#أبتعد_عني_أنا_لا_أحبك!♥️15
.
.
لايـك قبل لا تقـري 👇💗
.
.
طويـلة الحلـقة 🦋
......
قراءة ممتعـة 🦋
الكاتبة: هدوووووش
نغم: تضحك .. وتشبحله ... كمية الحب والفرح والسعادة في قلب نغم لي رجوع ميلود .. وخروجه من المستشفى.....💗
___________________
مودة قاعدة في حجرتها... وتفكر ...
تفكيرها!
توا تشوفي مني اني يانغم حتا بوي خديتيه مني توا تشوفي اني نقدر ننهيك .. ونخليك تحتي توا بدل ماتتحقق خطتي وندير اللي كنت نبيه .. نزلت شرفي وشرف عيلتي ... توا تشوفي كيف نقدر نكسب ثقة بوي .. ونخليه يحبني .. بطريقتي الخاصة .. وتبستم وهي في افكارها تكلم في روحها.... وهي تاخد التلفون جنبها وتتصل ...!
مودة: الو محامـي القضية شن صار وشن تحققتو من الأقوال اولا وامتى الجلسـة التانية؟
المحامـي: اها الجلسة التانية ح ديروها مع المصابين ميلود ونغم وهما تقريبا في المستشفى احتمال اليوم يطلعو ...وحني نتصلولك ونقولولك تعالي بعد مانستدعو السيدة نغم وميلود
مودة: امم به مية في المية اني جاهزة
اهم شي تقولولي قبل الوقت.. فكرة عشان يقولولها قبل الوقت عشان تقدر تفكر كيف تهرب !!!
المحامـي: تمام ...
مودة: الخطة المرة هدي غير وتشبح لي روحها ف المرايا كملت الأتصال وبدت تضحك وكأن مش صاير فيها شي!!!
________________"___
ميلود: ماشي بين الحوزات وأشجار .... ومفيشي احواش هلبة مكـان منقطع عن الناس
نغم: وين ماشين احني وشن المكان هدا اول مرة نشوفه ...
ميلود: يبتسم توا تعرفي وين نوصلو... اني ماشي بيكي .. مكان بروحنا وين مايلقانه حد ويضحك وهوا يشوف لي نغم
نغم: تشبحله ومركزة في عيونه الرصاصيات بسرعة تغمضهم وتحول من شرودها
ميلود: يضحك ع ردة فعلها وظابط انها كانت مركزة ف تفاصيل وجهه ...
_______________________
رووووااااياااات هدووووش🔥
روووواااياااات هدووووش 🔥
.بعد ساعتين ف الطريـق ميلود ونغم....
.
واخيـرا وصلنا... قالها ميلود وهوا يشبح لي نغم اللي مستغربة منه؟
نغم: قصدك احني جايين ندهورو ف المزرعة وتضحك تشبحله بتفهم
ميلود: مركز في ملامح وجهها وطريقة كلامهاا اسكتي قبل لا
نغم: توترت ومعاش تبي تشبحله خلاص سكتت معاش تشبحلي هكي
ميلود: يضحك ضحكته المستفزة سلمها مرتي الحشومية ويغمزلها
نغم: تضحك ..ننزل؟
ميلود: مدرس السيارة لالا اقعدي احسن
نغم: تفتح الباب تنزل تشبح ف الشجر .. كله المكان مكثف أشجار تحسي روحك ف غابات تركيا او منطقة غير ليبيا ..!!!
نغم: لاكن تعرف
ميلود: نزل وماشي جنبها؟
نغم: راحة نفسية المكان يهبل
ميلود: زيك
نغم: تقلب عيونها كل شي تشبه بيا
ميلود: امم ما كل شي انتي ومنك انتي قاطعاته.. نغم
نغم: ... مجنوون
نغم: وين شن بنديرو ف هدي الغابة
ميلود: بنمشو نخشو داخلها
نغم: تضحك حسيتها غابات الأمزون وتقلب عيونها
ميلود: عادي لو تبيها غابات الأمزون علاش ماتكون ندير كل شي ع خاطرك
نغم: استغفر الله ونت تقدر تخلق حاجة
ميلود: لاهدي ندعي لي ربي بس
نغم: مجنووون
ميلود: نحبها منك
نغم: ماشين في هدي المزرعة ركزت؟
نغم: في بعيد حوش ولا
ميلود: يشبحلها واخيرا شفتيه
نغم: اها هدي الحوش اللي انت جايبني ليه وني نحسابك تلوحني بروحي هني
ميلود: يضحك اخرطي
ميلود: اي هدا هوا الحوش
نغم: شن داخله مفروش؟
ميلود: كل شي مغيرك ناقصة انتي بس وغمزلها
نغم: رااه معاش بنشوف لي وجهك اليوم كله
ميلود: لا إلا هكي أسسفت عقاب وهوا يشبحلها ودايب في منظرها
نغم: حست بدت تشبح للمزرعة معاش بتشوفه
___________________
روووايااات هدووووش 🔥
روووواااياات هدووووش 🔥
.
.
حـوش كبير وحلو.... طريقته أنيقة مصنوع من الخشب وجنبه أشجار ومنظره روووعه مع شروق الشمس مع الساعة 12 الظهر ... الشجر مغطية المكان مدايرة منه شبكة تخلي شوية أضواء تخش للداخل ..المكان تحفة في الجمال والراحة النفسية والهدوء.. حوش راقي واسع ... للتنزه .. بعيدا عن الناس والضجيج ...💙
نغم: تبتسم وهي تشوف لي ميلود ياخد مفتاح من جيبه ويفتح الحوش
نغم: واو .. تشوف لي داخل الحوش في شوية فتحات من الخشب يخش منه نور الشمس المتقطع وهدا ف الشتاء الجو كان بارد هلبة وشمس كانت الدفئ الوحيد 💙
ميلود: شن عاجبك الحوش
نغم: محلاه وطريقته بجد شكراا
ميلود: هدا حوشي اللي ديما نجيه لما نضايق ... هدا بروحي شريته حتى عيلتي متعرف انه عندي يعني خصوصياتي اني بس كنت نحب نجيله بروحي اني .. ونفرغ همي ..ونرقد فيه مرتاح .. مكنتش متوقع يوم اني نجيب شخص ليه او يشوفه حد يتكلم وهوا يشبح لي نغم اللي تايهة معاه في كلامه وتبتسم وتشبحله نظرة تهبل ... لين خطف نظره نظرت نغم ليه وقعد يبتسم ويشبحلها بجد أدمن النظر لي وجهها الحلو والبرئ!
نغم: شااردة ومركزة ف منظر ميلود مذوبها
! ميلود: أشششش
نغم: ااا وشبحتله ووجهه ولا أحمر وضحكت اي شن تقصد بيه كلامك
ميلود: يعني وهوا يقرب منها
نغم: توترت شوية بس عادي المرة هدي حاسة قلبهااا ينبض ليه ... ♥️
ميلود: يعني وهوا يزيد يقرب لين قريب منها هلبة ومفيش حيط ولا شي والغريب انه نغم ماتحركت ولا هربت من مكانها العكس وكأنها واقفة وتستناه!!
ميلود: قرب منها لين بدو انفاسهم مع بعض وقرب من ودنها ..
ميلود: بصوت رجولي هادئ يخطف القلب ... ويخليه ينبض!!
ميلود: يعني أنتي شخص غالي وليه مكانه في قلب مش زي أي شخص
نغم: شبحتله وتلاقو عيونهم
نغم: متوترة ! ااا كلامها متقطع
ميلود: يضحك ويشبحلها ترا اشبحيلي
نغم: تشبحله وتنزل عيونها متحششمة وقلبها ينبض اول مرة تجرب شعور هدا !!!
نغم: اااها شبحتلك
ميلود: مستغرب منك معاش بديتي تهربي وبديتي تقربي مني .. ويبتسم
نغم: مدوبهاا شعورها اللي حاساته تجاه ميلود ومتعرف شن تقول !!
ميلود: قولي الحق تحبيني ؟
نغم: تشبحله وتنزل عيونها بدون ماتنطق كلمة
ميلود: تحبيني؟
نغم: تستوعب شن قاعدة ادير ومركزة ميلود كان قريب منها ويسأل فيها وهي مش عارفة علاش متقدرش تجاوبه؟ وشن مشاعرهااا تحس انه تحبه بس !! متقدرش تقولها ولا تعترفله....
نغم: أستاقضت !! جرت بعيد من ميلود معااش تقرب مني
ميلود؛ يبدا يضحك توا رجعلك عقلك وني نقول خيرها مش متفاعلة ! ههههه
نغم: مجنوون
ميلود: واحلى مجنون جننتيه
نغم: رااه نمشي السيارة ونمشي
ميلود: تعرفي تسوقي؟
نغم: شبحة للحيط اها اي
ميلود: مفتاح عندي المشكلة وغمزلها وهوا مطلع المفتاح من جيبه وينطر فيه ويشده
نغم: تقلب في عيونها
نغم: به شن نديرو مع بعضنا احني
ميلود: اي شي تبيه نديروه ههه
نغم: الخبث مش الحاجة اللي تبيها نفسها نبيها
ميلود: اها ظبطي شن نبي وغمزلها هههه
نغم: قتلك معاش تشوفلي
ميلود: مجاوبتيش تحبيني ولالا
نغم: ماعمري نحبك ولا نفكر نحبك
ميلود: في روحه امتى تخلي عنادها البنت هدي ؟ وتعترف بحبها ليا!!!
_________________""___
المحـامي ...
الشرطي: مشيت سألت عليهم قالولي ... طلعو من المستشفى من الساعة 10 .. يعني ليهم ساعتين طالعين!!
المحامي: تمام دور رقم ميلود وتصله ونه مطلوب اليوم الساعة 5 العصر للقضية !
الشرطي : امرك يامحامي ...
___________________
روووواياااات هدووووش 🔥
رووووايااات هدوووش 🔥
.
.
في مكـان ... عند شخصـية تانية ..:-
في شخـص يـراقب في كل خطوة اديرها مودة؟... يستنـى فيها امتى تطلع وهوا الوحيـد اللي يسمع في كلامها!!! ومزال يبي يعرف على شن تخطط وين قصتها البنت هدي؟
.
. زعمـا من تتوقعو الشخص هدا قولو في التعليقات👇 للعلم في الحلـقة الجاية تعرفوو
___________________
رووووايااات هدووووش 🔥
روووواياااات هدووووووش🔥
______________________
ميلود: مقعمز مع نغم. ... في الكوخ فوق الصالون يهدرزو ويفرفشوو نفس كلامهم
ميلود: نقـاله يتصل
ميلود: يرد يامي.. كيف الحال
أم ميلود: تبكي بالعبرة وليدي وينك اني توا في المستشفى وفي القسم اللي كنت فيه ندور فيك وينك
ميلود: يضحك يااام اني طلعت من المستشفى
أم ميلود: تبكي وينك بااه نبي نشوفك نبي نحضنگ ... نبي نشوفك ونت واقف ونت حي
ميلود: تمام حبيبتي الغالـية اليوم نجيك في الليل .. طيبي عليا العشاء بس
أم ميلود؛ تضحك نطيب عليك بدون ماتقولي وتمسح في عيونها الحمدلله يااارب الحمد لك
أم ميلود: وين مرتك نغم كيف حالها؟
ميلود: لا كويـسة معاي حتى هيا ... نتريحو بس ونجيك بذن الله
أم ميلود: باهي رد بالـك ع روحك راه نستنو فيك
💗
___________________
رووووايااات هدوووش🔥
رووااايااات هدووووووووش🔥
________________
ميلود: كمل أتصال أمه من هني جاه أتصال من هني
ميلود: رد
نغم: تقلب في عيونها بملل وكانت تاكل
ميلود: الو من معاي؟
الشخص: حضرة الشرطي
ميلود: ايه شن تبو فيا
الشرطي: اليوم مستدعي انت والأنسة نغم المدعوة مرتك للمحامي القضية
ميلود: قاعد مش فاهم حاجة
الشرطي: تعال مع الساعة 5 العصر توا تفهم
ميلود: تمام وسكر الخط...
نغم: من المتصل
...
_______________
روووواياااات هدوووش🔥
روووواااياات هدووووش🔥
_________________
مودة: تضحـك وقاعدة تلبس..
لبست لبس غريب مكنتش تلبس فيه نهائي ... وديما كانت تلبس وشاح لا المرة هدي لبست طاقية وخلت شوي من شعراتها طالـعة لبست نضارة ... ولبست كمامة بحيث مايعرفها حد ولبست بوت رياضة سوود وتجاكة طويلة ... وسورية قصيرة نوعا ما لي سروالها
وبخة برفاان قوووي ... ودارت روج أحمر ... طالع مش هيا نهائي شخصية سينامئية أخرى..
الخطــة المرة هدي غير وهي تضحك وتدوي مع روحها الخطة المرة هدي مختلفة... وتضحك ... فتحة روشن غرقتها الكبير ومفتوح على سور حوشهم...وطلعت منه بدون علم حد رغم انه دنيا صبح بس لا خطة مودة المرة هدي مختلفة فعلا!…
طلعت والصـدمة ... انها كانت تستنى ف سيارة مضلمة ومخططة خطة تانية !!
YOU ARE READING
أبتعد عني أنا لا أحبك | Libya|2022"
Romanceروايـة تحكي على بنت في عمر 19 سنـة يجبرها بوها ومرت بـوها تتزوج شـخص أكبر منها " "كلـه ع خاطـر لفــلوس بـوها وافق " ومرت بوها قنعت بوها" ... "تنهار البنت وتوقف قرايتها" "رفـضت تشـوف الشـخص اللي بتتجـوزه! "وتستنى اليوم اللي ح يكون عرسها 💔. "وشن ي...
