Unicode
စာစဥ် ၈ ၊ အခန်း ၁ ။ ရှိုးပွဲလေးတစ်ပွဲ လာကြည့်တာ အိမ်တစ်အိမ် အလကားရသွားတယ်
နောက်၌ နေနေသည့် သက်လတ်ပိုင်းလူကြီးသည် သူ၏ သတိမေ့နေသော အဖော်ကို သွားစစ်ကြည့်လိုက်၏။ အဖိုးအိုကတော့ တောက်လောင်နေသည့် အကြည့်တို့ဖြင့် ချူးလျိုကို စိုက်ကြည့်နေသည်။
သူသည် သူ့မျက်နှာပေါ်က စိတ်လှုပ်ရှားမှုတို့ကို ဖုံးကွယ်၍ မရခဲ့ချေ။ “ဒီက သူငယ်ချင်းလေးက ဘယ်ဂိုဏ်းကနေလာတာလဲ ဒီဟာကိုဖြေရှင်းဖို့ သမီး ဘာနည်းလမ်းကိုသုံးလိုက်တာလဲ “
ချူးလျိုလဲ သဘောထားပြောင်းလဲသွားသည့် ထိုလူအိုကိုအမြန်ကြည့်လိုက်ကာ ချက်ချင်း ပြန်မဖြေခဲ့ပေ။ ထိုအစား သူမကပဲမေးလိုက်သည်။ ”ဒီအိမ်ထဲမှာ နတ်ဆိုး ရောင်ဝါတွေရှိနေတယ် အဖိုးအို ရှင်ဒါကိုဘယ်လိုနည်းလမ်းနဲ့ ဖယ်ရမလဲ ဆိုတာကို သိသင့်တယ်နော်”
သို့သော်လည်း ထိုအဖိုးကတော့ မှားယွင်းစွာတွေးနှင့်လေပြီ။
သူထင်တာက ချူးလျို ဘာကိုမှ ပြောမပြတာဟာ သူမဂိုဏ်းမှာ စည်းကမ်းတွေရှိနေလို့ဆိုပြီးတော့ပေါ့ ။ ဒါကြောင့်လဲ သူဟာ သူမကိုထပ်မမေးတော့ဘဲ ခေါင်းသာညိတ်ပြလိုက်သည်။
“ဒီအိမ်ရဲ့ အတွင်းပိုင်းက လွန်ခဲ့တဲ့နှစ်အနည်းငယ်ကပဲ လက်ဆော့ထားတာ ခံထားရတယ်လေ ကောင်းချီးတွေနဲ့ ပြည့်နေရမဲ့နေရာက ဆိုးကျိုးတွေပေးတဲ့မြေအဖြစ် ကိုပြောင်းလဲသွားတယ် တိုက်တိုက်ဆိုင်ဆိုင်ကိုပဲ မမလေးဝူရဲ့ ဂုဏ်ရည်က ယင် ဖြစ်နေတယ်လေ အဲ့တာကပဲ ဆိုးကျိုးပေးတဲ့ ရောင်ဝါတွေကို မွေးမြူဖို့ အကောင်းဆုံးသော သွေးကြောဖြစ်နေခဲ့တာပေါ့”
ထိုလူအိုကြီး ပို၍ ပြောလာလေလေ သူပို၍ပင် ကြောက်လာလေလေ ဖြစ်လာလေသည်။ “ကံကောင်းလို့သာပေါ့ မင်းက သူ့ကိုယ်ထဲကနေ ဆိုးကျိုးရှိ တဲ့ ရောင်ဝါကို ဖယ်နိုင်လောက်တဲ့ထိ စွမ်းဆောင်နေနိုင်လို့သာပဲ မဟုတ်ရင်တော့ ငါလဲ ဒီနေ့မှာ သူ့အသက်ကိုသတ်လိုက်လို့ တာဝန်ယူရတော့မလိုတောင် ဖြစ်နေပြီ” သူကထပ်ပြောလိုက်သည်။ "သူငယ်ချင်းလေး မင်းနဲ့ ငါက တောက်ဆရာ အဖွဲ့ဝင်တွေ ဖြစ်နေမှတော့ ငါတို့တွေ တစ်နေရာမှာ ထိုင်ပြီး ဒီအကြောင်းကိုဆွေးနွေးကြရင် မကောင်းဘူးလား”
BINABASA MO ANG
ချမ်းသာတဲ့ မိသားစုရဲ့ ဇနီးချောလေးက ချစ်ဖို့ကောင်းပေမဲ့ ရက်စက်တတ်တယ်!!!
Romanceစာစဥ် 1 မှ စာစဥ်? ??? . . . Not my work . We are just translating this novel for offline purpose. All credits to original Author and English Translators.
