" ၆ နာရီကျော်ပြီဆိုတော့
ကိုလွှမ်းတစ်ယောက်ထဲ စောင့်ဖို့
နည်းနည်းမှောင်နေပြီလေ။
ကျွန်တော်စိတ်မချဘူး"
"ဪ ဟုတ်ကဲ့.."
လွှမ်းသုတ ခေါင်းညိတ်ပြလိုက်ပြီးမှ
လက်မှနာရီကိုတစ်ချက်ကြည့်လိုက်မိသည်။
၆ နာရီ မိနစ် ၂၀ ပင်ရှိနေလေပြီ။
ဝေမှူးပိုင်က လွန်ခဲ့သည့် ၄၅ မိနစ်ခန့်ကတည်းက
သူထွက်လာပြီပြောသွားပြီး ဘာလို့အခုထိ
ရောက်မလာသေးတာလဲ။
လွှမ်းသုတ ဝေမှူးပိုင်ကို
ဖုန်းထပ်ခေါ်လိုက်မိ၏။
တစ်ချက်နှစ်ချက်ခန့်ဖုန်းဝင်ပြီးသည့်နောက်တွင်
တစ်ဖက်က ကိုင်လိုက်၏။
"အင်း ကျောင်းထဲဝင်ခဲ့ပြီ"
"မြန်မြန်လာ.."
အနည်းငယ် ဆူအောင့်အောင့်လေးပြောကာ
ဖုန်းချပစ်လိုက်သော
လွှမ်းသုတ၏ ပုံစံကိုကြည့်၍
ထက်မာန်က ပြုံးလိုက်ပြီးမှ
" အိမ်ကလား.."
"ဟုတ်ကဲ့.."
ထက်မာန်က ခေါင်းတဆတ်ဆတ်ညိတ်၏။
ခဏအကြာ သူတို့အဆောင်ရှေ့တွင်ရပ်လာသော
ဝေမှူးပိုင်၏ ကားကိုတွေ့လိုက်ရသည်။
ကားရပ်ရပ်ချင်းပင် ဝေမှူးပိုင်က
ကားမှန်ကိုချ၍ သူတို့ကို ခပ်တင်းတင်း
စိုက်ကြည့်လာ၏။
လွှမ်းသုတ ထက်မာန်ဘက်သို့လှည့်ကာ
"ကိုထက်မာန် ကူစောင့်ပေးတာ ကျေးဇူးပါခင်ဗျ။
ကျွန်တော်သွားလိုက်ပါဦးမယ်"
"ဟုတ်ကဲ့ ရပါတယ်ဗျ ။ ကိုလွှမ်း သွားပါ။
ကိုလွှမ်းရဲ့အစ်ကိုက စိတ်မရှည်တော့ဘူးထင်တယ်"
ဝေမှူးပိုင်ကို သူ့အစ်ကို
ထင်နေသည်ကြောင့် လွှမ်းသုတက ချက်ချင်းပင်
" ကျွန်တော့်ချစ်သူပါ"
အနည်းငယ်အံ့ဩသွားဟန်ရှိသည့် ထက်မာန်ကို
လွှမ်းသုတ ပြုံး၍ နှုတ်ဆက်လိုက်ပြီးမှ
ဝေမှူးပိုင်ဆီသို့ ထွက်ခဲ့လိုက်၏။
~~~~~~~~~~~~~~~~~~~~
ကားပေါ်ရောက်သည်နှင့် လုပ်နေကျအတိုင်း
ဝေမှူးပိုင်၏ ပါးကို လှမ်းနမ်းဖို့ ပြင်သည့်အချိန်
တွင် ဝေမှူးပိုင်က ခေါင်းကိုတစ်ဖက်သို့ယိမ်း၍
ရှောင်လိုက်သည်ကြောင့် လွှမ်းသုတ
ကြောင်တောင်တောင် ဖြစ်သွားမိသည်။
YOU ARE READING
RO ( ရို ) (Completed)
RomanceMyanmar BL. Two Romantic love stories (Bitter sweet + Pure sweet) Uni Life OWN CREATION TEEN ROMANCE UNICODE/ZAWGYI Start Date : FEB 26 2022 End Date : JUNE 11 2022
Love Sequel 2 (Hmue + Hlwan)
Start from the beginning
