"ဂျောင်ဂုဟိုမှာမင်းဟာလေးလာနေတယ်"
ဘေးကသူငယ်ချင်းရဲ့ ခပ်တိုးတိုးပြောသံကိုကြားတော့ မျက်မှောင်ကြုပ်မိလျက်သား...စိတ်ထဲတွင်တော့ အနှီးကောင်လေးဘာတွေပြဿနာရှာဦးမလဲဆိုပြီးမျက်ခုံးခပ်လှုပ်လှုပ်ရယ် ။
အစီအစဥ်ကျနေတဲ့သူ့ဘ၀ထဲ ထိုကောင်လေးရုတ်တရက်၀င်ရောက်လာကတည်းက အစီအစဥ်တွေအကုန် ကပြောင်းကပြန်ဖြစ်ကုန်တော့တာပဲ ။
"ဂျောင်ဂု!!"
လူကိုမမြင်ရသေးဘူး အသံကအရင်ထွက်လာတယ်လို့ စိတ်ထဲခပ်ချဥ်ချဥ်တွေးလိုက်မိသေးတယ် ။ သို့သော်အတွေးတွေကမကြာလိုက်ဘူး မျက်စိရှေ့ရောက်လာတဲ့ မိုင်လိုဘူးလေး...
"ဂျောင်ဂုအတွက်"
"မလိုဘူး"
"သည်မိုင်လိုကိုလက်ခံမလား ကျွန်တော့်နှလုံးသားကိုလက်ခံမလား"
"အားနာပေမယ့် မိုင်လိုကိုပဲလက်ခံလိုက်ပါ့မယ်"
"အာ ဒါဆိုဂျောင်ဂုကကျွန်တော့်နှလုံးသားတစ်ခြမ်းဖြစ်သွားပြီ"
"အဓိပ္ပါယ်မရှိတာတွေမပြောဘဲ မင်းဟာမင်းပြန်ယူသွားတော့"
"ဒါဆိုဂျောင်ဂုနှလုံးသားတစ်ခြမ်းကို ကျွန်တော့်ဆီပေးလိုက်တာပေါ့ ။ ချစ်တယ်နော်ဂျောင်ဂု!!"
ပြောချင်ရာပြောပြီး လက်ထဲကမိုင်လိုဘူးကိုဆွဲယူကာ ပြန်ပြေးသွားတဲ့သူကြောင့် အခန်း၀မှာကြောင်'အ'စွာ စက္ကန့်၀က်လောက်ရပ်နေမိတယ် ။ ပတ်ဂျီမင်းဆိုတာအဲ့လိုလူပဲလေ သူပြောချင်တာကုန်ရင် ပြေးထွက်သွားမယ် ပြီးရင်နေ့တိုင်းချောင်းပေါက်မတတ်သူ့ဆီလာမယ် ။ အင်း...အစီအစဥ်တကျဖြစ်နေတဲ့သူ့ဘ၀ထဲ ကြားဖြတ်၀င်လာတဲ့အစီအစဥ် မမည်တဲ့အစီအစဥ်လေးပေါ့ ။
လက်ထဲကိုငုံ့ကြည့်လိုက်တော့ ဆုတ်ကိုင်မိလျက်သားစာရွက်ပိုင်းလေးတစ်ခု...
*ဒီနေ့လည်းပဲ ဂျောင်ဂုကိုသဘောကျတယ်
D-147*
မသိလိုက်ပါပဲ နှုတ်ခမ်းအစုံဟာကော့တက်သွားရ၏ ။ ထို့နောက်စာရွက်အပိုင်းလေးကိုအင်္ကျီအိတ်ကပ်ထဲခေါက်ထည့်ထားလိုက်တော့သည် ။
______________
ESTÁ A LER
Take this milo, now you're half of my heart //Kookmin//✔️
Fanfic"ကျွန်တော်ပေးတဲ့ Milo ကိုလက်ခံမလား ကျွန်တော့်နှလုံးသားကိုလက်ခံမလား" "Milo ကိုပဲလက်ခံလိုက်မယ်" "Milo ကိုလက်ခံလိုက်လို့ အခုကစပြီးခင်ဗျားကကျွန်တော့်ရဲ့နှလုံးသားတစ်ခြမ်းဖြစ်သွားပြီ" Genre: Romance , Fluff Start date:03.06.2022 End date:08.06.2022 "ကြၽန္...
