မနက်စောစော အဝတ်တွေ ထလျှော်နေတဲ့မေမေကို မြူဒေါင်းကူချင်ပေမဲ့ ဒေါ်သီတာအား ကတိပေးထားပြီးသားဖြစ်နေတော့ ပန်းရောင်းလိုက်ဖို့ကိုပဲ ရွေးလိုက်ရ၏ ။
တစ်လမ်းလုံးကလူတွေက သဘောကောင်းပြီး ကူညီတတ်လွန်းတဲ့ မြူဒေါင်းကိုခင်တွယ်ကြသည်မို့ လမ်းမှာတွေ့သမျှလူတိုင်းက နှုတ်ဆက်နေကြသည် ။ မြူလည်း ဘေးလွယ်အိတ်ကို လွယ်ရင်း ခုန်းပေါက်ပြီး လျှောက်နေလိုက်တာ ပန်းစိုက်ခင်းကြီးရှိတဲ့ ဒေါ်သီတာတို့အိမ်ကို ရောက်လာတော့၏ ။
"ဟဲ့....မြူဒေါင်းရေ နောက်ကျလိုက်တာ အဒေါ်ဖြင့်အကုန်ပြီးနေပြီ သားကိုစောင့်နေတာ''
"ဟုတ်လား အဟီး.... လမ်းမှာလျှောက်ဆော့နေလို့ပါဗျ အခုသွားတော့မှာမလား ဒီပန်းတောင်ကို သားသယ်ခဲ့မယ်နော်''
"နိုင်ပါ့မလား မြူဒေါင်းရယ် သားကိုယ်လေးက သေးသေးလေးနဲ့ ''
"နိုင်ပါတယ် ဒေါ်လေးရ ၊ ကဲ....ဒေါ်လေး ရှေ့ကသွား''
မနိုင်မနင်းပန်းတောင်းကြီးကို ရွက်လို့ မြူဒေါင်းတို့ ဘုရားကိုပန်းရောင်းဖို့ သွားကြသည် ။ ဘုရားက တန်ခိုးကြီးဘုရားဖြစ်သည့်အပြင် နှစ်စဥ်ကျင်းပနေကျ ဘုရားပွဲစျေးတန်းကြီးလဲ ရှိနေတော့ ဘုရားဖူးဧည့်သည်တွေက အတော်လေးစည်လှသည် ။
ပန်းတွေလည်း အတော်ရောင်းရပြီး မြူဒေါင်းတစ်ယောက်ပျော်နေတော့သည် ။ ချစ်စရာအပြုံးချိုလေးနှင့် ပန်းရောင်းနေလိုက်တာများ မြင်ရသူတိုင်းအဖို့ မျက်စိအေးစရာကောင်းလှသည် ။
...............
"ဒါဘယ်လဲ စိုင်းတခေတ်!''
ကျော့ကျော့မော့မော့ ဝတ်စားပြီးအပြင်ထွက်ဖို့ပြင်နေတဲ့ သားတော်မောင်ကို ဦးစိုင်းတစ်ခေတ်လှမ်းတားလိုက်၏ ။ မျက်နှာက တစ်စက်ကလေးမှ အချိုးမပြေလှ ။ ဆံပင်ကိုညှပ်ပါပြောတာလဲ မရ ။ ယောက်ျားလေးဖြစ်ပြီး ဆံပင်အရှည်နဲ့မို့ သူ့စိတ်ထဲတွင် ကြည့်ရအတော်ပင် ကျဥ်းမြောင်းလှသည် ။ လူက သန့်သလောက် ဆံပင်အရှည်နဲ့ အတော်ကို စိတ်ထဲကြည့်လို့ကိုမရဖြစ်ရသည် ။
သူ့သားကို နွဲ့နေသလားမေးရအောင်ကလဲ လူပုံက ထောင့်ထောင့်ဖြောင့်ဖြောင့် ကျားကျားယားယားကြီးမို့ သူ့သား မိန်းမစိတ်ဝင်နေတာတော့မဖြစ်နိုင်ပေ ။ ခေတ်နဲ့အညီ လူငယ်တွေအကြိုက်ဆံပင်အရှည်ထားတာကိုသိပေမဲ့လည်း သူ့လိုလူကြီးတစ်ယောက်အနေနဲ့ ယောကျာ်းလေးဆံပင်အရှည်ကို့ယို့ကားယားပုံတွေကိုတော့ မကြိုက်ပါချေ ။
YOU ARE READING
𝐈 𝐋𝐨𝐯𝐞𝐝 𝐇𝐢𝐦 𝐌𝐚𝐝𝐥𝐲 {Ongoing }
Romanceစိုင်းတခေတ်မှိုင်း မြူဒေါင်းစိုင်းငယ် 26.8.2022 ဤစာပေသည်စာရေးသူ၏ စိတ်ကူးယဉ်ဖန်တီးမှုသက်သက်သာ ဖြစ်ပါသည် ။ မည်သူ့ကိုမှ ထိခိုက်နစ်နာလိုစိတ်မရှိပါ။
