#اسكريبت 🦋.
_ما تحبني بقي حتي تاخد ثواب فيا
_يووه بقي ما بتزهقيش قولتلك انتي اختي يا الاء !
ضحكت_بس انت مش اخويا يا عمر انت ابن عمتي
_وانا بقي مش شايفك اكتر من اختي ويلا بقي سيبك من الكلام الاهبل ده وروحي ذاكري مش ناويه تتخرجي ولا اي السنه دي
_اكيد هتخرج
_طيب يلا روحي ذاكري
_ماشي يا عمر
"عمر ابن عمتي و عنده 25سنه وانا الاء اخر سنه في اداب انجليزي ،كل الناس عارفه اني بحبه بس هو حلوف لا يبالي !
"كنت قاعده بذاكر و مندمجه جدا اخر سنه واتخرج واشتغل في الترجمه اللي كان نفسي فيها بس للاسف سرحت شويه مفيش غيره عمر ،طول عمرنا في بيت واحد كان بيلعب معايا وانا صغيره و دايما واخد باله مني هو لي ما يحبنيش !
.
_ازيك يا عمتو
_اهلا الاء عامله ايه
_الحمدلله بخير انتي اخبارك ايه
_تمام جايه تسألي علي عمر
_اهه يا عمتوا
_ادخلي عنده هو جوه
"خبطت علي الباب وسمعت صوته فدخلت
_اهلا تعالي
_انا جايه اشوفك بتعمل اي
_هعمل اي يعني بظبط ورق الامتحان بتاع بكره
_اممم هات اشوفه كده
بزهق_لا و يلا اطلعي بره
_بجد عايزه اشوفه يا عمر
اتكلم بضيق_لا يا الاء بلاش رخامه الورق ممكن يضيع اطلعي بره
"طلعت وانا زعلانه انا كنت جايه علشان اشوفه بقالي يومين مبشوفهوش وهو مش في دماغه اصلا !
"كنت قاعده في المدرج و سرحانه و ملك جانبي بتكلمني
_الاء يبنتي بكلمك
_ها فيه حاجه
_لا انتي مش معايا خالص
_معلش يا ملك كنتي بتقولي ايه
_بقولك مش هتروحي معانا مرسي مطروح
_لا يا ملك
_لي بس
_اصل عمر مش راضي
_يادي عمر احنا مش هنخلص من تحكماته بقي
_هو مش متحكم فيا يا ملك هو بس مكان بابا لحد ما يجي من السفر
_طيب وانتي مش هتعرفي تاخدي بالك من نفسك
_لا هعرف بس هو يعرف اكتر مني
_ولا يعرف حاجه صدقيني هو آخره يتحكم فيكي
_لا لا مش ممكن يكون عمر تفكيره كده
_بكره تقولي ملك قالت
.
"كنت قاعده وبفكر في كلام ملك قطع شرودي صوت عمر وهو بيزعق
_اهلا يا هانم اقدر اعرف كنتي فين كل الوقت ده
_في اي يا عمر انت بتزعق لي
_كنتي فين لحد دلوقتي
_ما انت عارف كان عندي محاضره
_عندك محاضره ولا واقفه ترغي مع الشباب
_اي اللي انت بتقوله ده انت مش عارف انت بتكلمني ازاي ولا اي
_لا عارف مش كنتي واقفه تتكلمي مع محمد في الشارع ولا لا
_اهه اتكلمت بس
قطع كلامي _شوفتي علشان خالي مسافر تقفي مع ده وده صح
_انت مجنون ولا اي لا طبعا مش كده
_اومال اي يا هانم و بلاش تطولي لسانك
_هو كان عايز يكلمك علشان يطلب ايدي منك
زعق_لا طبعا مش موافق ده واحد ميسواش
فرحت _انت بتغير ولا اي
_بغير اي ونيله اي بس مش واحد زي ده يدخل عيلتنا و اياك تقفي تتكلمي مع حد تاني !
"خلص كلامه و طلع وانا اقفه مذهوله هو بيقول اي !
"كنت راجعه من الجامعه و لقيته واقف مع راندا جارتنا و ماسك أيدها و بيضحك ومقرب منها اوي ساعتها وقفت مصدومه و قلبي وجعني اوي ده ده ماسك ايدها و بيضحك بصتلهم بصدمه و طلعت اوضتي بسرعه ماما سألتني مالك و مجوبتش دخلت الاوضه و عيطت عيطت جاامد و قلبي بيوجعني اخر اليوم ماما خبطت و دخلت
_الاء انتي لسه في قاعده عندك
_اهه يا ماما معلش تعبانه شويه
_مالط يا حبيبتي فيكي حاجه
_لا مفيش يا ماما انا كويسه
_انا عندي ليكي خبر حلو
_اي هو يا ماما
_جهزي فستان سواريه علشان عندنا خطوبه
_خطوبه ...خطوبه مين !
_خطوبه عمر ابن عمتك ابوكي جاي من السفر بعد يومين هيكون هو جهز الخطوبه هيخطب راندا عقبالك يا حبيبتي
.
"طبطبت علي ايدي و خرجت ومحستش انها ساحبت روحي مني بكل بساطه هيخطب وهو عارف اني بحبه مكنتش اعرف ان القلوب بتنباع و تتكسر بكل سهوله كده !
