قاع الشياطين

تغشيشه ...

هذا مقطع صغير من بارت مال اليوم الي راح ينشر من وكت ان شاء الله ...

ابتسمت هي شلون تعقد حظرتك ، نسيت انته مسيحي ..

هاا اشتغلت سالفه  الدياانه ست ميرال ، رد عليه بيبر احجي  عدل لك ..

رد بقله صبر وكف لحيله ، مو جااي اشوف  ، خليتني اجي و اجيب اهلي واتقدم بدل مره مرتين لااا نوب كعدت مرتك تكلي مسيحي شنو  واذا مسيحي بيه جرب مثلا ،  صدك تحجي بيبر وهاي اني صاحبك ..

جايب الك ناس ، و ياي عدي و حسب الاصول و بنت تحبني هااي كاعده كبالك موافقه شتريد بعد ..

- واذا البنت وافقت موافقتها مو مهمه ، المهم اختها اسمع ونفذ وانجب .. 

سكت دار وجه على عدي ساكت عيونه عليهم لزمت من ايده وكعدت ، واحد من الكبار الي جاين وياه حجه تفضلي عموو شنو طلبج ..

-ابنكم مو مثل ديانه اختي شلون يعقد عليها ، 

-ردت الثاني مدني غير ..

-شلون مدني يعني ، ليش اكو مدني بالعراق ..

سكتوو ماعدهم معلومه ، جرت نفس ، ماكو شي اسمه زواج مدني بالعراق ، شلون راح تعقد عليها بس لا عبالك تضحك علينه بحي الله ورقه و اختي هيج  تروح حقوقها .

حجت تزوجها عقد اصولي بالمحكمه وخلص ..

-رد مو لازم ..  قاطعته لازم تاسلم اي شكو بيها ..

-لا هاي العايزه وكف لاااا لهنااا وكاافي ست  ..امه حجت هالكلام مرفووض شباب حبوو بعض شدخل الدين بعد .. 

-رجال جبير نترر كووم اكوول كوووم 

ابتسمت مدت ايدها عليه وينج تالاا .. اني وجهي صووفر من الخوف ..

-حجت شوفي شلوون شوفي شلون مامستعد يسوي شي لاجل عينج ..

-صاح  بغضب :-لا توزيهاااا شنوو انتي من بشر ..

وكفت لحيلها :- هي جمله تنطقها باي مكان عند شيخ او امام ، و روح الله وياك تزوجو بالمحكمه بس مال اتضل هيج وتريد تزوج اختي غلطان ماسمح بهذا شي لا وداعت اهلي ، هذا بدينه الاسلامي يعتبر كفر ..

-رد عدي شلون لعد المسلم يزوج مسيحيه و المسيحي ميصير يزوج مسلمه ..

اندارت على مصدر صوته وحجت مستهزئه :- تسال و هذا انته مسلم ؟؟! لا عتب على دانيال لعد ..

المسلم يجوز يزوج مسيحيه او يهوديه اي امرأه كتابيه ، لان امن بعيسى وامن بموسي .. 

اما لا اليهود ولا المسيح امنو بمحمد عليه الصلاه والسلام . 

من يامن برسولنه وبنبينا اخلي يكبع وياخذها  ، 

جرتني من ايدي وحجت وزني نفسج هسه و اعرفي غلاتج غير هالشي ماراح يكدر يثبت حبه بس بهل طريقه .. 

عافتني و مشت صاح وراها 

....................................................

داشوف المنشورات الجميله على الفيس ..💜😘