جحيم الفهد ... ( الجزء الاول )

الفصل السابع عشر

في قصر اسر ...
كانت تنظر الى ذلك المكبل من يده في تلك الصفاد الموصوله بالسلاسل الحديديه وينزف من انفه وفمه وهناك كدمات على وجهه وينزف من جميع انحاء جسده وكان شبه فاقد الوعي ...

كانت تضع يدها على فمها وتنظر إليه بعدم تصديق وصدمه وقد هبطت دموعها على وجنتها بشده ... فـ قالت بصدمه ودموع بعد ان ابعدت يدها عن فمها ...
_: حمزه ...

فتح حمزه عينيه بوهن ونظر لها بتشوش فـ صوتها كان عاليٍ بعض الشيء وقد وصل إلى مسامعه فـ قال لها بضعف ...
_: عشق ...

كادت ان تقترب منه ولكن سبقها اسر ومسك يدها بقوه فـ التفتت له وقالت بغضب شديد ودموع ...
_: انت اي اللي عملتو دا ي اسر .. انت ازاي تعمل ..

قاطعها وهو يقول ببرود وجمود ...
_: انتي مكنتيش مصدقه اني هقتلو بجد فـ جبتهولك لحد عندك على شان اوريكي واخليكي تشوفي وتصدقي انا هقتلو بجد ولا لاء

اغمضت عينيها بقوه ودموعها تهبط على وجنتها بشده فـ اقترب منها ومسح دموعها بابهامه ببرود شديد و قال ...
_: وفري دموعك ي عشقي لانك هـ‌ تحتاجيهم بعدين لما تشوفيه بيموت قدام عينك

فتحت عينيها و مسكت يده التي على وجنتها وضمتها بين يدها وقالت له بترجي ودموع ...
_: اسر اسر ارجوك متقتلهوش على شان خاطري ارجوك متقتلهوش .... هعملك اللي انت عايزو بس متقتلهوش ارجوك

بكت بشده باخر حديثها وهي تترجاه فـ جلست ارضاً ومازالت تمسك بيده وتبكي وتشهق بعنف .... وكان هو يناظرها ببرود شديد وقسوه فـ مال بجزعه العلوي قليلاً لاسفل ومسك شعرها بعنف وأعاد رأسها للخلف و جعلها تنظر له فـ سمع حمزه يهتف له بصوت غاضب بعض الشيء ولكنه ضعيف ...
_: ابعد ايدك عنها

قال لها اسر ببرود وهو ينظر لها ...
_: حبيب القلب فاق اخيراً

ترك شعرها بعنف تحت نظراتها المنصدمه من ما قاله فـ وقفت امامه على اقدامها وقالت له ...
_: هو انت للان مش مصدق اني مش بحبو ي اسر

نظر لها ببرود واتجه الى حمزه ووقف امامه فـ قال له حمزه بضعف ...
_: انت مين ، وعايز مننا اي

قال اسر له ببرود ...
_: تؤتؤ مننا دي مش عايزك تنطقها على لسانك فاهم .... لانك لازم تقول عايز مني اي

نظر له حمزه بغضب وقال ...
_: قلتلك انت مين وعايز مني اي انا وعشق

نظر له اسر ببرود شديد ولم بجيبه ولكنه بعد ثواني اجابه قائلاً ببرود وجمود ...
_: انا جايبك على شان هقتلك ، اما عشق فـ انت ملكش اي دخل بيها ، ودلوقتي اممم انا عارف انت جاي ليه

نظر له حمزه بعدم فهم وغضب بسبب كلمات اسر له فـ التفت اسر بجسده قليلاً ثم مسك يد عشق وسحبها اليه وجعلها تقف بجانبه وقال ببرود الى حمزه ...
_: جاي على شانها مش كدا ، جاي على شان ترجعها معاك الصعيد باوامر من جدك