Elyu Series #1: Drifting with the Waves

Chapter 41

"Kumusta ka naman d'yan, anak? Ayos ka lang ba?"

Nginitian ko si Mama. Kahit nakangiti siya sa akin, rinig na rinig ko ang pag-aalala sa boses niya. Ilang linggo din kaming hindi nakapag-usap dahil naging busy ako sa trabaho at sa mga kaibigan ko.

"Ayos lang, Ma. Natingnan na ni Attorney yung bahay. Nasa market na din daw. Maghintay nalang tayo ng buyer."

"Sana nga mabenta na kaagad para makauwi ka na din..."

I trailed off, not knowing what to respond for a moment. Sinulyapan ko si Ivo na natutulog sa tabing kama. Ako pa lang ata ang gising sa amin. Lahat sila ay tulog na tulog dahil na rin sa pagod kaninang madaling-araw.

"Uh... Mama, kami na nga po pala ni Ivo."

Gulat na napatingin sa akin si Mama bago umukopa ang malawak na ngiti sa mukha niya.

"Talaga?! Kailan pa?!" excited niyang tanong sa akin.

I blushed like a teenager. My mom is acting like we're both teenagers gossiping about my first boyfriend. Maybe we were.

"Nung isang buwan lang po. Nagkita kami ulit."

"Hay, tama nga ako." She said, still smiling. "Pakausap ako kay Primitivo mamaya, ha?"

I nodded. Biglang lumabas ang mukha ni Sonny sa screen. He beamed at me.

"Ate! Miss ka na namin!"

Siningkitan ko siya ng mga mata. "Gusto mo lang ng pasalubong, eh."

Sonny laughed, all manly with his deep voice. "Baka naman, Ate..."

Inirapan ko lang ang kapatid at binalingan si Mama.

"Si Selena at Wesley po?"

"Ay, nako, si Wesley kahapon pa nilalagnat. Hindi nga tumuloy sa flight niya si Selena kasi napa-paranoid eh nandito naman ako para magbantay. Dinala na namin siya sa ospital kanina kaso pinauwi din ng doktor."

"Pa-kumusta nalang po ako sa kanila..."

"Ate, si Kuya Ivo ba yan sa likod mo?"

Nagulat ako nang may itinuro si Sonny. I was talking to them mindlessly and didn't notice that behind me is the bed where Ivo is sleeping. Itinapat ko doon ang camera, pati na rin sa iba pang mga natutulog.

"Nag-sleep-over kami kasi birthday ng kambal."

"Yiee! Friends na ulit kayo, Ate?"

"Anong friends? Jowa na nga, eh!" si Mama naman.

"Gagi, talaga?! Gustong-gusto ko talaga si Kuya Ivo para sa iyo, Ate!"

Hininaan ko ang volume dahil ang ingay-ingay na nilang dalawa sa kabilang linya. Sonny would often meet up with Ivo whenever he's here in the country, visiting my father. We wanted to cremate our father at first so we don't have to keep on going back here, but instead we just buried him with honor. Kahit gaano karami ang masasamang alaala ko dito sa La Union, babalik at babalik pa rin ako lalo't narito si Papa.

Pagkatapos naming mag-usap, bumangon na ako at naligo. My eyes are still burning from the lack of sleep, but I couldn't find myself trudging back to bed. Lumabas nalang ako para mag-order ng kakainin namin sa agahan.

Pagbalik ko, mukhang gising na ata sila. Una kong narinig ang boses ni Ivo.

"—saan si Raya?"

I pushed the door open. Napatingin kaagad siya sa akin. The look of worry on his face vanished when he saw me.

"Puro ka Raya, ayan na oh!" masungit na sagot ni Avery sa kaniya kaya natawa ako. She's the only one with a hang-over. Hindi siya nahimasmasan sa ininom niya kagabi at kaagad na nakatulog.