قاع الشياطين

تغشيشه 💜

السلام عليكم ... ورداتي ..

وسن بالمطبخ ويمها ام زياد ، سلمت و دخلت ناويه اصعد فوك لغرفتي ..

صعدت اسمع صوت عواد بالطابق الثاني ، مديت ايدي كبل على الماشه الي بشعري جريتها ،

بلعت ريك ، اقترب صوته هو يخابر ماعرف شنو بس اسمع يكله ديله ساعه ويمك...

توه اصعد اخر بايه حسته بوجهي لان العصا طخت بحذاء نزلت بايه حجيت شو بلا زحمه ..

جر عصاتي من ايدي حيل و حجه توزين اخوي عليه موو ..

جريت نفس كوه ابتعد بلا زحمه ..

دفعني من جتفي حيل مو وياج يالعميه ، دمعت عيوني ابتعد عفيه ..

لزمني من كتفي حيل و ضفط بيده شسووين اذا ماوخرت ..

لزمت الماشه ضغطت عليها حيل ، رد مو ويااج طالع الج السان ، طخ صدره بوجهي ، رجعت بايه ثانيه ، عتني حيل عليه ، اني رفعت الماشه وغرستها حيل وين اجت مادري ..

بس اسمعه صاح ياكحب* و نطاني دفره اجت بطني ، رجعت ليوره ماكدرت اسيطر ولا الزم المحجر ،

وكعت من الدرج من اول بايه لاخرها عطت ..

تدحرجت اني والعصا ، الضربه مال الدحرجه اجته ترس على جتفي و حوض و راسي ..

..........................................

الي تكول ليش الاسلوب تغير ..

الاسلوب كما هو يروحي هذا الكلام هو عن لسان ميرال ، بس كون هي ماجانت حاظره بذاك الوقت وماشافت بعيونها ، ماكدرت تحجي بصيغه ميرال ..

حجت بصيغه الغائب لان هاي الاحداث و المعلومات عرفتها بعدين واكتشفتها بعدين ...

مثل علاقه ساري هي ماجانت موجوده بس بعدين اكتشفت السالفه وتفاصيلها ، وهذا الحدث مهم مستحيل افوته و اكتب ساري جانت عنده علاقه بغدير وبس ..

لااا هالشي غلط و حدث مهم ولازم الكل ينتبه عليه ، ويعرف مساوء النت وعدم الرقابه على المراهقين سواء ابنائنه او اخوتنه الصغار ، اما شغل بيبرس وغيرها من الامور ..

هم هي ذكرتهم بس بصيغه الغائب لان ماتعرف تفاصيل عرفت الاحداث و تواريخها من بعضهم والي حجو الها ، بس تفاصيل لاا .. لان جانت بوضع مايسمح الها تنتبهه او هي ماجانت تعرف الي حواليا شنو ..

يماا من تكتبين قصه و صديقاتج يهدن عليج يردن تحجيلهن على صفحه الاحداث 😅😂 بالله هذا غش لو مو غش بحقكم ...

بس هيهات ابد ماانطي ابد .. 🤭

شكل الحصان هو يباوع على ساري السرسري و غدير بالاسطبل ..