كانوا كل الشلة في دار عزيزة بالاضافة لبنات عمها الاثنين
و لانها الشلة زي ما سبق و ذكرت قاريين مع بعض من زمان فليهم ذكريات مشتركة و خاصة مسرة و عزيزة لانهم من الابتدائي مع بعض
مسرة : استني استني عزيزة تتفكري وقت المهرجانات زمان
عزيزة عيونها لمعوا بدموع ذكريات جميلة ذكريات الزمن الجميل : هيا نزسم اجمل زهرة
هبة: حسين حتى احني زمان نغنوا فيها و الا وقت يجي البرنامج العشية اقسم بالله لو شني يصير ما نتحرك من قدامه
اميرة : خليك وقت المسابقات تبدا انشجع هنا يفوزوا بالحوائز وانا نصفق زي المهبولة
ندى تنهدت : ايه بالله ايام حلوة
هناء : انا الانسان هذا لحد الان نموت فيهم هو الوحيد اللي يعرف كيف يدير جو مع الاطفال
كميلة : معاك حق هو وحتى ابلة نورية هويدي دنيا الاطفال احد الان الاغنية عالقة في راسي
مع بعض : دنيًا الاطفال دنيا حلوة غنيناها.. يا سلام يا سلام
: ههههههه
مسرة : بس انا خاطري نديروا الرقصة متاع هيا نرسم اجمل زهرة
هبة بحماس : و الله حتى انا جت فيها النية شني يا بنات من يبي
: هيا
: يالله
مسرة : معناها يالله
نظموا بعض و بدو يغنوا في الاغنية و يديروا في الرقصة زي اللي في الفيديو و هنا يضحكوا و حافظينها ع ظهر قلب
اي شيء يتعلق بطفولتنا تكون ليه ذكرى خاصة و جميلة و مهما كبرنا مجرد نشوفًوا او نلمحوا و احيانا حتى ولو استنشقنا رايحة بس تذكرنا بيه نرجعوا لذات النقطة و لذات الزاوية
هيا نرسم اجمل زهرة .. و تلون احلى تلوين
نهديها لبلادنا الحرة.. باسم الاطفال الناجحين
و بعد كملوا الاغنية و هنا يديروا في ذات الحركات امهم حضن واحد ياما بكو فيه حنينا لايام ذهبت و لن تعود
الف رحمة ع فنان الطفولة اللي ياما اسعد قلوبنا بضحكته و العابه و اغانيه
و تحية للجيل الذهبي اللي عاشوا المرحلة هذه
مع تحياتي
مارية علي الخمسي ❤️❤️❤️❤️❤️❤️
