" နောက် ၃ ရက်နေရင် သွားမှာ မေမေ"
"ငွေဆောင်ကိုနော်"
" ဟုတ် မေမေ.."
" စီနီယာတွေရော
အကုန်ပါမှာ သေချာတယ်မလား"
"ဟုတ် ပါမှာ"
"စိတ်သိပ်မချပေမဲ့
ကျောင်းကိစ္စဆိုတော့လည်း သွားရမှာပေါ့"
" မေမေက အပြင်သွားမလို့လား ။
မဖြူကိုမေးတော့ မေမေက
မနက်အစောကြီးကတည်းက မနက်စာ
စားပြီးတာတဲ့"
" အင်း ဒီနေ့.. နင့်အန်တီလေးနဲ့ ပြင်ဦးလွင်မှာ
မြေကွက်တစ်ခု သွားကြည့်မလို့..။
နင့်အန်တီလေးကလည်း သူ့ယောကျ်ားရဲ့
အလုပ်ကိစ္စတစ်ခု လိုက်လုပ်ပေးစရာရှိသေးတယ်တဲ့။အဲ့ဒါအတူသွားကြမလို့"
"ကားက မေမေမောင်းမှာလား"
"နိုင်ဝန်းသော် ပါမှာလေ.."
" ဟွန့်..မေမေက သားကျ မခေါ်ဘူး"
ရှန်ခွန်းနောင် စူပုပ်ပုပ်လေးပြောလိုက်သည့်အခါ
မေမေက ခပ်တည်တည်ဖြင့်..
" အပျော်သွားမှာမှမဟုတ်တာ။
အရောင်းအဝယ်ကိစ္စသွားလုပ်မှာ"
" အဲ့ဒါဆို မေမေတို့ အပြန်
နောက်ကျမှာပေါ့.."
"ညပိုင်းလောက်မှပြန်ရောက်မယ်ထင်တယ်။
မြေကွက်ကြည့်ပြီးအဆင်ပြေရင်.. တစ်ခါတည်း
အရောင်းအဝယ်အတွက် စကားပြောပြီး
ငွေချေခဲ့တော့မှာ"
" ဪ.. ဟုတ်"
ရှန်ခွန်းနောင် ပြုံးစိစိလေးလုပ်လိုက်မိသည်။
တစ်နေကုန် မေမေမရှိဘူးဆိုရင်..
ကိုကို့ဆီမှာ အေးအေးဆေးဆေး သွားနေလို့ရပြီး
မေမေ ပြန်မရောက်ခင်မှ ပြန်လာလို့ရပြီ..။
ထိုအချိန်တွင်ပင် ခြံရှေ့မှ ကားဟွန်းသံကို
ကြားလိုက်ရ၏။
"လာကြပြီထင်တယ် ။ မေမေ သွားတော့မယ်။
အပြင်လျှောက်သွားမနေနဲ့ ။
စာမေးပွဲက နောက်လကုန် မဟုတ်လား ။
အိမ်မှာပဲ စာကြည့်နေ"
" ဟုတ်"
" ပြောလိုက်ရင်တော့ အမြဲတမ်း ဟုတ်ပဲ။
ပြီးကျမှ.. မသိအောင်လုပ်တာ.."
YOU ARE READING
RO ( ရို ) (Completed)
RomanceMyanmar BL. Two Romantic love stories (Bitter sweet + Pure sweet) Uni Life OWN CREATION TEEN ROMANCE UNICODE/ZAWGYI Start Date : FEB 26 2022 End Date : JUNE 11 2022
အပိုင်း(၂၆)
Start from the beginning
