" ကံကောင်း လို့ ကိုယ့်ကိုယ် ကို မိတ်ဆက်တာတို့ တစ်ခြားတစ်ခုခုတို့ မလုပ်ရလို့''
ထိုအချိန်မှာပဲ ရှုပေါ်စုက ရယ်စရာတွေ့သွားလို့ရယ်မိတယ်။
" သူမ ဘာတွေတွေးနေသလဲ ဆိုတာကို ကိုယ်ခန့်မှန်း နိုင်ပါတယ်ကွာ။ အဲ့နေရာကိုသွား ကြရအောင်''
ရှုပေါ်စုက ကျန်းရှုရဲ့ ပုခုံးကိုဖက်ကာ ညစာစားပွဲဆီကို တိုက်ရိုက် ပဲသွားလိုက်တယ်။ ကျန်းရှုကတော့ ဘေးပတ်ဝန်း ကျင်ကိုလှည့်ကာ ကြည့်ပြီးပြောလိုက်တယ်။
" ခများရဲ့ အိမ်က အတော်လေးကို ဇိမ်ခံပစ္စည်းတွေ များတာပဲရော''
နောက်တော့ သူက ဟာသဆက်လုပ်လိုက်တယ်။
" အရင်က ကျွန်တော် နေတဲ့အိမ်လေးက စုတ်ပြတ် နေတော့လေ အရမ်းကိုရှက်မိပါတယ်နော်''
" ဒါက အဆင်ပြေ ပါတယ်ကွာ''
ရှုပေါ်စုက ခုံကိုဆွဲထုတ်ကာ ကျန်းရှုကို ထိုင်စေလိုက်တယ်။
" ဒီမှာထိုင်။ အိမ်ဆိုတာက ဘယ်သူမေသလဲဆိုတာနဲ့ပဲ သက်ဆိုင်တာပါကွ''
" ကျွန်တော် ယောကျာ်း ရဲ့ ပါးစပ် ကတော့ ချိုနေတော့တာပဲနော်''
ကျန်းရှုက သူ့ကိုတစ်ချက်ကြည့်ကာ ပြောလိုက်တယ် ။ ရှုပေါ်စု ကတော့ ပြုံးရုံသာပြုံးနေပြီးတော့ နောက်ထပ်တစ်ခုံကို ဆွဲထုတ်ကာ ထိုင်လိုက်တယ်။ ကျန်းရှုဘေးနားက ခုံမှာထိုင်တာ မှန်ပေမယ့် နေရာကအတော့်ကို ကွာဝေးနေတာကို သူတွေ့သွားတယ်။ ဒါကြောင့်မို့ မတ်တပ်ရပ် ကာ ခုံကို ကျန်းရှုနဲ့ နီးအောင်ဆွဲ လိုက်တယ်။
ခုံ၂ ခုံဟာ အရမ်းကို ပူးကပ်နေတာကြောင့် သူတို့ရဲ့ ခြေထောက်တွေ တောင်မှပဲ ထိကပ်နေကြတယ်။
" ဒါက မင်းအတွက် ''
ကျန်းရှုက ဒီဘက်ကိုလာနေတဲ့ ရှုပေါ်စု ရဲ့အဖေကို ကြည့်လိုက်ရင်း အသံတိုးတိုးနဲ့ ပြောလိုက် တယ်။
" ဟုတ်ပြီ''
ရှုပေါ်စုကတော့ သူ့အဖေကို အပြုံးကြီးကြီးတစ်ခုပြုံးပြကာ ခေါင်းငြိမ့် ပြီးနှုတ်ဆက်လိုက်တယ်။
YOU ARE READING
[Complete]လမ်းခွဲပြီးတဲ့နောက် ငါလက်ထပ်ပစ်လိုက်တယ်(mmtranslation)
Romance'' after break-up i got married'' (လမ်းခွဲ ပြီးတဲ့နောက် ငါလက်ထပ် ပစ်လိုက်တယ်) Original Author - Qianfeng Yihe E-translator - Rezioj27 Status in COO - 42 chapters+ 2 Extra ဒီဟာလေးကတော့ ဆွဲဆောင်မှု ရှိလွန်းတဲ့ ရှို့(shou) လေးဟာ သူ့ရဲ့ မကောင်းတဲ့ ex...
Chapter (40.1)
Start from the beginning
![[Complete]လမ်းခွဲပြီးတဲ့နောက် ငါလက်ထပ်ပစ်လိုက်တယ်(mmtranslation)](https://img.wattpad.com/cover/281649810-64-k803334.jpg)