ايااابه شحياكم .. اشتاقيتلكم واسفه عالكطعه
نكمل ...
دنيا .. رحت بدلت وست بنين جلبت كلعادة لازم تجي رجلها على رجلي
بنين .. اكولج الحمرة الجبتها الج ذاك اليوم وينها
دنيا .. شمدريني شوفيها وين
بنين .. يعني هم اني جايبتها وهم تشمريها
دنيا .. اللي يسمعج يكول متوسله بيج د تجيبيلياها
بنين .. دمشي يلة تأخرنا
دنيا .. جيت
رحنا اني والبنات وكلنا
ولمن وصلت المطعم انصدمت
الكل .. سربرايز
دنيا .. يا هاي شمسوين
بنين .. غير دنفاجئج دسوي ردة فعل
دنيا .. عمري. أنتو متعبين نفسكم
سارة .. لا يابه إذا انتي منودعج المن نودع
دنيا .. جان الكل مجتمع بنات خالاتي وخوالي وعماتي همين كلهم وصديقاتي انصدمت لأن جانوا هوايه
علي .. اي شلونها السربرايز ست دنيا
دنيا .. من شفته انصدمت مجنت منتبهة انه هو موجود اساسا رديت بأرتباك .. حلوة تسلمون
سارة .. اصلا الفكرة جانت فكرته حرام محد تذكرج
دنيا .. ستوج تكولين اذا منودعج المن نودع شو تغير الحجي
سارة .. اي غير جنت اضحك عليج شوية
دنيا .. ايي هسه ترا اني جعت اريد اكل
بنين .. لعد شمتوقعين حتهتملكم لو للمفاجأة اهم شي الاكل
دنيا .. اكلنا وخلصنا رحت ويا بنين للحمام عدلنا الميكب وطلعنا
علي .. ها اوصلكم
بنين .. اي فدوة هاي دنيا هسه تمشيني للبيت
دنيا .. كرصتها .. لا عيني مايحتاج بابا حيجي ياخذنا
علي .. عليش معنينة منا لهناك اني اوصلكم يابه
بنين .. متكليلي ليش تعاندين امشي خلي يوصلنا
دنيا .. خلتني تحت الامر الواقع بعد رحت داصعد
بنين .. انتي صعدي ليكدام استحي
دنيا .. ستوج سويتي الولد السايق مالتنا شو انتي تصعدين
بنين .. اووي دروحي مو زين مني دانطيج الفرصة
دنيا .. فرصة ايش؟
بنين .. اي مو اني غشيمة عبالج مادري بيج تحبي
دنيا .. هاي شبيج شدتحجين
علي .. اذا حتضلون تتناقشون برا ف حعوفكم بنص الشارع وافلت
بنين .. على كيفك حتضل تذكرني ميت سنة ليكدام وصلتكم و وصلتكم
علي .. ديلا امشي صعدي
دنيا .. ورا نقاش طويل اقتنعت بنين تصعد ليكدام جنت متوقعه انه خلصت بس ضل الطريق كله يباوع من المراية مال سيارة وبنين انطلقت تضحك وتسولف
بنين .. شكرا علاوي تعبناك ويانه
علي .. لا يابه هو انتو على طريقة وتدللين بأي وقت
دنيا .. نزلنا واول مافتنا تلكتنا امي
ام دنيا .. هاا تونستوا
دنيا .. اي والله كلش تونسنا انتو ليش ماجيتوا
ام دنيا .. هو اني بية حيل تعاي سلمي على هاذ وذاك وجاملي كلت انتو شباب تتونسون بيناتكم
بنين .. اكلكم اني خرطت من التعب حروح انااام
دنيا .. اي والله اني هم تصبحون على خير
ام دنيا .. وانتو من اهله
دنيا .. صعدت نمت وكلامه مديروح من بالي ونظراته وكلشي مااكدر لا ابقى وياه واسامحه ولا داكدر اعوفه ماعرف شسوي اول مرة بحياتي اكون ضايعة لهاي الدرجة فزيت من افكاري على صوت اشعارات التلفون
وجان المسج منه ..
علي .. لشوكت حتضلين تسوين هيج ؟
دنيا .. محيتغير شي لاتحاول تأثر علية
علي .. دنيا تدرين شدتسوين بيه انتي؟
دنيا .. لا مادري ولا اريد ادري
علي .. لج انتي مثل الواحد اللي دينطيك شي تريدة وتتمناه كدامك بس متكدر تلمسه او تشوفه جاي تتخيلين انتي شنو بالنسبة الي ؟
دنيا .. انته اللي لشوكت حتضل تجذب وعبالك اللي كدامك متفتهم
علي .. شمجذب لخاطر الكائنات متكليلي شمجذب ؟
دنيا .. تريد اقتنع هسه ورا كل اللي سويته انته اصدك انه انته تحبني ؟
علي .. اني احبج؟ دنيا انه عاشكج
دنيا .. لو تحبني من صدك مجان رحت ..... خلص ماكدر اكمل
علي .. كمليها كمليها جان مرحت ك*** ويا نورس
دنيا .. زين تعرف نفسك
علي .. غلطت وانه ما معصوم وانتي تعرفين شكد متندم
دنيا .. ميفيدني ندمك ولا اسفك وخاف جان اكو شوية حب او شوية جان الك خاطر يمي هسه ماكو ومتهمني
علي .. حنشوف ست دنيا حنشوف..
دنيا .. نشوف .. باي
دنيا .. شكد جنت احبه شكد جنت افرح من اشوف هذا الاهتمام بس هسه صار كل كلامه ينرفزني صرت اشوفه شيطان وكدامي ولا عبالك هذاك علي
وهيج اختم وياكم البارت .. شتتوقعون منو نورس وليش دنيا دتسوي هيج؟
بالنسبة للتنزيل ف ماكو موعد معين شوكت ما اخلص البارت انزله الكم❤❤
احبكم هواااية هواية
YOU ARE READING
ذلني من عشقني
Romanceهي قوية جريئة جميلة لأبعد الحدود يقع في حبها مغرور متملك لتعيش في وسط دوامة من المشاعر والافكار ف إلى أين يذهب بها القدر ؟ #ذلني_من_عشقني
