أحببت القيصر

الفصل الواحد والعشرون

أح ــببت آلقيصࢪ

آلفصل21

#بقلمٓ مٓح ــمٓد عبدآلوهآب
________________________

محمد: دا المكان الي ابويا وامي اتقتلو فيه..

مها بصدمة: ايه..؟ ه هما اتقتلو.

محمد بإبتسامة حزينة: ايوة مش قولتلك انا مشوفتش يوم حلو في حياتي غير لما انتي جيتي ....هحكيلك اتقتلو ازاي

                        FLASH BACK

محمد وداليا رجعو من المدرسة لقو عبدالوهاب ومصطفي بيتخانق مع السماك.

عبدالوهاب بعصبيه: اسمع يا سماك الشراكة الي بينا هتنتهي داحنا جبناك من الشارع وعملناك اخونا وفي الاخر تعمل فينا كدا.

السماك : هو انا كنت عملت ايه يعني.

مصطفي بسخرية: لا ابدا ولا اي حاجة كل شحنة نستوردها من برا حبايبك يبعتولك فيها مخدرات ويبقو في الامان واحنا الي نلبس.

السماك:مش ببلاش كل شئ بتمنه قولولي بس انتم تمنكم كام .

عبدالوهاب لكمه: اطلع برا مش عايز اشوف وشك تاني انا هبلغ عنك وهتعيش باقي عمرك في السجن.

السماك وهو بيمسح الدم اثر اللكمه: هنشوف بقا مين فينا الي هيعيش. ومشي

صفية بصدمة: الكلام ده بجد؟

مصطفي: هششش الولاد علي الباب وشكلهم سمعو كل حاجة ..لو سمحتي خديهم واطلعي دلوقتي.

واخدتهم وطلعت الاوضة وعبدالوهاب قعد علي الكرسي بتعب

مصطفي: السماك مش هيسكت .

عبدالوهاب: عارف بس لازم ابلغ عنه انت عارف دا بيتسبب في موت كام واحد ...احنا لو سكتنا كدا نعتبر شاركنا معاه في الجريمه دي.

مصطفي: اهدي انت بس وانا هوقف الشحنه الي جايه متقلقش....انا همشي انا دلوقتي وهجيلك بكدا الصبح سلام.

بعد مرور ساعات تحديدا بعد منتصف الليل

عبدالوهاب كان في المكتب بيفكر هيعمل ايه قطع تفكيره خبط بسيط علي الباب ودخل محمد

عبدالوهاب بصرامة: ايه الي مصحيك لغاية دلوقتي اطلع نام علشان مدرستك الصبح.

محمد: لا يا بابا مش هتحرك غير لما تفهمني ايه الي انا سمعته ده.

عبدالوهاب بتنهيدةبص يابني الي لازم تعرفه ان انا تعبت لغاية ما وصلت للمستوي الي احنا فيه وربيتكم احسن تربيه وكله بفضل ربنا وعمري ما اتسبب في اذية حد .

محمد: برضو لازم افهم الي سمعته.

عبدالوهاب بغضب طفيف: هتفضل تعاند لغايه امتي ...مش لازم تفهم دلوقتي ...وهدأ قليلا....انت دلوقتي كبرت وبقيت راجل عايزك تخلي بالك من اختك والدتك لو جرالي حاجة.