#جبرني_الوقت⏳
#الحلقه_الثانيه_وعشرون
بقلمي✍ #نورهان
🔥ما عاد يلفتني أحـد كل أنتباهي معـاكَ🔥
ايمن...هيا قوليلهن
حواء...باه
البنات...يلبسن في عبايتهن والخيمار
امينه...شافت وراها هناااء هيااا
هناء...اشوي انصكر العبايه
امينه...توا انجي انساعدك
هناء...علقت مابتش تصكر
امينه...ترفع فيها انقطعت السوسه يييييه انقطعت
هناء...كيف نطلع تواااا
امينه....اطلعوا كلهم راجي طلعت للباب ايمن
ايمن...مازال فيه اخري
امينه...طلعوا كلهم غير انا وهناء
ايمن..هيا اهو ادم يرجا فيكن قرب ياادم
امينه...خليه يوقف فم الباب خشت هيا نونا
هناء..كيف اندير
امينه...حطي الطرف هذا علي الطرف لاخر انا حنغطي عليك لعند مانركبو في السياره
هناء....السياره وين
امينه...هنا فم الباب
طلعت امينه وراها هناء
ادم...شفلهن هذا ايش
هناء عبايتها من لوطا مش مصكرا
امينه...السوسه انقعت
هناء...راقيتلها مش وقتك راهو افتحت الباب وركبت
ادم...صكر الباب بالقو نين السياره انهزت
امينه...كلا مني انا
هناء...علقت اصلاا توقعت تنقطع
ادم...ركب في السياره شاف ل هناء ماتستري روحك قبل ماتطلعي ولاتوري للبرا شن لبسه
هناء...رفعت خيمارها احترم نفسك شن نوري مانوري متخلف
امينه...خلاااااص انت وهيا جوي خارب بروحي كلا مني نصكر في العبايه انقطعت السوسه
ادم...شن عرفك ماديرتها بالعاني
هناء...اددددم
ادم...شفلها ريت وجهها
هناء...هههههه حقير
ادم...رد شفلها بأبتسامه
هناء...هههه كنك
امينه...قدامك شوف دومي
ادم...شاف ل امينه ورد شاف لطريق
هناء...وجهي اللي مش عاجبك اليوم كم وحده جت تطلب فيه
ادم...شفلها تحشمي علي وجهك
هناء...قتلك بس انت تشوف فيه شين غيرك لا
ادم...كف يبرمك
هناء...خلاص سكتت نبي نوصل طيبه لحويشنا
امينه..ههههه
ادم...الأدب اكويس
●●●●#نورهان✍
مجدي...يهدي في السياره علي جنب ياروح
ابتسام...ارفعت راسها وشفتله
مجدي...يرفع في البرنوص اكويسه توا
ابتسام...هزت براسهاا اها بس خنقني البرنوص
مجدي...فك الخيط ورفعه الها اشوي
ابتسام...نجك لي تمام هكي
مجدي....عارفه فرحتي بيك ماتوصفش ياروح واخيييييييرآ قعدتي ملكي ومعايا وجنبي ماحد يقدر يوصلك غيري لو تعرفي ياروح قد شنو تعبت عشان اللحظه هذي
ابتسام...مسكت يده حتي انا حبيبي فرحنه باليوم هذا حلمي تحقق دعائي استجاب لو شن صار ماحدش يقدر يفرق بينا من اليوم لأخر العمر
مجدي...رفع يد ابتسام باسها ربي مايحرمني منك مازال ماسك يدها علي صوت المسجل اسمعي الأغنيه ((ديانا حداد))نايمه بالعسل يغني ومهيج مع الأغنيه ويسوق بيده الثانيه
ابتسام...تشوفله خربت فرحتك حبيبي صاح بس والله مش بيدي معش قدرت انركز قدامي
مجدي...وطا صوت المسجل شفلها فرحتي انتي لكن ليش ماخذيتي دواك
ابتسام....انسيت عليه
مجدي...جبتيه معاك ولاانتكي علي صيدليه
ابتسام...يوم البتات شريت وعطيته ل امينه
مجدي...ماشفتاش
ابتسام...حطاته في درج الدار
مجدي...تماام من اليوم انا اللي ح نهتم بيك قربو من بوابه شاف ل ابتسام اللي تشوفله نزل البرنوص مانبي حد يملا اعيونه منك
ابتسام...نجك لي ماسكه يده حبيبي
مجدي...روحه يشوف في المرايه تي ماقلت ماحد يلحقني
ابتسام...منو
مجدي...الشله وراي
ابتسام...شله منو حبيبي
مجدي...اصحابي ياروح وهذي يهدي في سياره سياره احمد
ابتسام...خلاص وصلنا
مجدي...وصلنا راجي بس انوزع هذوم ونجيك
ابتسام....ليش
مجدي...ماحنزلك والفيلو يرتفع يحقو حنتك وسيقانك عيييينك
ابتسام...اجودتي
مجدي...باس يدها راجيني توا انجيك
ابتسام...تمام
مجدي...نزل وصكر الباب اوووو برو
انزلوا اصحابه من السيارات
ابتسام...ماسكه تلفونها فتحت لقت رساله من يوسف
((روحت امس للبيضاء مافيش حد عالم بجيتي بس عشان انشوف شن خسرت شفتك وانتي طالعه معاه وتوا طالع للمطار معش عندي عليش قاعد ديري بالك علي روحك انحببكك يابسبوسه بالعسل))
قرتها وهيا ترعش في حاجه ضيقتها برغم ماعطتش امل ل يوسف حتي لو واحد ف الميه انه في يوم ح تحبه او تتقبله كأي اثنين
مجدي...فتح الباب
ابتسام...صكرت التلفون مرتبكه
مجدي...واقف الجو تمام خلاص اربحو
اصحابه...يعيطوووو ويصفرو مش ماشييييين مش ماشيييييين
مجدي...زمر صكر الباب ومشا لعند العماره حاول يفك لمبه المقدمه بس ماقدرش عاليه بكل والبريزه في اول شقه رد لشارع خذا حيطه وعزقها في المبه ضلمت
احمد.. هذا مجدي يارفقه هههههه
اصحابه...ههههههه ووووو يصفقو و يصفرو اثنين دارو مفرقعات
مجدي....يحول في المبه المتكسره بكرعيه ورد علي ابتسام فتح الباب اللي وراها عشان يغطي عليها وفتح الباب ع ابتسام مد يده هيا ياروح
ابتسام..مسكت يده وطلعت من السياره
مجدي...ينزل في البرنوص
احمد....انجي انساعدك
مجدي..تساعد وذنك امشي
الشباب..ههههههههه العقبالنا
مجدي...يخشش في ابتسام من باب العماره تبيلكم وماوصلتوا للي درته عشان اليوم هذا ههههه شيرلهم احمد
احمد...ايوا
مجدي...من بعيد خليك عزقله المفتاح صكر السياره
احمد...نرقا نعطيه لك المفتاح
مجدي...لالابكرا اتجيبه ليا صكر باب العماره في وجه
احمد...وفيك بارك الله
اصحاب مجدي فروها السماء من الطلق وتمتيع بعد خش مجدي
●●●●#نورهان✍
ادم...وقف السياره فم الباب
امينه...شكرا دومي في فرحك انصبيلك
ادم...انشالله
هناء...انزلت وخشت الحوش والعبايه تاخذ فيها الريح
ادم...يشوفلها ورد شاف ل امينه ديرتها بالعاني صاح
امينه...ههههه لاوالله
ادم...تمام منى امي والبنات عدن مع بااتي مش عارف كان انزلن هنا ولا طلعو منهم للحوش
امينه....خش
ادم...لاوالله نعسان نبي نرقد شوفيهن
امينه...كان قعدات خليهن ل بكرا يمشن
ادم...ديريلي تلفون كان قعدات وكان لا اكيد نلقاهن قدامي
امينه...تمام انزلت تصبح علي خير
ادم...وانتي من اهله
رزان...وووو عليا الكعب واعر
اروي...بس طالعه تهبلي
رزان...هههه خطرهااا قاعده مع هاجر في الطوله جتني مراه كبيره في العمر قلتلي متزوجه
اروي...شن قلتيلها
رزان...قلتلها ابنيتي هذي
اروي...من
رزان...علي منونه
زينه...ههههه حرام عليك
رزان....عارفتني كذابه لأنا سألت عمتي مريم ولا
مريم...معش عرفت شن انرد عليها اصلا قلتلها اهاا وخلاص
رزان...هههههه تحول في الدناديل وتمسح في المكياج
بشري...تهبل اطلعت بيسو
مريم...لاماشالله حتي راجلها سمح
رزان...شفتن اللقطه اللي دارها ووووه عليا ذبت فيها
مريم...متاع شنو
ايه....اكيد متاع اللي خش بيها في الدار
رزان... راجل بكل بكل بكللل ربي يهنيها
روان...صدق عارف الجو اللي قدامها يربكها اكثر
رزان....ماحد يلحقني احيييي انا انشوف فيهم من بعيد بس والله فرحانه بحب مجدي ل ابتسام
مريم...ربي يكمل عليهم حتي فاطمه ياما بكت
رزان...عمتي ههههه خليها تمسك ادموع مازال باقي الربع علي قول الخليج
البنات..ههههههه
امينه...خييييير
الكل...خير
اروي....خير وميه مرحبا
امينه...وين هناء
رزان....ماجت معانا شوفو البنت راه تقعد ماشيه معاهم
امينه....هههههههه لا جت معايا
فرح...شكلهم هل العريس جو
امينه...اها
●●●●#نورهان✍
مجدي...يفتح في الشقه
ابتسام...خشت ماسكه الفيلو
مجدي...يساعد فيها نورتي حوشك
ابتسام...وقفت شفتله منور لانك فيه حبيبي حولت البرنوص
مجدي...عزق المفتاح علي الكنداره خذا منها البرنوص اعزقه جنبه وقرب رفعها
ابتسام...ييييه حبيبي
مجدي...اشششش وعدتك نرفعك بين ايديا يمشي بيها في الصاله
ابتسام...ماسكه في الرقبته وتفرج ع الزينه والأجواء اللي ديرهن في الصاله امتي درت كل هذين حبيبي
مجدي...قرب باسها في فمها فرحت عمري نبي نفرح بيها الزينه بمساعده وسام
ابتسام....حضناته نجك لي تهبل
مجدي...يشوفلهااانتي اللي تهبلي
ابتسام...نزلني
مجدي....نزلها ريشه
ابتسام....ههههه شفتله
مجدي... وريني سماحتي
ابتسام...وخرت تبرم اه شن رايك
مجدي...رأي انااااااعلي منك
ابتسام...ههههه قربت حضناته انحبك
مجدي...حاضنها نموت فيك موت
ابتسام...وخرت حبيبي نمشي نحول الفيلو ثقيل بكل
مجدي...توا انجي انساعدك
ابتسام....شفتله لا ساهل نقدر انحوله
مجدي...ابتسم رافع حاجبه خايفه مني ي روح
ابتسام....ااا لالا ردت ابتسمت مش خايفه
مجدي...معناها خليني انساعدك في الفيلو
ابتسام...شفتله ببرائه عارف اجودي جعانه بكل
مجدي...ههههه مسكها من اشدوقها اعيون اجودك خلاص عدي غيري وتعالي ياشدوق انسخن اللي علي الطوله اكيد مسقع برغم جا وسام قبل مانطلعو حط العشاء وجا غادي
ابتسام...اها تمام تمشي ورافعه الفيلو شور الدار فتحتها لقتها مصكره حبيبي الدار مصكره
مجدي...اها صكرته راجي انجيب المفتاح من الكنداره خذا المفاتيح ورد علي ابتسام
ابتسام...ليش مصكرها
مجدي...يفتح عشان وسام
ابتسام...ليش
مجدي...يحق حاجاتك لالا
ابتسام...هههه
مجدي...فتح الباب ومسك في يدها
ابتسام...خشت وراه
مجدي...شن رايك في الدار
ابتسام....تهبل حبيبي
مجدي...هذي ح تشهد علي حبنا
ابتسام...فكت يدها اكيد
مجدي...يشوف ليده كنك ياروح
ابتسام...لانبي انغير
مجدي...فتح الدولاب خذا توته سوده ف ابيض وطلع خوذي راحتك ياروح طلع وصكر الباب وراه
ابتسام...واقفه في وسط الدار اتفكر شن ادير مش خاطرها في شي كانت تتهرب منه وقفت اتفكر بعدها فتحت الدولاب خذت بجامه ورديه ستان
●●●●#نورهان✍
احمد..دزي وسام
وسام...عندي مشوار مش فاضي
سعده.....عيب واحد منكم يوديلهم من الحاجات حتي العشاء ماتعشو
احمد...توا نخشش سيارتي في القراج وحطولي فيهن كوني نمشي ونرد نمشي ونرد هذي لا
حنان...هيا
احمد...ننزل
سعده....مغلفه كل حاجه
حنان...صبي شيل معايا
وسام....مش وقتك بكل
حنان...كان زازا راك واقف كيف الألف
وسام...صبا
حنان...مشت تجري هههههه خلاص خلاص احميييده
احمد...وقف كنكم
حنان...انطمرت وراه
وسام...تعالي قتلك
حنان...لالا
احمد...كنها
حنان...نبيه يساعدني في الحاجات قالي مش وقتك قتله...........
احمد...صدقت
وسام...والله نوريك من قالها لك
حنان...سمعتها تحكو فيها لبعضكم بس من زازا مش عارفه
احمد...ههههه باهي هذي حاجه اتريحك اشوي مش عارفه من
وسام...والله نوريك
حنان...باتي قاعد واحميده تقدر تقرب مني
سعده....خلاص وسام هيا احمد
احمد...تعالي انساعدك انا
يخذو في الحاجات ويحطو فيهن في السياره
●●●●#نورهان✍
مجدي...ياروح وينك تعالي تعشي
ابتسام.. مقعمزه علي السرير صبت شن اندير حطت التلفون ع الزيانه
مجدي...حبيبي
ابتسام...طلعت من الدار
مجدي...يشوفلها بأستغراب قرب منها لابسه بجامه
ابتسام...قربت من الطاوله اها
مجدي...واقف يشوفلها ليش
ابتسام...توخر في الكرسي شن تبيني نلبس حبيبي
مجدي...لاعادي براحتك ابتسم جا وراها حضنها انحبك لو شن لبستي
ابتسام...مرتبكه توخر في ايديه من كثر مامقرب منها
مجدي...وخر ياروح كنك
ابتسام...كنيش اجودي
مجدي...كر كرسي جنبها مش عارف
حاسك خايفه مراتبكه
ابتسام...لابس زعلانه مش قادره نكمل فرحتك
مجدي...شوفتك قدامي فرحه بروحها ليش تقولي هكي
ابتسام...عشان مريضه انا
مجدي...مسك يدها ويشوفلها خاطي الدوخه اتحسي في شي انجيبلك دواك
ابتسام...الأرتباك مسيطر عليها اااا خذيته حبيبي قبل مانطلع لا قصدي مش المرض اللي تحكي عليه
مجدي...خوفتيني عليك شن فيه
ابتسام...اليوم مش ح يصير من الدخله
مجدي...شفلها ليش
ابتسام...صكرت اعيونها لانا جتني الدوره
مجدي...تنننهد حضنها خوفتيني
ابتسام...شفتله اسفانه حبيبي مش بيدي
مجدي...كان مش اليوم بكرا مش بكرا لبعده اهم شي تكوني معايا
ابتسام...شفتله وردت شافت قدامها
مجدي...ليش ماقلتيها ليا
ابتسام...اليوم في الصبح جتني
مجدي...اها عادي حبيبي ماتفكري في شي معناها امبدري خلطت عليك دواك والدوره
ابتسام...اها حبيبي اكيد
مجدي...خذا بطاطا يوكل فيها
ابتسام...تاكل واتشوفله منحرجه
مجدي...ماتحشميش مني اعويناتك هذين فيهن خووف اجودتك انا فكيها ياروح
ابتسام...تبتسم
مجدي...شن يبي يصبرني خمس ايام مانقربش منك
ابتسام...شفتله وطبست اسفانه
مجدي..هههههه رفع وجها بصوابع ايديه شوفيلي هنا هذي حاجه من ربي مش منك خلاص فكيها قتلك
ابتسام...مش حتزعل مني
مجدي..ههههه علي شنو ياروح يوكل فيها في كباب علي شنو انا ماصدقت تكوني قدامي جت علي خمس ايام عادي بسرعه مايمشن باهي عااااد كملتها نوكل فيك وكليني حتي انا
ابتسام...ههههه اسفانه خذت بطاطا وطرف كبده مع بعضهن مدت يدها
مجدي...مسك يدها باسها واخيرااا جا اليوم اللي ناكل من دياتك
ابتسام...كول من دياتي
مجدي...فتح فمه
ابتسام..وكلته نجك لي صحه
مجدي...مستمر يوكل فيها سخنتهن بس حسيته بدا يصقع
ابتسام...ساخن
مجدي...اعجبك
ابتسام....اممممم سمح حبيبي بذات البطاطا ممكن لأني نحبها
مجدي....هذي كلها تكمليها شن اديري انتي بعد تمرضي
ابتسام...نزلت البطاطا وشفتله شي
مجدي...ماتخذيش في شي
ابتسام..اعشاب
مجدي...كيف شن
ابتسام...نعناع تفاح بردقوش مرات كمون هكي يعني
مجدي...كل اللي ذكرتيهن مافيش هنا
ابتسام...حبيبي عادي مانحس في شي
مجدي...لاياروحي انتي تتعبي منها تذكري ايام العلاقه يوم تمرضي يومين مانحكيش معاك
ابتسام...ترعش خذت بطاطا حبيبي ماتشغلش بالك انا اكويسه كول هذي
مجدي...كلها من يدها حتي القزوزه ماتشربي هاكي عصير
ابتسام...حبيبي خلاص ماتقيدنيش اكويسه اناااا
مجدي...خايف عليك ياهمي
ابتسام...خنوها ادموعها استسلمت مافيا شي تحرج فيا اكثر
مجدي...رد حضنها اششش خلاص ماتبكيش اسف بس من خوفي عليك تعالي معايا نقعدو علي الصالون مسك يدها
ابتسام...صبت معاه
مجدي...حضنها ويمشي بيها معش تبكي خايف عليك بس شوفي التورته
ابتسام...تمسح في ادموعها شفتله تهببببل بكل
مجدي...عجباتك ياشدوقي
ابتسام...اهااا حبيبي
مجدي...حجزت فيها امس وحتي هيا وسام جابها
ابتسام...حضناته انحبك
مجدي...نموت فيك مووووت روحي انتي
ابتسام...تشوف لتورته انت اللي طلبت تكتب عليها
مجدي...اكيد اعجبك الكلام ياروح
ابتسام....شفتله اكيد لأنا طالع من قلبك
مجدي...اقريه نبي نسمعه منك
ابتسام... تجاوزنا مع بعض كل الصُعبات حتي وصلنا إلي الحب الأبدي الروح
مجدي...روح روحك
ابتسام....حضنته وتشوف لتورته حتي اللي علي الطوله منك
مجدي...اها شن رايك
ابتسام....اسفانه حبيبي
مجدي...خلاص شن اندير نصبر خمس ايام ونديرلك كيف هذي بس مع بعضنا غير معش تبكي
ابتسام...تشوفله
مجدي...ههههه خلاص قلت تعالي قعمزي
ابتسام...قعمزت وتشوف لطوله الشموع التورته الورد الطبيعي في نص الطوله مكسرات شوكولاطات العصاير الفواكه اضاءه جبس بوورد الامبولات لون الأحمر في كل مكان تشوف ل مجدي اللي يشوفلها
مجدي...مسك يدها تمني شي
ابتسام....امنيتي هيا ربي يدومك ليا العمر كله مش عارفه شن نقول منحرجه منك بكل والله مش قادره حتي نرفع وجهي فيك حبيبي
مجدي...هههههه حبيبي تكونيلي بخير تكفي
ابتسام...مش ح تزعل مني
مجدي...مستحيل قرب ولع الشموع هيا حبيبي قصي التورته
ابتسام....نقصوها مع بعضنا
مجدي...مسك الموس وابتسام حطت يدها علي يده قصوها
عارفه حبيبي
ابتسام...شفتله شن ياعمري
مجدي...خلاص خلاص حط من التورته في تبسي
ابتسام...شن حبيبيييييي
مجدي... تاكلي اشوي منها ياروح تحلايه بس
ابتسام...اها عشان السكر
مجدي...اها ياروح
ابتسام...عادي
مجدي...لا لزم مانحافظ عليك
ابتسام...اعيونها تعبو ادموع انحبك انا
مجدي...خذا فْركيته خذا من التورته وكلها
ابتسام...امممم تاكل طعمتها سمحه
مجدي...عجباتك
ابتسام...اها بكل نبي اخري بس كول من يدي
مجدي...ياكل حاط يده علي خده ويشوفلها وهيا تاكل بكل برائه
مش مصدق كأنه في حلم كان يستنا في اليوم هذا من سنين يشوف ابتسام جنبه
ابتسام....تمسح في فمها وخرت رفعت يده وحطت راسها علي صدره انحبك انحبك انحبك عارف
مجدي...وخر علي الصالون وابتسام علي صدره تنهدددد من وسط قلبه عارف
ابتسام...تشوفله الاجواء العشاء الجو اللي قدامي فرحانه بيه
مجدي....كل يوم ح تكوني فرحانه معايا مش غير اليوم هذا بس
ابتسام.....حبيبي نقولك علي حاجه
مجدي...شن
ابتسام...انا كنت رن الجرس
مجدي...اشوي حبيبي نشوف اكيد وسام جا
ابتسام...انخش جوا
مجدي...لاخليك مش ح يخش اصلا
ابتسام....تمام ردت انسندت علي الصالون اتفرج علي الصاله سمعت تلفونها صبت تجري لدار
وسام...اي شي الووو انكون عندك
مجدي...تم اوك
وسام...رفع يده سلام وينزل من الدروج
مجدي...خش بالكيس للكوجينه
●●●●#نورهان✍
رزان...قولكن ابتسام شن ادير
البنات...ههههههههه
رزان...عقولكن صيعات لاجديات شعور سمح تاخذي اللي تحبيه
بشري...اكيد
زينه...تستاهل بيسو واضح علي مجدي يحبها من كل قلبه
ايه...بكل يهبلوو
امينه...طالعه للكوجينه نبي اميه تبن شي
البنات...لالا
اروي...معاك اميه
امينه.....طلعت من الدار سمعت الجرس ردت مشت شور الباب انشالله خير
احمد...يرن ف الجرس
امينه...من هيا هيا جيت افتحت من
احمد...السلام عليكم
امينه....وعليكم السلام تفضل
احمد...اخ مجدي ولد جيرانكم احمد
امينه...اها خير ي احمد تفضل للمربوعه باتي خش رقد توا انوعيه لكي
احمد...لاخليه راقد في حاجات دزتهن امي لكم
امينه...اها
احمد..ينزل من السياره ويحط فم الباب
امينه.. شن هذين
احمد..شفلها هذا عشاء لكم
امينه...ماكنتوش اتعبو ارواحكم والله تعشينا
احمد...ابتسم اوامر امي
امينه...صحيتو تعبتو اروحكم
احمد...مافيش تعب سلام
امينه...صكرت الباب وخشت جوا
امي امييي
روان...طالعه من الدار كنك
فاطمه...كنك امينه
امينه...عمتي سعده دزتلكم عشاء تعالي شيلي معايا الحاجات روينه
فاطمه...ليش اتعب في روحها
امينه...قلتها له
فاطمه...منو جابه
امينه....احمد
طلعت امينه وروان يجيبن ف الحاجات
●●●●●#نورهان✍
وسام....وقف السياره فم الباب ورن علي رزان
رزان...صبت من السفره
امينه...كولي
رزان...غمزتلها الحمدلله
امينه...اا اها تمام
رزان...خشت لدار عبسي اممم الووو
وسام...ثاني مكالمه
رزان...وااو لهدرجه توقعتها عشره عشرين طلعن مكالمتين بس
وسام...رزااااان
رزان...ههههه نبصر كنت انهدرز مع البنات ماشفتاش
وسام...اها شخبارك قلت ماتسأل نسأل انا
رزان...ههه تمام الحمدلله روحت تعبانه من القاعه والزحمه راسي صدااااع
وسام...بس طالعه طرف اليوم
رزان...من
وسام....انتي يالحب
رزان....وين شفتني
وسام...بعد طلع مجدي وابتسام من القاعه وانتي تبكي
رزان...وووووف معش اتذكرني خلاص خذيتوها
وسام...لعقبال وخذتك
رزان...اللهم امين انشالله امتي ياربي
وسام....عطيني الأسبوع هذا بس لأن يبدو العرب يجونا بعشوات معش نفضو
رزان...اها خلاص تمام
وسام...انحبك
رزان...امباه
وسام...انحبككككككك قلت
رزان...امباه قلت
وسام...ليش ماتبيش تقولي انحبك حتي انا
رزان...مرات نقولها نندم فيها
وسام....ليش
رزان...هكي بعد يجي وقتها انقولها مرات ترخي بيا
وسام...عيب عليك رزان تحكي مع راجل مش عيل
رزان...اثبتلي انك شاريني
وسام...اها مازالتي شاكه اني نلعب بيك
رزان...لو تحبني كيف ماتقول ينتهي الاسبوع هذا جيب هلك انا معش نحكي بدون حاجه رسميه
وسام...اندزلك امي توا عشان تعرفي اني شاريك مش مكسد عليك
رزان...مش لدرجه نبيها اتجي تطلب رسمي
وسام....شن المطلوب
رزان...خلاص معش نبي شي تبي شي نبي نصكر
وسام...كان يلايا توا كف باهي اسمعيني بس
رزان...نعم
وسام...شن تبي
رزان...الحلال
وسام...وانا والله ناويك بالحلال يابنت الناس
●●●●#نورهان✍
امينه...هز تلفونه شفاته لقاته ابتسام اطلعت بشويش للمربوعه الو
ابتسام...مني
امينه...كنك بيسو شن فيه فيك شي
ابتسام....لالا مافيا شي في حد يلاك
امينه...لافي المربوعه بروحي
ابتسام...نحكيلك علي السريع
امينه...شن فيه
ابتسام...وقفنا نزل مجدي لصحابه
امينه...باهي
ابتسام...فتحت التلفون لقيت رساله من يوسف
امينه...ييييييييه علينا ابتسسسسسام مجدي وييين
ابتسام...يحكي مع وسام
امينه...احذفي الرساله اي شي يخصا ورحمه ايهم وعبسي لو يشوف رسائل يوسف تنتهي ماتخليش الشك يخش فيه
ابتسام...شن اندير
امينه...احذفيهييييين
ابتسام...حذفتهن كلهن ورقمه ف الحظر بس انا قلت شي ونادمه فيها
امينه...شن
ابتسام...كذبت علي اجودي
امينه...في شنووووو
ابتسام...خايفه يامني مش بيدي شي بس حركاته وخوفه عليا يقتل فيا
امينه...شننننن درتي انشالله حسستيه بشي
ابتسام...لالا قتله اني انا مريضه مش ح يصير من الدخله
امينه...وانتي جاتك الدوره مالكش شي
ابتسام...قطعتها نكذب مش عليا الدوره قلت انتعود عليه قبل
امينه....ليش مُصره تبي اتجننيني انتي
ابتسام....شن اندير لو نقوله نكذب مش عليا الدورهه ح يفهمني غلط واني درت هكي نبي انتعود عليه بس
امينه...عدي توا قوليله نكذب انا قلت هكي عشان خايفه بس
ابتسام...كان ماصدقني
امينه....يااااربي لايتفهمك عدي فهميه بشويا بشويا ومعش اتكثري مسكت التلفون ورقم الواطي حطيه في الحظر يشتت فيك بس
ابتسام...تمام ريحتيني باي
امينه...باي
ابتسام...تنهدت ريحتني حطت التلفون علي الزيانه ومشت للباب فتحاته تبتسم وخرت اجودي
مجدي...اجودي صار توا تحكلي علي كل شي............#يتبع
اسفه لو في لخبطه في الأسماء
ان شاءالله تنال #اعجابكم
#انتظروووووني في #الحلقه_ثالثه_والعشروون
#نورهان✍
