اياابه شحياكم .. اشتاقيتلكم هواية
رجعنا بالبارت 3 واسفة عالتأخير مرة ثانية
دنيا .. من شفت بابا هيج متحملت وخربت ضحك
بنين .. يااا بابا هاي شصايرلك
جواد .. اي اضحكن ضحكن هاي طسة بالشارع مدري يا كل.. ابن كل.. حاطها بالليل
بنين .. لعد مشفتهاا هسة شلون نطلع
جواد .. اي انتي حايرة بس بالطلعة متكولين هذا ابوية تاذة
دنيا .. صدك بابا تأذيت؟
جواد .. بعد وكت ست
ام دنيا .. يلا كافي عيني ابو محمد قميصك الثاني كاويته اني هناك عال طبلة بالغرفة
جواد .. يلا رايح ابدل أنتو اصعدوا بالسيارة
دنيا .. عاد اني استغليت الفرصة ورحت غيرت الحمرة جنت ممقتنعه
بنين .. ولج مو خلصتي شدتسوين
دنيا .. صبري داعدل الحمرة بعد
جواد .. مو كلتلكم صعدوا بالسيارة شعدكم واكفين
ام دنيا .. والله دننتظر الست تعدل الحمرة
جواد .. عوفوها مادام طلعت هيج معدل اليوم ورفعت راسي هيج ماقبل احد يحجي وياها
بنين .. لعد وآني بابا مو بنتك
جواد .. انتي حبيبتي بس هي جاهلة ونقشمر عليها
دنيا .. خلف الله عليك بابا سويتني جاهلة
جواد .. ديلا امشوا للسيارة حتى حنتاخر من وراكم
دنيا .. صعدنا بالسيارة وبنين متقبل الا تكعد من الجهة مالتي وتريد اخذ حمودي
ام دنيا .. كااافي بنات الاوادم حتى من نطلع تتعاركن جيبي حمودي خلي يمي
دنيا .. صاحت بينا خلتنا نفعل الوضع الصامت
جواد .. بابا دنيا طلعيلنا اغنية شي شو اليوم سنطة
دنيا .. تدلل هسة اطلعلك.
دنيا .. شغلت اغنية ل ياس خضر ابوية يحب هاي الأغاني مال قبل وللامانة هي حلوة تحس نفسك تدخل بالذكريات ومتطلع بعد
شغلتها وهو يغني وياها
تتاايبين ما نمر مرة بدربكم ..
حالفين مانرد يوم على حبكم ..
غلطة مرت وانتهت شمعة العشرة طفت
والذنب هو ذنبكم ..
تايبين وللمحنه مايرجعنا الحنين ..
وكملها بس محافظه بقية الكلمات
وصلنا وكال بابا نزلوا طبعا كلعادة بنين كضتها ساعة تعدل بشعرها عبالك جايين من سفر وطريق
دنيا .. يلا عااااد
بنين .. اصبري شبيج
دنيا .. ولج يلا أريد اكل
بنين .. محايرة بس بالاكل يلا امشي
دنيا .. دخلنا المطعم واصلا جننا حاجزين طاولة عود مطعم فخم وحركات الا حجز مسبق
جواد .. يلا عيني ستات شتريدون تاكلون
الكل .. بكيفك
جواد .. اني إذا علية اجيبلكم فلافل من جبار ابو الشربت شحلاتها احسن من هالكعدة هاي
بنين .. لااا غير دنحتفل ب دنيا
جواد .. لعد دنيا تطلب
دنيا .. ليش تخلوها براسي هو اني وين اعرف اطلب
جواد .. ديلا لعد نجيب بيتزا عائلي وشاورما ومقبلات بعد؟
دنيا .. اي وببسي اهم شي
جواد .. صار
دنيا .. صاح عالكابتن ووصالنه وصدك ما تاخروا نص ساعة واجا الاكل اكلنا وكمنا نخربط عاد ناخذ صور ونصفن
بنين .. جيبي تلفونج كاميرته احلى من مالتي
دنيا .. هاج دخذليج صورة براسها حظ كل صورج مبرطمة
بنين .. اووي شعليج ليش مضغوطة من جمالي
دنيا .. اخذي شعلية بعدلج بس تسويلي ميتة من الحرة
بنين .. ووجع اعرف اسمي بنين بس مو هيج
دنيا .. ديلا اخذي وفضيني أريد اروح للحمامات اعدل شعري
بنين .. يلا امشي نغسل
دنيا .. رحنا للحمامات عاد عدلت الحمرة اهم شي لأن حنروح نتمشى بالمول ونوب ناكل حلويات
جواد .. ادري ساعة بالحمام جنتوا تحررون الموصل وآني مادري؟
دنيا .. ايي شمدريك
جواد .. ديلا امشوا
دنيا .. رحنا للمول افترينا وراها كعدنا اكلنا حلويات وسوالف ورجعنا للبيت
بنين .. ويي هلكت هسة شيمسح المكياج
دنيا .. محد كلج تلبخين نص المكياج الي بالغرفة
بنين .. نجبي بدون زحمه
دنيا .. رحت غسلت وبدلت وراها اكيد للفراش بنهاية اليوم
YOU ARE READING
ذلني من عشقني
Romanceهي قوية جريئة جميلة لأبعد الحدود يقع في حبها مغرور متملك لتعيش في وسط دوامة من المشاعر والافكار ف إلى أين يذهب بها القدر ؟ #ذلني_من_عشقني
