Unicode
ချောင်ယွမ်မွေးနေ့ရောက်တော့ ထန်ကျိုးကပုံမှန်လိုပဲ၀တ်စားပြီး ချိန်းထားတဲ့ကလပ်ရဲ့သီးသန့်ခန်းဆီထွက်လာခဲ့သည်။
ထန်ကျိုးအခန်းတံခါးဖွင့်ဖို့လုပ်နေတုန်း တံခါးကပွင့်သွားကာ လွီရဲ့ကချောင်ယွမ်ရဲ့လက်မောင်းကိုဆုပ်ကိုင်ပြီးထွက်လာသည်။
လွီရဲ့မျက်နှာချောချောလေးကသုန်မှုန်နေပြီး ချောင်ယွမ်ကတော့ ဆံပင်ခပ်တိုတိုကိုနဖူးရှေ့မှာဆံမျှင်လေးတွေကျနေကာ သူ့မျက်နှာကဖြူလျော်နေပြီး မျက်၀န်းတွေကတော့ဖြူစင်စွာနဲ့ လွီရဲ့ဆွဲခေါ်တဲ့နေရာကို မတတ်သာဘဲလိုက်နေရပုံပေါ်သည်။
ထန်ကျိုးကိုမြင်တော့ ချောင်ယွမ်ကအံ့သြပြီးပျော်သွားကာ
"ကျိုးကော ရဲ့ကောကိုပြောပေးပါဦး...သူဘာလို့စိတ်ဆိုးနေမှန်းမသိဘူး"
ချောင်ယွမ်ရဲ့ကြည်လင်လှတဲ့အကြည့်လေးတွေကို ဘယ်သူမှငြင်းဆန်နိုင်မည်မဟုတ်ပေ။
ထန်ကျိုးက
"ဘာတွေဖြစ်နေကြတာလဲ"
လွီရဲ့က သီးသန့်အခန်းတံခါးကိုပိတ်လိုက်ပြီး ထန်ကျိုးနဲ့ချောင်ယွမ်ကို အခန်းနဲ့ခပ်လှမ်းလှမ်းနေရာအားခေါ်ခဲ့ပြီးမျက်မှောင်ကျုံ့ကာ
"ဟို ဖူမျိုးနွယ်ကိုဘာလို့ဖိတ်လိုက်တာလဲ...မင်းသူနဲ့ရင်းနှီးလို့လား"
စကားအသွားအလာအရ ထန်ကျိုးကတော့သိလိုက်ပြီ။
ချောင်ယွမ်ကတော့ လွီရဲ့စိုးရိမ်နေတာကိုမသိဘဲ
"သူနဲ့ ကျောင်းက ကလပ်တစ်ခုထဲမှာခင်ကြတာ....ပြီးတော့ သူကကျွန်တော်တို့ကျောင်းသားသစ်တွေရဲ့ကိုယ်စားပြုသူလေ...သူကအရမ်းထူးချွန်တာ"
ချောင်ယွမ်နဲ့ဖူရှန်းတို့က ပထမနှစ်ကျောင်းသားလေးများဖြစ်ကာ ခရီးသွားကလပ်ထဲမှာဆုံကြခြင်းဖြစ်သည်။
ဖူရှန်းက ကလပ်ထဲ၀င်တာစောသဖြင့်နောက်မှရောက်တဲ့ချောင်ယွမ်ကိုကူညီပေးခဲ့ဖူးသည်။
ချောင်ယွမ်ကတော့ ဖူရှန်းအပေါ်အတော်လေးအကောင်းမြင်မိသည်။
သူတို့၂ယောက်ရင်းနှီးကာ သူငယ်ချင်းတွေဖြစ်လာတာကြောင့် ချောင်ယွမ်ကဖူရှန်းအား သူ့မွေးနေ့ပွဲလာရန်ဖိတ်လိုက်သည်။
လွီရဲ့က ဘာလို့ဖူရှန်းအားရန်လိုနေသလဲဆိုတာ ချောင်ယွမ်နားမလည်တော့ပေ။
YOU ARE READING
ချိုမြိန်မှုကိုနှစ်သက်တဲ့ ဗီလိန်လေး(မြန်မာဘာသာပြန်)
RomanceThis is not my own story. It is my translation work. All Credits to original author. Associated name- 反派天生嗜甜 Type-Web novel Author-封玖 Status in COO-Completed{51 chapters+extra 6 chapters} Original Publisher-jjwxc Start date-8.4.2022
