▱▱▱▱▱▱▱▱▱▱▱▱▷
49 𝗦𝗧𝗢𝗥𝗬 - 𝚂𝚎𝚊𝚜𝚘𝚗 02
𝗕𝗲𝗵𝗶𝗻𝗱 ( 𝗧𝗵𝗲 𝗦𝗰𝗲𝗻𝗲𝘀 )
1ˢᵗ Chapter
▬▬▬▬▬▬▬▬▬▬▬▬▶වැසි වාර කිහිපයක් ඇදහැලුනමුත් සියොල් අහස තවමත් වැහිබර ය. හිරු පෙනෙන තෙක්මානයක නැත. අලු පැහැති අහස සිසාරා විටින් විට පැතිර යන කෙටි - දිගු අකුණු එළි පමණක් අහසේ ඒකාකාරී වර්ණ සංයෝජනය බිඳ දැමීමට සමත් විය.
ඒ , 2019 වර්ෂයයි. වසර 639ක් පුරා පැවති බලවත් , මහා නිකායක අවසානය සිදු වූ වර්ෂයයි.අධික වර්ෂාව හේතුවෙන් සියොල් වා තලය පුරා දැඩි සීතලක් පැතිර යද්දී , කලබල වීදිය දිගේ සන්සුන් හා කල්පනාකාරී ස්වරූපයෙන් එක් තරුණයෙක් ඇවිද යන්නට විය. බිම ගෑවී නොගෑවී යන තරම් දිගු කලුපැහැති කබායක් සහ කලු , සුදු මිශ්ර "full kit" වර්ගයේ ඇඳුමක් ඇඳ සිටි ඔහු පුළුල් උරහිස් හා හැඩිදැඩි සිරුරෙන් සමන්විත අයෙකි.
" ඒයි... ඔහොම ඉන්න සංහූන්..."
මෙතෙක් වේලා කල්පනාකාරීව වීදිය දිගේ ගමන් කරමින් සිටි තරුණයා මදකට නැවතී හැරී බැලුවේ , යමෙක් තමාගේ නම පවසනු ඇසුණු හෙයිනි.
" සංහූන් ඉන්න. ඔයා මන්ධිරයටද යන්නෙ ?"
අපිළිවෙල ඇඳුම් වලින් සැරසුණු තවත් තරුණයෙක් මහ මඟ අද්දර කාරය නවතා සංහූන් සමීපයට පැමිණ විමසුවේය . ඔව් පොලිස් රහස්පරීක්ෂක නිළධාරියෙක් විය.
" මමත් එන්නම් යන්න. එදා උඹ කිව්වනෙ මට හැමදේම කියනවා කියලා. "
ඒ තරුණ පොලිස් රහස්පරීක්ෂකවරයා යළිත් පවසන්නට විය. නමුත් සංහූන් තවමත් නිහඬය.
" හරි. මගේ කාර් එකේ යමු. පොලිස් පරීක්ෂණ කල් දාන්න කියලා මම අපේ ලීඩර්ට කියන්නම්. "
YOU ARE READING
▣▶ 𝗕𝗲𝗵𝗶𝗻𝗱 ( 𝗧𝗵𝗲 𝗦𝗰𝗲𝗻𝗲𝘀 ) ◀▣
Mystery / Thrillerහතලිස් නවයේ කතාංගයේ පළමු දිගහැරුම වූ " පිටු හතලිස් නවයක් සමඟ බැඳුණු දින හතලිස් නවය" ( 49 Pages with 49 Days ) අවසන් වූ පසු එහි දෙනව දිගහැරුම ලෙස " තිරය පිටුපස " Behind ( The scenes ) දිගහැරෙන බව පවසනු කැමැත්තෙමි ❤️ පළමු දිගහැරුනට වඩා වෙනස් , කොරියා...