Oops! Ang larawang ito ay hindi sumusunod sa aming mga alituntunin sa nilalaman. Upang magpatuloy sa pag-publish, subukan itong alisin o mag-upload ng bago.
. . وصولها 600❤️الحلـقة ماقبل الأخيـرة!🔥 #الحـلـــــقة_طـــــويلة🔥 #قراءة_ممتعـة🦋 . #لايـك_قبل_لا_تقري👇♥️ . . #روووووااااياااات_هدووووش🔥 رووووااايااااات هدوووووووش🔥 _________________ نغم: تضحك وفي قلبهاا فرحاانه مكنتش متوقعة انه ممكن حد ينقذها ولا يفكر فيها وقعدت تفكر في ميلود ...وعرفت فعلا انه هدا الشخص يحبها ويخاف عليهااا وحاسة انه تحبه ...ولما أبتعدت عليه ... حاسة بضيق وكانت محتاجاته ❤️ _______________ وصلت نغم وميلود ومعاهم فهد اللي تأنس بيهم وتعرف عليهم...وساعدهم🖤 . . وصلو لي حوش أهـل ميلود" خش ميلود ... وفتحتله أمه أم ميلود: وليدي وينك تجي تحضنه ... أستحشتك وينك معاش رجعتلي ميلود: يحضن في أمه اهو أني قدامك بخير وعافية الحمد الله أم ميلود: الحمد الله لك يااارب وتجي تسلم على نغم .. كيف حالك يابنيتي خشي تفضلي كنا نستنو فيكم عساس تجونا أول امس وين الغيبة معاش جيتو تلفوناتكم مقفلة؟ في حاجة نغم: شافت لي ميلود ... ميلود: شبحلها نظرة بمعنى مشي الأمور عادي نغم: أبتسمت لا الحمد الله مفي شي غير قررنا نمشيو مكان بعيد ف مزرعة فيها حوش نتريحو فيها كم يوم ونرجعو ... أم ميلود: تمام مالا خشو الداخل ... توا نهدرزو وخلي نديرلكم شوية عشاء نغم: أبتسمت تمام سلم ميلود ع بوه ...وفهد قاللهم اني صاحب ميلود جاي معاه ... . . أم ميلود عندها بنات كلهم متجوزات معاد وحدة أسمها سرو لاكن أسمها الحقيقي إسراء غير يقولولها سرو .."* سرو: نزلت من الدروج وكان حوش أهل ميلود كبير ...مشاء الله عليهم فلوس ...معبيين ...ربي عاطيهم نعمة... سرو: نغم جيتي ...! وجت تحضنها وأخيرا شفنه مرت خوي كم لينا ماشفناها ام ميلود تضحك ونغم تبتسم وتسلم ع سرو ... سرو : بنت ضحوكة ... ونكاته مواليد 2005 حلوة وطويلة نوعا ما مش هلبة قمحاوية تشبه ميلود خوها في الجمال والطول والهيبة ... ملامحها مقومة ومنقوشة مشاء الله عليها شعرها كيرلي ... وديما طالقاته ... قصير ... عندها خدود وسمينة شوية ! ________ سرو: تحب الهدرزة وتغير ف الجو ... لكونها البنت الصغيرة في الحوش والدلوعة !! . .سرو: وين خويااا ليه زمن من وقت خداك نساني ... ! ياريته ماتجوز ام ميلود: تفنص فيها!! نغم: تضحك ... قاعد ف المربوعة سرو: وعلاش مايجي يقعد معانا مفيش حد غريب خلي نشوفه نغم: لا جاي معاه صاحبه من السفر ... واليوم بايت معاه سرو: ... مالا تسحابيني تاخدو مني خوي منشوفاش خلي نشوفه وني ع فكرة نعرف كل أصحابه وكلهم يعرفوني نغم: تضحك ام ميلود: متعدليش هكي جوها بنتي ع نياتها!! نغم: تضحك لالا عادي العكس جوها سمح سرو: تلبس وشاح بكل جراءة ... تمشي تخش المربوعة فيها فهد وميلود وبوها سرو: امم اهلين ورافعة معاها مية وقهوة حطتهم وأبتسمت وهيا تشوف لي فهد هدا اول مرة تشوفه؟ سرو: تحشمت ولو خدودها حمر ... وماقالت اي كلمة طلعت المربوعة بسرعة !! سرو: افكارهاا!! حي شن درت ياربي هدا طلع ند خوي مايبانش صغير وعنده لحية وراجل حي ع الحشمة!!! شن ندير اني ... بصراحة توا أقتنعت أنه زي ماتقولي ماما نبي مستشفى قرقارش ...ومشت تضحك للمطبخ وهيا تدكر في منظر فهد ..ووه لاكن حلو الفرخ !! _____________ فهد: قاعد متحشم ومستغرب في جراءة البنت هدي ..!! ابو سرو: ... مايعرف شن يدير حتى هوا تحشم ..هحم بيغير الموضوع ايه انت مقتليش يافهد من أي عيلة فهد: اها اي اني من عيلة*** ابو سرو: ايه ايه مشاء الله عليك فهد: اي ابو سرو: انت من اي منطقة جيت .. فهد: يفكر" من تركيا ابو سرو: مشاء الله عليك تبارك اللع فهد: يضحك ف روحه قالك تركياا ههه هدي ف الأحلام ...هه ميلود: وفهد يتشبحو بين بعضهم ابو ميلود: وقف خليكم مع بعضكم اني ماشي نتريح وراي خدمة وتوا ساعة 1 ..! ميلود: اي بوي برا تريح ع رحتك اني قاعد عندكم مش ماشي فهد: تمام ع رحتك اهو حتى نا قاعد ...مش ماشي نحصلو تهدريزة بكرة ان شاء الله ونتعرفو اكتر ع بعض ... ابو ميلود :طلع من المربوعة ...وخلاهم ميلود: ايه شجوك ياصاحب جا وقت نتعرفو ع بعض هههه فهد: يضحك من كل قلبي هههه ميلود: يجي منه كلام مشيت تركيا؟ فهد: ايه مرة مشيت بس في الحلم ... ميلود: يضحك ان شاء الله تمشي حتى ف الحق ..ههه ميلود: اني ناوي نطلع برا نكمل خدمة غادي ونمشي مع نغم ونتفكى من المشاكل هدوم اللي يصيرو فينا مرة وحدة ونعيشو غادي ... فهد: اي صح أحكيلي قصتك مع نغم ... اني شكلي جيت في الحلقات الأخيرة هههه ميلود: يضحك ... قصة طويلة ومزال نهايتها فهد: غير أحكيلي ميلود: توا لو صارت منها القصة نحكيلك فهد: يضحك ههه ان شاء الله يصير فيها ع معتقد انتم متزوجين ؟ وكيف ماتحبو بعض ولا كيف القصة ميلود: يشبح قعد شوي يفكر! اي صح متزوجين بس مش اي حد تشوفه متزوج معناته حياته حلوة ولا حب من طرفين فهد: اي نعرف اكيدة في حاجة أسمها نصيب في النهاية والشخص يرضى بيها! ميلود: اي صح بس قصتنا أحني مختلفة !! وكملو هدرزة..... _______________ مودة : قاعدة ف السجن تعيط وتضحك وسهراانه ... وتفتح ف شعرها وتنطر فيه ... وتغني وتخرط زي وحدة مجنونة !! فعلا تعرف تمثل دور شخصية مجنونة!!! طبعا السجينات مقدروووش يرقدو وهيا هادا هدفها تعيط بصوت عالي وتزعج اللي قاعدين ... عشان يطلعوها بدون مشاكل ... بس يعرفو المسجونات انها ح تطلع غدوة وهكي يتريحو منها!!! في وحدة من السجينات !! ديما رافعة معاها سكين وهيا أصلا خاشة السجن عشان جريمة قتل ... !! وديما تطلع السجن وقت تبي وترجع يعني تقتل ودير برا السجن اللي تبيه وترجع !! ومافي حد يرجع عندها وقت معين ...تطلع فيه ومتفقة من الحراس ...ومتحكمة ...ف البنات كلهم المسجونات ...!!! ع مهم هدي البنت شافت مودة ... وهيا ديما لاحظت هلبة بنات يديرو سبلة ويمثلو انهم مجنونات او مريضات نفسية عشان يطلعو من السجن هدي كانت طرقتهم للهروب من السجن! وهدي البنت كانت عارفة فا ديما كانت تراقب في كل بنت تمثل ودير روحها راقدة وتراقبها حتى لما تمشي الحمامات وتراقب حركاتها لين تكتشف حق هدي مجنونه او لا !! هكي كانت ديما ادير ولو طلعت البنت مش مجنونه وتمثل تقول للحرسة حاسدتها انها تطلع !! هكي عندها طبع غريب ويبان شكلها انها تخوف وشريرة من عيونها !!! المهم البنت هدي أسمها روان " ... كانت تراقب تصرفات مودة بتدقيق في البداية حست انها فعلا مجنونه ! بس كيف أكتشفت انه مودة مش وحدة مجنونه؟ خلينا نشوفو؟ روان: دارت روحها راقدة وكانت الساعة1 في الليل ومودة قاعدة مدايرة روحها مجنونه ... السجينات كل وحدة في سريرها وروان حتى هيا ف سريرهاا... المهم مودة مشت للحمامات .. روان خلتها لين توصل ... لاحقتها طوول ...! روان تراقب فيها وماشية بهدوء .. مودة: تشبح في مرايا وحدة من مرايات كباار في الحمامات ...مودة تمسح في وجهها وتتتنفس وتضحك ونوعيتها ديما تتكلم مع روحها لما ادير أنجاز او لما تتعقد ! مودة: اووف تعبت من التمثيلية رهقت روحي من التعب معاش نقدر العرق بدا فياا ويلزمني اليوم كله نكون سهرانه ومانرقد قعدلي شوية دقايق وساعات لصبح وعشان يعطوني ورقة خروج !! هههه وقتها نغم تشووف الويل مني اللي ماوريتها وجهي الحقيقي مزال توا تشوف من مودة والمرة هدي الخطة غير وتختلف وح ننجح فيها لأنه مش معاية حد وح نعتمد ع روحي بروحي مش لازم ناخد ثقة حد ويخوني والشاب اللي خاني وخلف العهد وعطيته فلوس عساس يساعدني فاتني ... وحطاني ف ورطة السجن!! خليه اني توا نطلع وننتقم منهم كلهم هداك الوقت اللي عادي نخش السجن بس لا لما نكمل في أنتقاامي فيهم بالواحد بعدين !! نخش السجن وني نضحك !! ههههه روان: قاعدة تصنت عليها وتشبحلها من فتحة الباب بشوي ...ومركزة في كلام مودة وعرفت انه هدي وحدة تبي تنتقم ...اساسيا فهمت قصة مودة بس في حاجة غلط مافهمتها كلها بس تعرف انه مودة تبي تطلع السجن للأنتقام ...!!! روان: بنت تحب الشر وتحب المشاكل !!! كم مرة شاركت في جريمة وقتلت بنت بكل برودة دم وهيا تضحك روان: وهيا تفكر في كلام مودة وقساوة قلبها وقت قالت " بعدين نخش السجن وني نضحك !! وأخيرا اني لقيت بنت تشبهني بنت تقدر توثق في روحها ودير جريمة بروحها بنت معندهاش أحساس هدي البنت اللي كنت ندور عليها تساعدني الوحيدة اللي تقدر وتضحك روان لقيتها!! روان: خشت ع مودة ومودة كيف كانت طالعة ! مودة: أنخلعت!! بسم الله ! روان: أبتسمت خشي داخل مودة: مستغربة؟ ف روحها هدي شن تبي ولا كشفوني؛! مودة خشت داخل الحمام ... بعد ماكانت طالعة روان : سكرت الباب بالمفتاح وهي تضحك وتشوف لي مودة بعيون شريرة !!! معبية شر مودة؛ خافت ! بس هدت روحها شوية ! اي احكي انتي شن تبي فيا روان: ضحكت بصوت واضح شوية روان: غريبة المجنونة اللي كانت قبل شوية تندب وتعيط وتتكلم وماتسكتش توا تتكلم بكل هدوء وتسأل فيا بعقل وتقولي شن تبي ! مودة: أذكرت انها كانت تمثل دور البنت المجنونة!!! والمريضة نفسية!! مودة: اها ايه ! في روحهاا غبية اني كيف نسيت ورديت عليها بكل برود هكي !! كشفت روحي خلااص روان: تضحك مش لازم تفكري وتزعجي روحك وتتوتري حبيبتي خلي قلبك حجر وماتخافي ذرة ولو طلعلك حد سكين قالك نقتلك وطول طلعت سكين اللي تنفتح وتتسكر عرفتوها!!! مودة: وخرت للخلف في البداية خااافت من كلامها بس بسرعة مش خافت بس لما طلعت روان السكين خلت عيونها مفتوحات من الخلعة!! مودة: شنو بتقتليني؟ انتي ولا شنو تبي فيا اني شن درتلك !!! روان: تضحك وسكرت السكين وردتها ف جيبها!! وقعدت تشبح لي مودة بعيونها الكبار واللي مكحلتهم ... !! بنظرة تخوف وتضحك!!! مودة: سكتت وقعدت تستنى في رد المخلوةق اللي قدامها وقلبها ينبض وخايفة !!! روان: اولا قبل مانقول كلامي نبي نتأكد انه قلبك من حجر ونك ماتخافيش من أي شي! مودة: تحرك راسها بمعنى كيف ! روان: قربت منها مودة: خاافت وزادو دقاات قلبها ينبضو بسرعة!!! روان: يعني وقربت أكتر وهيا تمس قلب مودة ينبض ويدقدق! روان: اوميقاد ماحسبتك هكي شكلك انتي تقولي بلسانك بس !! حاجة ماديريها بأفعالك؟ بس تعرفي عجبني تمثيلك ...برافو لو حطوك ممثلة بدون تدريب ... نأكدلك انك تنجحي ! ههههههههه مودة: قاعدة مش فاهمة شي وتفكر شن تبي منها البنت هدي ؟ وعلاش هدا تهديد ولا شن يتسمى وكلماتها اللي يخوفو وجهها اللي بروحه يرعشك!! روان: هههه خلي نختصرلك القصة " انتي ح تستنفعي مني هلبة وح تلقي شر مني هلبة بس ح يكونو متساويين! مودة: تشبحلها بستغراب ؟ كيف شن تقصدي روان: اولاً .. مش مهم كيف عرفت ! بس اني نعرف أنه انتي كنتي تمثلي ع السجينات وع الحراس عشان تلقي طريقة تقدري تهربي فيها من السجن!!! مودة: فاتحة عيونها ومصدومة ؟ وتفكر من وين عرفت؛؛؛!!! روان: ماتخافيش اني مش ح نأذيك ولا نقول عليك بس بشرط ! مودة: ايه وشن هدا الشرط؟ روان: انه اللي نقولك عليه أديريه وتكوني في صفي وتكوني معاية ونقولك الشروط اللي تقدري اديريهم عشان تقدري تطلعي من السجن مودة: واوو لهدرجة؟ اني نقدر نوثق في كلامك شن دراني أنك تلعبي بيا وكيف ح تقدري أطلعيني لو تخليني أحسن بطريقتي مش ح يكتشفو لو انتي ماقتيلهم! روان: تضحك! ! ههههه اني اول وحدة نقوللهم ! وبعدين مش بس تقعدي ف سجن بعدين ماعندك اي حجة تقدري تطلعي بيها! مودة: توترت بهي شن المطلوب اني مستعدة انديرلك اي شي مقابل انك ماتقوليلهم!! روان: تشبح فوق وتفكر وهي تقلب في عيونها ... وتتمخطر .. روان: اولا زي ماقتلك تكوني انتي ملكي مودة: كيف شن تخرطي ؟ انتي مش فاهمة شي اني روان: بمعنى اي حاجة نقولك اديريها اديريها نتحكم فيك زي الألة !!! مودة: لا هلبة هكي روان: فكري ولو وصل الأمر حده نتفكى منك ونتخلص من جثتك ف الحمام هنا بكل برود هههه مودة: خااافت ... ت وهي تتهته في كلامها ! مودة: تمام اني موافقة ...في اي شي اديريه اني معاك بس حتا انتي ساعديني روان: امم وني نعرف انك تبي تنتقمي من بنت! مودة: اي وين عرفتي؛! وهيا كل مرة تنخلع من كلام روان والحجات اللي تعرفهم تجاها!! ومستغربة!!! مودة: اي ونتي تساعديني ؟ روان: فكرت ! اكيد ! مودة: بأي طريقة ! روان: اولا نقولك القواعد ! مودة: نسمع فيك روان: انه السجن هدا تقعدي فيه ماتطلعي نهائي ...ولما يطلعوك يحسابو يرفعوك لي مستشفى ... المجانين قولي لا وخلي روحك طبيعية وعادية جدا ... مودة: كيف وشن ينفع وكيف ح نهرب مافيش غير الطريقة هدي روان: اني قتلك اي شي نقوله ليك أسمعيه مش تناقشيني أنتي توا تحت امري لو تبي تسمعي وتنفذي غصباً عنك ! اني مقتلكش وافقي ولا عطيتك راي اصلا ... مودة: به تمام كملي وهيا تشوف لي عيون رواان تزيد خوف وتسمع في كلامها وتساير فيها خايفة تقتلها رواان!! في اي لحظة! روان: مش تبي تنتقمي اني نخليك تطلعي السجن بس في ساعة معينة وترجعي في ساعة معينة لو تأخرتي عن ساعتي اللي قتلك ارجعي فيها واختفيتي ولا حاولتي تهربي وقتها تشوفي الويل لأني مش ح نرحمك وين تمشي اعتبريني وراك! مودة: وهي تسمع في كلام رواان وقلبها يدق هلبة شن المصيبة ياربي اللي طحت فيهااا ياربي ساعدني ... !!! شن بندير توا !! روان: طبعا قبل مانساعدك انك اديري اللي تبيه وتنتقمي انتي ح تساعديني يعني مساعدة مقابل مساعدة!!! مودة: وشن تبي نساعدك بأي طريقة ! روان: اني حتا اني زيك بس انتي مش شريرة زي اني ديما نطلع وقت معين من السجن ومافيش حد يعرف ونرجع بس يكون الوقت ليل ومتأخر ويرقدو السجينات... مودة: اي وين تمشي وكيف تقدري تطلعي وفي حراس روان: ضحكت ! حراس اني المكان هدا كله يعتبر ملكي ومافي حد يقدر يخالف اموري قالت كلامها وهي مركزة في عيون مودة عشان تحط الرعب وتزرعه في قلبهااا وتخاف منهاا!! مودة: فعلاا خافت وسكتت لأنها معاش عرفت شن تقول اصلا لسانها معاش يبي يتكلم ...غير به به روان: ايوا تمام مدمتي انتي مقتنعة وافقتي ع كلامي وهي تضحك هكي اول مهمة ليا اليوم تكوني معاية ح نمشو مع الساعة 3 ف الليل ماقعدش هلبة قعدت ساعة بس توا ساعة2 ونطلعو جهزي روحك وغمزتلها توا خلينا نطلعو ماتحسسيش اي حد!! مودة: ترعش وتستنى في روان امتى بس تقلب وجهها قدامها!! روان: قالبة وجهها بسرعة شبحت لي مودة بطريقة تخوف وهيا تفتح في عيونها ومفنصة فيهاا .. للعلم يامودة اني اسمي روان روووااان وطلعت مودة: قعدت شادة ف قلبها اللي يرعش معاها وقعدت دقايق واقفة في مكانها مصدومة!!! بعدين تحركت وخشت رجعت لي سريرها!!!!___________________________ روووواياااات هدووووووش🔥 رووووااااياات هدوووووووش 🔥
