وهسه بعدهم زعلانين لو تراضو
لا والله بعدهم لان سميه زعلت علي ذيج الزعله
وكالت اليمد ايده مره يمدها مره الخ هو بمكانه واني مكاني وتريد تفصخ،الخطوبه
روايه حجت وكامت تبجي ووياها خاله خديجه
استهدوا بالرحمن يمعودين هذا كله صاير واحنا ماندري ليش ماحجيتلي ام ريسان
شحجي دادا وانتي البيج كافيج وادشوفج
من شي لشي اجي اني وازيد همي عليج
وخرت ابني من صدري من شبع وظليت ادحك عليهن وحجيت بقهر
الله يهدي الگلوب فهد خوش ولد وهي هم الله شاهد شفتها مره بعرس عمر وحبيتها وحسيتهم واحد لايك
للخ بس هاي حزه شيطان وتريد تصير بعد
يممه ادعليهم والله فهد صاير فد مره لااكل ولا شرب
سوده عليه لايبه روحه وبس كاعد ويحش
بهل الجگاير
وهي هم والله اسمع من امي بس تبجي وعازله
روحها بغرفته البنات وماتاگل
اكلج امشوو بالصلح بينهم حرامات يفصخون
اانتي روايه احجي وياها وكولي حزه شيطان وصار الصار
حجيت خاله وروح عمو حجيت وياها وكتلها
غار عليج وهيج سوو وانتي غلطانه شلون توكفين بوجهه وتجاوبي وهي ماكو ظلت تردد ضربني مره
راح يعيدها مره الخ
عضيت شفتي بقهر وذبيت حسره لان عرفت كلامها صح خاله خديجه حجت وي ماما
دخت ام ياسر وخجلت كلش منها ومن اهلها وومن روايه
يااا هاي ليش هذا الحجي عمه اشو تخجلين مني
انتي شعليج
ليش مااخجل موو ابني السو هيج وخلاني بصخام
الوجه جدامج انتي واهلج
حشاج عمه من هذا الحجي ومحد زعلان منج وحتى فهد اخذنا على خاطرنا منه شويه بس بعدين
كلنا حزه شيطان ويغار عليها وهي هم ماسكتت
كلمه بكلمتها ودمو حاميه وسوو هيج
الله يهدي النفوس بجاه نبيه محمد
ماما حجت وگلنا كلنا امين سالتها ماما
هي تحبه وهو يحبها موو
اي والله وفرحانين واحد بالخ وماظل شي لعرسهم
بس نكمل صبغ البيت كلنا ناخذها ونسويلهم العرس
خاله خديجه جاوبت ماما وهي رجعت كملت
هاهيه يرجعون وداعتج بس خلي يبرد گلبها
لاختج
الله يسمعج من حلگج خاله
عمار
بليل
كاعد بالاستقبال وي ريسان وفهد ابويه ساله
هاا يابه شوكت تزوج ونفرح بيك
جان مو على بعضه وسمعت اخوه كال جبنا بالگوه
سكت وظل يهز برجلي وبين علي التوتر
YOU ARE READING
ابكم سحرني
Romanceفي لحظه خسرت كل شي صمت احاط بي كما احاطت بي نار اشتعلت في كل جزء من جسمي في لحظه الم وضعف ادركت اني خسرت نصفي الثاني خسرت اخي
بارت 36 الاخير
Start from the beginning
