#جبرني_الوقت⏳
#الحلقه_التاسعه_والأربعون
بقلمي✍ #نورهان
'اللّهم اعنْا على استِكمال دَربٍ ، لم يتبـقى منه إلا القَليل .
●●●●●
احمد...مبروك
امينه...علي شنو
احمد...علي زواجنا
امينه... مافيش زواج اصلا انا عايشه معاك مؤقت
احمد...قرب مسكها من يدها
امينه...بعد يدك
احمد..تفضلي قعمزي
امينه...قعمزت علي الصالون
احمد..قعمز جنبها انا نبي نعيش معاك كأي زوج وزوجه مش ك زواج مؤقت
امينه...خنوها اعيونها مش حتقرب مني تمام
احمد...ماتبكيش بس حاضر مش حنقرب منك اليوم
امينه...صكرت اعيونها هزت براسها انا وافقت عليك مجبوره عشان ابتسام ومرضها فيك تقول ضحيت عشانها
احمد...سلح الجاكه حطها جنبه مسح علي راسه عشان مش قادره تنسيه بس
امينه..مش ناسيته وضميري يقتل فيا بشويا عشان خنت الوعد اللي عطيته له
احمد...شفتك في المقبره اليوم
امينه...تمسح في دموعها شفتله تلحق فيا
احمد..لا كنت نزور فيها وفي اوليدي
امينه...تمسح في ادموعها معش ردت عليه
احمد...انا م جبرتك توافقي عليا انتي جيتيني في العياده وقلتي موافقه برضاك
امينه...صكرت عيونها عشان بيسو
احمد...كنت نبي نحكي معاك بالتلفون ياريتك حكيتي معايا
امينه...ماتندمش علي شي كلها شهور ونطلب الطلاق
احمد..يمكن تفهمي عليا بيوم
امينه...تشوفله
احمد..كنت عندها وبكيت البكاء اللي شفتك بكيتيه اضعاف علي قبرها ردت ماردتش انا كنت واخذها عن حب المرحومه كيف ماانتي كنتي واخذته عن حب يمكن الحاجه الوحيده اللي تهون عليك انتي ماعشتيش معاه في نفس الحوش انا عشت معاها وكنت خايف عليها يوم اللي حملت كنت معاها خطوه بخطوه والفرحه مش سيعتني ماسيبتهاش دقيقه من فرحتي بيها
امينه...تشوفله وتسمع فيه
احمد...انتي كلام بالتلفون وتلاقوا خططتو لحياتكم لكن م عشتيش اللي عشته ماعشرتيه وتعودتي علي مكانه
امينه...تعودت عليه كل مكان في حوش حني كل زاويه فيها ذكره معاه ماتقرنيش بيك
احمد...مش حنقارن حياتي بيك كنت فرحان بيها وبأول فرحتي بعد عرفت معاها اوليد خططنا كيف حيكون اسبوعه وشن انديرو عمري م تخيلت بيوم اني نخسرهااا ياامينه تعبت عليا في ليل ومطر برا ماكفت كان يوم 26\12في عز الشتاء خذيتها للعياده والفرحه مش سيعتني حنكون اب واخيرا في يومها اعيونها ماشلتهن مني كأنها تحفظ في ملامحي والأبتسامه م فرقتها برغم الألم اللي حاسه بيه جت امي جايبها مجدي ونرجو فيهم يطلعو يقولو سلمت هيا ووليدي عمري ماتخيلت يطلع الدكتور يقولي البركه فيك ربي يعوضك خير الجنين جا ميت والأم صارلها نزيف درنالها تحويله ل مستشفي يوم اسود م طلعتله شمس نسيت اوليدي اللي حرق كبدي قبل م نفرح بيه كان كل همي هيا شن صار فيها ركبت معاها في سياره الأسعاف حطين جنبها وليدي اللي ميت هيا ماتندري علي شي خشت في غيبوبه وصلنا للمستشفي خذوها من بين ايدي حطوها في العنايه طول هذا كله انطمن في روحي لاتوا تطلع اكويسه وربي يعوضنا خير في اوليدنا قعدت معاها ساعات منعوني نخش عليها في العنايه بعد جا الصبح خشيت جسمها كله اجهزه مش وعيتلي جسمها مسقع جت ساعه 11:45صبح كنت نشوف لساعه جا الدكتور خش م الباب فك الأجهزه بدون مقدمات يقولي انا لله وانا اليه راجعون نقوله لامش ميته قال ميته سريريآ من امس ربي يعوضك خير هيا جتنا في غيبوبه هيا عندها ضيق في الرحم وركبولها ليه صناعيه انفجر الرحم معش قدرو يسيطرو علي النزيف خشت في غيبوبه والجنين طلعوه ميت خذوها من بين ايدي وانا نشوفلها مش قادر اندير شي إنسان عاجز كنت انتمني حلم ونوعى منه خشيت في صدمه بعد عطوها ليا مكفنه وجنبها اوليدنا اللي مافرحنا بيه المطر كملت علي ظهري وانا معاها في القبر نحفظ في ملامح وجها نبي نستوعب خلاص اني مش حنشوفها مره اخري اوليدي اللي نزلته جنبها تمنيت لوكنت انا الثالث في وقتها الناس تعزي فيا دمعه مانزلتش من عيني من جوا منهار من برا لا برود كف خذيته من الدنيا عمري ماكنت متوقعه قهروني فيها كانو يقولولي ماتقدرش تجيب طبيعي قتلوها ليا كنت نقدر نرفع قضيه ونكسبها لكن اتجي وترد للحياه تطلع عايشه وتقولي انا رديت خشيت في اكتأب يشهد عليا المكان هذا امي وباتي تعبو معايا يبوني نرد من الصدمه اللي فيها شالوني ل شيوخ علي دكاتره مادروش حل لانا مافيش حد يقدر يفهمني مراتي واوليدي دفنتهم بيديا وفي يوم واحد تقدري اتحملي اللي انا تحملته
امينه....وووه عليا كيف تحملت هذا كله
احمد...جاوبيني تقدري اتحملي اللي عشته
امينه...شفتله هزت براسها بمعني لا بس حتي انا اللي عشته مش اشوي
احمد...وافقتي علي عشان ابتسام
امينه...هزت براسها اها مش عشان نبيك تكون زوج ليا
احمد...مش حنجبرك اللي تبيها توا حاضر ادير ابتسام عمليه وتطلع اكويسه ساهل صبى لدار خذا دبش وخش للحمام
امينه...تمسح في دموعها يااااربي صبت خذت شنطه وخشت لدار حطتها علي السرير طلعت توته ردت صكرت الباب عشان تغير
#نورهان✍
مجدي...يرقى مالدروج ماسك أملي في القعاد ماسك يد ابتسام
ابتسام...شن جوهم قولك اجودي
مجدي...نهيتي روحك بالبكاء خلاص اكيد جوهم لوز كوني هانيه طلع المفتاح من جيبه فتح الشقه يده علي كتف ابتسام خشي ياروح
ابتسام...حبيبي ننزللها
مجدي...خش وصكر الباب بالمفتاح عنجد هذي عرسان شن تبي فيهم
ابتسام...بس مني مش امبين عليها عروس
مجدي...خلي الوقت هوا اللي يثبتلك احمد يعرف كيف يحافظ عليها
ابتسام...حبيبي صاح ولاتريح فيا
مجدي...والله نحكي جديات رفع أملي خير بابا مرايف عليك
ابتسام...انا نمشي نتوضي ونصلي ونقرا قران حسني مضايقه
مجدي...باهي شدوقي
#نورهان✍
ساعه...2:14ليل
رزان...تبرم في الصاله وسااااااام
وسام...جيتك حبيبي توا عيت احمد يسمعو صوتك
رزان...خليهم يسمعووو النار اللي فيااا مش فيك اصلا
وسام...كنك حبيبي نار شنو شن تحكي
رزان...راسي يبي ينفجر من لورا خلاص نبي نرقد مش قادره
وسام....هيا للعياده
رزان..نبيش نمشي نبي بنادول
وسام...غير هيا بس نطمنو ونروحو بعدها مش كويس عليك بنادول من بدري وجهك مغصور
رزان...مسكت يد وسام حطتها علي بطنها شوف
وسام...كنها يابسه
رزان...صاح حييي عليا
وسام..هيا بس نطمنو ونجو
رزان...جيبلي عبايتي
وسام...وين حطتها
رزان...علي الشطار وين بتكون وساااام كنه ستوعابك بطئ حبيبي
وسام...خش لدار جاب عبايتها ورد يلبس فيها قاعده عصابيه
رزان...تبكي حي عليا مش قادره بطني قعدت يابسه بكل
وسام...انشالله خير
رزان...تلبس في الخيمار تعال جاي جيب الشنطه مرات تكون فيه ولاده
وسام...عنجد هذي لامازال
رزان...لامرات تكون ولاده بس مش خاسر شي كان مافيش ولاده نخلوها في السياره
وسام...رد لدار خذا الشنطه وطلع هيا
رزان...طلعت معاه
ركبو في السياره وطول للعياده
رزان...توقعت السياره يطلع فيها جناحات
وسام...ههههه شن نديرلك طفي السياره هيا
رزان...فتحت الباب وتشوف لطريق
وسام...نزل وجا نزلها
رزان...حبيبي معاك فلوس
وسام...في السياره كان في ولاده نرد انجيبهن
رزان...لاشكلها ولاده ليه في العمود الفقري ولاليه خوف من شفت العياده
وسام...صدقيني مازال
رزان...كان نبي نجيب كلم امي وعمتي وعيت مجدي كلمهم كلهم نقعدش انتألم بروحي مش شوري
وسام...يضحك علي كلامها واخذه بهزوه
خشو رزان قسولها الضغط
الدكتوره...طلعت انت زوج رزان
وسام..اها شن فيه
الدكتوره...ولاده مرتفع عندها الضغط ضروري من عمليه
وسام...ليش
الدكتوره...هيا زعلانه مضايقه تفكر في شي
وسام...مشعارف باهي يعني توا عمليه
الدكتوره...اها ضغطها220\180مانقدرش نتحمل مسؤليتها ضروري من العمليه نهبطو الضغط ونبدو في العمليه
وسام...باهي نبي نشوفها
الدكتوره...تفضل في ثاني غرفه
وسام...خش حبيبي
رزان...تبكي حبيبي وقع انا نبي ننفجر معش نقدر
وسام...حاضر حبيبي هدي روحك بس
رزان...هاديه حبيبي ماتكلمش حد لعند م نطلع كلهم اليوم جوهم مش سمح
وسام...نكلم امي
رزان...لالاحبيبي اكيد مش حنطول مسكت يده نبيش نفكر في شي الا وانا حاضنه افي
وسام...حضنها ياقلبي نا
الدكتوره..شن واتيه رزان
وسام...بعد
رزان...تمسح في ادموعها اممم واتيه
الدكتوره...شن صار في الحبه اللي حطيتها تحت السانك
رزان...ذابت
الدكتوره...معناها الضغط نقيسه في غرفه العمليات تفضل وقع طلعت
وسام...زازا
رزان...ماتخافش عليا كل اللي نفكر فيه بعد نوعى ونلقى افي يرجا فيا الله حبيبي علي الشعور
الممرضه...قربت الكروسه واتيه
رزان...نزلت من السرير واتيه قعمزت علي الكروسه
الممرضه...برمت وطلعت بيها
وسام..رد علي الريسبشن وقع ودفع حق العمليه ورد لصاله يبرم يرجا فيها
بعد دقايق في غرفه العمليات
الدكتوره...وين دكتور التخدير
الممرضه...توا يجي
رزان...مانبيش كامل البنج نبي نصفي نبي نحضر ولادتي
الدكتوره...تمام
دكتور تخدير خش السلام عليكم
الدكتوره...وعليكم السلام استدعوك
دكتور..اهااا شاف ل رزان رفع حواجبه
الدكتوره...كم بيبي عندك رزان
رزان...شافت لدكتور لابس كمامه ردت شافت لدكتوره اول بيبي
دكتور...اقعدي كيف وضع الجنين
رزان...شن عرفني كيف يقعد الجنين
دكتور...هه وراها كيف تنزل ظهرها نبي نبزك بالأبره
رزان...باهي بس خف يدك ماتخليهاش واعره بروحي تعبانه
دكتور...بدا يبز في الأبره حاضر مش حنوجعك
رزان...وووه عليا بطنييي تبي اطربق خلاااااص طلعها الأبره
دكتور...خلااص ردي ارقدي علي ظهرك
رزان..رقدت علي ظهرها وهيا اتألم قهرتني بصراحه شوف انا نبيش نرقد نبي نحضر ولادتي
دكتور...نصفي حتي هوا مش حنخليك ترقدي
رزان...تشوف لدكتوره بعد تبي تفتحي بطني قوليلي
الدكتوره...هههه حاضر
دكتور...احكي معاي وخلي الدكتوره تشوف شغلها
رزان...شفتله عارف لويعرف راجلي في راجل معايا في نفس الغرفه يقلب الدنيا
دكتوره...ههه ماهذا هوا الجهل
رزان...الا عصر وثقل وغيره فيك تقولي
دكتور...كل راس وفيه حكمه ارفعي كراعك
رزان...مش حاسه بيه
دكتور...تقدري تبدي تخدرت
رزان...تشوف لدكتور
دكتور...نزل الكمامه
رزان...شهققققق فتحت اعيونها
الدكتوره...توبعتها شن فيه حاسه بشي
دكتور...مافي شي كملي شغلك متخدره
الدكتوره...تمام
رزان...انت شن جابك هنا
سعد...دكتور تخدير
رزان...لاانت مش دكتور ومن امتي قعدت دكتور
سعد...من سنوات
رزان...خنوها اعيونها حست بشعور غريب ارياف علي كراهيه
الدكتوره...شن فيه كيف مش مخدره
رزان...خدروني نبيش نشوف شي صكرت اعيونها
سعد...كملي شغلك عادي جميع الحالات هكي يسيرن معاهن
الدكتوره...دكتور سعد متأكد ماشي فيها البنج
رزان...فتحت اعيونها دكتور شن شن تحكي انتي
الدكتوره...نعم
رزان...هذا دكتور شن
الدكتوره...دكتور تخدير دكتور سعد
رزان...من امتي
الدكتوره...شافت ل سعد
سعد...تضيعي في وقتك وانتي تشوفي راهو نصفي
الدكتوره...طبست
رزان...ترفع في يدها تمسح في ادموعها
سعد...رد الكمامه علي فمه يشوف لدكتوره
رزان...تشوفله كيف سعودي مش دكتور يعني هوا يكذب عليا سنوات هذين كلهن هيييي شوفلي نبي نحكي معاك ياسي دكتور
سعد...رفع حواجبه طبس ماتغيرتيش مازالتي كيف ماانتي عنيده
رزان...لاانا وجه واحد لبسته مش كيفك
سعد...به
رزان..انت كابوس اسود بنسبه ل رزان
سعد...نزل الكمامه طبس كابوس كنتي تموتي فيه
رزان...صكرت اعيونها
سعد...افتحي اعيونك
رزان...مصكره اعيونها شريط علاقتها مع سعد يمر قدامها مصدومه من اللي تشوف فيه قدامها
سعد...خبط علي خدها افتحي اعيونك
رزان...مش فتحتهن امشي من قدامي
سعد...نبي نحكي معاك ولو لأخر مره كنت نبي نعترفلك بس انتي ماعطيتيني فرصه
رزان...فتحت اعيونها فرصه شن
الدكتوره...رفعت البيبي الحمدلله علي سلامتك
رزان...شفتلها ابتسمت دموعها ينزلن سخنات كانت الصدمه مسيطره عليها
الدكتوره...تخبط علي ظهره ماشاالله ماشاالله
رزان...قربيه ليا
الدكتوره...قرباته منها
رزان...تبوس فيه خلاص ماما معش تبكي نورت حياتي
الدكتوره...بعدت من رزان سلماته للممرضه وردت تخيط في رزان
رزان...تشوف للممرضه وهيا تحط فيه علي السرير ميلت راسها مالقت سعد التفتت اختفي ردت تشوف ل ممرضه
الدكتوره...تعرفيه دكتور سعد
رزان...شفتلها لالا
الدكتوره...من كلامكم حسيت تعرفو بعضكم
رزان...اطلعي واحكي الكلام هذا قدام راجلي
الدكتوره...اللي تسير في الغرفه ممنوع تطلع بره حاجه خاصه بيك وانا مقربه منك البيبي شفته اعيونه دمعن وطلع ديما معايا في العمليات عمري م شفت الأهتمام هذا منه الا معاك انتي توقعتكم تعرفو بعضكم
رزان...معش ردت عليها
#نورهان✍
ساعه4:00الفجر
ابتسام...متكيه علي صالون الصاله سمعت صوت أملي تبكي صبت و خشت لدار خذتها من جنب مجدي طلعت من الدار ردت لصاله ترضع فيها اتفرج علي تيلفزيون
أملي...تبعد في فمها من صدر ابتسام
ابتسام...صحه ماما نجك لي
مجدي..فتح اعيونه ماشاف ابتسام جنبه ولاأملي بيسووو
ابتسام...نعم
مجدي...وينك
ابتسام...صبت خشت لدار نعم اجودي
مجدي...وين مشيتي
ابتسام...أملي تبكي صبيت طلعت بيها لصاله
مجدي...معش تشيليها وتطلعي مرات اطيحي وطيح منك
ابتسام...شافت ل أملي ليش
مجدي..ياروح انتي مريضه
ابتسام...بريت
مجدي...لالاتعالي اقعدي جنبي شفلها صدرك كنه بره
ابتسام...اها شافت لصدرها ههههه كنت نرضع في أملي
مجدي...اها رقدت
ابتسام...اها
مجدي...تعالي باهي
ابتسام...خشت لسرير حطت أملي جنبها
مجدي...كر ابتسام شوره
ابتسام...قربت كنك حبيبي
مجدي...خليك قريب مني
ابتسام...اكثر من هكي
مجدي...مصكر ايوا اممم
ابتسام...شكلك يجنن وانت راقد
مجدي...فتح عين بلا شيطانه
ابتسام...ههههه صكرت اعيونها
مجدي...ابتسم زاد حضنها وراحو لاثنين لنوم
#نورهان✍
الدكتوره...كلمي اثنين يجو يرفعوها من سرير لسرير كملت رزان غُرزه من البدايه والنهايه في النص لحم
رزان...تشوفلها م تردش
الممرضه...حاضر
سعد...جا من الباب مافيش داعي توا نرفعها انا
رزان...شفتله م تردش
الدكتوره..لاتوا يجو الممرضين
سعد...رفع رزان بين ايديه حطها علي السرير
رزان...اوليدي وين
الدكتوره...خذاه دكتور الأطفال
رزان...تشوف ل سعد راجلي بره حد طلع طمنه اني سلمت انا ووليده
الدكتوره...اها طمنه
الممرضه...خذت السرير وتمشي للغرفه
سعد... يمشي وراها لعند م وصلت للغرفه
رزان...شافت ل سعد مافيش داعي تقرب منيييي توا نصبي بروحي
سعد...بعد هيا صبي
رزان...ترفع في كرعيها كنهن م يرتفعن
سعد..هز براسه رفعها حطها علي السرير
الممرضه...غطتها توا نجي نجيب مقياس الضغط نشوف ضغطك طلعت
رزان...اطلع معاها توا يجي راجلي وتسببلي
سعد...مش حيخش ممنوع توا
رزان...راجلييييي المكان اللي يبيه يخشله
سعد...صاح باهي والله رد صكر الباب
رزان...مانبيش نشوف وجهك اطلع
سعد...يمكن هذي اخر مره نشوفك فيها
رزان...ياريت
سعد...كذبت عليك في حاجات واجد
بس حبيتك ويشهد ربي علي كلامي يارزان الوليد اللي منه مفروض مني انا
رزان...حشاه يكون منك اطلع بره
سعد...انا مش متزوج كذبت عليك قتلك ازوجت وجبرتني امي كنت نبي نتباعد عنك خفيت عليك اني دكتور والمكان اللي نعيش فيه عشان م تعرفي كيف توصليلي
رزان...دموعها ينزلن تسمع م تردش عليه
سعد...يشهد ربي يارزان اني حبيتك واني تمنيتك تكوني ليا زوجتي وام عيالي لكن الدنيا م تبيش هكي
رزان...تمسح في دموعها اللي مش قادره تسيطر عليهن اطلع بره
سعد...ليش كذبت وبعدت عنك
رزان...اطلع برررره
سعد...لاني مريض قلب ومنعين عليا طول عمري من الزواج بعدتك عني لاني عارف روحي مش حنسعدك ولاحتكوني ام في يوم عيشتك في متاهات عشان تكرهيني تورطت بعد عرفت انك حبيتيني ومستعده اديري اي شي عشان علاقتنا ادوم قتلك يوم فرحي عشان تأيسي مني لأني عارف مستحيل اتقبلي اتجي علي وحده بعد عرفتيني تزوجت
رزان...وااااو الأسبوع الجاي فرحي مش قادر انوقفه كل شي جاء فوق من قدرتي انتي مش عارفه بالضروف اللي نمر بيهن لو تعلمي بيهن عذرتيني.... حبيبي انا مجبور ع الزواج من غيرك عيشي حياتك وزوجي وانسيني سعد ....)كل م نذكرك ونرايف عليك نذكر الرساله اللي دزيتها نكرهك عيشتني في ايام سووود كنت تعترفلي بكل شي مش تألف سيناريو وتقهرني في عمري مافيش حاجه تجبرك انت اللي خسرتني كيف ماقلت في الرساله عيشي حياتك وزوجي وانسيني سعد من هذك اليوم سفترتك من قلبي قبل عقلي اطلع بره لوسمحت
سعد.. بس انا نبي نقولك ليش انجبرت قتلك عندي القلب مانقدرش علي الزواج
رزان...اللي فات مات انت اللي خترت النهايه انا توا متزوجه وعايشه حياتي وتوا جاني اوليد انت بنسبه ل رزان كتاب وتصكر مستحيل نرد نفتحه مره اخري
سعد...تنهد الحمدالله علي سلامتك وعينك من روحك ياكبيدتي الذايبه انا طالع تريحي اكيد تعبانه طلع من الغرفه بدون م يلتفت
رزان....تشوفله تبكي بدون صوت بحرقه ضيعت معاك اجمل ايام عمري
الممرضه...خشت خير ياماما
رزان..ابتسمت خير بروح ماما
الممرضه...حطاته جنبها ماشاالله صحته ممتازه
رزان...الحمدالله راجلي وين
الممرضه...مشعارفه والله
رزان...نبيه خليه يخش
الممرضه...شن اسمه
رزان...وسام
الممرضه...توا نطلع نشوفه
رزان...تشوف ل أفي وتبتسم رفعاته تبوس فيه حبيبي السمح تشبه ل باتك مش جايني في شي هههه
#نورهان✍
يوم جديد...ساعه3:10
الكل علم رزان جابت والكل يرجو فيها في حوش خليفه
رزان...يساعد فيها وسام تنزل من السرير
وسام...تمام هك
رزان...نجك لي تمام حبيبي
وسام...عمره
رزان...نبي نروح لشقتنا
وسام...كلهم يرجو فينا غادي
رزان...حبيبي انا تعبانه وراسي مصدع من امس م رقدتش
وسام...اقل شي لعند الليل لانه باتي ذابح ع سلامتك
رزان...باهي خلاص تمام باهي قتلك
وسام...نعم
رزان...نبيش نلبس خيمار مخنوقه
وسام...توا ترفعيه بعد نركبو في السياره
رزان...مامظلمه السياره
وسام...شن تبيها انتي
امينه...خشت سلام
رزان...شفتلها منييييي فتحت ايديها
امينه...قربت حضنتها ليش م قلتيلي
الحمدالله علي سلامتك
رزان...هههه عنجد نقولك امس فرحك يابنتي
امينه...عادي نمشي معاك
رزان...عشان يقعد احمد يدعي عليا
امينه...هههه سلمت علي وسام مبروك مازاد عليك
وسام...الله يبارك فيك
رزان...شيلي افي
امينه...طبست رفعاته ماشالله ماشالله شافت ل وسام
رزان...وسام صاح
وسام...هههه وشن تبيه يطلع يشبهلك
رزان...ههههه ليش لا
وسام...غمزلها ههه احميده وين
امينه...بره
وسام...هيا
رزان...انتي خوذي أفي وروحو للحوش عمي ونحنا نلحقوكم
وسام...شافلها
رزان...مسكت يده ضغطت عليها ابتسمت
امينه...عادي
رزان....دوبني نصبي ونبي نمشي لسياره انتي خوذيه وروحو توا انتلاقوا غادي
امينه...عادي وسام
وسام...اه لاعادي
امينه...خذت الشنطه وطلعت من الغرفه ماسكه أفي
وسام...ليش خليتيها تاخذه
رزان...اوليدي انا اللي حملت وانا اللي تحملت الوحام وانا اللي جتني الليه وانا اللي جبت
وسام...وفوق هذا كله انا باته
رزان...تمشي ماسكه في يد هههه ناعلي نا حبيبي خليه تاخذه
وسام...كنك تقول زاهده فيه
رزان...كبدي كيف نزهد فيها لكن نبي امينه واحمد ياخذو علي الجو بعدها تعال هنا كنك تحكي هكي انا جايبه مش قادره نمشي جاي تهزب فيا والله نبكي راه الله
وسام...نزل خيمارها هيا حبيبي انتي لما تفتحي فمك معش تسكتي كان في الكلام ولا في البكاء
رزان...ههههه نجك لي كويس عارف بعدها ماشي مع خوك عليش خايف
وسام.. مش خايف لكن استغربت
رزان...مأمنه عليه تخافش
طلعو من الغرفه وصلو عند الريسبشن سعد يوقع يبي يروح رفع اعيونه فيهم
وسام...فتح الباب
رزان...تشوف ل سعد
وسام...طلعها ورد الباب
رزان..ركبت في السياره بصعوبه وعيونها علي باب العياده طلع سعد ركب في سيارته وعيونه مانزلهن من سياره وسام
وسام...فتح الباب ركب في سياره الحمدالله علي سلامتك يالحب
رزان...الله يسلمك واخيرا جبته سميت جده ولاتبيش تسمي علي عمي لاعييييب حبيبي ضروري م نسمو ماتقولش باتي عطاني قل الرضا سميه خليفه عاد
وسام...يشوفلها هههه بسم الله عالقه الكلام في بعضه حتي وانتي مريضه تحكي ريحي لسانك اكيد مسميه خليفه
رزان...هذي اللي عليك
وسام...كيف
رزان...معش نبي اعيال قلت
وسام....وحياتك عندي غير تربعني وتشدي روحك نبي عيال انا
رزان...تشوف لسعد بعد طلع ف سرعه طريق السلامه
وسام...فيش تحكي انتي
رزان...ماتعدلش عليا كلامي مكثرينلي البنج قريب نودر
وسام...كان خفوه شن درتي التفت وراه جاب باقه ورد هذي لحبيبي ام وليدي
رزان...رفعت الخيمار يييييه حبيبي تكفي اللي خليناهن في العياده تشم فيها بنتها تهبل انحبك انا
وسام...نموت فيك يافرخه مش خساره فيك شي
رزان...باهي امشي بشواش البنج حول والم مش طبيعي
وسام...هدا السياره مسك يد رزان يبوس فيها لوتعرفي قد شنو فرحان
رزان...حتي انا فرحانه حبيبي قعدت ام وحنعقل خلاص
وسام...شاك بصراحه في العقل
رزان...هههههه
وسام...ههههه ربي يخليك ليا
رزان...وليا يخليك ليا
#نورهان✍
احمد...هدا السياره رفع البطانيه
امينه...شافت لروشن
احمد...طبس باسه ماشاالله ماشاالله
امينه...تسرق في نظرات ل احمد
احمد...شفلها بدا يسوق
امينه...نبي هديه له
احمد.. شن تبي
امينه...مشعارفه مافيش حاجه معينه في بالي
احمد...مال طلع من الدرج فلوس مديلها هذين بعدين توا نجيبلك هديه
امينه...شافت للفلوس واجد خوذ منهن عطي منهن ل وسام
احمد.. في فلوس في الشقه وعندي في جيبي
امينه...براحتك تثاوب
احمد...امس مرقدتيش
امينه...شفتله اها وانت وين طلعت
احمد...قعدت في المربوعه م نبيش نزعجك
امينه..فيش داعي انت رد ارقد في دار النوم وانا توا نفرش في دار الضيوف
احمد...متريح هكي ليش م تعشيتي من العشاء
امينه...عنديش نيه
احمد...مافيش امل انك اتقبليني في يوم امينه
امينه...طبست ل أفي تمشي في يدها علي وجه نجك ليا
احمد...ردي عليا حتي بعد اللي حكيته لك امس
امينه...شفتله طبست قتلك قاعده معاك مؤقت لعند م بيسو ادير العمليه
احمد...بس انا نبيك معايا حتي بعد ادير العمليه
امينه...ماامس تحكي علي زوجتك وحاسس بيا مفروض تكون مش متقبلني كيف م انا مش متقبلتك
احمد...انا نبي نعيش معاك باقي حياتي مليت من الوحده
امينه...مشعارفه شن دستلي الدنيا خلي الوقت يحدد
احمد...يعني
امينه...يمكن نتقبلك بيوم يمكن لا
احمد...ابتسم
وصلو احمد وامينه لحوش خليفه وصوت الزغاريت مالي المكان بعد دقايق وصل وسام ورزان
نزل وسام نزل رزان خشت للحوش استقبلوها كلهم فم الباب بالأحضان والزغاريت خش بيها وسام لدار الضيوف
سعده...حطيتلك سرير قلت الدور الثاني دروج عشان العمليه
رزان...كنتيش اتعبي روحك ياعمتي
سعده...لاوالله مافيها تعب الحمدلله اللي حليتي اعويناتك علي خير
رزان...الحمدالله ياعمتي
ابتسام...مني
امينه...تبتسم نعم
ابتسام...نبيك شوي
امينه...شن فيه تحسي بشي
ابتسام..اها
امينه..شن فيه
ابتسام...ضميري مأنبني عشانك
امينه...عليش ابتسمت متريحه مع احميده ماتفكريش فيا
ابتسام...شفتلها تحكي جديات
امينه..اها
ابتسام...شن جوكم امس
امينه...علقينها صباحي
ابتسام...تحكي جديات ولا تريحي فيا
امينه...والله نحكي جديات
حنان...خشت لدار مني احميده يبيك
امينه...هيا جيته مش قتلك
ابتسام...ابتسمت باهي الحمدالله
امينه...طلعت من الدار وينه
احمد..في الكوجينه
امينه...نعم
احمد...هيا
امينه...وين
احمد...تمشي تشري الهديه بروحك ماعنديش ذوق
امينه...لاعندك ماخطريش نمشي
احمد...نرجا فيك برا التفت وطلع من باب الكوجينه للحاجر
امينه...واقفه تشوفله ردت لدار انا توا نجي
رزان...وين
امينه..طالعه مشوار توا نجي
رزان...باهي لانا في عشاء
امينه...باهي تمام طلعت لبست كندرتها وطلع لشارع
احمد...فتح باب السياره
امينه...ركبت
احمد...صكر الباب
وسام...وين
احمد...توا نجو
وسام...نزل التلفون بيش تجي للعشاء
احمد..تم ركب في السياره ولعها وطلعو
امينه...كنت تجيب بروحك
احمد...مرات نجيب شي م يعجبك
امينه...عادي
احمد..شفلها لامش عادي ولع المسجل اغنيه نانسي عجرم (حاسه بيك )
وطي الصوت
امينه..حطت ايديها علي بعضهن تشوف لروشن
احمد...يشوفلها فيه محل معين
امينه...لا
احمد...يبتسم ويسوق
وقف عند محل مستلزمات الأم وطفل هيا
امينه...فتحت الباب نزلت
احمد...صكر الباب يمشي قدامها يده علي كتفها حولي علي السيارات
امينه...تشوفله نشوف فيهن
احمد...فتح باب المحل
صاحب المحل..صبي اوووو احميده نورت
احمد...بوجوك سلم عليه
صاحب المحل...وين معش نشوفو فيك
احمد..مشاغيل الحياه
امينه...خشت تشوف في المحل
صاحب المحل...المحل محلك
احمد...تسلم مشي ل امينه
امينه...حاجته حلوه
احمد...يمشي جنبها اختاري اللي تبيها
امينه...عادي
احمد...علي احسابك
امينه...ابتسمت رفعت فستان يييه يهبل علي أملي
احمد...يتأمل في ابتسامتها
امينه..شفتله نب سكتت
احمد...اه
امينه..نبيه
احمد...خذاه
امينه...تمشي وتختار وتشاور في احمد
احمد...يمشي وهايم في امينه وحركاتها
امينه...نبي بدله الأسبوع
احمد...يشوفلها
امينه...شفتله كنك
احمد...ابتسم شن تبي
امينه..بدله الأسبوع
احمد...وخر انيس
صاحب المحل...ايوا
احمد... وين بدالي الأسبوع
صاحب المحل...صبى صكر تلفونه وجاه
احمد...بعد امينه
امينه...تشوف في يد احمد
صاحب المحل...شافله احميده لبنات ولا اولاد
احمد...اولاد
امينه...سيبت احمد مشت تشوف لباقي المحل وقفت عند الالعاب اتفرج
صاحب المحل...هذي جايه جديده وحاجه مالاخر
احمد....تمام حفظت مكانهن صحيت
صاحب المحل...ابتسم رد للمكانه
احمد...نزل الدبش من يده مشى يدور علي امينه شافها من بعيد قرب شن اديري
امينه...انتفرج علي الألعاب لعند م تكملو هههه شوف فلونه
احمد...تحبيها
امينه...بكلللل ردتها في مكانها تمشي وتفرج ايام زمان كنت انا وخواتي انتفرجو عليها وبرا مطر نطفو الضي وهدوء نستمتعو ونحنا انتفرجو
احمد...خوذيها
امينه...التفتت شن
احمد...هيا فلونه
امينه...هههه تؤ
احمد...ردي خوذيها
امينه...لانبيش شكرا شن صار طلع البدله
احمد...اها تعالي معايا
امينه...ردت معاه لعند المكان
احمد...اهن اختاري
امينه...يهبلن بكل
احمد...اختاري
امينه...احمد شن رايك في هذا
احمد...سمحه
امينه..مرات م يجي عليه
احمد...لاحجمه مافيش اقل من صفر الاالخدج
امينه...شن يعني
احمد...اللي يجو نقصين
امينه...اها خلاص كملت
احمد...خلاص
امينه...اها شكرا تعبتك معايا
احمد...ولو خذا الدبش وطلع ل انيس خلصه وطلع بالأكياس
امينه..قتله خلي حاجات أملي برواحهن
احمد...اها
ركبو في السياره وطول للحوش
#نورهان✍
في الكوجينه..
ابتسام...تصكر في اعيونها وتفتح
سعده...كنك بسومه
ابتسام...مشعارفه
سعده...اكيد هبط عندك السكر
ابتسام...لاخذيت الدواء
سعده...نكلم مجدي
حنان...كنك بيسو
ابتسام...لامافي شي عادي ديما تسيرلي لكن حسيت بكل الفتره هذي
حنان...شن تحسي
ابتسام...بدوخه مش متوازنه يعني
حنان...تعالي قعمزي انتي مازالتي نافس
ابتسام...لاعادي
حنان...لامش عادي
سعده...لاتقعمز جوا مع رزان
ابتسام...عمتي راقده رزان ماصدقت ماتريحت
حنان...حسيت جوها مش تمام رزان
ابتسام...عمليه واعره مشعارفه امي امبدري دارت شمم شماته ولايهون عليها
حنان...اها قالت تريحت عليه
ابتسام...لولاه ماقعدت مصبيه هون عليا
مجدي...خش للكوجينه امي
حنان...خشت توا جوا
مجدي...نبي قهوه
ابتسام...توا انديرلك مشت عند الغاز التقطت مسكت في الغاز بدت ترعش
مجدي...بيسو
ابتسام...مافيا شي
حنان...قعمزي توا انديرها انا
مجدي...توا انديرها انا خلاص
ابتسام...لالا ولعت الغاز وهيا ترعش خذت البكرج قربت عند ثلاجه الميه يدها ترعش
حنان...خذت منها البكرج ايديك يرعشو عدي قعمزي قتلك انتي نافس
ابتسام...خذت البكرج وقتلك انا نبي انديرها
حنان..بعدت تشوفلها براحتك خايفه عليك بس
مجدي...خليها اديرها
حنان...خشت جوا
ابتسام...تحط في القهوه في البكرج اووف نونا مش قصدي التفتت
مجدي...منسند ع الباب عدت جوا
ابتسام...مش قصدي اجودي
مجدي...ماقالت شي خايفه عليك هيا
ابتسام...بعدت من الغاز تشوف في مجدي خيال تصكر في اعيونها
مجدي..قتلك تريحي مسك يدها كر كرسي من طوله الأكل قعمزي
ابتسام...ايديها علي عيونها انا نبي ننعمى
مجدي..فكك الله
ابتسام...شفتله لاشكلها هكي
مجدي...طبس مسك ايديها هانت ياروح تربعني اديري العمليه بروحي قاعد علي اعصابي
ابتسام...كيف
مجدي..علي الورم
ابتسام...امينه حكتلك
مجدي...مش مهم من حكالي المهم عرفت مشي طفي علي القهوه
ابتسام...بس انا مش حندير العمليه
مجدي..لاحديريها لاني عارف انا ولاشي في حياتك عشان خاطر أملي
ابتسام..شن تحكي انت حياتي انا بلاك ولاشي كنت خايفه عليك وخايفه علي هلي لو يعلمو مانبي حد يتكدر بسببي اولهم انت حبيبي ماحكيتلك مشعارفه لونعيش ولانموت مشعارفه الورم اللي معايا شنو
مجدي...حميدي بأذن الله
ابتسام...يارب
مجدي...تنهد مافيش داعي حد يعلم من هلك تربعني طلعين لتونس نبي نتريح انا حتي الليل مانرقد فيه من كثر مانخاف اطيحي ولايسيرلك اغماء وانتي راقده نبي انتريح عليك
ابتسام...سامحني انت صدمتني كيف عرفت
مجدي...ايمن حكالي
ابتسام...ايمن وعدني ليش يحكي
مجدي...كان ماحكالي مش ناويه تحكيلي عشان كان لاسامح الله صارت فيك شي ونشالله قبلك يارب يقعد ضميري يأنب فيا
ابتسام...حضناته لاحبيبي ماتفهمني غلط والله ماهكي قصدي فهمتني غلط خفت نحكيلك اتكدر بسببي
مجدي...نسامحك في حاله وحده
ابتسام...شفتله شن
مجدي...بكره تمشي معايا ونديرو صور اشعه
ابتسام...حبيبي والله عنديش نيه خلاص نربعن اندير عمليه طول لكن اشعه وتحاليل كيف قبل لالا
مجدي...شدوقي اشعه بس نخاف يكون الورم كابر كان 2سنتميتر
ابتسام..خايفه خايفه نرقد معش نوعى
مجدي...ماتخافيش انا معاك ودكتور طمني والله قالي ماتخاف تحسابي نخليك تسيبينا بسهوله هذي
ابتسام...حبيبي بس.
مجدي...شدوقي خايف عليك اكثر من روحي
ابتسام...مسامحني
مجدي...انتي اللي سامحيني خليتك في اوقات صعبه بسبب انانيتي
ابتسام...قربت بساته علي خده انحبك لوشن صار معايا عمرك ماتفكر انك كنت السبب انا دسيت عليك لاني خايفه عليك
مجدي...احكيلي شن الأعراض اللي تحسي بيهن بالتفاصيل عشان نحكي لدكتور
ابتسام...صداع نحس براسي يبي ينفجر صدا الصوت نحسه بعيييد
مجدي...ماسك ايديها باهي
حنان...خشت للكوجينه اطنش
مجدي...شفلها غمز ل ابتسام
ابتسام...شافت جنبها نونا سامحيني مش قصدي
حنان...تحكيش معايا
ابتسام...كشرت شافت ل مجدي
مجدي...سماح هالمره
حنان...لالا
مجدي...غير اسمعي ياعصاب انتي
حنان...هههههه
ابتسام...هههههه
مجدي...قلتلك مش قصدها
حنان...شفتلها صاح
ابتسام...صبت حضنتها خيت روحي مش قصدي
حنان...حضنتها خلاص باهي سامحتك
ابتسام...بعدت باست راسها تزعليش مني
مجدي..قوليلها الله يربحك
حنان...هههه مجدي
مجدي...قلد حنان كيف اطنش
ابتسام...ههههههه
حنان...قربت خبطاته علي كتفه سامط
امينه...خشت من باب الكوجينه في ايديها الأكياس ابتسمت
ابتسام...مني جيتي
امينه...خير اها مدتلها اكياس هذين ل أملي
ابتسام...عليش اتعبي في روحك
امينه..مافيش تعب من جوا
ابتسام...عيت خالي بدر
امينه...هنيوا وفريحه جن
ابتسام...لالاقالن يجن علي الأسبوع
امينه...باهي تمام خشت لدار
رزان...راقده
امينه..حطت قدامها الأكياس
رزان...فتحت اعيونها وين كنتي
امينه...وانا نحط في الحاجات بشويش عشان ماتوعى
رزان...راسي صداع يامني
امينه...رقدتي
رزان...اهااا رفعت يدها ل امينه قعديني بشويش
امينه...حطت يدها ورا ظهرها ماسكه يدها
رزان...ووووه عليا بطني
امينه...والله نقعد فيك بشويا
رزان...موت موت بيسو ماتقيدت هكي
امينه...طبيعي بيسو
رزان...تقرب في المخده
امينه..قربتها حطتها ورا ظهرها
رزان...امي والبنات وين
امينه...في الدار اللي مقابلتنا
رزان...من بدري راقده
امينه...انا م كنتش قاعده
رزان...وين كنتي
امينه...كنت في محلات شوفي شن جبت ل أفوني اطلع في الحاجات
رزان...ييييه مني يجننو انشالله نجيبهن لك في عواضك
امينه...سلمك شن رايك هذي تلبسها له علي الأسبوع
رزان...نجكك لي يهبل
امينه...كليتي حاجه
رزان...اها جبنلي بروده ساخنه
امينه...توا انديرلك كاكاوصبت
رزان...شافت لباب قعمزي م نبي شي
امينه...قعمزت
رزان...شن جوك انتي واحمد
امينه...تمام
رزان...تبعد في الوشاح امينه
امينه...كنك
رزان...نشوف في ختام الجوده ولا
امينه...خبطتها علي كتفها لايا بنتي شن تحكي
رزان...كيف صار
امينه...م دخلنا اصلا
رزان...ليش
امينه...رافضه
رزان...حتي بوسه
امينه...رفعت خليفه تؤؤؤؤ
رزان...يرزيني فيك ياوجه النكد
امينه...شفتلها ههههه ماتوا تتألمي
رزان...ييييه يييه يامني قلبي اللي يتألم مش بطني
امينه...بعيد السو علي قلبك
رزان...نحكيلك عرفتي من اللي عطاني ابره البنج
امينه...شفتلها منو نعرفه انا
رزان...شافت ل باب سعد
امينه...شنننن
رزان... ااااه يعمري اللي ضاع معاه
امينه...تكذبي ولا
رزان...ياريت نكذب ياريت
امينه...هوا مش دكتور اصلا
رزان...طلعت كنت عايشه في كابوس اسود
امينه...والله لوتطلعي تكذبي يومك
رزان...والله م نكذب عارفه راسي يبي ينفجر خشوني للعمليات......................
امينه...فاتحه فمها
رزان...تمسح في ادموعها عارفه يامني وجعتني روحي لاني حبيته من كل قلبي
امينه...ياقلبي وجعني بكل
رزان..يرزيني فيك ياحساسه باهي
امينه...صاح م يقدرش علي الزواج
رزان...انتي معايا ولامعاه تذكري اياماتي السود
امينه...سرحت عارفه زونه لكن فعلا م يقدرش علي الزواج بس ليش م قالك انا دكتور وخلاك في متاهات
رزان...هذي اللي وجعتني يامني وووه عليا علي قد ماني مرايفه عليه علي قد ماني كرهته
امينه..نصيب
رزان..باهي نردو للموضوعنا حرام نتعب الساني ونحكي عليه بنسبه ليا كتاب اسود وصكرته خلاص نبي نعيش مع أفي وسام وننسى ماضيي الأسود احكيلي تحكي جديات ماصار شي بينكم
امينه...مانبيش نحكي في الموضوع
رزان...والله نعضك احكي
امينه..اها انا في دار وهوا في المريوعه
رزان...لعند امتي انتي مراته ليش تحرمي فيه
امينه...زواجي مؤقت معاه
رزان...وعليش توافقي عليه طالما مؤقت وشن جبرك تخليه مؤقت
امينه...عشان ب خلاص
رزان..لاتحكي احمد م يستاهلش يامني ايهم الله يرحمه الحياه ماشيه
امينه...الا انا واقفه معايا
رزان...ينعلي نا انا اللي شفته ماشفاته وحده فيكن
امينه...مش متقبلته
رزان...لاتقبليه حتي انك تحكي علي ايهم قدامه حراااام
امينه..قلتها اللي بكت وهي تحكي عليه
رزان...وجعتني كذبته عليا بس تعالي جاي تذكري نقول كيف نبي نتقبل وسام وسعد مش ناسيته
امينه...تمشي في يدها علي شعر أفي اممم
رزان...تي وراس أفي كيف مايقولو راجل ينسي راجل صاح م نكذبش نصدمت بعد شفته لكن هوا قدام وسام ولاشي حاولي تتقبلي احمد احمد اكويس بكل م تنسيش وقفته في مرضت عمي عمران
امينه...انشالله زونه
رزان...انننن انشالله زونه نحكي جديات انا
امينه...توا انتي تحكي واجد وانتي جايبه مش كويس
رزان...اسمعي قبل سبوعي جايبه حنايه تحني وجيبتها لشقتي تحنبك
امينه...لاحنه مانبيش
رزان...والله نزعل منك لو ماحنيتي
امينه...ايديا بس
رزان...انشالله عطيني أفي نرضه
امينه..مداته لها
رزان....ترضع في أفي دايره عشاء كبير في صاله تمشي للكوافيره وديري تسريحه
امينه...لالامش لدرجه
رزان...مش نقولك وجه نكد خليني نشد روحي بس والله نكسد عليك نبي اناسبك انا جيبي سعده ههههه
امينه...هههه أفوني مانك عارفه من تخذيله ما علي اساس تبي أملي
رزان...اناسبكم انتو جبيلي بنت لولي كبيره عليه
امينه...هههه حيحي لو تسمعك بيسو
رزان...بينا الكلام هههه ووووه بطني
#نورهان✍
فات الوقت جت ساعه 12:30
مجدي...ماسك أملي هيا بيسو
ابتسام..هيا جيتك
مجدي...امي تبي شي مروحين
سعده...نبي سلامتكم تربحو
مجدي...تصبحي علي خير
سعده...وانت بخير امي
وسام...ماسك القعاد
سعده..مش كويس تطلعو في ليل
وسام...لاعادي امي جو دافي
امينه...تصبي في رزان
رزان..ااااااه مش قادره
وسام...نزل القعاد مسك يدها
رزان...مطبسه
سعده...حاولي تطلقي ظهرك
رزان...ماكلمتش امي
سعده..طلعت حسيتها مرتبكه
رزان...باتي مريض قالت يحس في جنبه طلقت طولها
سعده...انشالله لاباس عليه
رزان...نجك لي ماتشوفي باس
امينه...ماسكه في يدها
رزان...وسام عطيها افي توا تاخذه معاها
وسام...مايرضع منك
رزان...غمزتله عارفه هيا بس انت تبي تنزلني ولاتمسكه تاخذا معاها نلقاه قدامي
وسام...لاباهي تمام نحسابه يبات عندها
رزان...ابتسمت لابيات وين
طلعو برا وسام مخشش السياره ف الحاجر ركبت رزان بجهد جهيد
امينه...ماسكه القعاد انا طالعه
رزان...عينك منه
امينه...في عيوني طلعت لشارع
وسام...ركب الحاجات في السياره فتح الباب وطلع السياره
احمد...فتح باب السياره جاي معانا
امينه...ابتسمت اها ركبت
احمد...صكر الباب جا ركب طلع لشقه
وسام...وراه توا عيب عرسان احمد وامينه تخلي في خليفه معاهم
رزان....وووه عليا قد ايش الأسم كبير أفي أفي
وسام...كيف
رزان.. اسم الغالي ولد ولد الغالي
وسام...تعرفي كيف تطلعي منها يازازا
رزان...هههه وووه بطني
وسام....ههههه مش عاجبك اسم باتي
رزان.. كيف ماعاجبني واسم بي حبيبي مش قصه عرسان وهكي لكن ووووه عليا عطني قص في لساني ضروري م نحكي
وسام...ههه احكي شن فيه
رزان... توا مني واحمد خوت فهمت عليا ماصار شي بينهم هوا مش متقبلها وهيا مش متقبلته
وسام...من حكالك
رزان...مني
وسام...بس احمد مش مبين عليه
رزان...شن يبي يقوللكم مادخلتش امس ذوقينااا عيب عشان هكي ندز معاهم في أفي عشان يحكو في السياره مش يقعدو اصنام
وسام...هههههه كلا انتي
رزان...نعجبك مثلا أفي يبكي كنه ترد عليه اكيد جعان كنه مشعارفه يقعد فيه حديث متبادل بينهم
وسام...خطيره انتي
رزان...نعجبك حبيبي
وسام...اليوم عندي تحقيق فتتهم بكل
رزان....مش ضروري تمشي اليوم اصلا تعبان انت
وسام...مش غير نبي نررررقد
رزان...شن رايك في أفي كيكه اه
وسام...طالع ل باته
رزان...هذي اجمل شي اصلا بدايه الوحم جتني عليك
وسام...بس نبي الثانيه بنت
رزان...بعد اربع سنوات اكويس
وسام...يكونن عندنا اربع طروف
رزان...مانك خاسر شي عاد انت الألم والتعب علي زازا
وسام...خفت عليك بكل والله حبيبي
رزان...تبيني نقولك خلاص توا نحمل ههه عينك لعند م أفي يبدا يخش للحمام بروحه
وسام...بجوي انا هذي
رزان...انننن هههه
وسام...هههههه
رزان...مش مصدقه اني جبت انتأمل في أفي هذا ليا انا انتهت رحله وهن علي وهن خلاص سلمت واوليدي كويس
وسام...تنهد الحمدالله
احمد...هدا السياره
امينه...مجدي قاعد
احمد...اها طلع قبلنا
امينه...بيسو ماعجبتني اليوم عادي نرقالها
احمد...لالا
امينه...شفتله ليش
احمد...مش عشان حاجه لكن خلينا نبينو انا عرسان فهمتي
امينه..اها صاح
احمد...نزل فتح علي امينه
امينه...مازالو ماجو خليهم يوصلو
احمد...نخشو لشقتنا
امينه...نزلت ماسكه أفي
احمد...امن السياره يمشي مسك يدها افطني للماده قدامك
امينه..وين
احمد...اهي
امينه...ماشفتها حي في يدي أفي
احمد...فتح باب العماره
امينه..خشت
احمد.. مشي لشقه فتح الباب
امينه..خشت انست أفوني نجك ليا خشت بيه لصاله حولت البطانيه من وجه قعمزت تتأمل فيه راقد
احمد...عزق المفتاح علي الصالون سلح الجاكه
امينه...شفتله وردت تشوف ل أفي
احمد...قعمز علي الصالون حول البطانيه طلع أفي خير ياعمو
امينه...لاا
احمد...شفلها كنك
امينه..مرات يطيح
احمد...لاماتخافيش يبوس فيه ماشالله ماشالله
امينه...صبت حولت العبايه مش طلعو ورانا
احمد...اها اكيد بره
امينه..نغير دبشي ونجي راه يطيح منك امانه عندي
احمد...وخر علي الصالون حط أفي علي صدره نجك لي
●●●
ابتسام...حبيبي نعسان
مجدي...يبوس في يد أملي لا
ابتسام...نبي ندير عصير فراوله طبيعي ترقدش
مجدي...لامش راقد افطني لروحك بس
ابتسام...خشت لكوجينه طلعت من الفريز فراوله بدت تخلط فيها
مجدي...لولي بابا نجيلي اعوينااتي السماح يبوس في شدوقها بيسو
ابتسام...نعمم
مجدي...عادي نطلع بيها لصاله
ابتسام...عادي حمو برا
مجدي...خايفها تمرض
ابتسام...انشالله خير حمو حبيبي
مجدي...رفع أملي بلا بطانيه طلع بيها لصاله تفرجي مع بابا علي تيلفيزيون رفع الريموت قعمز علي الصالون في يده أملي يتفرج
ابتسام...صبت العصير في كبابي حطتهن في سفره جت لصاله نجكم ليا
مجدي...رفع يد أملي ولنا ينجيك ماما قتلك ياشدوقي
ابتسام...قول حبيبي
مجدي...هناء جت اليوم
ابتسام...جت بس ماطولتش
مجدي...ماشفتش ادم
ابتسام...رفعت كبايه مدتها ل مجدي
مجدي...يشرب اممم سلم ايديك شن حاطه مع الفراوله
ابتسام...موز حبيبي ليش
مجدي...سمح
ابتسام...صحه لاادم عنده شغل ممكن انت كنت مش قاعد بعد جا
مجدي..ممكن بعد مشيت جبت النواقص
ابتسام...ممكن رفعت تبسي المكسرات كول حبيبي
مجدي...وانتي
ابتسام...قربت تبسي الفواكه لانبيش مكسرات توا ناكل فواكه
مجدي...يتفرج علي تيلفيزيون
ابتسام...حط علي فلم
مجدي...مدلها الريموت شوفي ياروح
ابتسام...انت اتفرج علي حاجه معينه عادي
مجدي.. لامافيش
ابتسام..حطت علي mbc2انتفرجو علي هذا شكله سمح قربت حطت راسها علي كتف مجدي يتفرجو
#نورهان✍
رزان...طلعت من الحمام دوبها تمشي مش قادره الم
وسام...حبيبي خليفه عيب مع عيت احمد ونحنا من بدري جيين والوقت تأخر
رزان....عدي جيبه حبيبي تمشي لدار
وسام...طلع رن الجرس علي شقه احمد
امينه...طلعت من الكوجينه جت لصاله احمد راقد وأفي حاطه علي صدره احمد
احمد...فتح اعيونه شاف أفي شاف ل امينه
امينه..الجرس اكيد رزان
احمد...رفع أفي حطه علي الصالون غطاه بالبطانيه توا نشوف
امينه...قربت تشوف ل أفي نجك ليا بالنوم راقد مش جعان حبيبي
احمد...فتح الباب يثاوب كنك
وسام...عطوني اوليدي
احمد...ماعندناش لكم عيل رد الباب
وسام...حط طرف كراعه علي الباب ههههه عطونا ولدنا
احمد...خلوه عندنا يثاوب
وسام...اي خلوه عندنا نرجا في جيته تقولي خلوه عندنا روح طلعه خير مانخش علي امينه
امينه...تضحك علي كلامهم
احمد...هي هذي اها راقد والله راقد
وسام...طلعه بالشيال بس
احمد...الصبح هو اللي جا خليه
وسام...مايسير شي
احمد.. راجي معناها خش لصاله يبو ولدهم
امينه...غطاته بالباطنيه خوذه
احمد...قرب خذا الشيال وطلع للباب
وسام...خطفوك يابابا
احمد.. كان خليته
وسام...يرضع
احمد...مش ديرين رضاعه
وسام...جبنا بس رزان تبيه خذاه وخش لشقته
احمد...صكر الباب خش لصاله عزق روحه علي صالون خذوه
امينه...اكيد يبي يرضع
احمد....امممم حط يده علي وجه
امينه...تبي ترقد هنا
احمد...اها
امينه...لاخش لدار
احمد...حول يده وانتي
امينه...حنرقد في دار الضيوف
احمد....رد يده علي وجه معش رد عليها
امينه...خشت لدار صكرت الباب طلعت الدفتر من الشنطه خشت لسرير بدت تكتب
●●●●
رزان...وووه عليا انا ليه علي الم الخياطه وينك ياامي
وسام...ماسك أفي شن نديرله يبكي هذا والفجر اذن نبي نرقد
رزان...مش تبي طلعته امسكه
وسام...باهي جعان وانا نعسان عندي شغل بكره
رزان...اين اهمممم وووووه عليا تبكي نحنا ولا شغلك
وسام...اشششش خلاص بابا خلاص زمر انتو اكيد
رزان...معناها تحملنا تبكي حي عليا المسكن معطاش مفعوله نبي نموت انا خلاص
وسام...يبرم ب أفي واحد منكم يسكت قتلك خليك في الحوش مع امي لالا نبي نروح توا نبي نهتم بيك ولابيه
رزان...تبكي نبي حاجه تخف الألم موت كنك انت معايا
وسام...باهي رضعيه
رزان...حيقعد يبكي حليبي شوي ديرله رضاعه
وسام...باهي خذيتي مسكن
رزان...خذيت
وسام...دايره حمام انتي
رزان...اها
وسام...ليش حبيبي عمليه دايره راه
رزان...انا خلاص نبي نموت راسي يبي ينفجر بطني توجع فيا خلاص
وسام...يبرم ب أفي خلاص بابا خلاص
رزان...تبكي ماتخليش يبكي سرته
وسام...قريب نبكي بروحي خلاص واحد منكم يسكت
رزان...حطت راسها علي المخده وهيا تبكي وتألم ياريت جبت طبيعي العمليه واعره اطلع بيه بره نبي نرقد اقل شي ياخذ مفعول الدواء
وسام...يبرم بيه في الدار وقف حط البطانيه عليه وطلع من الدار خلاص بابا ارقد هيا ولااسكت عشان نديرلك رضاعه خلاص رزان كم سانتي
رزان...صكرت اعيونها
وسام...ياربي طلع فتح الباب مشي رن علي شقه احمد
احمد...حول يده من وجه انشالله خير شن فيه هيا مشى فتح الباب
وسام...مش ميت علي قعدته معاك خوذه انا وراي شغل وشكله الافندي علقها صباحي ورزان مريضه
احمد...مسكه
وسام...نجيب حليبه ودبشه وجاي خش لشقته
احمد...يهز ب أفي فيش يفترش خلاص عمو خش لدار ولع الضي امينه
امينه..فتحت اعيونها تقعدت مفجوعه
احمد..ماتخافيش وسام جاب خليفه
امينه...اعيونها حمر كنها زونه
احمد...مشعارف حط خليفه علي السرير وطلع
وسام...هذين حاجته كلها مدهن ل احمد انا معش نشوف في الطريق من امس عالقها
احمد...مش ترن الجرس بعد شوي مش حنفتح
وسام...يثاوب رضعوه م عرفتش اندير خش وصكر الباب
احمد...خش شايل الشنطه والحوض صكر الباب خش لدار حط الشنطه علي السرير
امينه...كنها زونه
احمد..مريضه
امينه...كيف عدو للعياده
احمد...لاعدو للنوم
امينه...هههه تعال امسكه تخليش يبكي نديرله رضاعه جعان
احمد...قرب من السرير رفعه نجك لي
امينه...صبت طلعت الرضاعه والحليب من الشنطه مشت للكوجينه
حطتهن علي الطوله طلعت بكرج صبت اميه معدانيه ولعت الغاز خلتها تدفه طفت الغاز باهي كيف نعرف المقياس قرت حكه الحليب
احمد.. خلاص ياعمو شكلها امك م عطاتك شي
امينه...خشت بالرضاعه مازال يبكي
احمد...اها
امينه...قعمزت علي السرير خذت أفي حطاته في كترها
احمد...عرفتي كم سانتي
امينه..اها قريب الحكه قربت الرضاعه فم أفي بدا يرضع نجك لي جعان
احمد.. وخر نسند علي السرير
امينه...عدي ارقد توا نسهر عليه
احمد....جايبلي الحوض وسام
امينه...شوفلي في الشنطه في شامبو
احمد...فتح الشنطه طلع الدبش هذا
امينه...شفتله اها
احمد...قصدك تبي ادوشيه
امينه...اها مادوشاته من اول م جا اكيد مضايق عشان يرقد ويخلينا نرقدو
احمد...هههههه
امينه...هههه خلاص يقولو مش كويس تحكي وهوا يرضع يشرق
احمد...معناها خلاص نسكتو توا يفجعنا
امينه...اها
كملت الرضاعه امينه حطاته علي السرير مشت للحمام حطت اميه في الحوض ردت يييه نسيت الكاس
احمد.. توا نجيبه انا شن تبي فيه
امينه...اميه دافيه
احمد...خليك توا نصبي صبي جاب كاس من الكوجينه حط فيه اميه دافيه خش لدار
امينه...قعمزت علي السرير بدت تحول في دبش أفي
احمد..تعرفي ادوشي مرات يطيح منك
امينه...اها كنت ندوش في هومي وهوا صغير
احمد...من
امينه...ايهم ولد عمي ايمن
احمد...اها اسمه ايهم
امينه...اها جا بعد وفاه ايهم تعال صب علي اميه
احمد...رفع حواجبه اها قرب رفع الكاس
●●●●
مجدي...نهايه حلوه
ابتسام...راقده حاضنه يد مجدي
مجدي...ميل راسه رقدتي شدوقي طبس حتي انتي رقدتي هههه نجكن لي بيسو ياروح
ابتسام...تؤؤ حبيبي
مجدي....هيا جوا حبيبي لدارنا
ابتسام...فتحت اعيونها انتهي الفيلم
مجدي...اها
ابتسام...شن النهايه
مجدي...سعيده
ابتسام...يخساره رقدت
مجدي...حيعودوه
ابتسام...صبت ردت قعمزت ايديها علي راسها
مجدي...شن فيه
ابتسام...هزت براسها دخت بس صبت
مجدي...طفي من الريموت التيلفيزيون صبي
ابتسام...ماسكه في يده
خشو لدار
مجدي...رفع الورغان
ابتسام...خشت لسرير نحبك انا
مجدي...نموت فيك نزل أملي جنب ابتسام رد طفي الضي رد خش لسرير
ابتسام...وعت بعد رقدت
مجدي...لالا رقدتن مع بعضكن
ابتسام...ههههه
مجدي....خليتني نسهر بروحي
ابتسام...ههههه مش بيدي لقيت روحي راقده
مجدي....نوم العوافي شدوقي
●●●●
امينه...حطت أفي في نص السرير سبحان الله رقد
احمد...تريح بعد دوشتيه
امينه...اها اكيد رفعت المخده
احمد.. شاف الدفتر خلاص ارقدي
امينه..انا نعسانه عدي ارقد
احمد...ارقدي
امينه...اطلع
احمد...مش شورك
امينه...شافت ل أفي م نعرفش نرقد
احمد...مش حنجي شورك اطمني ارقدي
امينه...معش ردت حطت راسها علي المخده صكر اعيونها
احمد...يشوف لدفتر
امينه...فتحت اعيونها شافت احمد اعيونه علي المخده
احمد...ارقدي
امينه..رفعت راسها طلعت الدفتر من المخده خشاته معاها في الورغان حاضنته صكرت اعيونها
احمد...شكله مهم
امينه...اكيد
احمد...فكره حلوه كل اللي تحسيه بيه وتعيشيه تكتبيه لذكره
امينه...فتحت اعيونها كل اللي عشناه
احمد...بأستغراب كيف يعني
امينه...حياتي وحياه خواتي وبنات خالي كلهن في الدفتر هذا
احمد...مفروض حياتك بروحها
امينه...هيا حياتنا كل منا قصه
احمد..كيف تكتبي في قصص حياتهن وانتي مش عايشه معاهن
امينه...يحكنلي في ادق التفاصيل يومياا
احمد...ثقه املا
امينه..فيك تقول صندوق اسرارهن
احمد...مش خايفه حد يقرا قصص حياتكن
امينه...مافيش حد يقدر يتعدا يقرب من الدفتر لو حد قراء اللي فيه سكتت
احمد...اممم
امينه...تصبح علي خير صكرت اعيونها
احمد...ابتسم وانتي بخير
●●●●
يوم جديد كان يوم جمعه تحديدا ساعه12:30ظهر
رزان...فتحت اعيونها شافت جنبها أفي وين وسااااام
وسام...راقد علي بطنه وعى مفجوع يده علي صدره كنك شن فيه
رزان...ولدنا وين
وسام...تنهد وااااو رزان قرب من الكوميدينا فتح تلفونه شاف ساعه توا فقدتيه
رزان...وينه
وسام...عند عيت احمد
رزان...كيف عند عيت احمد عيب ليش تحط فيه عندهم
وسام...عشش معش رقد وانتي تبكي وهوا يبكي انتي خشيتي رقدتي وانا نعسان مشيت عطيته لهم
رزان...عدي جيبه عيب عرسان هم
وسام...وااااو فجعتيني مش هكي توعى
رزان...رعشت صدري يطلع في حليب اكيد جعان
وسام...نمشي نجيبه يعني
رزان...اها علي ماخشيت للحمام اكيد دايرها فيهم
وسام...نغسل وجهي ونجيبه ونرد ندوش نمشي لصلاه
●●●●
هناء...حبيبي دومي
ادم...امممم نعسان حبييي
هناء.. هيا كلمتني عمتي حواء عبيين علينا بالغداء
ادم...قوليلهم مش جايين
هناء...قربت من السرير حبيبي هيا عيب كم مره نردو فيهم
ادم...شفلها واتيه اخري
هناء...اها دومي
ادم...كنك مستعجله
هناء...نبيش نجي علي قصاد الغداء بايخه
ادم...نبي نرقد
هناء...طبست تبوس فيه علي اللحيه هيا توا ترقد في ليل مرايفه علي حني
ادم...يبتسم حبيييي
هناء...هيا حبيبي عيب
ادم...تؤتؤ
هناء....قربت تبوس فيه هيا تأخرنا
ادم...طيحها عليه جا فوقها قلت لا نزل يبوس فيها
هناء...حبيبي لبسه يرجو فينا قلتلهم باهي خليني نحكي بس
ادم...نزل علي رقبتها قولي ادم افترى في.............#مشفر
●●●●جت ساعه 4:30 عصر
وسام...رن جرس شقه احمد
امينه...من
وسام...وسام
امينه...فتحت الباب
وسام....خير امينه معلش علي الأزعاج احمد وين
امينه...مازال ما جاء
وسام...نتصلو بيه مقفل وين ماشي
امينه...كيف تتصلو بيه مقفل شن فيه
وسام...لامافي شي لكن نبيه
امينه...احكيلي شن فيه
وسام...والله مافيه حاجه
امينه...وعيت ساعه 9في الصبح مالقيتاش امتي طلع مشعارفه
وسام...يعني من التسعه لتوا مافقدتيش
امينه...نعم
وسام...ماكلمكش
امينه...لالا ماعنديش تلفون اصلا
وسام...خلاص تمام رفع تلفونه ايوا مجدي قتلك قالت امينه من ساعه تسعه مش قاعد
مجدي...كيف صار ماقلتلك وين ماشي
وسام...طلع من العماره لالا
امينه...صكرت الباب قعدت تبرم في
الصاله شن فيه صاح كيف مافقدته لتوا قريب الخمسه تبرم في الصاله لبست مصليه خذت المفتاح عدت ل رزان رنت الجرس
وسام...فتح الباب
امينه..شن ساير
وسام...نتصلو بيه مقفل
امينه...بلكي في الشغل
وسام...اليوم جمعه امينه اي شغل
امينه...اها زونه وين
وسام...جوا يشوفلها
امينه...خشت لدار زونه شن فيه
رزان...انتي عرفتني مانعرف اندس شي
امينه...قلبها يدق شن فيه
رزان...في حادث ساير منزلينا علي النت
امينه...كني مع الحوادث انا
رزان...هذا اللي صار توا طلعين للمستشفي
امينه...وعيت مالقيتاش توقعت ماشي ل شغل
رزان....لالا مجدي يدور في المكانات اللي يمشيلهن
امينه...انشالله خير
رزان...م تحكيش معاه بكل
امينه...لانحكي معاه مش لدرجه م نحكوش بكل بس طلع م قاليش وين ماشي
رزان...خايفه عليه
امينه...شفتلها نبيش نسببله
رزان...شن دايره ل أفي من اول م جا وهوا راقد هههههه
امينه...تنهدت امس دوشته تريح ورضعته مازال متعود علي بطنك رقد طول
رزان...عادي نجيبه لك من ليل ليل
امينه...عادي زونه نبي نمشي لشقتي
رزان...عادي ياقلبي عدي
امينه...أفي كان دارها فيك دزيه ليا عادي
رزان...خطرها نجك ليا علي الغداء نرده لك في جيبتك
امينه...ابتسمت صحه رقيت حتي ل بيسو
رزان...لذاذه بصراحه نعني مانفقدك
امينه...نجك ليا انا نقعد في شقتي وندزلكن غداء وعشاء م نقدرش نجيكن لو قعدت عندك نظلم بيسو كان جيت ل بيسو نظلمك انتي
رزان...نجك ليا معش اتعبي روحك جايه امي بعدين
امينه...صاح زونه جايه عويشه
رزان...اها كلمتهن نبكي خليهن يجن يسعدني
امينه...لا بارده قاعده انا حرام ادزي عليهن
رزان...يابنتي انتي عروس
امينه...عادي زونه حرام خالي مريض
رزان...لاقاعده معاه زينه روان جايه امي بس مع مؤيد ولد خالي ابراهيم
امينه...باهي تمام لكن توا تزعل عويشه تقول ديما نصبيلهن وبنتي سيبنها
رزان..لاعادي لعند منفك خياطتي
امينه...تلفونك شوفي اكيد وسام
رزان...مالت خذت تلفونها لابيسو فتحت الو
ابتسام...خير حبي
رزان...وطت الصوت معاك بيسو
امينه...طبست باست أفي تشوف ل رزان
رزان...لاوالله مازال
ابتسام....والله مشغوله بكل
رزان..حتي انا مازالو يدورو فيه
امينه...شفتلها
ابتسام....مني تلفونها مقفل
رزان...ماعندهاش تلفون قاعده عندي مني
ابتسام...صاح باهي تمام شن دايره انتي
رزان...الحمدلله مازالت نحس في الخياطه تصبايتي موت بيسو
ابتسام...ينعلي ياروحي راجي نشوف لولي تبكي
رزان...خلاص تمام اي افاري رني عليا
ابتسام...انشاالله حتي انتي
رزان...انشالله باي باي
ابتسام...باي
امينه...شن فيه
ابتسام...تسأل علي احمد
امينه...رد عليها مجدي
رزان...قللها اختفي معش لقيته المكانات اللي نعرفهن مش قاعد فيهن واللي نسأله يقول ماشفته
امينه...انشالله خير باهي انا ماشيه تبي شي
رزان...سلامتك ربي يطمنك عليه
امينه..انشالله باي
رزان...باي
امينه...طلعت لبست صباطها طلعت فتحت الباب شقتها خشت صكرت الباب مش جو واحد يقعد علي ام اعصابه بكل خشت لدار النوم سلحت المصليه قعمزت علي السرير وخرت سندت ظهرها ايديها علي بعضهن تشوف لسقف اوووف عليش قاعده بروحي نرقي ل بيسو ولانقعد شن ندير حياه ممله سمعت صوت الباب اصكر احمد انت
احمد...ايواا
امينه...ابتسمت صبت طلعت من الدار جيت
احمد...حط المصحف علي الطوله اها
امينه...تشوف ل مصحف شفتله وين كنت
احمد...عليش هه شغلتك م وجودي وعدمه واحد
امينه...خوتك انشغلو عليك
احمد...قعمز علي الصالون رفع راسه فوق اني جيت
امينه...كنت في المقبره صاح
احمد..عيونه شور امينه م ردش
امينه...كنت عندها
احمد...مش مهم
امينه...نحطلك غداء
احمد...لالا
امينه...معناها كنت في المقبره
احمد...رد شفلها م ردش عليها
امينه...براحتك حاجه تخصك المهم طمن خوتك مشغولين عليك
احمد...توا يلقو السياره بره
امينه...قافل تلفونك
احمد...اهاا
امينه...نحطلك غداء باهي
احمد...ماعنديش نيه
امينه...بجوك ردت لدار النوم رفعت الورغان ارقدي ياامينه شوي ريحي راسك مرات يجي أفي
احمد...اوووف صبي فتح باب الدار بالقوه
امينه...شفتله كنك
احمد...مش متحمل المعامله هذي
امينه...كيف
احمد...قرب منها لعند امتي ماتبيني نقرب منك
امينه...مش حتقرب اصلا
احمد...يقرب وانا نبي حقوقي عليك من حقي نبي اعيال انا مش صغير خوتي اللي اصغر مني اهم عندهم اعيال
امينه...ترعش احمد نحنا متفقين
احمد...انا م وعدتك بشي قلت يمكن اول يوم خايفه ثاني يوم لكن ثالث يوم واجد
امينه...انا نجبرت اني نعيش معاك فتره بس عشان اختي
احمد...قرب باسها في فمها ماكنتش عندها مصحف كان ف السياره
امينه...دموعها ينزلن ماتقربش مني احمد
احمد...رد باسها حتنجبري تعيشي معايا لاني نبيك
امينه...ادف فيه لوسمحت مش هذا اتفاقنا
احمد...انا م وعدتك بشي نزل يبوس فيها نبيك تكوني معايا عشاني مش عشان ابتسام
امينه...معش ردت عليه دموعها ينزلن
احمد...هايم في امينه يبوس فيها نزل بيها علي السرير..........#مشفر
●●●●
وسام...الو يامجدي اهو احمد جاي
مجدي...نروح يعني
وسام...اها سيارته بره
مجدي...تنهد طمنتي ياراجل
وسام...روح انا خاش لشقتي
مجدي...هيا حتي هلي مسيبهم برواحهم اوكي
وسام...اوكي صكر شاف لشقه احمد نرن لالافتح الباب خش زازا
رزان...في الدار
وسام...عزق المفتاح علي الطوله خش لدار خيييييير
رزان...هلا بالرايح
وسام...كنا ندورو في احميده
رزان...لقيتوه
وسام...لا بس جيت لقيت سيارته بره
رزان...صاح باهي اللي روح جو قلق بصراحه
وسام...امينه توقعتها هنا
رزان...لاعدت
وسام...باهي رني عليها
رزان...عندهاش تلفون تعال مرايفه عليك
وسام...قرب قعمز جنبها
رزان...نجك لي تعبتك امس صاح
وسام...لاوالله حطيت خليفه عند امينه جيت رقدت جنبك مش هذك التعب
رزان..ههههه ااااه بطني حبيبي
وسام...يبكي يبكي وانتي تبكي بعدها درتي الحوله بكل رقدتي شن ادير ياوسام شن ادير لقيت روحي نرن علي جرس احمد هههههه سلمته لهم بحاجته بكل رديت لشقه صكرت الباب لقيتك مسترخيه وراقده جيت رقدت جنبك ماوعيت الا ظهر
رزان..هههههه ااااااه
وسام...شن ندير معرفش كيف نسكته وانتي م تخليش يبكي
رزان...تصدق وعي مره وحده من جيته من مني
وسام...من ليل ليل وديه لهم
رزان..عينك رفعه ليا
وسام...رفعه
رزان...ووووكلي مامي مموحي والله ماعاد يطلع ماقبل جا نمشي نعطيه عينك بابي
وسام...اقل شي نين يرقد ويوعي معانا
رزان...عارف غير دايره عمليه كان طبيعي م حسيت هكي امس حول البنج قبل تخوخمت مكان لخياطه شاد موووت بس عشان أفوني دموحي نا عادي
وسام....في النهار ماشالله في ليل تنكلبي عليا
رزان...ههههه تحمل امسك معايا اهو مجدي مايحمل حاجه في بيسو كل شوي يخش يطمن عليها قلتلي تقعد لولي تبكي يرفعه ويسكتها وخليها ترقد
وسام...جو الحسس هذا ناااعلي نا الله يسامحك يامجدي
رزان...هههه معش تضحكني نحكي نا بس يعني كيف مهتم بيها
وسام.. ماانا مش كيف مجدي اصلا
رزان...لاخليك كيفه وراسي عشان م نحس بنقص
وسام...تحكي جديات حبيبي حاسه بالنقص
رزان...نكذب عليك والله جديات اهتمام مجدي بيسو الكل حاسدهم مايتحشمش يوم عشاها بيسو انهارت بكاء بروحها خش وسط الصبايا فتح الباب اعيونه مش يفصلن فينا طول ل بيسو والخوف اللي في عيونه عليها الكل شافه ربي يكمل عليهم
وسام...طاح علي السرير علي ظهره ايده تحت راسه هذك مجدي
رزان...بجد وجه النكد مفروض انا انتعامل خير منها لاني انا عمليه مش طبيعي
وسام...شفلها خلاص توا اللي يديرها مجدي نديرها لك تمام
رزان...معش نبي شاطر غير امتي يطلع وليدي امتي يطلع صبي امسكه
وسام...تقعد مسكه والله حبيبي مش مصدق هذا مني انا
رزان...لانازل مالقوقل ها من من اكيد منك سؤال كيف وجهك حتي الرومانسيه معدومه عندك
وسام...هههههه زازا لسانك متبري منك
رزان...ههه انحبك به نبي معاملتك معايا كيف ماهيا م تغيرش
وسام...ماتبي معاملتي لك كيف مجدي وابتسام
رزان...ههههه لاهذوم عالم برواحهم
وسام...هههه قعد علي جنبه وجنبه أفي نجك لي نزل يبوس فيه
رزان.. امتي طهره وووه عليا نفكر فيها
وسام..امي قالت قبل الأسبوع بيوم عشان يوم الأسبوع العشاء
رزان...نبي نحني حبيبي
وسام....حنه م نقدرش نقرب منك واجد
رزان..ههههه شورك عاد المياعه محنيه عشان خاطري فيها رسم حبيبي مش حنه ليبيه في فرح هنو ايديا بس حنيت
وسام...عليك بس حبيبي مرات تتعبي منها
رزان..لاعادي رسم
وسام...باهي حبيبي
●●●
امينه...فتحت اعيونها شافت جنبها احمد راقد وجه شور امينه تشوف لسقف تمسح في دموعها
احمد...رفع راسه مني
امينه...رفعت الورغان علي جسمها ليش درت هكي
احمد...لاني نبيك تكوني معايا
امينه....انا نبيش نكون معاك انت تجبر فيا علي حاجات انا مانبيهن ليش
احمد...قرب منها نجبر فيك عشان نبي نكمل عمري معاك
امينه...تمسح في ادموعها حتي لو لمستني ودرت اللي في راسك حنطلق منك
احمد...مش حنطلق
امينه...صبي باهي نبي نلبس
احمد...صبي
امينه...شفتله احمد لوسمحت خلاص زودتها
احمد...دار وجه لجيه الثانيه
امينه...رفعت الورغان تقرب في دبشها تلبس
احمد...نلتفت
امينه...تصكر في السوريه طلعت من الدار خشت لحمام
●●●#نورهان✍
فاتن اربع ايام
رزان...زينه افتحي الباب اكيد الحنايه
زينه...طلعت م الكوجينه هيا مشت فتحت الباب تفضلي
خشت وحده في يدها شنطه
زينه...خشتها رزان اها هيا
رزان...طلعت من الدار سلمت عليها روني عدي ل مني كلميها
روان...لبست وشاحها مشت رنت علي جرس
احمد...هيا جيت فتح الباب
روان...طبست اسفه ع الأزعاج مني واعيه
احمد...تفضلي اها واعيه
روان...كلمها ليا مستعجله
احمد...خش مني مني
امينه...طلعت من الدار امينه
احمد...غمزلها مني شوفي الباب
امينه...شفتله علي جنب مشت
احمد...خش لدار
امينه...خشي رونه
روان....لاوالله مستعجله جت الحنايه تعالي
امينه...لامش محنيه انا
روان..ليش
امينه...هكي م عنديش نيه فيها
روان...كنه وجهك ذابل مريضه
امينه...لاعادي ممكن لأني ليا كم يوم م رقدت
روان...شن نقول ل رزان
امينه...قوليلها قلتلك ماعنديش نيه
روان...براحتك ردت لشقه
امينه...صكرت الباب خشت لصاله م لقتش احمد خشت تجري لدار دفت الباب
احمد...ماسك الدفتر
امينه...خشت كراته منه هذا خط احمر
احمد...قريب يكمل ماشالله من امتي تكتبي انتي
امينه...حاجه م تخصكش اطلع بره
احمد...قرب منها مش طالع
امينه...راقيتلها اطلع احمد
احمد...قربها منه مش طالع قلت
امينه...بعد
احمد...مش مبعد منك
#يتبع
