ايااابه شحياكم اشتاقيتلكم💞 شلونكم ويا الصيام ؟ اكتبولي اليوم 3 يوم بشهر رمضان المبارك وهمين البارت 5 ، يلا نبلش؟
علي .. كعدت الصبح اليوم من وكت نزلت بست رأس الوالدة
وكلتلها .. صباح الخير يمه
ام محمد .. يا هلا بهالصباح هاي منو منور اليوم عليوي وكاعد من الصبح شعجب
علي .. مو كلتي تروحون لبيت خالتي مدري وين وانه ماعندي شغل كلت اجي وياكم
ام محمد .. ماعندك شغل او تريد تشوف دنيا ؟
علي .. احنا مو كلنا نسد هذا الموضوع لو اني غلطان؟
ام محمد .. ادري يايمه بس هاي دنيوة لتفكر بيها حتى
علي .. ليش بله
ام محمد .. البنية مدللة وحلوة وبغدادية وتريد
تدرس بالخارج عندها حرية بكلشي وتخاف وحساسة انته جيبلك حمدية كلش كافية عليك
علي .. ليش شبيه اني يمه ترا دتحسسني مو ابنج
ام محمد .. يا يمه انته عصبي وغيور وهي حياتها تختلف عن حياتك ولا اني شفايتلي تصيرلي جنه مثل دنيوة بس ماريد اتفشل ويا اختي بعدين
علي .. افاا يعني انه افشلج
ام محمد .. لا بس ادري بيكم متتفاهمون عوفها للبنية لتضغط عليها هي لو رايدتك جان انه رحت خطبتها الك
علي .. خلص خلص نسد السالفة كلشي بوقته حلو
ام محمد .. والله شكلك ناوي بس تريد تحطني تحت الأمر الواقع بعدين
علي .. كلشي بوكته حلو
يلا نطلع عاد؟
ام محمد .. اي بس اجيب الجنطه أريد ابات لان
علي .. اخذت السويج وشغلت السايرة اجت الحجية صعدت وانطلقنا الطريق بيننا وبين بغداد طويل طلعنا من الصبح وصلنا ساعة 12 الظهر
وصلنا ل بيتهم توقعتها حتفتح الباب واكحل عيني بشوفتها بس فتحته بنينة
لني افوت واشوفنها كدامي واكفة حسيتها انصدمت من جيتي صارت عيني بعينها اندارت وراحت
كعدنا وسولفنا لما كمت عالاكل عرفت هي مسويته اعرف كلشي حافضها حافظ حتى الاكل اللي تسوي اعرفه من اللي مو هي
خلصنا غدة واجت جابت الجاي تقصدت اوكعها
وصار علينا ثنيناتنه تريد تروح تغسله بس تقصدت اني اروح حتى اخذ شوية وقت وياها
عبالها تروح جريتها من ايديها وحصرتها عالحايط صفنت بعيونها سبحان الله من يبدع ب شغلة حسيتها توترت كالت بصوت خافت عوفني مصدكه انه اني حعوفها هيج بهاي السهولة
اعرف السويته ماينغفر بس تندمت حيل
للحضة وزني الشيطان بس كلتلها تروح ماريد ارتكاب بلاء ثاني فوك اللي سويته عسى ولعل تتقبلني مرة ثانية
_______________}{__________________
دنيا .. طلعت سريع وجسمي يرجف انضربت ب بنين
بنين .. هاي شكو شبيج؟
دنيا .. هيج ماكو شي
بنين .. لعد شبيج شكلج هيج
دنيا .. وكعت على ايدي وتوجعني
بنين .. تريدين مرهم اكو فوك
دنيا .. لا هسة اخلي عليها ثلج وتصير احسن
بنين .. براحتج
رحت طلعت صينية واخلي فواكه واغسلهم بس اللي مو يم الاكل زين شنو معناه اللي سواه هسة؟ يعني من صدك متندم؟ ها دنيا حنيتي؟لا لا مارجعله بعد لو تنطبق السماء عالارض
فزيت على صوت بنين
.. وين صافنه
دنيا .. هيج دافكر بالسفرة
بنين .. والله انتي مو خالية بس انتي متريدين تحجين
دنيا .. لا ولج ماكو شي
سويت الاكل وكلشي وخليته عالطاولة كعدوا ياكلون ويسولفون
.. ماما اني صاعدة انام
ام دنيا .. روحي حبيبتي
دنيا .. صعدت ذبيت نفسي عالفراش حسيت عبالك صارلي قرن منايمة ونمت
فزيت بالليل على صوت صياح نزلت طايرة جوا عبالي صاير لأمي شي
دنيا .. هاي شكو يا ستار
بنين .. خالة وكعت من الدرج وركضوا بيها المستشفى
دنيا ... يااا شلون وكعت
بنين .. والله مادري جانت تمشي طبيعي وضغطها فجأة هبط وداخت ووكعت
دنيا .. خل اخابر ماما اتطمن
بنين .. هسة ركضوا من انتي نزلتي هسة هي بيا حال
دنيا .. هم صدك كومي نسويلهم عشا لما يجون
بنين .. كومي
دنيا .. كعدنا نسوي اكل قلينا أشكال وسوينا دجاج بالفرن بقت بس المقبلات حنسوي
خابرت على ماما وطمنتني كالت ماكو شي بس رضوض بسيطة وجان ضغطها هابط شوية ف داخت
والدكتور همين ناطيها علاج
ورا نص ساعة كملنا كلشي وندكت الباب
دخلت ماما وراها خالاتي وعلي لازم خالة ميعوفها وهي تريد تمشي وحدها
كعدت خالة وجبتلها مي
عاد جبنالها مخدة وفرشنالها عالقنفات لان غرفنا كلها فوك ومتكدر تصعد
صبينا العشا تعيشنا وآني مصدكت خل اليوم رحت بسرعة بدلت ونمت
YOU ARE READING
ذلني من عشقني
Romanceهي قوية جريئة جميلة لأبعد الحدود يقع في حبها مغرور متملك لتعيش في وسط دوامة من المشاعر والافكار ف إلى أين يذهب بها القدر ؟ #ذلني_من_عشقني
