القصة مقتبسة من قصة بنت حقيقية ...
💔... واني كاراوية وكاتبة ... خليتها رواية ... وح نديرلها نهاية سعيدة... ممكن تقراها صاحبتها ... تعطيها أمل وحاجة حلوة تفرحها💙😢
الكاتبة: hdosh Ly
زحـمة نـاس تضحك وناس تبكي ...
نـاس تتـمنى المـوت ...
ونـاس فرحانين أنهم أنتصرو !
أنـي وين بين النـاس هادوم!!! ...؟
أني فحجـرتي نبـكي ! أي نبكي ومقهورة .. وممكن لو مش الأنتحـار حـرام كنت .. أنتحرت من زمان .. كنت ماعشت اللي عشته توا....
خشت علـيا أختي من بوي ... فرحانة والأبتسامة عريضة ف وجهها.... مدتلي . شنطة مكياج وقفطان .. أزرق غامق ... !
رغم أنـي مش راضـية .. بس منتكلمش... خلاص يأست معاش نبي نناقش حد ... معاش نبي نعاارك معاش نبي .. نديــر أي تصـرف.....
دموعي .. ينزلـو مطر..! بهـدوء...! .. معنـديش قوة .. نوقف اللي يصير .. بس الكلمة اللي ف داخـلي أني نقول ... ربي يكون معاي ..."؛ أي ندعي .. من داخـلي لي ربي الوحيد السند اللي ممكن ينقذني ...! أصلاً.. مفيش حد معبرني ..! ..
قبل شـــهرين"2
فـاطمة..." مرت بوي .. "
سـالم'' بوي ..."
أمـي .. ماتت من وقــت جــابتني💔! .. أصلا مشفتهاش ولاحسـيت بحنان الأم... كـانت هادي القطعة المفقودة والمنكسـرة في قلبي ديمـا ..." كل منسمع ولا نشبح بنت مع امها ولا تهدرز عليها أني ننهار نلقى روحي معنديش مكان فاقدة ... حضن فاقدة حنـان فاقدة سعادتي... ربي يحفظ لكل بنت أمها ... وصدقيني الأم هيا كل شي في هادي الحيـاة خليها كنز في حياتـك لو فقدتي الأم تقعد حياتـك كلها مش حلوة ... تقعدي لحظـات ... تحسي روحك ميتة ... تحسي ... روحك تبـي تبكي هلبااا تحسي أنه معندكش مكان ... هلبة في القلب لأنه الأم هيا اللي تحس ببنتها هيا اللي مايغيرها راجل ولا حد هي أمك .. هي اللي ... مستعدة أدير كل شي عشانك هيا اللي تحس بيكي ... هيا اللي مش ح تغصبك ع حاجة ماتحبيها تبي سعادتك ومستعدة تفقد سعادتها عشانك.... ... حافظي على أمك وأهتمي بيها وأسمعي كلامها وحاولي ترضيها... ♥️....
.
.
فـاطمة: الموضوع ح تستفيد فيه صدقني وح ينفعك هلبة وينفع بنتك ..
"سالـم..: به أحكي لو فيه خير ...
فـاطمة: عندي واحد من أقـاربنا ... مشاء الله عليه ... ع مهوم هو يبي نغم بنتك!
" سـالم: لو فيه خير " ان شاء الله ليش نرفضها ولد عيلة مني؟
فاطمـة:.....
" سالـم: العيلة مشاء الله عليهم فلوس ومعبين ومحلات ... ومفيش أحسن منهم بس ع معتقد ولادهم واخدين واللي متجوزين؟ مضنيش عندهم ولد مش متجوز مشاء الله؟
" فاطـمة: اه ايه ولدهم الكبير ميلود ... مواليد 1986
سالم: ميلود ... مواليد 1980 .. هوا صح كبير وعمره 41 سنة .. وكان متجوز بس قبل فترة أطلق مرته متجيبش ... نعرفك بترفض ع خاطر الولد كبير وهكي ومطلق بس صدقني مش ح تلقى خير ولا أحسن منه لبنتك وتوا أحني ظروفنه متسمحش تقعد نغم هيا توا تالتة تنوي وبتخش على خرفاته قالت الضب منين ان شاء الله وبنتي مودة .. يتصرف عليها وتعرف مودة بنتي كيف خشت جامعة مصارف ... وهكي .. احسن تتفكى من نغم بطريقة حلوة ف نهاية المراة معندها غير راجلها ضروي انت تبني لبنتك مستقبلها قبل لا تكبر وتموت من يشدها عليك ..؟ تعرف نغم تكرهني وني معنديش حتى كيف نصرف على روحي ومن هني بنتي .. مستحيل نتكفل بيها ولا تقعد تخدم من خدمة لخدمة زي لولاد؟؟ ... فكر بالعقل المنطقي ...؟ كلامي ورايي ... ميلود ح يدلع بنتك وح تخش الطب ...ويصرف. عليها ويعطيها حوش ... وفكر لما يكون نسيبك من عيلة ميلود ... تقعد شخص مهم ويحترموك وحتى ...أنت بنتك ح تعطيك .. فلوس ... وهكي ... مش ح نخسرو صدقني !
" قالت كلامها في البـداية سالم رفض الفكرة نهائياً... بس بعد كلمات ... وأقناع ...قعد يسمع في كلامها بهدوء ... ويفكر ... وممكن أستوعب الفكرة ممكن الفلوس هكي أدير !!!!
" فكر أنت وأي وقت تشوف روحك قادر ... توافق قولي توا الولد جاهز حتى الحوش دورين ... مشاء الله .. وعندها تلاتة سيااارات مستقبل بنتك وووين؛!!
" سالم بدون اي تفكير ... فكر ف الفلوس وكيف ح يكون غني ... ...
طول وافق ... " ! وفرحت فاطمة انها تخلصت من نغم مش بس تخلصت منها لا قدرت تخش من عيلة غنية وتكون تقربلهم وهكي...!
"
الخبر كان على نغم ... صاعقة!!! ...
طبعا ... رفضت وبكت وترجت بوها بس بوها مانطق كلمة وأخر كبمة قاللها ..." وتي ...غدوة ان شاء الله ح يجو يطلبو يدك.... وانتي موافقة تبي ماتبي ...
سمعت نغم الكلمات هدي من بوها اللي عمره ماجرحها ولا غصبها ع حاجة ... بس من بعد جت فاطمة .. هيا وبنتها ... ع فكرة بنتها مش من بوي لا بنتها فاطمة كانت متجوزة وراجلها طلقها... وتجوزت بوي .. وبنتها أكبر مني بسنة ومن بعد جت مودة ... بوي بدا يتغير عليا فاطمة هلبة تعبي راسه عليااا وشبح شن تقوله بس اليوم هدا ماننساه غصبني بوي نتجوز شخص نده !! وربي ما مسامحة حد منهم نبكي بحرقة ومش عاارف شن ممكن ندير لا حول لي ولا قوة بس ندعي ربي... وفات الوقت ودار غدوة وجو طلبو يدي أصلا ماقدرت ننطق شي اني نوعية الناس اللي تحزن ولا تبكي تقعد ساكتة ممكن صدمة جتني ... ! او حاجة زس هكي يفوتو الأيام ... بوي قالي متسيبيش قرايتك ... ميلود قال مستعد يرفعك وتقري ونتي متجوزة عادي بس اني رفضت ... لأني كرهت حياتي نهائي . وقررت ناخد ملفي... ونقعد في الحوش ... نبكي كالعادة ... ونصلي لي ربي يساعدني .. مش مع حد ... مع ربي ... بس ... مفيش حد معبرني مرت بوي فرحاانه .. تقول عرسها هيا ومودة حتى هيا عاد عبتها امها... انهم ح يخشو في عيلة غنية ...!!! ...
فااات شهر وشهر تاني شهرين...!
وجا اليوم اللي بنسة ليا كابوس اليوم اللي تمنيت ... تنشق الأرض وتبلعني ولا نهرب لمكااان بعيد عن كل الناااس.. نبعد عن الأنظااار تجي معجزة. ... اي شي..
اليوم اللي قروو فيه العرس كان عرس كبير ... أهل العريس مستغربين كيف وافقت بيه وني شابة صغيرة وحلوة!!! كانو متأكدين أنه عشان الفلوس ومافيش حد يعرف ... شن داخلي ...
.
.
الكاتبة هدوووش
القصة حقيقة ... ... وح نضيف هلبة أحداااث .. وفيه أحداث ح تتغير الرواية من حزن لي فرح لين .. تفرحو وتنسجمو معاها♥️
لاتنسو المتابعة اللي مفعلهاش مش ح توصله الحلقات التانية ...💛
أنت تقرأ
أبتعد عني أنا لا أحبك | Libya|2022"
Romanceروايـة تحكي على بنت في عمر 19 سنـة يجبرها بوها ومرت بـوها تتزوج شـخص أكبر منها " "كلـه ع خاطـر لفــلوس بـوها وافق " ومرت بوها قنعت بوها" ... "تنهار البنت وتوقف قرايتها" "رفـضت تشـوف الشـخص اللي بتتجـوزه! "وتستنى اليوم اللي ح يكون عرسها 💔. "وشن ي...
