقولها
ميلود: هههه اني قتلك معاش تقوليها خلاص قوليها ماعندي مانديرلك
نغم: تعرف شن صار بعدك؟
ميلود: مش لازم تعكري مزاجنا ...
نغم: امم به سكتت
ميلود: مايطيقهاش الكلمة ... نغم مكنتيش تقولي فيها؟ الكلمة قبل ... يشبحلها بأستغراب؟
نغم: اي صح هههه
ميلود: شن فكرك تقوليها
نغم: اصلا منقولش فيها هكي نحرك في دمك
ميلود: مهو عااارف
نغم: ايواا
ميلود: يشبحلهاا
نغم: توخر راسها قبل قريبة منه
ميلود: يضحك زي شنو تحسي أنتي اني راه شبحتلك ...مدرت شي
نغم: تحشمت وجهها احمر وخدودها حمر
ميلود: سلمهاا مرتي الحشومية ع أبسط شي هههه
نغم: فتحت نقالها ... عشان أي شي يصير مع بوها يتصلو بيها
ميلود: مستغرب مكنتيش تبي تفتحيه ...
نغم: ملامح الحزن ع وجهها شويا ...
ميلود: خيرك نغم متبديش في جو البكي ... احكي ... فرغي اهو اني قدامك نساعدك في اي شي
نغم: أبتسمت ...
نغم: اي نحكيلك كل شي وقصتي مع أهلي .. تصالحة مع بوي ونحكيلك قصتي مع مالـك .... وعلاش غصبوني ليك وكل شي نوعدك بس أنت توا تعبـان ومريض وماجي نحكيـلك كلام ممكن يأثر فيك ...
ميلود: تعرفي أني مكنتش مركز ع لكلام اللي قلتيه كله
نغم: تقلب في عيونها! اصلا نشبح فيك شكلك تفكر في حاجة تانية
ميلود: والله لا ... كنت مركز عليك كيف تدوي
نغم: ضحكت مجنووون
ميلود: أيه أنتـي كنتي السبب في جنوني... وقريبا ح تكوني السبب في
نغم: في شنو
ميلود: ههههه تهمك الكلمة
نغم: لا !
ميلود: احكيلي مش ح نتريح لين تحكيلي علقل ع مالـك
نغم: لا مستحيللل مش توا
ميلود: لا نبيك توو راه ع أعصابي نقعد ..
نغم: لا وني اللي مانبيك تتوتر أنت كيف داير عملية
ميلود: به تمام
ميلود: يوجعه ضهره ماهو كان يشبح وموجه وجهه طريقة خطأ وهوا مفروض يسترخي ومفروض مايتكلمش وهوا خداها هدرزة مع نغم!
ميلود: يحرك في روحهه بسيف يحاول يرد ضهره وكان مجبس
نغم: تشبحله بشفقة وحب...
ميلود: يشبح فيهااا.
نغم: خلي نساعدك خيرك شن حاس
ميلود: لا غير شوية حاس بضهري
ملامح وجه نغم تغيرت ...
نغم: متوترة ... به شوي توا ننادي الدكتور
ميلود: يشد يدها بعد ماساوى روحهه وضهره... معاش قعد متكي قعد راقد ووجهه لسطح يشبح ... لفوق
شد يدها وقربها منه
ميلود: تعالي جاي أقربي بنقولك حاجة في ودنك
نغم: اها
ميلود: منبيش دكتور نبيك تقعدي معاي انتي بسسسسس
نغم: قلبها بدا يدق بسرعة وعشان هوا يتوجع متبيش تكسر خاطره
نغم: حركة راسها تمام
ميلود: في داخله شكله بنزيد في تمثيليه حتى لما نبرا بيش تهتم بيا وفرحااان داخله..
________________________❤️
روووووااااياااات هدوووووش 22²²
رووووااايااات هدووووووش 22²²
.
.
المحـامي: أي بتمشو للمستشفى انت وكم شرطي... بتشوفو الأنسة نغم وتحققو مع أقوالهاا... وهي مطلوبة لو عطوها ورقة خروج
الشرطي: تمام ...
المحامـي: وعلى أقوالـك يامودة ...منعرفوش نصدقو او لا بس كلامك معقول يخلي القضية سهلة ... ! يعني مش مضاد ... كله صح ...
بس أحني منخدوش اي شي ولا نتصرفو ولا ناخدو بأقوال أي حد...هكي وخلاض لا احني نتأكدو بكم دليل وبكم شخص بعدين نرجعو لأقوالك... ولو طلعت غلط تحملي مسؤؤليتك...! لأنه هدي تعتبر مشكلة كبيرة وأثم كبير أنك تشهدي لشئ ...خطأ... ممكن بسببك تموت روح أنسان أو بسببك ينسجن شخص أو بسببك تطلعي شخص مش كويس برئ...
لهذا انتي ح تعطينا شهود تنين .. مش واحد ... وتحلفو بكتاب الله عن وجل
مودة: لو تبوني توا نحلفلكم عادي
المحامـي: كلمة عادي راه مش عادية بس كلمة عادي ممكن تودرك لداهية
مودة: ف روحها خيره هدا حاس بيا انه نكدب وربي توا يشوف ويعرف اني منكدبش
المحامي: تحلفي المصحف ؟
مودة: توترت ... بس بسرعة اي
_____________________________
مالـك: ف السجن ... في تركينه ساااكت وعيونه حمر وماكلاش شي مباااش ... يتكلم ولا يتحرك زي المتوحد في تركينه غير السجينين
.
.
.
______________________________
فاطمة : تتصل وتعاااود ياااربي ماتوريني في بنتي حاجة مانبيهااا ياربي
سالم: ... طلع من المستشفى بسلام ... وروحو الحوش قتله نغم روح وح نزورك ونطمن عليك...
في الساعة 2 الظهر...:-
سالم: وين مودة لا أمس لا اليوم مش باينة قلت ممكن ترجع مشوار شي بس لا مش قاعدة ....ومنعرفش حتا وين مشت؟
فاطمة: توترت هلبااا" اها ايه دور في كدبة تقولها... مودة مشت لي صحبتها بتقرا عندها امتحانهم
سالم: كيف؟؟؟ وتعصب وراقيتله لا صحبتها لا غيره الحوش هدا مايطلعه حد غير بأذني
فاطمة: بشوي عليك ... انت كيف راجع من المستشفى يرقالك الضغط او تصير فيك حاجة
سالم: تغير. .... فجأة بأسلوبه قعد مش طايق كلام فاطمة
سالم: أنتم أصلا دخلكم فيا ولا في مرضي
فاطمة: سالم انت شن تقول؟
سالم: شد راسه ولعن الشيطان وركب فوق
فاطمة: وووه ياااربي ساعدني وخلاص ع البنت هدي وتوا جت على سااالم حتى هوا اللي قعدلي ... بدا يتعصب علياا
.
.
______________________________
مودة: بعد ماحلفت ع المصحف بشهادة الزور ....
انه كلامها صح ..
ونه مدام حلفت تقدر تجيب شاهد واحد ع قصة ...
ولي هوا .. قاتلهم مالـك
وكانت متأكدة أنه مالك كان يبي ينفذ نفس خطتها وهوا معاها !!
المحامـي طلب من الشرطة انه يجيبو مالـك من السجن وياخدو أقواله ونه هوا برئ نوعا ما مدام هدي حبيبته وخاناته ع قولة مودة!!!
مودة: قاعدة متوترة ورجلها يرعشووو وخااايفة وترعش وكل مرة زعميتها تستغفر وتقول أستغفر الله يااارب وهيا ماتعرف الذنب اللي دارت فيها روحها ...!!!!
.
.
___________________________
رووووااايااات هدووووش 22²²🔥
روووايااات هدووووش 22²² 🔥
.
.
نغم: نعسانه هلبا عشان أمس مرقدتش ومتريحتش..كانت متكية ع ميلود
ميلود: يشبح فيها كل مرة كانت مدايرة راسها ع صدره واخده شوية من السرير ...
ميلود: مايبيش ينوضها حاسها متخدرة وبترقد ...
ميلود: يبتسم ... وهوا يرد في شعرها اللي باين من الوشاح
.
.
_____________________________
مالـك خشوله في السجن وطلعوه بدون مشاكل مكنش فيه أعصاب ولا شي لا العكس هوا تجيه فترة يقعد مايتكلمش زي الحالة النفسية مسكين...
.
.
حضرة المحامـي
المحامي: يشبح مالك واقف بدون حس وبدون قيود ومش مداير شي
المحامي : مستغرب " ..
دخلوهم غرفـة وحدة
ماالك معاهم المحامي
ومودة توا تجي
خشو وقعدو ومالـك كان يفكر في نغم تفكيره كله في نغم . وبس
ومش عارف علاش مقعمز او شن يدير ..؟
المحامـي: بنسألوك كم سؤال ع الحادثة اللي صارت ...فيك
مالك: بدا يتحسس ويتوتر وعصابه وعروقه بدو يبانو
المحامي: حضرة الأنـسة وينادي مودة
مالـك: يجي الأسم ع عقله؟ مودة هدي السبب في اللي صااار وهي خططة كل شي وقف هكي قال الكلام هدا غير إرادياً وووجهه أحمر وعيونه قريب يطلعووو وعروقه جابدين وطالعين🔥!!!!
مودة: كيف خشت من كلام مالك عيونها بوسعهم وهيا تشبحله وتحرك في راسها بمعنى لا مش هكي ...
المحامي بيناتهم ومش عارف شي ومستغرب من مالك وردة فعله!!!
🔥🔥🔥🔥🔥
نبي تعليقات حلوة تجبر بخاطري نبي أحلى مقطع عجبكم من الأبطال ❤️
نبي نتفرج ع التعليقات نبي تعليقات تشجعني وتحفزني نكتب ....💗😍
आप पढ़ रहे हैं
أبتعد عني أنا لا أحبك | Libya|2022"
रोमांसروايـة تحكي على بنت في عمر 19 سنـة يجبرها بوها ومرت بـوها تتزوج شـخص أكبر منها " "كلـه ع خاطـر لفــلوس بـوها وافق " ومرت بوها قنعت بوها" ... "تنهار البنت وتوقف قرايتها" "رفـضت تشـوف الشـخص اللي بتتجـوزه! "وتستنى اليوم اللي ح يكون عرسها 💔. "وشن ي...
