#جبرني_الوقت⏳
#الحلقه_السابعه_والثلاثون
بقلمي✍ #نورهان
أعلمَ أنني أحببتكِ حبًا إستنفذ طاقتي
وجُهدي ولا أحد سيُحبك مثلي أُُراهنك...🔥
ابتسام...خشت للمربوعه وصلت لنصها شافت ااا
مجدي...عيونه علي بطنها ياروح شفلها
ابتسام...واقفه في مكانها ترعش كلها
مجدي...قرب بيسو
ابتسام...توخر ماتقربش مني ليش جيت ليش
مجدي...عشانك
ابتسام....عشاني
مجدي...اها عشانك معش نقدر علي بعدك اكثر
ابتسام....لاتعود علي بعدي اطلع ومعش اتجي بينا المحكمه بعد انجيب نبيش منك شي الا انك معش اتضايقني
مجدي...مستحيل انطلقك لو متي موت ياروح
ابتسام....هههه اووو مجدي متغير وين كان كلامك قبل اربع اشهور ولاكان طالع زرده وتوا كيف رواح من اللي جاء ل باتي قاله معش نبيها
مجدي...مش فاهمه شي
ابتسام...ونبيش نفهم خلاص فهمت كلشي وتوا تقدر تطلع
مجدي...قاعده متغيره قاعده قاسيه يشوف لبطنها
ابتسام...صكرت جاكه التوته الفتره اللي قعدت فيها بعيد عنك هيا اللي غيرتني عرفت الصح من الغلط
مجدي...ليش صكرتي الجاكه نبي نشوفها
ابتسام...اييييه علينا شن بتشوف
مجدي...بطنك
ابتسام...يدها علي الباب برا مجدي حتي بنتي مش حنعطيها لكي حتقعد عند هلي هم اللي ح يربوها
مجدي...ليش انتي وين ماشيه
ابتسام...مش شورك
مجدي...ياروح كنك تحكي معايا هكي
ابتسام...معش قدرت اتسيطر علي ادموعها من بعد الجبروت ليش جيت عدي كمل الطريق اللي مشيت فيها
مجدي...وانتي معايا طريقي مظلمه بلاك
ابتسام...لا انا مش معاك انت تخليت عني وتخليت علي بنتنا
مجدي...ماتخليت عنكم كنت نطمن عليك والله ماتخليت عنك ياروح ولاعلي بنتنا
ابتسام...شن عرفك معايا بنت رزان صاح قلتلك
مجدي...لا انتي قلتيها توا
ابتسام...باهي عدي لو سمحت
مجدي...تمشي معايا
ابتسام...لاااا مش حنمشي
مجدي...ليش العناد
ابتسام...هه تمسح في ادموعها عناد
مجدي...والله نعوضك علي الشهور اللي قعدتي بعيده عني
ابتسام...اتعوضني علي شن اه علي شن تعوضني علي ايام الوحم اللي كنت نموت الف موته في ساعه تعوضني علي الشعور الأخييييي اللي حسيت بيه وقت نشوف نظرات الشفقه اللي نشوف فيهن تعوضني علي دموعي اللي ينزلن يوميااا علي شن تعوضني بعد كملت نص المشوار بروحي وانت بعيد عني في الأربع اشهور كنت في امس الحاجه لك انت ولا علي بالك تخليت عني انا مامشيت لحوش حني الا وانا حاسمه امري اني مش حنرد عليك
مجدي...علي كلشي نعوضك وعد كيف مش حتردي
ابتسام...معش نبيك يمكن كان اختياري من الأول غلط
مجدي...يعني نادمه انك خذيتيني بعد هذا كله
ابتسام....سبحان الله كنت ايام علاقتنا بشكل وفي زواجنا بشكل ذكرني يوم مشى في زواجنا عشت معاك شهر وايام عمري مارقدت وانا فرحانه ديما نرقد ودمعتي علي خدي لو مش في صبح في الليل ضروري ماتبكيني حتي قدام هلك ماحترمتني اتهين فيا هذا كله ونسكت نقول حيتغير ومانبي حد يتكدر منا ابتسامتي كانت مرسومه علي فمي حتي لو من جوا متفترشه يامجدي تلقاني نضحك عشان انبين اني متريحه معاك علي شن نرد مستحيل انرد نص الطريق ولا كمالها
مجدي...كمالها امعايا ياابتسام مستحيل انتخلا عنك لو شن حكيتي ولادرتي انتي ربي خلقك ليا انا
ابتسام..ردت الدوخه حطت يدها علي راسها وقعمزت تخليت وانتهت
مجدي...كنك
ابتسام...مادخلكش وماتقربش مني اطلع ومعش اتجي هنا
مجدي...لاانجي واللي تبيها حاضر
ابتسام...اللي نبيها انك تطلع ومعش تحرق اعصابي مش قادره انتحمل اكثر
مجدي...حكيت مع عمي عمران ماتكلمش علي ردتك
ابتسام...وانا نبيش انرررد كنك انت
مجدي...اتجيبي عند هلك مستحيل
ابتسام...شفتله هذا كل همك
مجدي...وعد اني انتغير مسك يدها
ابتسام...بعد قلت دفاته
مجدي...رد مسك يدها يبوس فيها وغلاتك عندي ماعاد انزعلك بيوم
ابتسام...حطت يدها علي يده تبعد في يده معش تلمسني
مجدي...كارهتني
ابتسام...ياربي مانقدرش نكرهك
مجدي....ليييش لأنك اتحبيني ومرايفه عليا
ابتسام...لاا لاني نعرفش نكره بعد نشوف مكاني تغير نبعد وبس
مجدي...مكانك هو مكانك ياخشيمي
ابتسام...صبت بالله عليك اطلع تبكي شن مكانك هو مكاني اه شن مليت من وعودك وتخلف فيهن انت من اسبوع الفرح بديت اتبين علي حقيقتك كأني عايشه مع مريض نفسي مره تحضني مره ادفني مره اتهيني وتجي تعتذر مره انكون في قمه السعاده معاك مره اتعس وحده كنت انعامل فيك معامله مريض نفسي انتفاده فيك عشان مانوصلش للي وصلناله توا وفعلا وصلت وقعدت حرجانه اربع اشهور اربع اشهور تمسح في ادموعها انحرمت من حاجات واجد فيهن ماتقوليش اندير هكي عشان الغيره ماتقوليش من حبي فيك انت مريض نفسي
مجدي...لو حبي لك مريض نفسي ياروح انا مريض نفسي فيك تبي تعرفي عليش انا درت هكي مستعده تسمعي
ابتسام...نبيش نسمع شي
مجدي...لاتسمعي عليش قعدتي اربع اشهور مادورتكش برغم دزيت هلي ورديتيهم عشان اللي في بطنك
ابتسام...تمسح في ادموعها اطلع برا مجدي ماعندك عندي شي حتي بنتي ليا انا اطلعي بررررا
مجدي...حنطلع ياابتسام بس قبل مانطلع حنفهمك علي كل شي وطالع بدون ماطلعيني
ابتسام....اكيد تبي ادير مبررات عشان انصدق
مجدي...يشوفلها انا انحبك وعمري ماتخيلت ايصير شي كيف هذا بذات بعد تزوجنا وانتي عارفه حبي لك
في كل مره اتجيني فيها يااندفك يانعلي صوتي عليك كنت فاتح رساله من رسائل يوسف
ابتسام...تشوفله ودموعها ينزلن كنت اتفتش في تلفوني شاك فيا
مجدي...اهااا بس مش شاك فيكي ياروح بدا يحكي علي كل رساله قراها وكل موقف انحطت ابتسام فيه يادفها يابكاها ياهانها
ابتسام...جسمها كله يرعش كييييف
مجدي...عطرك عليش حرمتك منه من بعد الرساله اللي قريتها......
ابتسام....طبست معش ردت ولا حرف
مجدي...هنتك قدام هلي مش بيدي غرت تخيلته هوا اللي كلم من بعد الرساله اللي دزها
ابتسام....شفتله يوم الفرح
مجدي...يوم الفرح يوم الفرح شن عرف يوسف بالوحمه اللي في صدرك
ابتسام...حطت يدها علي صدرها شن تحكي انت
مجدي...يصكر ويفتح في ايديه
قالي خذاتك تمكر فيا حتي عطرها معطيته ليا عشان كل مانرايف عليها انشمه يهون عليا بعدها عني
ابتسام...تبكي كذاب والله كذاب نلقاها في بنتي ماعطيته فرصه حتي يتقرب مني
مجدي...قالي عارف صكر اعيونه مكان الوحمه في صدرها اليسار من جنب وتحكي معايا دايره شفره سريه بعد تقعد في المزرعه ادز عليااااا
ابتسام...اكتفت بالدموع تسمع معش ردت عليه
مجدي...تبيني انرد وهوا عارف تفاصيلك جاجات واجد حكالي هذين يكفن تسمعيهن ياابتسام
ابتسام...تنهد وتبكي حقير ليش يكذب عليا والله مكانها ماعمري وريته لحد
فاطمه...خشت لعند هنا وانا مانسكتش بنتي عمرها ماعرت روحها لحد حتي في حوش بوها يامجدي تلبس محترم قدام بوها يابال قدام يوسف
ابتسام...شفتلها
فاطمه....بسومه حتي في المزرعه لبسها محتشم مش من تربايتي يامجدي كان صدقت الكلام كيف هذا
ابتسام....لأنا صدقه وانتهت ياامي صبت وخشت جوا
مجدي...ابتسام
فاطمه...احكي معايا انا بنتي مريضه الشهور اللي عدن مرت بأصعب ايام من حياتها مع هذا كله ماتشكيش
مجدي...انا
فاطمه..علي الوحمه الله غالب العيله كلها عندها العلم منها وعرفين مكانها لكن علي قد ماعشت عمري ماغيرت ل بسومه وهيا صغيره قدام اي حد ممكن هوا يستفز فيك علي انا شايفها حشاها بنتي تكون من النوع هذا كل من جا وراته
مجدي...صكر اعيونه كلميها نحكي معاها ياعمتي
فاطمه...كان تبي تحكي راهي قعدت ماتوقعت بصراحه اتصدق كلام تافه كيف هذا لوجيت وسألتني انا حكيتلك معناها بنتي كل من جا حكالك عليها صدقته
مجدي...مش هكي ياعمتي حشاها عارفها تربيت من
فاطمه...بعد فتحتلك الباب وخشيت للمربوعه قلت اكيد يبي يصالحها جيت عشان تسمعها الكلام هذا يامجدي ومصدقه اخري
مجدي...مش مصدقه والله مانبي مصدقه لكن انا راجل كيف واحد يجي يحكي علي مراتي تفاصيل هذين انا غير حكيت كلمتين ياعمتي بس يوسف ياما حكالي
ابتسام....تبكي يايوسف حسبي الله ونعم الوكيل فيك خربت عليا
هناء...طلعت لفه منشف علي راسها بسم الله سيبتك مافيك شي كنك
ابتسام...مجدي في المربوعه
هناء...الله جا توقعته حيجي اخري من بعد ماشافك
ابتسام...الحقير يوسف كاذب عليا عنده
هناء...شن قايل يوسف
ابتسام...قايل ل اجودي.........
هناء....طاح اسعدك يايوسف ينعلي صدق مجدي ماتلوميه بعد اللي سمعه
ابتسام...مصدقته انتي
هناء...بيسو حطي روحك في مكانه
ابتسام...مانصدقش
هناء...ممكن لأنه قلبك ارهيف بكل لكن الراجل مش كيف البنت
ابتسام...لانحنا نصدقوا ونتحملوا وكلشي عشان مايخرب بيتنا بس هما ابسط شي شوفي اجودي تخلا عني
هناء...بيسو كلامه واعر يوسف حاولي تتفهمي مجدي اكيد كل مايبي يقرب منك يذكر كلام يوسف موقف اخيييي
#نورهان✍
رزان...راقده علي السرير حاطه يدها علي وجها ويدها الثانيه علي بطنها وتغني..(لسه بتخاف مالفراق لوتيقي سيرتي
لوشوفت عيني بتبكي ه دمع عينيك
وسام...فتح الباب جايب غداء من المطعم حطه علي طوله الكوجينه وخش لدار يسمع في رزان اتغني
رزان....يعني صوتي بيوحشك لو شوفت صورتي بتحسى بيا حبيبي لما بحس بيك
وسام...رقد جنبها
رزان...رفعت يدها شفتله وردت حطتها علي وجها
من بي يأخذ بالو منك بعد مني في حضن مين بتحس احساسك فحضني مش قصدي حاجه انا بس بطمن عليك حبيت اسلم اعمل اي اصلك واحشني
وسام....قاعد كيف رزان راقد بالعرض كرعيه منزلهن لوطا ويده علي وجه يسمع في الأغنيه
رزان...لسه بتخاف مالفراق لوتيقي سيرتي
لوشوفت عيني بتبكي ه دمع عينيك
من بي يأخذ بالو منك بعد مني في حضن مين بتحس احساسك فحضني مش قصدي حاجه انا بس بطمن عليك حبيت اسلم اعمل اي اصلك واحشني
حولت يدها شافت ل وسام اللي هايم في الأغنيه ردت يدها علي وجها وكملت تسمع في الأغنيه
وسام... رن تلفونه حول يده شافه طلع بالمشغول ورد يده
رزان....من
وسام...شغل
رزان...اممم ماتوا كيف جيت
وسام...مايقدروش يستغنوا عني
رزان...ربي يبارك هه
وسام...اتهزي
رزان...تؤ
وسام...جبت غداء من برا
رزان...اكويس عنديش نيه اندير شي
وسام...عليش حاطه يدك علي وجهك
رزان...نسترجع في الذكريات
وسام...ذكريات شن
رزان...كي ذكرياتك
وسام...قعد علي جنبه وحول يد زازا كيف يعني كي ذكرياتك
رزان...حانه لأيام الجامعه
وسام...ايام الجامعه صار
رزان...شفتله اممم كنك في شي
وسام...تؤ هيا انتغدوا دوبا ساخن
رزان....عاودت الأغنيه كول انت عنديش نيه حطت يدها علي وجها
وسام...شك في روحه مسك تلفونه فتحه يشيك عليه الرسائل قعدات ولا حذفهن
رزان...حولت يدها هه ردتها
وسام...شفلها
رزان...تغني
وسام...حول يدها ليش الأغنيه هذي
رزان.....عندي معاها ذكريات حول يدك ردت يدها
وسام...ذكريات شن نبي نعرف
رزان...مش ضروري عدي تغدا قبل مايصقع
وسام...تلاخبط من حركات رزان باهي هيا كولي
رزان...رفعت يدها صحه وحدورها عافيه نبيش ردت يدها تغني تذكر في اول لقاء مع سعد
وسام...صبي خذا تلفونه وطلع للكوجينه فتح الاكياس هذين ناكلهن بروحي زازا تعالي
رزان...اووف كيف يفهم نبيشششش عنديش نيههههه كول انت صحه بعد انجوع ناكل
وسام...ازعما جت رساله وشفتها بس الرسائل يجن في يدي اوووف كنها هي متغيره من امس طلع دخان يدخن قاعد حايس
#نورهان✍
امينه....الحقير شن يطلع منه
ابتسام...ليش يشوه في سمعتي
امينه...لأنك ماعطيتيه وجه واجعته يبي مجدي يكرهك
ابتسام...وكرهني
امينه...بطلي اهبال شن كرهك ماكرهك اكيد مازال يحبك بس يوسف زودها
ابتسام...مش نقولك حرمني حتي من عطري
امينه...اها
ابتسام...يوسف قايله.........
امينه...طاح اسعدك يايوسف
اسراء...شن فيه
امينه...اشوي بس باهي بيسو اي افاري رني عليا اكيد حيردك
ابتسام...مستحييييل انرد عليه اللي صدق فيا الكلام هذا
امينه...مش مصدق صدقيني
ابتسام...هيا باي
امينه...باي
اسراء...مجدي جاها
امينه...اها حكا معاها بس هيا صداته
اسراء...ليش
امينه...طلع يوسف قايله............
اسراء..ييييه ييييه تحكي جديات
امينه...هذا ماقال
هاجر...مني
امينه...شافت للبلكوني نعم
هاجر...شن اديرن
امينه...شي انهدرز
هاجر...وين اصيله
امينه...تقرا قالت
هاجر...ترقن فوق اتكسدن معايا ايمن عدا لشغل مكسده
امينه...انتي اللي انزلي حني خشت ارقدت مانقدرش انسيبها
هاجر...انتن تعالن غيرن جو
امينه...لا انتي انزلي دايره طنجره محشي
علي الفحم امتي مايطيب ايطيب
هاجر...الله نلقاني نشم فيه بس قلت اكيد مش انتو
امينه...هههه لادرته انا واسريوا انزلي توا تاكلي معانا
هاجر....خلاص تمام والله مكسده بكل
اسراء...نرجو فيك
هاجر...هي انلبس العيال وانجي
امينه...تمام
هاجر...خشت وصكرت البلكوني
اسراء...ينعلي علي ابتسام شن تتحمل ماتتحمل
امينه...ماسكه التلفون براده
اسراء...من
امينه...هوا بوفا
اسراء...حرام عليك حب حب هذا
امينه...لاحب لا شوفي كم مكالمه
اسراء...45 في الحظر
امينه...في الحظر
اسراء...والله حرام عليك
امينه... نبيش يابنتي يسكر
اسراء...جديات
امينه...اها
اسراء...والله شكله محترم من صوته
امينه...لكن يسكر ياسريوا مايغركش الصوت الفتره اللي فاتت يدزلي في بصمات مش واعي لروحه ههههه والمشكله يقولي عارفه ياحبي سكران وانتي بس اللي في بالي
اسراء...الأعتراف بالحق فضيله ماكذبش
امينه....بكل
اسراء....عارفه الدكتور اللي شفته في العياده بعد ابتسام صارلها تسنج امس جا لجامعه شفته وجا سلم عليا سأل عليها نبي نقولها لها انسيته بكل
امينه...شن اسمه
اسراء...دكتور حسن والله هوا اللي جاني انا معش اذكرته سألني علي بيسو
امينه...فيه الخير اللي يحفظ
اسراء...بكل
هاجر....قدامي هومي
امينه...تعال هومي
هاجر...داهشه جنني شخباركن اااه ياقلبي
امينه...ههههه نجك لي
اسراء...عطيني منونه تعالي ياسموحتي
هاجر...مدتها لها قاعده شيطانه
#نورهان✍
وسام....خش لدار لقي رزان نفس الوضع يدها علي وجها وتغني بس هالمره حاطه السمعاات وكأنها ماتبيش تسمع شي جا فوقها وفك السمعات
رزان...حولت يدها تشوف ل وسام في فوقها كنك ليش تفك فيهن
وسام...نبيك
رزان...ردت السمعات ودندن كان في كلام بعدين نحكو مش توا
وسام...فك السمعات نحكي انا
رزان...ياربي تقلب في اعيونها توا جاي فوق مني شن تبي
وسام...نبيك خاطري فيك كيف شن نبي
رزان...طفت الأغاني نعم احكي شن تبي
وسام...قتلك نبيك
رزان...هيا نسمع والاحسن انك تقعد جنبي مش فوق مني
وسام...هههه تؤؤؤ طبس يبي يبوسها في فمها
رزان...دفاته وصبت
وسام...واقف يشوفلها كنك رزاااان
رزان...توا انجي توا انجي هه تبي تطلع
وسام...وين ماشيه
رزان...جعت فجأة نبي نمشي ناكل قبل لايصقع ويقعد فيش جو طلعت
وسام...يشوفلها رزان صبى
رزان...فتحت الاكياس اطلع فيهن وقعمزت خذت بطاطا تاكل
وسام...نحكي انا
رزان...نعم
وسام...كيف اتصبي وانا نبوس فيك وكيف ادفيني هكي
رزان...امممم جعت قلت تقريبا
وسام...ماكان ماعندكش نيه
رزان...مااصلا قربك يحسسني بالجوع فهمت كيف
وسام....عارفك اتردي فيها ليا
رزان...اكويس عارف شفتله المعامله بالمثل تجرحني نجرحك تكسفني نكسفك
اتحبني انحبك ولو مسكت شي عليك تشوفني في حلمك
وسام....كيف لو مسكت عليك
رزان...وخرت طبق البطاطه عارف حتي نيتي انسدت يدها علي رقبتها تخبط عليها مش قادره نزمط شي حتي كلامك صبت
وسام...يشوفلها صرتله هستيريه هذي اكيد شافت رساله اكيد فتح تلفونه يقلب بطل وسام شن ما انا لاغي الاشعارات صبا حبيبي
رزان....خشت لدار اااايييييييههه علينا جو التمثيل اللي ادير فيه مش عليا اطلع علي راس حاجتك انا مش ابتسام اتزمطني علتي ونسكت
وسام...شن تحكي انتي
رزان...مش نحكي حنفعل وقريب
وسام...شن تحكي فهميني وشن دخلني باامها ابتسام
رزان...احترام نفسك اصلا اخساره فيكم
وسام...رفع راسه فوق حاضر قوليلي كنك مش طايقتني عارف حمل وضغط مقدر وضعك
رزان...لاانا شلت اللي مانقدرش انشيله جت علي حمل لانقدر عليه
وسام...ماشالله عليك عارف اني مختار صاح
رزان...من اللي ترن عليك
وسام...مسح علي راسه من
رزان...مكالمات في ليالي من بدايه زواجنا ونمشي عشان تقول شغل شغل تحقيق تحقيييق
وسام...تحسابي التحقيق له وقت معين حتي علي الفجر نطلع
رزان...ليش ماترد قدامي
وسام...ماتسمعيش صوت الرجاله
رزان....ههههههه من قلبي طالعه اها لاصاح ماانا بعد تبي تحكي قدامي اندير العار
وسام...ايوا
رزان.....من وسااااااام
وسام....اهو تلفوني شوفيه
رزان...افتحت التلفون شن الرمز
وسام...19902011
رزان...تاريخين
وسام...اها
رزان...ليش هذين بذات
وسام...مادققتش يازازا شن نكتب
رزان...شافت الرسائل شافت المحظوره خشت علي الواتس مسنجر فايبر
وسام...شن اطمنتي
رزان...عزقت التلفون علي السرير امممم
وسام...تعالي تغدي باهي
رزان....ماتلحقنيش
وسام...حتي انا مازالت ماتغديت
رزان...ليش
وسام...لأنك انتي مش معايا
رزان...ههه معناها بعد نمشي للمزرعه انركبلك تغظيه
وسام...ماسك ضحكته
رزان...اضحك اضحك كذاب
وسام...هههههه حط يده علي كتفها ويمشي بيها للكوجينه
رزان...ههههه
وسام...انحبك
رزان..انعلولي امباه حتي انا انحبك اب اوليدي
وسام....خذاها في حضنه نجك لي كلمتي ابتسام
رزان....لا قعمزت علي الطوله حكيت مع مني بس
#نورهان✍
هاجر...شن صار في مشيتكم
اسراء...مشينا عادي ياريتك مشيتي يامني
امينه...لابعد اتمو فيها نمشي لكن توا مانقدرش بعدها حني ابروحها
هاجر...كان مشيتي نقعد معاها انا عمتي
اسراء...البنت طايره ميته موت فيه نحنا ماخذيناش حاجات طلبه لأنها هيا تبي هكي علي اساس جت امي معايا وعجبتها مشعارفه كيف تفكر
هاجر...وادم شن جوه
اسراء...قال انهولي فيها ونمشي نظره شرعيه
امينه...مستعجل دومي
اسراء...حسيته حتي انا بس ندي دلوعه بكل بكل وادم مش متاع دلع حتي كلامها واسلوبها دلوعه
هاجر...ههههههه الله ياادم يبي ينت ثقيله
اسراء...ههههههه
امينه...يستاهل كل الخير دومي
هاجر...بكل ربي يفرحنا بيه
حني امينه...يامني
امينه...صبت نعم حني
حني امينه....جت الميه
امينه..اها ولعت علي المضخه
حني امينه...باهي الله يربحك
امينه...نجك لي
اسراء...افريحه اترن
امينه...الوو
فرح...خير مني شن اخبارك
امينه...تمام الحمدالله شخبارك انتي وعبادي
فرح...شفتله مسكت يده اكويس بيدا يسلم عليك
عبدالله...يسوق شفلها ابتسم سلمي
امينه...سلمك وسلمه شكلك في طريق
فرح...اها ماشيه لحوشنا انتكي عليك
امينه...لاوالله قاعده مع حني
فرح...امرايفه عليك
امينه...نجك لي
فرح...بلكي بيدا بعد انروح من غادي ايجيبني لكي
امينه...خلاص تمام شخبار هنيوا
فرح..اكويسه سيبتها قالت عندي عياده قلتلها بعد تطلعي تعالي قلتلي إسلام قالي مالك شي كنتي عندهم
عبدالله....شفلها
فرح...خلاص تمام تشوف لطريق بيدا السياره
عبدالله...وقف مره وحده والله مافطنتله
امينه...كنك
فرح....لامني مافي شي لكن بيدا يسوق وسياره قبل خشينا فيها باهي عاد تبي شي
امينه...سلامتك
فرح...باي
امينه....باي صكرت
فرح...شفتله حبيبي كنك
عبدالله...نزل الروشن وطلع يده لا
فرح...بيدااا
عبدالله...ويحا بالله عليك ماتسكنيلي
فرح...توا قعدت سكانه
عبدالله...تؤ مش هكي
فرح...لاهكي خلاص زعلانه واه معش نحكي شي
عبدالله....شفلها نجبلي زعالي
فرح...علت المسجل تحكيش معايا
عبدالله...به
فرح...لااحكي وراضيني
عبدالله....به
فرح.. ضروري انا اللي نطلب
عبدالله...به
فرح...متقولش به هكي قولي ويحا حبيبي نعتذر منك
عبدالله..ويحا حبيبي نعتذر منك
فرح...مش نسخ لصق هيا
عبدالله...مش نسخ لصق هيا
فرح...ههههه
عبدالله....ههههههه انحبك ياهبلتي
فرح...حتي انا انحبككككك
عبدالله....مسك يدها ربي مايحرمني منك ولامن وجودك في حياتي يافرحت اسنيني
فرح...لا منك يحرمني بيدتي نجك لي
#نورهان✍
مجدي...امي
سعده...ها امي في الدار تعال
مجدي...خش لدار
سعده...صكرت المصحف حطاته جنبها انست وين الغيبه
مجدي...قاعد والله حنان وين
سعده...فوق في دارها
مجدي...باهي نبي نحكي معاك
سعده...كنك ياامي
مجدي...ابتسام جت للحوش
سعده...زينك جيه
مجدي...كنت امبدري عندها
سعده...اصالحتوا
مجدي...لا مابنش اترد
سعده...اصدقت
مجدي...ياامي ماتكونوش انتو وهيا عليا
سعده...اطلعت عليك
مجدي...كان عرفتني قاعد ماطلعتش
سعده...نرجا باتك ونمشي نحكو معاها
مجدي....عدي انتي
سعده...بوك في الطريق نمشو مع بعضنا انا كلمه كلمتين نسكت مانعرفش نحكي
مجدي...علي اساس باتي تسمعه كان انتي ماسمعت منك
سعده...لاتسمع منا غير يوم اللي جيناها فيها عذرتها ضغط حمل وقعدت تبكي مجروحه مسكينه
مجدي...كان ماردت قوليلها نادم وباته طرده
سعده...شفتله وضحكت
مجدي...والله ياامي نادم مفروض سمعت منها
سعده...خلاص باهي عدي توا قبل لايجي باتك تتعاركو
مجدي...ماشي بعد تحكي معاها رني علي
سعده...خلاص باهي
مجدي...اوكي
احمد...خش اووو برو قاعد عندنا
مجدي...دير جوك
احمد...كيف
مجدي...توا تحكيلك امي
احمد....شكله القلب روح
مجدي...من امس
احمد...تمام
مجدي...سلام
احمد...ههههه هز براسه امي
سعده...خير احميده
احمد.. شن فيه
سعده...ابتسام روحت ويبيني نمشي نحكي معاها
احمد...اها ههههه روحت
انشالله خير
سعده...انشالله
مجدي..طلع لشارع ركب في سيارته رن علي ابتسام مقفل ولع السياره وطلع
#نورهان✍
ابتسام....تشرب في كاكاو وكيكه سلم ايديك هنو
هناء...صحه بيسو عجباتك باتي
عمران...لاسمحه
فاطمه...تسألي غير علي باتك سمحه ولا
هناء.. هههه نجك لي انتي حتي كان شينه تقولي سمحه
ابتسام....هههههه
عمران...الباب
هناء...خليك هذي فرح اكيد
ابتسام...اها اهي ترن عليك
فاطمه...خلي عبادي يخش
هناء....باهي طلعت فتحت الباب
فرح...خيييير
هناء...حضنتها نجك لي نورتينا
فرح...هههه نورك عاكس حبي
هناء...عبادي خش جوا
عبدالله...لالا ماعنديش وقت
فرح...عزقتله بوسه باي
عبدالله...هههه باي طلع بالسياره
هناء...جو قلق هذا
فرح...ههههه من عندكم صكرت الباب
هناء...مافي حد بيسو وباتي وامي
فرح...بيسو جت
هناء...اها
خشن جوا
ابتسام...صبت تسلم علي فرح
فرح...نجك لي شخبارك
ابتسام...اكويسه الحمدالله
فرح...تسلم علي فاطمه وعمران وفعمزت
فاطمه...وين عبادي
فرح...عنده شغل مستعجل
فاطمه...شخبار اميمه ويه
فرح...اكويسات الحمدلله يسلمن عليك
ابتسام...صبت
فرح...وين
ابتسام....تبي قهوه ولا كاكاو
فرح...خليه بعدين
ابتسام...انا مصبيه مصبيه
فرح...قهوه
ابتسام...نجك لي حاضر خشت للكوجينه
عمران...شخبار هنيوا كنها ماجت
فرح..إسلام مابش
هناء...ههههه طول هكي
فرح...ههههه طول قال مالك شي كنتي عندهم ومن هالكلام
عمران...لاصاح معاه الحق خطرها
فاطمه...تاكل في كيكه
عمران...كلمتني ربيعه قلتلي نبي انجي الجمعه قلتلها طالعين للبحر انتلاقو غادي ولاتعالي هنا نمشو مع بعضنا
فرح...ماشيين زرده ماقلتولي ليش
عمران...كان صبرتي حجيتي عليش قلت كلمي عبادي
فرح...ييييه ياريت ياباتي بس هوا حيقول لا
فاطمه...ليش
فرح..هكي طايح علي حاجه كل شي لالالا
ابتسام...رفعت البكرج تبي تصب قهوه في الفنجان ضبنن اعيونها صبت علي يدها طيحت البكرج ووووه عليا
هناء...بيسو صبت
فرح...كنها صبت
فاطمه...صبت وراهن
ابتسام...تغسل في يدها ووووه عليا
فاطمه...مسكت يدها كنك
ابتسام...القهوه انصبت علي يدييييي
فرح...ينعلي كله مني
ابتسام...ردت نفس الدوخه صكرت اعيونها لاانا مش مركزه بس
عمران...كنها
فاطمه...تبي تصب القهوه في الفنجان صبتها علي يدها
هناء...تمسح في القهوه
ابتسام...خليها خليها هاتي
هناء...لاعدي تريحي توا انديرها ونجي
فاطمه...تحط في سكر علي يد ابتسام تعالي معاي
عمران...كيف ماشفتي يدك ياباتي
ابتسام..اعيو اسكتت ماشفتهاش
عمران...ساهله ساهله
فاطمه...ماسكه يد ابتسام وتمشي
ابتسام...تهيالي بعد درتي السكر زادت تحرق
فاطمه..لاماتخافيش توا يخف
فرح...يانعلي سامحيني
ابتسام...قعمزت لاانا اللي مرعوشه
هناء...جابت فنجان ل فرح
فرح...صحيتي
عمران...لا اله الا الله
فاطمه...مغرب مسرع الوقت
عمران...اها صبا يالله نمشي انتوضي ونصلي
فاطمه...اتفرج علي التيلفزيون
فرح...اكيد انتي بيسو درتي الكيكه
هناء....اها
فرح...سلم ايديك تهبل
هناء...غمزت ل ابتسام صحه
ابتسام...هههه
فرح...كنك اتغامزن مش انتي
هناء...انااا
فرح...سلم ايديك اتهبل
هناء...صحه وعافيه
#نورهان✍
ايمن...ماكلمتك بسومه اليوم
امينه...لاكلمتني جاهم مجدي
ايمن...ردت
امينه...لا
ايمن...عليش مصكره راسها
امينه...مشعارفه والله ايمن
هاجر...خلوها براحتها
ايمن...مش قال معش نبيها
امينه...مجدي غير كلام كيفك بعدها في مواضيع معاه الحق فيهن بجديات
ايمن...زي
امينه...يوسف قيله ابتسام واخذتك تمكر فيا ومألفله سيناريو طويل عريض كله كذب مجدي صدق
ايمن...ريتي الفرخ يوسف
امينه...والله مانحسابه هكي يطلع منه صدمني
ادم...اطلقوني عليه بس
ايمن...ايوااااا لاريح روحك
ادم...انعلمه التربيه من جديد
اسراء...شورك عاد
ايمن...وبسومه شن
امينه...بلكي نحكي معاها ترد مهما كان تلتمسله العذر
ايمن...والله المشاكل في كل مكان وبسومه طيبه وماتعرفش اتخلص روحها حيحي لوكان هناء
امينه&هاجر....هههههههه
ايمن...حقربي اتشرده عكس هنيه في كلشي هناء ماتسكتش
ادم...يشوفله خطرها خلاص علي الاكاديميه
امينه...والله ماني عارفه
ايمن..كيف مانشوف فيك حتمشيلها
اسراء...احسن اتغير جو
ادم...خطرها شن جو ندي
اسراء...طايره ياخيي خطرها قلتلي تعالو بكرا
ادم...وعليش مستعجله
ايمن...هههههه خايفه ايطير ادم
ادم...هالله العظيم
هاجر....ههههه وين بتلاقي كيفك
اسراء...والله تبينا انجو نطلبو رسمي
ادم...نسمع بدق الحديد وهوا حامي نين شفته توا خبر شييييين خبر ندي
الكل...ههههههه
اصيله...عنشكلك ههههه
ادم...انخاف تمشو تطلبو اتجو
جيبينها معاكم
ايمن...هههههه
هاجر..ههههههه
امينه...هههههه حرام عليك
ادم...والله جد
اسراء...هههههه وتبي تكمل راهو شرطها
ادم...هي هذي
اصيله...شفت توا دافنه عمرها في الطب وبعد تقعد دكتوره تقول لا فيش شغل
ادم...يسير خير هيا هذا شرطها
اسراء...اها
ادم...ههه تمام
ايمن..غمزله كيف صار
ادم...ولا شي
#نورهان✍
فات الوقت ساعه9:12ليل
مجدي..ها امي مشيتو
سعده...لاوالله توا نبي نمشي اني ننزل من الدروج
مجدي...باهي امي كلميني
سعده...وين قاعد انت
مجدي..في كافي معايا احمد
سعده..باهي تمام اوكي
مجدي...اوكي
خليفه...هيا
سعده...هيا
مشو لحوش عمران طقو
سعده...الجرس رن مرات مايسمعوش
خليفه...والله صدقتي رن علي الجرس
فرح...اكيد عبادي
عمران...خليك توا نطلع انا منها نقوله علي الزرده
فرح...نجك لي باهي
فاطمه...بسومه راقده
هناء...لامش راقده متكيه بس قالت تمسك فيا ليه
فاطمه...حي عليا ليه شن دوتها
هناء...مشعارفه
فرح..شفتلها ياامي ماتخافيش واخذا برد
فاطمه...نمشي نشوفها
عمران...هيا هيا فتح الباب
خليفه...السلام عليكم
عمران...اهلين وعليكم السلام سلم عليهم
خليفه...مرقدين ولا وعيين
عمران...لاوالله وعيين تفضلو
خشو للحوش
خليفه...لاتعالي معايا في المربوعه
عمران...خليها تخش جوا
خليفه...لاوالله ماعلينا مقعد خشو للمربوعه
عمران...فاطمه
ابتسام...ياامي والله مافيا حاجه صاح امبدري مسكتني ليه بعدها خلاص توا
فرح...امي باتي يعيطلك
فاطمه...توا انجيك طلعت عمران
عمران...في المربوعه
فاطمه...خشت مرحبا مرحبا سلمت عليهم وقعمزت
بدو يحكو
خليفه...انا جاي لبناخيتي انرد فيها
عمران...مرحبا لكن ادوا في ابناخيتك
خليفه...لاانشالله تسمع مني جيتي اللي هلبت جيتها وهي خاطرها واجعها ماقدرتش انزر عليها وتوا اكيد خلاص ربي يصلح الحال بينهم والمشاكل عند كل حد ياعمران ولا
عمران...ايوا لكن انا شهاده لله مانقدر نجبرها مرات اتشيل في عقلها اني مانريدها ولا شي حاجه
خليفه...غير كلمها لي نحكي معاها وناخذها
عمران...عدي كلميها يافاطمه
فاطمه..صبت وطلعت من المربوعه وخشت علي ابتسام
ابتسام...تحكي مع فرح علي جيت مجدي ويوسف شن داير
فاطمه...بسومه تعالي عمك وعمتك يبوك
ابتسام...انا
فاطمه...اها
ابتسام...لافكيني مانبيش نطلع
فاطمه...عيب اترديهم هذي ثاني مره احكي معاهم بس
فرح...لو انا في مكانك بعد الخبر اللي داره يوسف مش اشوي علي مجدي يحكيله تفاصيل مراته هوا يحساب غير هوا اللي شايفهن تفاهميه حتي انتي
ابتسام...مستحيل نقدر ننسا الايام اللي عشتهن
فرح...عدي والوقت ينسيك اكيد متغير وتعلم من غلطه
ابتسام...بعد شن افريحه اه
فرح...كلشي يصلح عدي شوفي عمك وعمتك عيب ترديهم عرب اكبار
ابتسام...وين لملايه
هناء...اهي
ابتسام.....صبت ولبستها هيا امي
فاطمه...لاعدي معاك باتك جوا
ابتسام...خشت سلمت عليهم وقعمزت جنب عمران
خليفه...شن دايره يابنتي
ابتسام...الحمدلله شن دايره صحتك
خليفه...والله الحمدلله بخير
ابتسام...شخبارك ياعمتي
سعده...اكويسه الحمدالله
خليفه...خلينا نخشو في الموضوع
ابتسام...عدلت قعدتها
خليفه...قبل ماتقولي لا انا راجل كبير وعيب ردتي
ابتسام...لاعلي عيني وراسي
خليفه...انا جاي انرد فيك علي مجدي
ابتسام..ل
خليفه...قطعها شن قلت انا اولدي مش اكويس اللي سيبك الفتره هذي كلها لكن الشهاده لله نردد فيك كم مره مابيتي وراني نطلع زعلان منك اولدي حطي فيه اللي تبيه انا معاك مش معاه انتي كيف حنان بنتي اللي مانرضاها فيها مانرضاها فيك
سعده...صدقت
خليفه...مانبيش نحكي وناخذ ونعطي يوم اللي يزعلك ارفعي تلفونك ورني ياعمي ضايقني ولازعلني انا اللي ناخذك منه ومش اتجي ل عمران لا اتجي تقعدي عندي نين انأدبه انتو يابنتي في بدايه مشواركم حلكم تعاركتو
ابتسام...تبكي انت شفت اسلوبه معايا وانا ماغلطت فيه اهو باتي قدامك اسأله هوا بروحه قال معش نبيها
خليفه....يييييه ياابتسام الراجل كي ترقاله معش يعرف شن يحكي غير اللي تجي علي السانه يقولها كيف مايبيك وكان مايبيك مادار اللي داره عشان ياخذك في يوم تعاركت انا ويه قتله بنت عمران مانبيهاش يوم اللي حجرك ولك خالك قالي نسيبها لكم وطلع صبت سعده هذي وقالت اللي يبوها اعيالي انديرها وتمشي تطلبها قلتلهم ردونا قالت تمشي مره مرتين عشره عشان يوافقو ولا حتي انا ناخذ اعيالي ونمشي هذا كله عشان من ياابتسام
ابتسام...معش ردت مستحيل يتغير ياعمي
خليفه...لا مجدي اللي ريته تغير بكل وحتشوفي المعامله من جديد هيا سلم بنتي البسي وهيا معايا
ابتسام...ساكته
خليفه...طلع من جيبه اسواره مدي يدك
ابتسام...شفتله شن هذي
خليفه...هذي انصفه من عمك لك
ابتسام...لاعمي مش حنقبلها
خليفه....مدي يدك هيا سلم بنتي مدي يدك
ابتسام...مدت يدها
خليفه...لبسها لها هذي من عمك لك مش شور مجدي
سعده...هيا سلم بسومه خلينا نلمو الشمل
عمران..خلاص عاد باتي متقدريش اترديهم
ابتسام...شفتله وشافت ل خليفه تمام بكرا
خليفه...لاتوا تطلعي معايا
ابتسام...بس ياعمي
سعده...هيا حتي حنان ترجا فيك
عمران...عدي ياباتي
ابتسام...صبت طلعت من المربوعه وخشت لدار
فرح...شن فيه
ابتسام...حضنتها مانبيش انرد
فرح....ردوك
ابتسام...اهااا
هناء...هذي ساعه السعيده
فرح...افرحي تكسري يوسف اللي خرب عليكم
ابتسام...مش هكي نبيش
فاطمه...خشت شن صار
ابتسام...ردوني
هناء...الله اسواره سمحه من لبسها لكي
ابتسام...عمي حتي لو لبسوني تاج وشناقيل مستحيل ننسا وين عبايتي
فاطمه...ربي يهدي النفوس
فرح...انشالله
هناء...تلبس في ابتسام عشان يدها
ابتسام...تمسح في ادموعها
فرح...خلاص بيسو والله قطعتي قلبي
ابتسام...مانقدرش ننسا
فرح...والله الوقت والأيام ينسنك
طلعت ابتسام مع عيت عمها لحوشهم ودمعتها علي خدها استقبلتها حنان من برا بالأحضان ابتسام بركتلها علي الخطوبه وقعمزت في الدار
خليفه...مجدي وين
سعده...توا انرن عليه
ابتسام...قلبها يبي يطلع من مكانه خوف علي توتر
سعده..اها مجدي
خليفه...ماتحكي شي قوليله تعال
مجدي...ها امي شن صار
سعده...تعال ل حوش
مجدي...حكيتو
سعده..اها تعال نرجا فيك
مجدي...صبى من الطوله هي هي صكر التلفون
احمد...وين
مجدي...امي وباتي جو
احمد...راجي نمشي معاك
مجدي...هيا
#نورهان✍
في المزرعه...
الكل قاعد في دار المعيشه
بدر...يحكي بالتلفون كيف ياراجل وكيف ماتقوللنا وكيف ادير شي كيف هذا
الكل..اعيونه مع بدر
روان...امي شن فيه
عايشه...والله ماني عارفه حنك ارقدت
روان...اها من بدرررري
زينه...حاجه فيها عمي ابراهيم
اروي...ماسكه التلفون ودردش مع دوسه ادريس (خطيبها)
بدر...لامادخلني موضوع خشيت فيه انهيه بروحك يارا اوكي صكر وعزق التلفون جنبه
عايشه...انشالله خير بدر
بدر...يامسكينه اليوم ابراهيم قاري فاتحه لروحه
الكل......فاتحه
اروي...اعزقت التلفون فاتحته منو
زينه...عمي ابراهيم..............#يتبع
اسفه لو في لخبطه في الأسماء
ان شاءالله تنال #اعجابكم
#انتظروووووني في #الثامنه_والثلاثون
#نورهاان✍
