"ငါ့ယောကျ်ားကလိမ္မာတယ်လို့"
"ဟားဟား ဒီယောက်ျားလိမ္မာလားဆိုးလား ပြမယ် လာ"
"ဟာ မောင့်!"
သက်လျာကိုယ်လုံးလေးကိုပွေ့ချီကာ အိပ်ခန်းထဲသို့ခေါ်သွားပါသောမောင်။သေချာတာကတော့ သူတို့နှစ်ယောက်ရဲ့အချစ်ညလေးကရှည်လျားတော့မည်ဆိုတာပင်။
------
မောင်အပြင်ခဏသွားတာမို့ သက်လျာနဲ့အမိန့်ကထုံးစံအတိုင်းအိမ်မှာရှိသည်။ထမင်းစားချိန်တိုင်း အရုပ်တွေနဲ့ဆော့နေတဲ့အမိန့်ကို ထမင်းမဝင်ဝင်အောင်ခွံရတာသိပ်ကိုပင်ပန်းသည်။
"အိုအို့ ပါးပါးညောင်းလာပြီကွာ သားငယ်ကလျှောက်ဆော့နေတာ ပါးပါးကလိုက်ခွံ့နေရတယ်"
"တားဒီမှာဘဲထိုင်ချော့တော့မယ်ရော် ပါးပါး"
"လိမ္မာလိုက်တာ အမိန့်လေးက"
" အာ..."
ပါးစပ်လေးဟကာထမင်းခွံဖို့တောင်းနေတဲ့အိုလေးကိုတစ်လုပ်ခွံလိုက်ပြီးပါးလေးကိုတစ်ချက်နမ်းလိုက်သည်။ထိုစဥ်..
"မောင် သွားတာမြန်သားဘဲ"
တွေ့ဆုံပွဲတစ်ခုရှိတယ်ဆိုပြီးထွက်သွားတဲ့မောင်က အစောပြန်ရောက်လာတာမို့သက်လျာအံ့သြသွားသည်။မောင်တစ်ယောက် ထိုင်တောင်ထိုင်ခဲ့ရဲ့လား။
"မောင်က ပြီးတာနဲ့ပြန်လာတာကိုး"
"ဒယ်ဒီ"
ဆော့နေရာမှထကာ သူ့ဆီပြေးလာတဲ့သားငယ်ကိုပွေ့ဖက်ထားလိုက်သည်။
"မုန့်ရော"
"ပါပါတယ်ဗျာ အခုသားကထမင်းစားနေတာမလား ပြီးမှစားနော်"
"ဟွန့်!"
နှုတ်ခမ်းဆူကာသူဆော့နေတဲ့နေရာသို့ပြန်ထွက်သွားတဲ့ကလေးငယ်ကြောင့်သဘောပြုံးလိုက်သည်။လိုချင်တာမရရင်ကောက်တာကသက်လျာနဲ့တူသလားဘဲ။
"အိုအို့ မန်းမန်းမစားတော့ဘူးလား"
"တားဝဘီ ပါးပါး"
ဝပြီဆိုတဲ့ကိုယ်တော့်ကိုပါးစပ်သုတ်ကာရေတိုက်ရသေးသည်။မဟုတ်ရင်ဟင်းနံ့တွေနဲ့နံနေဦးမှာ။
YOU ARE READING
မင်းသဘောပါ မောင့်သက်လျာ [ Complete ]
Romance[Own Creation] BL/Male pregnancy Uke weak and look like girl 💟
- 41 - [ Unicode ]
Start from the beginning
![မင်းသဘောပါ မောင့်သက်လျာ [ Complete ]](https://img.wattpad.com/cover/303787041-64-k262304.jpg)