الليث الاسود

Part 6

ضحك وبقه يشاقه وياي حيل مرح دخل فرقد وهم كعد يسولف ، صبو الغده وكُلها جتمعو عده سواد ، اكلت شويه وطلعت اغسل وارجوان بقت يم فرقد .

لفت انتباهي فرقد شلون حب ارجوان بهل سُرعه ويضحك وياها ويلاعبها ، واني تضاعف خوفي وحرصي على ارجوان بس هيه بقت من اهلي ..

يراودني احساس انو هيه بنتي حيل احبها ومتعلقه بيها
رغم فارق العُمر بينه بس اني دائمًا اسولف وياها واحجي وياها ، مرات اتصرف وياها كانو هيه بعمري علمود اعلمها هواي اشياء ، وبطريقه مو مباشره علمود ما تمل ..

ومرات احسسها اني بعمرها نلعب سوه حته كلامي وتصرفاتي تتغير وهيه تستجاب بسرعه وياي بهل طريقه
لاحضت انو الأطفال يحبون الي يعاملهم كد عمرهم

اي بمعنى كأنو يحجون ويا شخص بكد عمرهم مو واحد كبير .. لليل دخل ولد سلم علينه وكعد وحده من البنات بسرعه صارت عيونها علينه اني ويا نظراتها تتنقل بينه

عرفت هذه زوجها بس ما حبيت تصرفها وهو الولد مبين حباب ولطيف ، شويه وكام هيه راحت وره ماهتميت بس جُذبني جمالها حيل جميلة .

دخل فرقد يفر بـ مفاتيح بـ ايده : يله عيني عزلنه لبيتكم

ضحكت رياحين وضربته على ضهرها  : بيت ابوي لو اتربع بي محد يتدخل

فرقد : يا ابوج يا بطيخ هسه هو بسابع نومه لو تنفجر عبوة يمه ما يكوم مرات اكول مبنجينه لاحس ولا نفس

ضلو هواي يسولفون هو مرح وما يتقيد ، طلعنه بعد ما ودعناهم انتبهت للبنت الي انطتني المي كانت صافنه وكانو بغير عالم شكلها حيل لطيفه وبريئ وحتى تصرفاتها عفويه وحركاتها بدلع ..

هذه الي لاحظته بـ الكم ساعه الي شفتها بيها اني من النوع الي احب التفاصيل فَـ لذلك حيل اتعمق بالتفاصيل وهل شي جدًا مُتعب ومُرهق ، ألاحظ اشياء بناس همه ما ملاحظينها بنفسهم دُقه تركيزي قوية جداً .

طلعنه من البيت وكفت سياره سوده نزل منها سواد كلبت عيوني وتكتفت ، فرقد راح يمه وهمس اله ماعرف شنو التفت هو خزره ، ضحك فرقد ويسولف وياه ابتسم سواد اتقدم فرقد ستوقفه صوت سواد

سواد : أخذهم بالسياره
فرقد : شدعوه فرق بيتين شبيهم مكسحين لو مكسرين
تغاريد : خالو على ذلتك هاي نركض ركض

تخيلت كلامها طكيتها بضحكه حيل عاليه فحطت من الضحك كُلهم يباوعولي واني مستمره شبعت ضحك والمنظر مايروح من بالي

فرقد : فززتي الميتين بهل ضحكة

ايفا : اوووي شدعوه تغا ضحكتي جميلة

فرقد : جميلة بيتها وفزت على الضحكة

ايفا : يخغابييي

ضحك على لدغتي باوعتله بطرف عين ومشيت مشينه واني صافنه بالطريق والهوئ الهاب هدوء منطقتهم حلوه