ظفر الجوى

part 3

#ظفر_الجوى

للكاتبة _ زهراء امجد

#البارت_الثالث ....

لتنسون التصويت والتعليق على الفقرات + متابعة حسابي الواتباد ♥️

يوزر حسابي الانستا

Zz__127_

حَسبالي مِثلي تحِن لو بَينت تَعبي
غيمـة وطِردها الهوى هيچ انطرَد گلبي .

آزر _ ضليت الطريق كلة بالي مشغول ومتشوش رجعت للبيت دخلت كبل لامي لكيتها كاعدة بالغرفة حجيت وياها ...
_ يمه باجر ترحين لبيت عمي وخطبيلي نور ..

ام آزر _ تحجي صدك يمه لو تشاقه !؟

آزر _ يمه بهيج مواضيع اكو شقه !؟

ام آزر _ الف مبروك يمه هاي ساعه مباركه من تاخذ بنت عمك ....

آزر _ شوفي بيت عمي وبعدين باركي ...

ام آزر _ قابلين وين يلكون مثلك شاب ومثقف الحسين يحفظك يمه ...

آزر _ يطول عمرج يمه انا اترخص تعبان شويه ..

ام آزر _ الله وياك وربي يريح بالك ويفرحك ...

رتيل _ ورا مراح خالي التهيت وية اهلي ثاني يوم من الصبح اجتنا بيبي ام آزر تفاجئنا من جيتها ....

كالت جايه اخطب نور لـ آزر ...

البيت كله طار من الفرح عبالك ما مصدكين هذا
الخبر ...

رونق _ شنو نور تزوجوها غير مريضه هية مال
زواج ما تخافون تموت !؟؟؟؟

ام رتيل _ شبيها ولج جنها گمر مبروك نواره من
زمان تمنيتج من نصيب آزر ....

رتيل _ دخلت لعمتي نور فرحها مبين بعيونها
واسعد وحده على وجهه الارض طايره من الفرح
اجيت يمها كتلها مبروك عمه منه المال ومنج العيال ههههه ....

نور _ لج رتيل كلبي راح يوكف ما مصدكةة
بعد شطلب من ربي حتى استحي الف الحمد الله والشكر

رتيل _ طلبي اليه ماطولج حققتي كلشي هههههه

نور _ نجبي ولج مو هذا قصدي ...

رتيل _ الف الحمد لله عمة ربي يجبر بخاطرج ..
كمت عفتها ورجعت لغرفتي رغم مرضها فحة بالقلب بس الله جبر بخاطرها بالشخص التحبة ..

حددو موعد للخطبه بين الاهل صارت لان احنه عشيره ماعزمو احد غريب
اشوف عمتي نور فرحانه طايره من الفرح اما خالو فعادي بس مضايج يسولف ويضحك عادي عبالك
اي يوم عادي يمر ...

دخلو عقدو وراها لبسها ذهب واخذولهم صور
ورونق واكفه على صفحه وتريد بس تخرب
الخطوبه ماعرف شبيها بس مكدرت كلشي تم
الحمد الله وصارت خطيبة الاستاذ ازر