#اسكريبت
السلام عليك يا قرة العين..لا أريد أن تحدث بيننا علاقة ما قبل الزواج ما يطلقون عليها"ارتباط"، فأنا تربيت على آداب وحدود ترضي الله عز وجلّ
إن أحببت يوما فأمامي خيارين:إمّا الوصال بعقدِ قرانٍ مُبارك بالقرآن والسنة، أو الهجر والترك إلى الأبد.
ودونَ ذلك يهتك الحياء، يُمزق القلوب، يغضب الله، ويهلك النفوس بلا سابق إنذار..
فعجلّ بالمجيء حتى نأخذ بيد بعضنا البعض إلى الجنة
قفلت النوت وانا ببتسم ابتسامة تحمل كل معاني الرضا، الإنسان بقا عايش في زمن مليء بالمعاصي لدرجة أن الملتزم بالدين أمره بقا غريب، بل ممكن يبقى منبوذ!
البنت اللي مش بترتبط يبقى محدش بيبصلها أو معقدة أو شايفة نفسها على خلق الله!
تالله أننا نجاهد والموقف عسير، ولكننا عالمين كل العلم أنه طريق الفلاح، فلتكن محايدا بدلا من أن تكون معاديا فإني أخاف عليك من السيئة..
مرت أيام قليلة ووصلتني هدية عن طريق بابا، استغربت جدا مين ممكن يكون جايبلي هدية وموصلهالي عن طريق بابا، فتحتها ومن الصدمة مقدرتش أتكلم دقايق..
كان بوكيه اخمرة ملفوف بطريقة جميلة، ومسبحة يد مكتوب على ضهر الورقة بتاعتها" أنا كدا كدا جاي الرؤية الشرعية وعامل حسابي على الموافقة، دعوة شهور آن الأوان أنها تتحقق على ايدِك"
ومعاها رواية ولنا في الحلال لقاء، ايه العريس اللي يخطف القلب دا!
بعد استفسار من بابا عرفت أنه شاب اسمه زين ساكن في الزمالك وانا اصلا ساكنة في مدينة نصر، الله يعينه على المشوار والله!
ملتزم دينيا ومعندوش غير أخت واحدة و والده متوفي، بيكون مهندس وامام مسجد.
دخلت قعدت جنب بابا عادي خالص لحد ما سابونا لوحدنا،واتكلم..
_هو انا مين عند ربنا عشان يسمع دعوتي ويحققهالي بطريقة جميلة كدا، دعيته كتير اوي يا نور ومكنتش متوقع أن شخص ذيي ربنا يسمعه ويحققله
ابتسمت وبصيتله لأول مرة وقولت':مقلب القلوب وكاتب الأقدار لا يخفى عليه نداؤك حاشاه أن يرد يديك، من يستجيب في ليلة القدر يستجيب لك في يوم عرفه، وفي ساعة الجمعه، وفي الثلث الأخير من الليل، وبعد قولك لا اله الا انت سبحانك اني كنت من الظالمين، ودبر الصلاوات المكتوبه، وبين الاذان والإقامة، وعند نزول المطر، وعند سماع صياح الديك، وعند نزول المصيبه، وعند الاستيقاظ من النوم وقول الدعاء الوارد في ذلك، إن كنت مظلوماً، إن كنت مسافراً، دعاء الوالد لولده دعاء الولد الصالح لوالديه، ودعوتك إن كنت صائماً..في كل وقت تقول فيه يارب بقلب يستحضر قوته وعظمة قدرته وقلة حيلتك.. يستجاب لك، فربك حيي كريم يستحي ان تمد يديك ويردها صفرأ خائبين..!
بصلي واتكلم':هكون أسعد انسان في الكون لو قبلتي تكوني شريكتي وزوجتي وكل ما ليا، صلي استخارة وخدي وقتك بس مش اوي يعني وحابب اطلب طلب لو سمحتي
رديت':اتفضل
ابتسم':لو حصل نصيب باذن الله تعالى حابب أننا نعقد القران علطول
قومت من مكاني لما لمحتهم جايين':بابا هيبلغ حضرتك بقراري
دخلت هيئت الاوضة لجو العبادة وولعت البخور وطفيت النور ماعدا نور بسيط جدا وبدأت أصلي الاستخارة، صليت كتير، النهاردة اليوم التالت بعد الرؤية وبصلي للمرة السابعة وفي كل مرة برتاح، ودلوقتي آخر صلاة بردد"اللهم ان كنت تعلم أن زواجي منه خير لي في ديني و دنياي وعاقبة أمري فيسره لي وقدره لي وبارك لي فيه وبارك لنا وبارك علينا واجمع بيننا في خير"
خلصت صلاة وعيني اتجهت للنوت اللي كنت بكتب فيها لقرة عيني المجهول، دلوقتي اقدر اديهاله بكل قلب جامد، وعيني وقعت على الرواية اللي هو جابهالي بسرعة اخدتها وفتحتها، لقيته كاتب في أول صفحة
"يقينًا إلى أصابعي أنها ستتشابك مع أصابعك يوما ما، ويقينا إلى قدمي أنها ستشاركك خطواتك يوما ما، ويقينا إلى عيني أنها ستسبح في عينيك يوما ما، وعلى قدر اليقين تأتي الإجابة؛فأتيت أنت"
اقول اني بحبه قدام العالم كله!!
أقدر أقول إن النهاردة عقد قراني انا وهو وحقيقي الإنسان حاسس أنه اتخلقله جناحات وطاير بيها في السما.
كان يوم مميز بكل تفاصيله، يوم مش عادي بجد، كإنه مكافأة على اني حافظت على مشاعري ليه لحد اليوم دا
حسيت اني محلقة في السما لما وافق أننا منعملش فرح وعزم اقرب ناس لينا في عقد القران مع احتفال صغير وحجز بفلوس الفرح تذكرتين عمرة لمدة شهر مفاجأة ليا.
مر كتير ولسه مكملين، أيوة اوقات بنتخانق بس يكفي أننا اول ما نشوف وش بعض بنبتسم وبنتصافى، هو كان فاهم كويس اني سيبت بيت اهلي وكل حياتي وجيتله هو وانا مأمنة نفسي معاه فكان نتيجة كدة أنه حافظ عليا.
فهمنا عيوب بعض قبل المميزات، بل معظم عيوبنا اكتشفنا أنها مميزات، وجوده مَكانش بيزود السعاده بس، الحقيقه إنه كان دايماً الشخص الوحيد الـِ بيديني احساس الطمأنينه حتىَ لو مَكانش بيعمل حاجه مُجرد فِكرة إنه "هِنا" معايا، بتخليني أحس بالأمان.
الزواج مش بعبع ذي ما بقى متصورلنا دلوقتي، هو بس لو سهلنا الحلال الحرام هيتصعب، الزواج رباط مقدس يا عائش
كملت كلامي وانا بمسك ايدها وبتلفت عشان ابص على زين وهو بيتجول بين الناس في المسجد وبيوزع عليهم المصاحف على ما صلاة العشا يحين وقتها وبعد كدا التراويح':
الزواج عكاز يتكأ عليه اثنان تآلفا ورضيا بالمتاح يقطعان الطريق للكمال في الجنة..الزواج هو محمد وخديجة
بصيت عليها ولمحتها وهي واقفة مع عائشة وهي أخدت بالها من نظرتي ليها فابتسمت ودخلت جوا شوية كلمت نفسي':كانت أقصى أحلامي أن أضع يدي بيد والدها واستمع إلى جملة"بارك الله لكما وبارك عليكما وجمع بينكما في خير"، سعيت إليها واليوم هي زوجتي وأم أبنائي، هي أم عائشة حاجبة أبيها عن النار وأم أويس حبيب قلب أبيه وهي امي قبلهم..
وأخيرا.."رَزقّكُنَّ اللّه بذاك الذي يعيشُ الحربَ لأجلِ وصالكِ ، لـ أجلِ لُقياكِ💙
#بقلمي
#نور_حسن🌻
#حكايات_زين_ونور💙
